Blog

Në 45-vjetorin e rënies heroike të Tahir dhe Nebih Mehës, Organizata e Veteranëve të Luftës së UÇK-së përkujtoi me nderim jetën, veprën dhe qëndresën e tyre.

Përmes një postimi në Facebook, OVL e UÇK-së tha se sakrifica e familjes Meha mbetet një nga simbolet më të fuqishme të rezistencës shqiptare.

“Sot, në 45-vjetorin e rënies heroike të Tahir dhe Nebih Mehës, OVL UÇK përkujtoi me nderim jetën, veprën dhe qëndresën e tyre të pavdekshme për liri dhe dinjitet kombëtar”.

“Sakrifica e familjes Meha mbetet një nga simbolet më të fuqishme të rezistencës shqiptare, frymëzim i përhershëm për brezat që luftuan dhe vazhdojnë ta duan atdheun me të njëjtin ideal. Lavdi”, thuhet në njoftimin e organizatës.

Zëdhënësi i Komisionit Qendror të Zgjedhjeve (KQZ), Valmir Elezi, ka bërë të ditur se po vazhdon periudha e aplikimit për regjistrimin e votuesve jashtë Kosovës, e cila ka nisur më 6 maj dhe do të përfundojë më 17 maj 2026.

Sipas të dhënave të KQZ-së, të publikuara të mërkurën, deri më 13 maj në orën 10:00, përmes platformës elektronike janë pranuar 67,685 kërkesa për regjistrim, prej të cilave janë aprovuar 61,500, ndërsa 5,858 janë refuzuar dhe 301 janë ende në shqyrtim.

Nga aplikimet e aprovuara, 14,566 shtetas janë regjistruar për të votuar fizikisht në përfaqësi diplomatike, 1,605 kanë zgjedhur të dërgojnë pakon me fletëvotim në kutinë postare të KQZ-së në Kosovë, ndërsa 45,329 do ta dërgojnë pakon me fletëvotim në kutinë postare jashtë vendit.

Kryetari i Pejës, Gazmend Muhaxheri, ka bërë të ditur se nesër, kandidati për kryeministër nga radhët e LDK’së, Lumir Abdixhiku dhe ajo për presidente Vjosa Osmani do të jenë në Pejë.

Muhaxheri, ka ftuar qytetarët të marrin pjesë.

‘’Nesër, e enjte, në ora 11:00, në Hotel Dukagjini, Salla e Madhe, mirëpresim kandidatin për Kryeministër, z. Lumir Abdixhiku, dhe kandidaten për Presidente, znj. Vjosa Osmani.

Ju mirëpresim!’’, ka shkruar Muhaxheri.

Ukraina ka rifilluar sulmet me dronë ndaj rafinerive dhe porteve të naftës në Rusi të mërkurën, dy ditë pasi ka skaduar armëpushimi tre-ditor i propozuar nga presidenti i SHBA-së, Donald Trump.

Kievi ka synuar infrastrukturën ruse të naftës me qëllim të uljes së të ardhurave të Moskës nga sektori i energjisë dhe dëmtimit të kapaciteteve të saj ushtarake, ndërsa lufta katërvjeçare vazhdon.

Ministria e Mbrojtjes e Rusisë ka bërë të ditur të mërkurën se 286 dronë ukrainas janë kapur dhe shkatërruar mbi rajonet ruse gjatë natës.

Në rajonin jugor të Krasnodarit, fragmente të një droni kanë rënë pranë një objekti industrial, duke shkaktuar zjarr në fshatin Volna, ku ndodhen produktet e naftës të portit Taman dhe terminale të tjera, kanë bërë të ditur autoritetet rajonale.

Ndërkohë, mbetjet nga një sulm tjetër me dron ukrainas kanë shkaktuar zjarr në një fabrikë përpunimi gazi, e cila prodhon edhe karburant, në rajonin jugor të Astrakhanit në Rusi, sipas autoriteteve lokale.

“Të gjithë avionët armik u rrëzuan ose u neutralizuan nga sistemet e luftës elektronike”, ka shkruar në Telegram guvernatori lokal, Igor Babushkin.

Fabrika ndodhet pranë Detit Kaspik, rreth 1,675 kilometra nga kufiri ukrainas.

Komisioni Qendror i Zgjedhjeve ka anuluar tenderin për shtypjen e fletëvotimeve, broshurave të kandidatëve dhe listave të votuesve për zgjedhjet e 7 qershorit.

Arsyeja e anulimit të tenderit, sipas njoftimit të publikuar në platformën e-Prokurorimi, është mospranimi i asnjë oferte.

“Nuk kemi pranuar asnjë ofertë”, thuhet në njoftim.

Vlera e parashikuar e kësaj kontrate ishte 284 mijë e 506 euro dhe ishte planifikuar të jepet me procedurë të negociuar pa publikim të njoftimit të kontratës.

Afati për dorëzim të ofertave ka qenë dje.

Mjeku kirurg , Nikoll Nunka që u arrestua për ngacmim seksual nga një 21 vjeçare, mësohet se ndodhet në spitalin e Korçës pasi ka shfaqur probleme shëndetësore.

Sipas informacioneve, mjeku ka patur më herët probleme nga zemra dhe nuk është ndjerë mirë në ambientet e komisariatit ku është dërguar në urgjencë për kontroll.

Pas vizitës, nga ekg-ja e zemrës ka rezultuar që ka probleme dhe kardiologu ka vendosur që Nunka të mbahet në spital i shtruar.

Kirurgu po mbahet në monitorim ndërsa do të shihet në vijim edhe për masën e sigurisë të caktuar për ditën e nesërme nëse do të zhvillohet në ambientet e spitalit

Ministri i Jashtëm i Ukrainës, Andriy Sibiha, deklaroi se kushti kryesor i Kievit për çdo marrëveshje paqeje me Rusinë është mospranimi i asnjë lëshimi territorial lidhur me vijën aktuale të frontit.

Gjatë konferencës së sigurisë të organizuar nga Instituti Polak i Marrëdhënieve Ndërkombëtare (PISM) në Varshavë, Sibiha theksoi se Ukraina kërkon një paqe të drejtë dhe të qëndrueshme, duke përjashtuar çdo kompromis mbi sovranitetin kombëtar.

“Ukraina nuk do të pranojë asnjë formulë apo iniciativë që nënkupton lëshime ndaj integritetit dhe sovranitetit tonë territorial”, deklaroi shefi i diplomacisë ukrainase.

Deklarata e tij vjen në një kohë kur po shtohen diskutimet ndërkombëtare për mundësinë e negociatave mes Kievit dhe Moskës për përfundimin e luftës që vazhdon prej më shumë se dy vitesh.

Qëndrimi i Ukrainës mbetet i pandryshuar: çdo marrëveshje paqeje duhet të respektojë kufijtë dhe integritetin territorial të vendit.

Kryetari i AAK-së, Ramush Haradinaj ka kujtuar 77 civilët e vrarë në masakrën e Korishës së Prizrenit dhe fshatrave përreth, ku pushtuesit nuk kursyen as 14 fëmijë të kësaj ane.

Përmes një postimi në Facebook, Haradinaj tha se edhe sot, pas më shumë se dy dekadash, shteti serb nuk ka pranuar asnjë përgjegjësi për krimet kundër popullit shqiptar.

Ai shtoi se liria e Kosovës në themel i ka heronjtë e kombit, martirët, gjithë ata që janë flijuar për liri ndër breza.

“Në 45-vjetorin e rënies, kujtojmë heroizmin e familjes Meha në Prekaz. Me nder e respekt, përulemi para trimërisë së Tahir e Nebih Mehës, që ranë në përballje të pabarabartë me qindra forca jugosllave. Rezistencën dhe trimërinë e Tahirit dhe Nebihut, e pasoi UÇK-ja për dëshmi para historisë, se ka kush i del zot atdheut, sakrificë që u kurorëzua me liri dhe shtet të pavarur. I përjetshëm kujtimi për të rënët!”, shkroi ai.

Kërkimet për 55 vjeçaren që u shpall dje e zhdukur në Deçan po vazhdojnë.

Kjo u konfirmua nga Deni Hameli i Shoqatës së Kërkim-Shpëtimit Malor.

Hameli njoftoi se operacioni do t’i bashkangjitet edhe FSK-ja.

“Nuk kemi ndonjë gjurmë. E kemi bërë kërkmin sipërfaqësor të terrenit rreth lumit, nuk ka pasur asgjë. Më pas e kemi ndërtuar një urë me litarë, ku më pas jemi munduar me shufra të kontrollojmë në ujë.”, theksoi Hameli për Klan Kosovën

“Atje janë duke shkuar edhe zhytësit e FSK-së dhe pastaj të shohim se si do të kombinohemi, pasi që aty aktualisht është e pamundur të hyjmë në ujë pasi që rrjedha e ujit është tejet e shpejtë”, shtoi ajo.