ATV

Blog

  • Qendra Nacionale e Xhudos në Pejë do të zgjerohet edhe më shumë

    Qendra Nacionale e Xhudos në Pejë do të zgjerohet edhe më shumë

    Qendra Nacionale e Xhudos në Pejë do të zgjerohet për t’u shndërruar në qendër ndërkombëtare për kampe trajnimi.

    Kështu ka bërë të ditur ministri i Ministrisë për Kulturë, Rini dhe Sport, Hajrulla Çeku përmes një postimi në Twitter. Ai ka bërë të ditur se projekti për zgjerimin e saj tashmë është hartuar, kurse ndërtimi do të nis sapo të përfundoj procesi i shpronësimit, raporton KosovaPress.

    “Qendra Nacionale e Xhudos n’Pejë po zgjerohet për t’u shndërruar në qendër ndërkombëtare për kampe trajnimi.”, ka shkruar Çeku.

    Sipas Çekut, zhvillimi i turizmit sportiv sjellë reputacion për shtetin dhe qarkullim për ekonominë.

  • Dështon mbledhja e Komisionit për Administratë Publike, polemika në mes pozitës dhe opozitës

    Dështon mbledhja e Komisionit për Administratë Publike, polemika në mes pozitës dhe opozitës

    Në mungesë të kuorumit ka dështuar mbledhja e sotme e Komisionit për Administratë Publike, Pushtet Lokal, Media dhe Zhvillim Rajonal, ku do të raportonte Komisioni i Pavarur për Media.

    Komisioni parlamentar nuk kishte votat e mjaftueshme për të miratuar rendit e ditës, pasi deputetët opozitarë nuk morën pjesë në votim, gjë e cila nxiti polemika pozitë-opozitë.

    Kryqtari i komisionit, Valon Ramadani tha se të njëjtën mbledhje do ta thërras sërish ditët në vijim.

  • Kryeministri Kurti pret në takim emisarin gjerman për Ballkanin Perëndimor, Manuel Sarrazin

    Kryeministri Kurti pret në takim emisarin gjerman për Ballkanin Perëndimor, Manuel Sarrazin

    Kryeministri i Kosovës, Albin Kurti do të takohet sot me emisarin e Gjermanisë për Ballkanin Perëndimor, Manuel Sarrazin.

    Takimi do të zhvillohet në mbrëmje, nga ora 21:30. Kjo është konfirmuar nga ZKM-ja, derisa nuk janë dhënë detaje nëse do të ketë konferencë për media pas përfundimit të takimit.

    Kujtojmë se herën e fundit që Sarrazin u takua me Kurtin, deklaroi se kanë biseduar rreth zhvillimeve të fundit në vend, tensioneve në veri dhe marrëveshjen e Ohrit.

     

  • Greqia vazhdon luftën me zjarret

    Greqia vazhdon luftën me zjarret

    Greqia vazhdon përpjekjet për të kontrolluar zjarret në ishullin Rodos, për të shtatën ditë me radhë.

    Qindra turistë që u detyruan të evakuohen, pritet të kthehen në vendet e tyre.

    Rreth 20.000 njerëz u larguan nga shtëpitë dhe hotelet në Rodos, ditëve të fundit, pasi zjarret që nisën një javë më parë, u përhapën dhe arritën vendpushimet bregdetare në juglindje të ishullit.

    Greqia përfshihet shpesh nga zjarret, sidomos gjatë verës, por ndryshimet klimatike kanë shkaktuar sivjet valë më ekstreme të të nxehtit në të gjithë Evropën jugore.

    Qindra zjarrfikës, me përforcime nga Turqia dhe Sllovakia, janë duke luftuar me flakët pranë fshatrave Genadi dhe Vati në juglindje të Rodosit.

    Zjarret shpërthyen edhe në ishullin e Korfuzit, në pjesën perëndimore të Greqisë, dhe në ishullin Evia, pranë kryeqytetit të Athinës.

    “Zjarret kanë përfshirë gjithë vendin, por asnjë vendbanim nuk po kërcënohet për momentin”, tha një zyrtar i brigadës së zjarrfikësve për agjencinë e lajmeve Reuters.

    Greqia ka shënuar temperatura shumë të larta javëve të fundit dhe ato pritet të mbeten të tilla së paku deri të mërkurën, duke i tejkaluar 44 gradë Celsius në disa zona.

    Turizmi përbën 18% të prodhimit të Greqisë dhe një në pesë vende pune. Në Rodos dhe shumë ishuj të tjerë grekë, varësia nga turizmi është edhe më e madhe./REL/

  • Masat ndëshkuese ende në fuqi, Kosova në pritje të njoftimit të BE-së për heqjen e tyre

    Masat ndëshkuese ende në fuqi, Kosova në pritje të njoftimit të BE-së për heqjen e tyre

    Kosova dy javë më parë u pajtua me kushtet e BE-së për shtensionimin e situatës në veri të Kosovës. Tani ajo pret që BE të heqë masat ndëshkuese.

    Aktualisht Kosova është në pritje të njoftimit të Bashkimit Evropian për heqjen e masave ndëshkuese pas një pajtueshmërie të arritur ndërmjet Kosovës dhe BE-së në Bratislavë. Qeveria ka tërhequr tanimë 25% të forcave policore nga ndërtesat komunale në 4 komunat veriore të banuara me shumicë serbe. Kosova është pajtuar po ashtu që të mbajë zgjedhje të reja në komunat veriore.

    Por zëvendëskryeministri i Kosovës, Besnik Bislimi në një deklaratë të fundit, ka bërë të qartë Kosova “nuk duhet të shpallë zgjedhje në veri të vendit, pa u hequr masat ndëshkuese të vendosura nga Bashkimi Evropian”. Ndërkohë që presidentja e Kosovës, Vjosa Osmani, më herët ka thënë se “organizimin e zgjedhjeve në veri e lejon rregullimi ligjor i Kosovës dhe se diçka e tillë mund të bëhet edhe përmes një peticioni të nënshkruar nga 20 për qind e qytetarëve që janë në listën votuese.

    Besnik Bislimi i pasigurt për bazën ligjore të zgjedhjeve në veri

    Zëvëndëskryeministri Bislimi, njëherësh edhe kryengociator i Kosovës në dialog me Serbinë, “nuk është i sigurt që ekziston një bazë e përshtatshme ligjore për shpalljen e zgjedhjeve në veri”. Sipas tij “është problem i brendshëm i Kosovës për të cilin nuk ka dakordim, se a mjafton udhëzimi adminsitrativ, apo duhet ligj”. Një opsion tjetër për mbajtjen e zgjedhjeve të reja në veri, është edhe dorëheqja eventuale e kryetarëve shqiptarë, që do të çonte automatikisht komunat veriore në zgjedhje të parakohshme. Por qeveria e Kosovës që udhëhiqet nga Lëvizja Vetëvendosje, nuk do të kërkojë një gjë të tillë, ka thënë kryenegociatori i Kosovës Bislimi.

    Vetëm dy javë më parë me 10 korrik, qeveria e Kosovës ra dakord të mbështesë mbajtjen e zgjedhjeve të parakohshme në 4 komunat veriore pas verës. Në një deklaratë të qeverisë theksohej po ashtu se, “qeveria e Kosovës publikisht e tregon gatishmёrinё e saj për të kontribuar nё de-eskalimin e situatës dhe mosndërmarrjen e veprimeve qё mund tё shkallёzojnë situatёn nё veriun e vendit. Kjo pёrfshin njё zvogёlim tё menjёhershёm nё masёn e 25% tё prezencёs policore nё dhe rreth ndёrtesave komunale. Policia e Kosovës bashkё me EULEX-in dhe KFOR-in, sipas nevojës do të vlerёsojnё gjendjen e sigurisё, nё veçanti pёr tё shikuar mundёsinё pёr zvogёlim tё mёtejshëm tё prezencёs policore nё dhe rreth ndёrtesave komunale”, thuhej në një njoftim të qeverisë së Kosovës.

    Për shkak të tensioneve në veri të Kosovës që përfshiu veriun e Kosovës që nga muaji maj, dhe mosveprimi i qeverisë për të shtensionuar situatën, BE-ja vendosi masa ndëshkuese ndaj Kosovës. Situata në veriun e Kosovës u  përkeqësua pasi serbët lokalë në komunat në veri të Kosovës, Zveçan, Leposaviq dhe Zubin Potok, kundërshtuan hyrjen e kryetarëve të rinj shqiptarë, me ndihmën e Policisë së Kosovës, në ndërtesat komunale.

    Bashkimi Evropian i kërkonte Kosovës që të pezullojë operacionet policore, të bëhet  zhvendosja e kryetarëve shqiptar të komunave në zyra alternative dhe të shpalljen zgjedhjet e parakohshme me pjesëmarrje të pakusht të serbëve të Kosovës. Zyrtarë të BE-së kanë përsëritur, se heqja e masave ndëshkuese ndaj Kosovës do të varet nga zbatimi i obligimeve që ka marrë Prishtina dhe hapat e tjerë që priten nga autoritetet në Kosovë për vazhdimin e përpjekjeve për të ulur tensionet në veri.

    Tensionet vazhdojnë

    Bashkimi Evropian po vazhdon të mbajë masat penalizuese ndaj Kosovës që përfshijnë; pezullimin e përkohshëm të punës së trupave të krijuara në bazë të Marrëveshjes së Stabilizim Asociimit (MSA), mosftesën e Kosovës në takime të nivelit të lartë dhe pezullimin e vizitave dypalëshe. Masat e tjera përfshijnë edhe ndaljen e programimit të fondeve për Kosovën nga IPA 2024 (Instrumentet e Para-Anëtarësimit) si dhe propozimet e Kosovës në kuadër të Kornizës së Investimeve në Ballkanin Perëndimor nuk janë dorëzuar për shqyrtim nga bordi më 29 dhe 30 qershor.

    Tensionet mes Prishtinës dhe Beogradit vazhdojnë, ende në sfond nuk duket një komunikim i mirëfilltë, megjithë ndërmjetësimin e BE-së. Më 24 korrik Ministria e Punëve të Jashtme e Kosovës njoftoi se e ka refuzuar kërkesën e Petar Petkoviq, që të hyjë në Kosovë.  “E konfirmojmë se Ministria e Punëve të Jashtme dhe Diasporës nuk e ka aprovuar këtë herë kërkesën e zyrtarit serb, Petar Petkoviq për hyrje në Republikën e Kosovës”, thuhet në një njoftim të ministrisë. Petkoviq, që njëherësh është edhe kryenegociator i Serbisë në dialog me Kosovën, nuk është hera e parë që i ndalohet hyrja në Kosovë./REL/

  • “Si n’vend tanin s’ka ma mirë”, thotë kjo mërgimtare

    “Si n’vend tanin s’ka ma mirë”, thotë kjo mërgimtare

    Emisioni veror i ATV-së, “n’mal An’det”, që nisi transmetimin javën e kalaur, vazhdon të sjellë për shikuesit argëtim, intervista dhe eksplorim kulturor.

    Një ndër rubrikat që do ta përcjellin këtë emision është edhe rubrika “Shqipnisht”, përmes së cilës mësohen fjalë dhe shprehje të ndryshme, që përdoren në regjione të rajonit.

    Në kuadër të kësaj rubrike, gazetarja e ATV-së i ka pyetur qytetarët se a e dinë ata kuptimin e fjalës “sallanik”, e cila fjalë përdoret në Korçë. Me ndihmën e gazetares, disa nga të intervistuarit e qëlluan përgjigjen e kësaj fjale.

    Edhe kësaj radhe, krahas pyetjes dhe përpjekjes së tyre për të gjetur përgjigjen, shumë qytetarë lëshuan deklarata interesante para kamerës së ATV-së.

    Një mërgimtare, e pyetur se si po e kalon në pushime në Kosovë, ajo tha: “si n’vend tëndin s’ka më mirë”.

    Emisioni n’mal An’det, i cili vjen në një format më ndryshe, drejtohet nga yjet e ATV-së, Roberti, Emira dhe Jeta dhe jepet çdo ditë nga e hëna deri të premten prej orës 21:10.

    Në videon e më poshtme e gjeni emisionin e plotë “n’mal A n’det” që u transmetua mbrëmë:

  • ​Tentoi t’i godas policët me kombi, arrestohet

    ​Tentoi t’i godas policët me kombi, arrestohet

    Një person është arrestuar në Gjilan për shkak se me automjetin e tij kombi ka tentuar të godas dy zyrtarët policor të cilët i kishin dhënë shenjë për t’u ndalur për shkak se në automjet i dyshuari kishte pasur të ngarkuara mallra të ndryshme-kryesisht pije alkoolike të cilat dyshohej se ishin të kontrabanduara.

    Sipas Policisë, gjatë ballafaqimit, njëri nga zyrtarët policor në vetëmbrojtje, ka përdorur mjetet zyrtare por nuk janë shkaktuar lëndime apo dëme materiale.

    Me vendim të prokurorit i dyshuari pas intervistimit është dërguar në mbajtje, ndërsa automjeti me mallra është dërguar në terminalin doganor-Dheu i Bardhë.

    Lidhur me rastin për procedura të mëtejme janë informuar institucionet kompetente.

  • Në BE përmes Serbisë, kontrabandohen mbi 5 mijë persona nga Kuba

    Në BE përmes Serbisë, kontrabandohen mbi 5 mijë persona nga Kuba

    Mbi 5 mijë migrantë janë kontrabanduar nga Kuba nëpërmjet Serbisë në Bashkimin Evropian për 9 mijë euro për person, ka bërë të ditur Europol.

    Forcat e zbatimit të ligjit nga pesë vende kanë ndërprerë një rrjet kriminal ndërkontinental që kontrabandon emigrantë nga Kuba në Bashkimin Evropian. Hetimi, i koordinuar nga Europol dhe INTERPOL, çoi në arrestimin e 62 personave, 25 prej të cilëve ishin shtetas kubanë. Anëtarët e rrjetit të kontrabandës së emigrantëve përdorën një aplikacion të njohur mesazhesh për të reklamuar shërbimet e tyre të paligjshme për klientët kubanë që gjenden në situata të vështira. Për një pagesë prej rreth 9 000 euro organizonin udhëtimin, transfertat dhe siguronin dokumentacion fals. Kriminelët udhëtuan

    personalisht nga Kuba në Serbi, duke përfituar nga mungesa e kërkesave për viza për të hyrë në Serbi në atë kohë. Më pas emigrantët do të kontrabandoheshin në Greqi, nga ku udhëtuan për në Spanjë. Në total, dyshohet se rrjeti kriminal ka kontrabanduar me sukses në BE rreth 5 000 shtetas kubanë, duke nxjerrë një fitim prej rreth 45 milionë euro.

    Hetimi zbuloi një infrastrukturë komplekse kriminale të ngritur në shumë qytete në të gjithë Spanjën, Greqinë dhe Serbinë, e aftë për t’iu përshtatur rrethanave në ndryshim për të mbajtur biznesin e tyre të paligjshëm. Në ditën e aksionit në qershor të vitit 2023, oficerët e policisë nga të tre vendet sekuestruan një sërë asetesh kriminale, duke përfshirë qindra dokumente të falsifikuara dhe pajisje falsifikuese. Në total u sekuestruan 18 pasuri të paluajtshme, 33 automjete dhe 144 llogari bankare, së bashku me shuma të mëdha parash në monedha të ndryshme.

    Rrugë jashtëzakonisht e gjatë dhe e shtrenjtë kontrabande

    Hetimi nisi në tetor të vitit 2021 pasi autoritetet serbe, greke, maqedonase të veriut dhe finlandez raportuan një numër të shtuar të qytetarëve kubanë që tentonin të hynin në Evropë me dokumentacion të falsifikuar. Në janar të vitit 2023, një Njoftim i Përbashkët i Inteligjencës që përshkruan këtë prirje u lëshua nga Europol, Agjencia e Bashkimit Evropian për Azilin dhe Frontex. Njoftimi me temën “Shtetasit kubanë të kontrabanduar në BE: ndryshimi i rrugëve dhe metoda e veçante në një peizazh gjeo-politik të ndryshuar” raportonte mbi efektin që lufta ruse në Ukrainë pati në rrugët e kontrabandës së emigrantëve.

    Fillimisht, shtetasit kubanë udhëtonin komercialisht në Rusi nga Kuba. Atje, kontrabandistët u ofruan atyre mundësinë ose të kalonin kufirin finlandez-rus në mënyrë të parregullt për të hyrë në territorin e BE-së, ose të udhëtonin për në Serbi për të vazhduar udhëtimin e tyre në Evropën Qendrore ose Jugore përmes rajonit të Ballkanit Perëndimor. Që nga fillimi i luftës së nisur nga Rusia kundër Ukrainës, rruga u ndryshua. Shtetasit kubanë u dërguan në Serbi nëpërmjet aeroportit të Frankfurtit, Gjermani. Pas mbërritjes së shtetasve kubanë në Serbi, anëtarët e rrjetit kriminal do të lehtësonin hyrjen e tyre të parregullt në Maqedoninë e Veriut dhe Greqi nga toka. Duke përdorur rrugë të ndryshme, kontrabandistët drejtonin grupe të mëdha migrantësh dhe i bënin të ecnin në errësirë pa furnizime për orë të tëra. Përveç këtyre kushteve të vështira, kriminelët do të përfitonin nga emigrantët, përfshirë të miturit, dhe do t’i nënshtroheshin atyre mashtrimeve, grabitjeve dhe zhvatjeve. Në disa raste, gratë transferoheshin në grupe të tjera kriminale për shfrytëzim seksual.

    Pas mbërritjes së tyre në Greqi, emigrantët ose do të aplikonin për azil ose do të përdornin transportin e mëtejshëm drejt vendeve të tjera të BE-së të organizuar nga kriminelët, si fluturimet për në Spanjë ose transportin detar për në Itali. Për të udhëtuar brenda BE-së, rrjeti kriminal u siguronte migrantëve dokumente të falsifikuara ose përdori të ashtuquajturën metodë të ngjashme, në të cilën dokumentet origjinale të udhëtimit vidhen dhe i jepen një migranti që ngjan shumë me pronarin e vërtetë të pasaportës.

    Roli i Europolit

    Europol organizoi një sërë takimesh operacionale dhe lehtësoi bashkëpunimin, koordinimin dhe shkëmbimin e personelit ndërmjet partnerëve të tij. Gjatë ditës së aksionit, tre analistë të Europolit dhe një specialist u vendosën në Spanjë, Greqi dhe Serbi. Analistët dhe specialisti ofruan mbështetje në vend me analiza të inteligjencës dhe raporte të kryqëzuara. Për më tepër, një ekip hetuesish të Europol-it dhanë mbështetjen e tyre në ditën e veprimit nga selia e Europol-it në Hagë duke ofruar koordinim dhe udhëzime për personelin e vendosur.

  • “Thaçi ka qenë veç turist në luftë”, deputeti Lushtaku e quan të pavërtetë deklaratën e Haradinajt

    “Thaçi ka qenë veç turist në luftë”, deputeti Lushtaku e quan të pavërtetë deklaratën e Haradinajt

    Deputeti i PDK-së, Mërgim Lushtaku e ka komentuar deklaratën e kryetarit të AAK-së, Ramush Haradinaj, i cili tha se Hashim Thaçi në luftë ka qenë vetëm turist.

    Lushtaku e ka quajtur deklaratën të pavërtetë, duke shtuar se informatat më të sakta për veprimtarinë e Thaçit në luftë i ka rrethi i këtij të fundit.

    “Besoj që Ramush Haradinaj nuk e ka informatën për Hashim Thaçin. Informatat më të sakta i ka rrethi që ka bashkëpunuar dhe ka bashkëvepruar Hashim Thaçi, i cili është tashmë edhe para Gjykatës së Hagës padrejtësisht. Në këtë fushë nuk dua të zgjerohem pasi që dihet se ka një aktakuzë edhe pse nuk ndërlidhet me këtë gjë. Krejtësisht të pavërteta ato çka i ka thënë. Por në këtë pjesë ne e dimë shumë mirë që ai ka marrë pjesë në betejë dhe më së shumti e dinë bashkëluftëtarët e tij”, ka thënë Lushtaku në InfoNata në Tëvë 1.

    Kryetari i AAK-së, Ramush Haradinaj në emisionin Respublika në Tëvë 1 ka folur për kohën e luftës dhe rolin që e ka pasur ish-drejtori politik i UÇK-së, Hashim Thaçi gjatë asaj kohë.

    Haradinaj ka thënë se ish-presidenti Thaçi dhe ish-komandanti i Zonës Operative të Llapit, Rrustem Mustafa-Remi kanë qenë “turistë” në UÇK.

    “Zoti Thaçi turist është, më falni në shprehje. Turist është, ai ka qëndru në Drenicë, ai ka qëndru në Rogner, ka qëndru diku tjetër. Zoti Rrustem Mustafa turist është. Ka luftuar tre javë Remi në Llap. Ose tjetri ose tjetri, turista janë në UÇK, o djem. E kanë bërë të përkohshëm, përkohësisht hin e dil. Nuk jam duke ju fol pahiri, por po ju fol dikush i cili që nga data 24 mars 1998, shkoni le t’i marrin hetuesit e Kosovës, prokurorët, le t’i hijnë rend Dukagjinit, le t’i pyesin katun për katun: A jeni kanë në luftë, sa vet jeni kanë, kur ja keni nis, çka ka ndodhë me ju?”, ka thënë Haradinaj.

  • “Tre djem, secili më i madh se shoqi, por punën nuk e kishin dashtë hiç”, historia e fermerit që u bë mësim për të gjithë brezat e ardhshëm

    “Tre djem, secili më i madh se shoqi, por punën nuk e kishin dashtë hiç”, historia e fermerit që u bë mësim për të gjithë brezat e ardhshëm

    Emisioni veror i ATV-së, “n’mal An’det”, që nisi transmetimin javën e kaluar, vazhdon të sjellë për shikuesit argëtim, intervista dhe eksplorim kulturor.

    Në këtë emision, pos rubrikave të shumta argëtuese, çdo ditë do të ketë edhe tregime popullore.

    Mbrëmë, në ciklin e tregimeve popullore, u rrëfye një histori e një bujku që i kishte pasur tre djem, secilin më të zotë se shoqin, por këta të fundit nuk e kishin dashtë punën hiç. Në këtë tregim thuhet se babai i tyre, për t’i motivuar që ta punojnë tokën, u thotë se kishte fshehur një qyp me para në vreshtë, por për ta gjetur atë, duhet të rrëmihin tokën thellë e më thellë. Pas disa tentimeve ata nuk gjetën një, por me kalimin e viteve e kuptuan se kanë gjetur thesarin e vërtetë që u kishte lënë babai.

    Tregimin e plotë mund ta shikoni në videon më poshtë.

    Emisioni n’mal An’det, i cili vjen në një format më ndryshe, drejtohet nga yjet e ATV-së, Roberti, Emira dhe Jeta dhe jepet çdo ditë nga e hëna deri të premten prej orës 21:10.

    Në videon e më poshtme e gjeni emisionin e plotë “n’mal A n’det” që u transmetua mbrëmë: