Blog

Kryetari i degës së PDK-së në Suharekë, Dardan Berisha, ka zbuluar pesë kandidatët e nominuar nga kjo degë për përfshirje në listën e kandidatëve për deputetë të Partisë Demokratike të Kosovës.

I rendituri më së larti nga pesë të nominuarit është ish-ministri i Jashtëm, Enver Hoxhaj, i cili do të mbajë numrin dhjetë në listën e PDK-së, ka bërë të ditur Berisha.

Në njoftimin e publikuar në rrjetin social Facebook, Berisha ka thënë se katër të tjerët janë: Skender Hoxha, Sevdie Hoxha, Arben Gega dhe Shaip Kadrijaj.

Kadrijaj, anëtar i PDK-së me origjinë nga Suhareka, përfaqëson diasporën.

Ish-deputeti i Kuvendit të Kosovës, Ilir Deda, ka kritikuar partitë kryesore në vend, LVV, LDK dhe PDK se po i rikandidojnë personat të cilët kanë qenë të përfshirë në “vjedhje të votave”.

Deda ka thënë se fajet i ka populli i Kosovës të cilët “duan t’ia nxjerrin sytë njëri-tjetrit” për politikë.

“PDK, LDK e LVV i rikandidojnë njerëzit që kanë manipulu me vota me 28 dhjetor.

Aman mos flisni për shtet ligjor e drejtësi kur të kundërtën po e bëni ju vetë.

Po s’keni faj ju, po ky milet që ju përcjellë e do me ja nxjerrë sytë njëri tjetrit për juve”, ka shkruar ai.

Presidenti francez Emmanuel Macron tha të martën se situata në lidhje me hantavirusin është “nën kontroll” në Francë, dhe bëri thirrje për një koordinim të fortë evropian në një përpjekje për të përmbajtur virusin.

“Qeveria ka marrë vendimet e duhura. Situata është nën kontroll nën autoritetin e saj, falë punonjësve tanë të kujdesit shëndetësor”, tha Macron gjatë një konference për shtyp në Nairobi në mbyllje të samitit Africa Forward.

Parisi – së bashku me Madridin dhe disa vende të tjera – kishte vënë në vend “një nga protokollet më të rrepta”, bazuar në rekomandimet e ekspertëve dhe përvojën e kaluar, pohoi kreu i shtetit francez, transmeton Telegrafi.

“Tani, është e rëndësishme të ketë një koordinim të vërtetë evropian, që do të thotë se protokollet duhet të lëvizin drejt standardeve më të kërkuara që janë përcaktuar në një afat shumë të shkurtër dhe se Organizata Botërore e Shëndetësisë duhet të jetë në gjendje të koordinojë të gjitha këto siç duhet në fazat e ardhshme”, shtoi ai.

Duke folur në Asamblenë Kombëtare të martën, Ministrja e Shëndetësisë e Francës, Stéphanie Rist tha se nuk kishte “asnjë provë” të qarkullimit të gjerë të llojit të Andeve të hantavirusit në territorin kombëtar dhe se zyrtarët ishin relativisht të sigurt se virusi nuk kishte pësuar mutacion.

Të gjitha rastet pozitive të identifikuara deri më tani kanë qenë ekskluzivisht pasagjerë të anijes turistike, shtoi Rist.

Në Francë, të 22 rastet e kontaktit janë kontaktuar, testuar, shtruar në spital ose janë “në proces” të shtrimit në spital, sipas qeverisë.

Megjithatë, një grua franceze e infektuar në shpërthimin vdekjeprurës të hantavirusit në anijen turistike, mbetet në gjendje kritike dhe po trajtohet në Paris me një mushkëri artificiale.

Gruaja ka një formë të rëndë të sëmundjes që shkaktoi probleme kërcënuese për jetën në mushkëri dhe në zemër, tha Dr. Xavier Lescure, një specialist i sëmundjeve infektive në spitalin Bichat.

Pacientja është në një pajisje mbështetëse për jetën që pompon gjak përmes një mushkërie artificiale, duke i siguruar asaj oksigjen dhe duke e kthyer atë në trup, shtoi Lescure.

“Situata është mjaft e pazakontë dhe e pashembullt”, vërejti epidemiologu Antoine Flahault, “prandaj autoritetet shëndetësore po marrin masa shumë të forta” përballë pasigurisë që rrethon virusin.

Në të kaluarën, disa viruse janë përhapur nga vende shumë të largëta ku ka infrastrukturë të kufizuar të mbikëqyrjes shëndetësore, në vend që të përhapen nga një “anije që transporton 147 persona”, ku autoritetet mund të identifikojnë rastet pozitive dhe të gjurmojnë kontaktet në mënyrë efektive.

Epidemiologu e karakterizoi virusin si një “sëmundje tropikale të lënë pas dore”. /Telegrafi/

Një ngjarje e rëndë është regjistruar në orët e para të mëngjesit në Shkodër, ku një i ri ka humbur jetën pasi dyshohet se është hedhur nga një pallat në lagjen Rus.

Sipas informacioneve paraprake, ngjarja ka ndodhur gjatë orëve të para të ditës, ndërsa menjëherë në vendngjarje kanë mbërritur shërbimet e Policisë dhe grupi hetimor. Deri më tani nuk dihen shkaqet e ngjarjes, ndërsa autoritetet po punojnë për zbardhjen e plotë të rrethanave.

Lapsi.al shkruan se i riu ka vdekur si pasojë e plagëve të marra. Policia vijon hetimet dhe pritet të japë informacion zyrtar në vijim.

Policia e Kosovës ka thënë se ka përmbyllur me sukses javën e aktiviteteve operacionale në kuadër të rrjetit evropian të policive rrugore, ROADPOL, duke fokusuar kontrollet tek mjetet e transportit të mallrave dhe udhëtarëve.

Në periudhën prej 4 deri më 10 maj 2026, njësitë e trafikut kanë shtuar prezencën në të gjitha akset rrugore të vendit me qëllim rritjen e sigurisë dhe parandalimin e aksidenteve.

Sipas njoftimit, gjatë kësaj jave janë realizuar gjithsej 834 pika kontrolli të mjeteve, ku janë ndaluar dhe verifikuar 5,344 kamionë dhe autobusë.

“për parregullsitë e identifikuara janë shqiptuar 416 gjoba për kundërvajtje të ndryshme”, tha Policia në njoftim.

“Ky plan operacional ka pasur për fokus specifik kontrollin e rreptë të transportit të mallrave dhe udhëtarëve, si kategori me rrezikshmëri të lartë në rastet e aksidenteve rrugore”, njoftoi Policia.

Katër subjekte politike ende nuk i kanë dorëzuar listat e kandidatëve për zgjedhjet e parakohshme për Kuvendin e Kosovës, të parapara të mbahen më 7 qershor 2026.

Sipas tabelës së publikuar me subjektet politike dhe numrin e kandidatëve, partitë që aktualisht figurojnë me shenjën “/”, që nënkupton se listat nuk janë dorëzuar ende, janë:

YENİLİKÇİ TÜRK HAREKET PARTİSİ
KOSOVSKI SAVEZ
Partia Balliste – P.B
PARTIA QYTETARE PËR MIRËQENIE SOCIALE
Ndërkohë, partitë e tjera tashmë kanë dorëzuar listat me kandidatët e tyre, ku numri total i kandidatëve të regjistruar deri më tani ka arritur në 917, prej tyre 603 meshkuj dhe 314 femra.