Një shtetase e Belgjikës dyshohet se dje është sulmuar fizikisht nga një burrë kosovar në Fushë Kosovë.
Në raportin e policisë thuhet se sulmi dyshohet se ka ndodhur pas një mosmarrëveshjeje.
Palët janë intervistuar dhe me vendim të prokurorit, janë liruar në procedurë të rregullt hetimore.
Mëngjesin e së shtunës, konkretisht në orën 04:30, raportohet se ka ndodhur një shpërthim para derës së oborrit në pronën e të dy viktimave meshkuj.
Si pasojë e shpërthimit përveç dëmeve materiale të dy veturave nuk raportohet për të lënduar.
Rasti është iniciuar si “shkaktim i rrezikut të përgjithshëm” dhe është duke u hetuar.
Njoftimi i plotë i policisë:
SHKAKTIM I RREZIKUT TË PËRGJITHSHËM/Pejë 23.07.2023 – 04:30. Raportohet se ka ndodhur një shpërthim para derës së oborrit në pronën e të dy viktimave meshkuj kosovarë. Si pasojë e shpërthimit përveç dëmeve materiale të dy veturave nuk raportohet për të lënduar. Lidhur me rastin njësitë relevante kanë dalë në vendin e ngjarjes, ku edhe është informuar prokurori dhe rasti inicohet si më lartë.
Leximi i librave është aktivizimit mendor që mund ta bëjë trurin tuaj të gjallërohet me imazhe dhe emocione dhe madje të ndezë shqisat e juaja.
Leximi përveç si aktivizimit mendor ndihmon edhe për largimin e stresit ata ju lejojnë të udhëtoni kudo pa lëvizur dhe përmes tyre, të shohim botën në një dimension tjetër, të zgjerojmë fjalorin tonë, dhe në të njëjtën kohë kemi një kohë të mirë, dhe kohën e lirë e përdorim me cilësi.
Sipas të dhënave të Indeksit “World Culture Score” me bazë në Mbretërinë e Bashkuar, janë përcaktuar vendet që lexojnë më shumë libra në botë.
Ndër 10 vendet që lexojnë më shumë libra në botë, 6 janë nga Azia dhe 4 janë nga Evropa. Turqia është ndër vendet që lexojnë më shumë libra e radhitur në vendin e 18-të me kohën e leximit 5 orë e 54 minuta në javë.
Kur’ani është libri që lexohet më shumë në botë, i cili ndiqet nga Ungjilli.
UNESCO zgjedh çdo vit një kryeqytet të ri botëror të librit. Këtë vit, Akra, kryeqyteti i vendit afrikan Gana, u zgjodh si Kryeqyteti Botëror i Librit.
Leximi i librit rrit ndjeshmërinë dhe empatinë. Aftësia për të arritur dhe kuptuar gjendjen e brendshme të të tjerëve është themelore për vendosjen dhe zhvillimin e marrëdhënieve me të tjerët, marrëdhënie të cilat qëndrojnë në themelin e vetë jetës se personave.
Sipas Indeksit “World Culture Score”, India është vendi që lexon më shumë libra në botë, e ndjekur nga Tajlanda dhe Kina.
Ky indeks përcaktohet në bazë të kohës mesatare që qytetarët kalojnë duke lexuar në javë. Përveç librave të shtypur, në vlerësim përfshihen edhe gazetat, revistat dhe përmbajtjet e shkruara online.
Çdo qytetar në Indi lexon mesatarisht 10 orë e 42 minuta në javë, ndërkohë, 9 orë e 24 minuta në Tajlandë dhe 8 orë në Kinë.
Vendet që lexojnë më shumë libra në botë janë Filipinet (7 orë 36 minuta), Egjipti (7 orë 30 minuta), Çekia (7 orë 24 minuta), Suedia (7 orë 6 minuta), Franca (6 orë 54 minuta). ), Hungaria (6 orë) orë 48 minuta) dhe Arabia Saudite (6 orë 48 minuta).
Me përparimin e teknologjisë, librat audio po bëhen shumë të njohur. Sipas të dhënave nga kompania editoriale me bazë në SHBA, “Global English Editing”, 66 për qind e lexuesve në mbarë botën preferojnë të lexojnë libra të shtypur.
Librat më të lexuar në botë janë Kurani dhe Bibla. Libri “Don Kishoti” i Miguel de Cervantes dhe seria “Harry Potter” e JK Rowling janë ndër veprat letrare më të lexuara në botë.
Libra të tjerë më të lexuar në botë janë: “A Tale of Two Cities” të Charles Dickens, trilogjia “Lord of the Rings” e JRR Tolkien, “Princi i vogël” i Antoine de Saint-Exupery, “Alice in Wonderland” i Lewis Carroll dhe Agatha Listed me veprat e Christie’s “10 zezakët e vegjël”./atvlive.tv/
LEXONI EDHE:
“Më mirë i pasur në vend të huaj apo i varfër në Kosovë”, ishte pyetja e gazetares së ATV-së, për qytetarët e Ferizajt.
Shumë prej tyre u përgjigjen se më mirë në Kosovë dhe të varfër, derisa pat edhe prej atyre që u përgjigjen se më mirë në vend të huaj dhe të pasur.
“Ma mirë në vendin tim dhe i varfër, për arsye sepse unë e kam provua edhe në kurbet por jo, më mirë i varfër e më nejt në vendin tim”, u përgjigj një burrë.
“Më mirë i pasur e në vend të huaj ,sepse koha modern kështu po e lyp. Edhe vendi ynë është i mirë por nëse kish pas kushte më të mirë. Kosovën e kisha ndërru me Anglinë, me jetu për një kohë të shkurtër e prapë më u kthy këtu”, tha një qytetar.
“Pyetje pak e vështirë, se edhe i varfër edhe në vend tond, vështirë pak, por edhe ajo i pasur dhe në vend të huaj edhe kjo keq”, u shpreh një burrë./atvlive.tv/
Për më të ndjekur përgjigjet e plota të qytetarëve, kliko në videon e mëposhtme:
Një grua në Prizren ka tentuar të bëjë vetëvrasje duke përdorur sasi të madhe të medikamenteve, ndërsa shkak i këtij veprimi dyshohet të jetë bërë vazhdimi i paraburgimit për djalin e saj.
Lajmin për “Betimi për Drejtësi” e ka konfirmuar zëdhënësi i Policisë së Kosovës për Rajonin e Prizrenit, Shyqri Bytyqi, i cili tha se se gruaja gjendet jashtë rrezikut për jetë.
“Më datën 23.07.2023, rreth orës 15:00 policia është informuar se në emergjencën e Spitalit Rajonal të Prizrenit gjendet një viktimë femër, e moshës 53 vjeçare, për shkak se gjendjes së rënduar shëndetësore si pasojë e përdorimit të medikamenteve. Dyshohet se e njëjta me anë të medikamenteve ka tentuar të bëjë vetëvrasje për shkak se djalit të saj i është vazhduar paraburgimi”, tha ai.
Bytyqi bëri të ditur se, djalit të saj i është vazhduar paraburgimi për një rast të dhunës në familje.
“Viktima gjendet jashtë rrezikut për jetë. Policia ka dal në vendngjarje dhe rasti është nën hetime”.
Zjarrfikësit luftuan kundër flakëve, ndërkohë që Greqia filloi dje operacionin më të madh të evakuimit të turistëve në 50 vitet e fundit.
Ky numër llogaritet mes 20-30 000 turistë.
Ndihma ajrore e përbërë nga një ”Mi-8”, dy ”Chinooks” dhe një ”BK-117” ndihmoi për shuarjen e zjarreve.
Përveç kësaj, në Laerma ka një helikopter ”S-64” që u ka ardhur në ndihmë.
Në frontin e zjarrit nga Apollonasi në Profitit Ilias ka rindezje të vazhdueshme të zjarrit dhe përpjekjet janë të fokusuara për të parandaluar përhapjen e zjarrit në veri dhe në pyllin e dendur.
Në pjesën ballore në lindje të liqenit artificial Gadoura, përpjekjet janë përqendruar në parandalimin e përhapjes së zjarrit drejt Kalathos.
Prioriteti i autoriteteve mbetet mbrojtja e njerëzve dhe evakuimet, shpëtimet dhe mikpritja e banorëve janë aktive në ishull.
Dje, gjashtë persona me probleme me frymëmarrjen janë transferuar nga sistemi i ambulancës së urgjencës (EKAV) në spitale, të cilët i kanë lëshuar menjëherë. Hapësira të sigurta për strehimin e përkohshëm të të evakuuarve janë krijuar në hotele, qendra konferencash, objekte sportive, shkolla dhe hapësira publike.
Përveç kësaj, njerëzit që strehohen në këto objekte janë furnizuar me ushqim, ujë dhe mbikëqyrje të vazhdueshme mjekësore.
Në të njëjtën kohë, Ministria greke e Punëve të Jashtme do të ngrejë një zyrë ndihmëse të dedikuar në Terminalin 1 të Aeroportit Ndërkombëtar të Rodosit, në mënyrë që turistët që humbën ose nuk morën dokumentet e udhëtimit përpara evakuimit, të kthehen pa probleme në vendet e tyre përkatëse.
Operatorët turistikë kanë urdhëruar gjithashtu fluturime çarter të zbarkojnë në Rodos pa pasagjerë në mënyrë që të marrin udhëtarët që dëshirojnë të largohen nga ishulli.
Lidhur me zjarrin në Laerma, autoritetet mohuan se zona është shkatërruar plotësisht nga zjarri.
Në Rodos operojnë 16 ekipe në terren, 266 zjarrfikës dhe 49 kamionë uji, ndërsa së shpejti do të mbërrijnë edhe 10 automjete shtesë zjarrfikëse me 60 zjarrfikës, që do të shtohen me 5 kamionë të tjerë.
Nga ajri operojnë 5 helikopterë për hedhjen e ujit dhe 10 avionë, përfshirë 7 aeroplanë grekë, një kroat dhe dy turq. /ANA/
Pas një sëmundje të rëndë dje në Prishtinë në modhën 88 vjeçare vdiq Prof. Dr. Shefki Hamit Sejdiu.
Profesor Sejdiu lindi në vitin 1935 në fshatin Pakashticë e Poshtme, komuna e Podujevës.
Në vitin 1962 ai i përfundoi studimet në Universitetin e Shkupit në degën e Gjuhës dhe Letërsisë Frenge. Karierën e tij prej mësimdhënësi brilant e filloi në Gjimnazin e Podujevës, pastaj në atë të Prishtinës. Pas kryerjes së studimeve pasuniversitare dhe atyre të doktoranturës të cilat i përfundon me vlerësimet më të larta në Universitetin e Zagrebit, ai do të jetë profesor i Universitetit të Prishtinës në të cilin pranë Degës së Gjuhës dhe Letërsisë Frenge ligjëroi Historinë e gjuhës frenge me frengjishte të vjetër, si dhe gjuhën latine.
Profesor Sejdiu do të lë gjurmë të pashlyeshme në fushën e gjuhësisë shqiptare si edhe në gjuhët romane, duke e kurorëzuar veprimtarinë e tij shkencore me botimin e një numri të madh të veprave dhe punimeve shkencore.
Për qëllim të hulumtimeve shkencore, si dhe të pjesëmarrjes në konferenca të rëndësishme shkencore, ai ka qëndruar në një numër të madh të universiteteve evropiane si në Francë, itali, Portugali, Rumani, Bullgari, Kroaci, Shqipëri etj.
Pas ndërtimit të institucioneve demokratike të vendit në periudhën e pasluftës, gjatë legjislaturës së parë ai do të jetë deputet në Kuvendin e Kosovës.
Varrimi i tij bëhet në Prishtinë, sot më 24 korrik 2023 në ora 17 në varrezat e qytetit.
Ardhja e bashkatdhetarëve në Kosovë, ka bërë që ata të përballen sërish sikurse çdo vit tjetër me pritje të gjata në pikat kufitare.
Bashkatdhetarët po presin më së shumti në pikat kufitare me Serbinë.
Edhe mëngjesin e së hënës, sipas Qendrës Kombëtare për Menaxhimin Kufitar (raporti i orës 07:07), pritjet më të gjata janë te Dheu i Bardhë.
Në këtë pikë kalimi kufitar për të hyrë në Kosovë, bashkatdhetarët po presin deri në një orë e gjysmë.
Kolona e veturave në hyrje të kësaj pike kufitare është 800 metra, shkruan Telegrafi.
Pritje më të shkurta vërehen në pikën tjetër kufitare në Merdarë, ku në këto orë të mëngjesit, për të hyrë në Kosovë pritjet janë 20-25 minuta, dhe kolona e veturave është vetën 50 metra.
Ndërsa, në vendkalimin kufitar në Muçibabë, për të hyrë në Kosovë duhet pritur vetëm 15 minuta.
Ndërkaq në Mutivodë pritjet janë 30 minuta. Në vendkalimet e tjera kufitare nuk raportohet për kolona, pasi pritjet për të hyrë dhe për të dalë nga Kosova janë 03-05 minuta.
Për të përcjellur gjendjen në kohë reale në pikat kufitare klikoni KËTU.
Sekretari amerikan i Shtetit, Antony Blinken tha se Ukraina ka rimarrë gjysmën e territorit që Rusia kishte marrë fillimisht nën kontroll që kur filloi agresionin, por se Kievi përballet me “një luftë shumë të vështirë” për të siguruar rimarrjen e mëtejshme.
“Tashmë është siguruar rreth 50% e territorit që u mor fillimisht,” tha zoti Blinken në një intervistë për CNN-in të dielën.
“Janë ende ditë relativisht të hershme të kundërofensivës. Është e vështirë,” tha ai, duke shtuar se nuk bëhet fjalë për një ose dy javë, por për muaj.
Në fund të muajit të kaluar, presidenti Volodymyr Zelenskiy u citua të ketë thënë se përparimi i kundërofensivës kundër forcave ruse ishte “më i ngadalshëm nga ç’dëshirohej”.
Ukraina ka rimarrë disa fshatra në jug dhe territorin përreth qytetit të rrënuar të Bakhmut në lindje, por nuk ka shënuar përparim të madh kundër frontit rus të fortifikuar rëndë.
I pyetur nëse Ukrainës do të marrë avionë luftarakë F-16 të prodhuar nga SHBA, Blinken tha se besonte se po.
“Është e rëndësishme të sigurohemi që kur t’i marrin, të jenë të trajnuar siç duhet, të jenë në gjendje t’i mirëmbajnë avionët dhe t’i përdorin ato siç duhet.”
Një koalicion prej 11 vendesh do të fillojë trajnimin e pilotëve ukrainas për të përdorur avionët luftarakë F-16 në gusht në Danimarkë dhe një qendër trajnimi do të ngrihet në Rumani.
Ukraina ka kërkuar prej kohësh avionë F-16 të prodhuar nga Lockheed Martin, por këshilltari i Sigurisë Kombëtare i SHBA-së, Jake Sullivan, tha muajin e kaluar se nuk kishte vendim përfundimtar për dërgimin e tyre nga Uashingtoni.
Zyrtarët amerikanë kanë vlerësuar se duhen të paktën 18 muaj për trajnimin dhe dorëzimin e avionëve.
Shtetet e Bashkuara i kanë dhënë Ukrainës më shumë se 41 miliardë dollarë ndihmë ushtarake që kur filloi agresioni i Rusisë në shkurt 2022./VOA
Sot në vendin tonë pritet të mbajë mot me diell
Temperaturën minimale për ditën e sotme e ka shënuar Ferizaj me 17 gradë Celsius, ndërsa atë maksimale Prishtina me 34 gradë Celsius.
Edhe dita e nesërme pritet të jetë me kushte të njëjta atmosferike.
Temperaturën minimale për ditën e nesërme do ta mbajë qyteti i Ferizajt me 16 gradë Celsius, ndërsa atë maksimale Prishtina me 35 gradë Celsius.
Ndërkohë, në Shqipëri do të ketë mot me diell dhe kthjellime. Temperaturën minimale do e ketë Korça me 16 gradë Celsius, ndërsa ajo maksimale do të jetë në Gjirokastër me 40 gradë Celsius. /atvlive.tv/
Parashikimin e plotë të motit, për rajon dhe Evropë, mund ta gjeni në videon e mëposhtme: