ATV

Blog

  • Avionët luftarakë rusë për pak sa nuk përplasen me dronët amerikanë mbi Siri

    Avionët luftarakë rusë për pak sa nuk përplasen me dronët amerikanë mbi Siri

    Forcat Ajrore të SHBA-së kanë publikuar pamjet që tregojnë avionë luftarakë rusë që fluturojnë në mënyrë të rrezikshme pranë disa dronëve amerikanë mbi Siri, duke detyruar dronët MQ-9 Reaper të ndërmarrin manovra të mprehta.

    “Këto ngjarje përfaqësojnë një nivel të ri sjelljeje joprofesionale dhe të pasigurt nga Forcat Ajrore Ruse që operojnë në Siri”, tha selia e Forcave Ajrore të SHBA në një deklaratë. Pamjet përbëhen nga një seri videosh që tregojnë një avion luftarak rus SU-35 duke iu afruar Reaper dhe më vonë duke gjuajtur një seri flakërimesh që rri pezull në shtegun e fluturimit të dronit.

    Gjenerali amerikan Alex Grynkewich tha se një nga pilotët rusë e lëvizi avionin e tij përpara dronit dhe ndezi pas djegësin, gjë që zvogëloi aftësinë e operatorit për të drejtuar dronin në mënyrë të sigurt.

    Grynkewich tha se avionët rusë “filluan t’i ngacmojnë dronët” pasi tre dronët po vepronin mbi Siri rreth orës 10:30 të mëngjesit me kohën lokale dje. Dronët morën pjesë në misionin kundër ISIS-it, por nuk u specifikua se cila ishte saktësisht detyra e tyre.

  • Vushtrri: Dhëndri e pëson keq nga vjehrri, pas ankesës për gruan

    Vushtrri: Dhëndri e pëson keq nga vjehrri, pas ankesës për gruan

    Ankesa e dhëndrit nga Vushtrria për gruan e tij nuk shkoi mirë. Ai e pësoi keq pikërisht nga babai i gruas.

    Më datë 3 korrik rreth orës 20:00, burri nga fshati Gojbule derisa kishte qenë me veturë duke u kthyer nga miqtë e tij me gruan e tij dhe djalin e tyre 13 muajsh, gjatë rrugës gruaja e tij e kishte qortuar fëmijën i cili kishte filluar të qajë.

    Kështu burri e ka ndalur veturën dhe e thirri në telefon babain e gruas, i cili menjëherë ka arritur atje.

    Siç ka deklaruar ankuesi, derisa ka tentuar të bisedojë me vjehrrin, ai kishte filluar ta godasë me grushta në fytyrë dhe pjesë të tjera të trupit.

    Përveç kësaj, siç thonë burimet e Indeksonline, ai dyshohet se është kërcënuar.

    Kështu i njëjti ka pranuar tretman mjekësor. Rasti është duke u hetuar.

  • Gjilan, parandalohet një rast i kontrabandës me duhan

    Gjilan, parandalohet një rast i kontrabandës me duhan

    Policia e Kosovës ka parandaluar një rast të kontrabandës me duhan mbrëmjen e së mërkurës në rrugën Stançiq-Gjilan.

    Në një komunikatë për media bëhet e ditur se fillimisht është identifikuar një automjet BMW me targa vendore për të cilin njësitët e Task Forcës ‘DRK – Lindje’ kishin informacione se merret me kontrabandë të mallrave nga Maqedonia e Veriut.

    “Me datën 05.07.2023 rreth orës 22:00 në rrugën Stançiq-Gjilan është identifikuar një automjet BMË me targa vendore për të cilin njësitet e Task Forcës–DRK-Lindje kishin informacion se merret me kontrabandim të mallrave nga republika e Maqedonisë veri në Republikën e Kosovës. Automjeti i lartcekur është arrit të ndalohet në hyrje të Gjilanit dhe gjatë kontrollit në ulëset e prapme dhe në bagazh të veturës kishte të ngarkuar (25) thasë duhan të përpunuar me peshë rreth 250 kilogram dhe për të cilin mall nuk posedonte asnjë dokument mbi prejardhjen, andaj dyshohet për kontrabandë”, thuhet në komunikatë.

    Bëhet e ditur se, lidhur me rastin, të gjitha veprimet janë ndërmarrë në bashkëpunim me Prokurorinë e Shtetit, ku me urdhër të prokurorit kompetent malli është dërguar në terminalin doganor për procedura të mëtejme.

  • Një grua në Obiliq raporton se vajza e saj është zhdukur

    Një grua në Obiliq raporton se vajza e saj është zhdukur

    Një grua në Obiliq ka raportuar në Polici se vajza e tij është zhdukur.

    “Plemetin, Obiliq 04.07.2023-22:00. Ankuesja femër kosovare ka raportuar se, vajza e saj me datën e cekur ka dalë nga shtëpia dhe nuk dihet vendndodhja e saj”, thuhet në raportin e Policisë.

    Tutje, Policia njoftoi se rasti është në procedurë hetimore, ndërsa është njoftuar edhe prokurori kujdestar.

     

     

  • Parashikimi i motit për sot

    Parashikimi i motit për sot

    Sot në vendin tonë po mbahet kryesisht i kthjellët dhe me diell, derisa gjatë pasdites pritet të ketë reshje shiu dhe shkarkime të rrufeve.

    Temperaturën minimale do e mbajë Gjakova me 14 gradë Celsius, ndërsa atë maksimale Prizreni me 27 gradë Celsius.

    Dita e nesërme në Kosovë do të jetë me vranësira dhe me reshje shiu. Temperatura minimale do të shënohet në Gjakovë me 15 gradë Celsius, ndërsa ajo maksimale në Prizren me 29 gradë Celsius.

    Ndërkohë, në Shqipëri do të ketë mot me diell dhe kthjellime. Temperaturën minimale do e ketë Korça me 13 gradë Celsius, ndërsa ajo maksimale do të jetë në Berat me 33 gradë Celsius. /atvlive.tv/

    Parashikimin e plotë të motit, për rajon dhe Evropë, mund ta gjeni në videon e mëposhtme:

     

  • ​Trajneri i Galatasaray-t kërkon ta mbajë Rashicën

    ​Trajneri i Galatasaray-t kërkon ta mbajë Rashicën

    Trajneri i Galatasaray, Okan Buruk e ka bërë të qartë se dëshiron të nënshkruajë me Milot Rashicën nga Norwich City.

    Sulmuesi ishte nënshkroi me skuadrën angleze kur ata ishin në Premier Ligë, por Rashica nuk e gjeti veten duke shënuar vetëm një gol në sezonin e tij atje.

    Tani, pas paraqitjeve të tij mbresëlënëse me Galatasarayn, trajneri i gjigantit turk ka bërë të ditur se dëshiron ta mbajë në skuadër reprezentuesin kosovar.

    “Ne duam të shtojmë sërish në skuadër lojtarë të huazuar si Icardi dhe Rashica. Ata janë objektivat tanë të parë. Ndeshjet evropiane nisin shumë herët. Duhet të jemi atje me një skuadër të mirë. Një nga problemet më të mëdha është se ndeshjet parakualifikuese luhen para se të përfundojë afati kalimtar. Duhet të fillojmë me skuadrën te gatshme në mënyrë që të kalojmë raundet kualifikuese .”, ka thënë Buruk.

    Rashicës i kanë mbetur edhe dy vite kontratë me Norwich Cityn, andaj e ardhmja e tij mbetet ende e pa qartë.

  • ​Në Nju Jork nis shitja e fanellave të Messit

    ​Në Nju Jork nis shitja e fanellave të Messit

    Imazhet e para të Lionel Messit me fanellë të Inter Miamit janë shfaqur në një dyqan të kompanisë “Adidas” në Nju Jork, krahas sloganit “e pamundur, po vjen”.

    Shtatë herë fituesi i Topit të Artë ka zbuluar se do të shkojë në Shtetet e Bashkuara si lojtar i lirë këtë verë, pasi ka përfunduar kontratën e tij me Paris Saint-Germain. Marrëveshja ende nuk është përfunduar zyrtarisht, por dyqani “Adidas” në lagjen SoHo të qytetit të Nju Jorkut duket se ka konfirmuar se gjithçka është nënshkruar, vulosur dhe dorëzuar pasi ata tashmë po përdorin fituesin e Kupës së Botës 2022 në materiale promovuese.

    Dritarja kryesore e dyqanit përmban imazhe të Messit me fanellën rozë të Inter Miamit, me ekrane rrotulluese që shfaqin slloganin “e pamundur, po vjen”, krahas sloganit standard të “Adidas-it” “e pamundur nuk është asgjë”, përcjellë KosovaPress.

    Megjithatë, asnjë fanellë e Inter Miamit me emrin dhe numrin e amerikano-jugorit në anën e pasme nuk është e disponueshme për t’u blerë brenda dyqanit, por pajisjet e markës së Messi-t të Miamit dhe Argjentinës janë kudo së bashku me produktet nga gama e vetë argjentinasit ‘Messi 10’, me 36- vjeçarin që ka një marrëveshje të përjetshme me “Adidas”.

    Ai pritet të bëjë debutimin e tij për ekskluzivitetin e MLS-së në bashkëpronësi të David Beckham kundër Cruz Azul në Kupën e Ligës më 21 korrik.

    Stopped by the Adidas flagship store in SoHo on my way home. Think it’s fair to say it’d be especially weird if the deal didn’t actually happen now. pic.twitter.com/4jjUiCNlwf

    — Alexander Abnos (@AnAbnos) July 6, 2023

  • Shpallja e dy organizatave serbe si terroriste, BE-ja e quan “hap të njëanshëm”

    Shpallja e dy organizatave serbe si terroriste, BE-ja e quan “hap të njëanshëm”

    Bashkimi Evropian vlerwson se vendimi i Qeverisë së Kosovës për të shpallur “Mbrojtjen Civile” dhe “Brigadën e Veriut” si organizata terroriste, është “hap i njëanshëm” që sipas bllokut, nuk i kontribuon uljes së tensioneve.

    Qeveria e Kosovës më 29 qershor i shpalli këto dy organizata si terroriste. Ato besohet se veprojnë në veriun e Kosovës dhe numërojnë qindra pjesëtarë nga radhët e komunitetit serb, që janë shumicë në këtë zonë.

    “Ky cilësim [shpallja si organizata terroriste] është hap i njëanshëm dhe nuk i kontribuon shtensionimit të situatës dhe gjetjes së rrugës për të adresuar problemet ekzistuese në një mënyrë të qëndrueshme”, tha zëdhënësi i bllokut evropian, Peter Stano, në një përgjigje për REL.

    Stano shtoi se liderët e 27 shteteve anëtare të BE-së gjatë një takimi të mbajtur javën e kaluar bënë thirrje për shtensionim të menjëhershëm të situatës në veri të Kosovës.

    “Ne përsërisim thirrjen për të dyja palët që të përmbahen nga çdo veprim apo retorikë që mund të çojë në rritjen e mëtejme të tensioneve dhe që urgjentisht të ndërmarrin hapa për të shtensionuar situatën aktuale në veri të Kosovës në linjë me propozimin e bërë nga përfaqësuesi i lartë, Josep Borrell, më 22 qershor dhe deklaratës së BE-së të 3 qershorit”, tha Stano.

  • Rama e publikon agjendën e takimeve, thotë se është në pritje të konfirmimit nga Kurti

    Rama e publikon agjendën e takimeve, thotë se është në pritje të konfirmimit nga Kurti

    Kryeministri i Shqipërisë, Edi Rama ka publikuar agjendën e takimeve qëe do t’i nis sot në kuadër të turit të tij ballkanik. Kjo në kuadër të përgatitjeve për Procesin e Berlinit që do të mbahet në muajin tetor në Tiranë.

    Rama turin do ta nis në Maqedoninë e Veriut, e pasdite pritet që të vij në Kosovë.

    Deri më tani është konfirmuar takimi i Ramës me presidenten Vjosa Osmani dhe kryeparlamentarin Galuk Konjufca.

    Ndërsa tha se është në pritje të konfirmimit për takim me kryeministrin Albin Kurti.

    Kryeministrin Albin Kurti, të mërkurën tha se është i gatshëm ta presë Ramën në takim vetëm në kuadër të mbledhjes së dy qeverive, përndryshe jo.

    Më 13 qershor, kryeministri i Shqipërisë, Edi Rama, kishte anuluar mbledhjen e përbashkët me Qeverinë e Kosovës, që ishte paraparë të mbahej në Gjakovë.

  • Shkarkime të rrufeve, IHMK-ja del me rekomandime se si duhet të veprojmë në situata të tilla

    Shkarkime të rrufeve, IHMK-ja del me rekomandime se si duhet të veprojmë në situata të tilla

    Për shkak të shkarkimeve të shpeshta të rrufeve në Kosovë.

    Instituti Hidrometeorologjik i Kosovës (IHMK) ka dalë me rekomandime për qytetarët se si të veprojnë në situata të tilla.

    Në një komunikatë të publikuar të mërkurën, IHMK-ja ka rekomanduar që gjatë stuhive, të sigurohen të gjitha pajisjet ose objektet që mund të fluturojnë për shkak të erës ose shiut të fortë, të mbyllen dyert dhe dritaret, të shmanget kontakti me rubinetet e kuzhinës dhe banjës, radiatorët dhe objektet e tjera metalike, pasi janë përçues të mirë.

    Ndërsa, Instituti rekomandoi edhe qëndrimin larg shtyllave të larta, shmangien e ndërtesave apo të makinave nëse nuk mund të përdorën si strehim dhe shmangien e pemëve të larta, nëse gjendeni në pyll.

    Listën me rekomandimet e plota të IHMK-së mund ta gjeni më poshtë: