ATV

Blog

  • 10 nga filmat më të mirë për t’i shikuar në shtator

    10 nga filmat më të mirë për t’i shikuar në shtator

    Nga “Dumb Money” dhe “Saw X” deri te “My Big Fat Greek Wedding 3”, Nicholas Barber, shkrimtar i pavarur për filmin dhe pop kulturën, propozon 10 filmat më të spikatur për t’i shikuar në muajin shtator.

    1. “The Equalizer 3 “

    Djali i Denzel Washington, John David Washington, në filmin The Equalizer 3, 68-vjeçari kthehet si Robert McCall, agjent i pensionuar i qeverisë. Filmi do të publikohet me 30 Gusht në Mbretërinë e Bashkuar, ndërsa për publikun e gjerë me 1 shtator.

    2. “Cassandro”

    Një film biografik i mirënjohur nga producenti dokumentar fitues i çmimit “Oscar”, Roger Ross Williams. Cassandro luan Gael García Bernal në rolin e Saul Armendáriz, një sportist homoseksual meksikan që paguhet për të humbur të gjitha ndeshjet e tij. Filmi lëshohet më 15 shtator në SHBA dhe MB, dhe më 22 shtator në Prime Video.

    3. “Saw X”

    Filmat “Saw” filluan të publikohen dy dekada më parë në vitin 2004. Aktori me rolin e vrasësit në serial, John “Jigsaw” Kramer (Tobin Bell), u vra në vitin 2006 në filmin “Saw III”, por kjo nuk e ndaloi atë të rikthehet – dhe tani më në fund ai po merr momentin e personazhit të tij kryesor. “Saw X” është një vazhdim, i vendosur midis ngjarjeve të filmave “Saw” dhe “Saw II”. Filmi do të publikohet nga 28 shtatori.

    Përpos këtyre, në këtë listë bëjnë pjesë edhe filma të tjerë si: “No One Will Save You”, “The Creator”, “Dumb Money”, “My Big Fat Greek Wedding 3”, “Mr. Jimmy”, “A Haunting in Venice”, dhe filmi “The Inventor”./BBC/

  • ​Gjendet krimb i gjallë në trurin e një gruaje australiane

    ​Gjendet krimb i gjallë në trurin e një gruaje australiane

    Për herë të parë në botë, shkencëtarët thonë se një krimb 8 cm është gjetur i gjallë në trurin e një gruaje australiane.

    Krimbi u nxor nga lobi frontal i dëmtuar i pacientit gjatë operacionit në Canberra, kryeqytetin e Australisë, vitin e kaluar.

    Gruaja vuajti nga ajo që mjekët e quajtën një “plejadë e pazakontë simptomash” – dhimbje stomaku, kollë dhe djersitje gjatë natës, duke evoluar në harresë dhe depresion.

    Paraziti i kuq mund të kishte ketë qenë deri në dy muaj në trurin e saj.

    Studiuesit po paralajmërojnë se rasti nxjerr në pah rrezikun e shtuar të sëmundjeve dhe infeksioneve që kalojnë nga kafshët te njerëzit.

    “Të gjithë në atë sallë operacioni u tronditën kur kirurgu mori disa pincë për të kapur një anomali dhe anomalia doli të ishte një krimb i gjallë, 8 cm, i kuq,” tha Sanjaya Senanayake, një mjek i sëmundjeve infektive në Spitalin e Kanberrës.

    Krimbi i rrumbullakët “Ophidascaris robertsi” është i zakonshëm te “carpet pythons” – gjarpërinjtë jo helmues që gjenden në pjesën më të madhe të Australisë.

    Duke shkruar në revistën Emerging Infectious Diseases, Mehrab Hossain, një ekspert australian në parazitologji, tha se ai dyshon se gruaja u infektua pasi përdori bimët e kontaminuara nga feçet e pitonit dhe vezët e parazitëve për gatim.

    Pacientja u shtrua në spital në fund të janarit 2021. Ajo është duke u rikuperuar mirë pavarësisht se ka bërë histori mjekësore./BBC/

  • ​Dëmtohet qëllimisht shtegu i ecjes në Tokbahçe

    ​Dëmtohet qëllimisht shtegu i ecjes në Tokbahçe

    Edhe pse ende nuk ka përfunduar puna për përurimin e tij, tashmë shtegu i ecjes në lagjen Tokbahçe në Prishtinë tashmë ka pësuar dëmtime.

    Këto dëmtime, sipas drejtorit të Drejtorisë për Sport në Komunën e Prishtinës, Granit Rugova, janë të qëllimshme, përcjellë KosovaPress.

    Ai ka publikuar foto ku shihet shtegu i dëmtuar, derisa ka bërë të ditur se tashmë janë njoftuar organet përgjegjëse për ta hetuar rastin.

    “E tmerrshme dhe e dhimbshme se si u dëmtua qëllimisht ende pa përfunduar shtegu i ecjes dhe vrapimit në Taukbahqe. Pse duhet të ndodhë një gjë e tillë… thjeshtë e pabesueshme!!! I dënojmë veprimet e tilla huligane dhe qëllim keqe, dhe i ftojmë institucionet përgjegjëse që të ndjekin rastin deri në fund. Puna do të vazhdojë, sportistët dhe qytetarët do ta shfrytëzojnë shtegun e përfunduar që ju takon shumë shpejtë.”, ka shkruar Rugova në “Facebook”.

  • ​Seanca ndaj Thaçit dhe të tjerëve, trupi gjykues vendos në favor të një kërkesë të mbrojtjes

    ​Seanca ndaj Thaçit dhe të tjerëve, trupi gjykues vendos në favor të një kërkesë të mbrojtjes

    Në Gjykatën Speciale po vazhdon edhe sot seanca gjyqësore ndaj Hashim Thaçit, Kadri Veselit, Rexheo Selimit dhe Jakup Krasniqit.

    Në fillim të seancës, kryetari i trupit gjykues, Charles Smith tha se sa i takon listës së materialeve, rikujtoi se më 16-17 gusht 2023, u ngritën u ngritën problematika sa i përket faktit nëse ekipet e mbrojtjes mund të ngarkonin në listën e prezantimeve, materiale që ishin tashmë në listën e një ekipi tjetër të mbrojtjes, gjë që ZPZ-ja e kundërshtojë këtë procedurë me arsyetimin se nuk ishin në dijeni për materialet që mbrojtja e Kadri Veselit synonte të përdorte në pyetjet e veta të dëshmitarit.

    “Trupi gjykues rikujton se në përputhje me paragrafin 83 të shkëmbimit të gjykimit, lista e prezantimeve, kur arritën të gjitha dokumentet apo materialet e tjera që do të përdorin palët që do të bëjnë pyetjet, u duhet nxjerr trupit gjykues dhe palëve të tjera më së paku menjëherë pas përfundimit të pyetjeve të prokurorit të këtij dëshmitari… prandaj në rrethana aktuale çdo ekip mbrojtës do të ngarkojë në listën e materialeve vetëm dokumente që synojnë të përdorin në kundërpyetjet e veta me përjashtim të rasteve që ky material është në listën e materialeve të prokurorisë, sigurisht do të ketë një farë mbivendosje në mes të ekipeve të mbrojtjeve por trupi gjykues vlerëson se është një mënyrë më e përshtatshme për të vijuar”, tha ai.

    Seanca vazhdon e mbyllur me pyetjet e prokurorisë për dëshmitarin e mbrojtur W03832, apo dëshmitari i 18-të.

  • ​26 sportistë përfaqësojnë Kosovën në Lojërave Mesdhetare “Heraklion 2023”

    ​26 sportistë përfaqësojnë Kosovën në Lojërave Mesdhetare “Heraklion 2023”

    26 sportistë të pesë sporteve të ndryshme, do të përfaqësojnë Kosovën në edicionin e tretë të Lojërave Mesdhetare në Rërë Heraklion 2023, të cilat prej 9 deri më 16 qershor mbahen në qytetin Heraklion të Greqisë.

    Sportistët vijnë nga sportet e volejbollit në rërë, basketbollit 3×3, hendbollit në rërë, not në ujëra të hapura dhe karate në rërë.

    Hendbolli në rërë, basketbolli 3×3 dhe karate në rërë përfaqësojnë për herë të parë vendin tonë në një ngjarje të tillë. Hendbolli merr pjesë me ekipin e meshkujve, ndërsa basketbolli 3×3 dhe volejbolli në rërë në të dyja konkurrencat.

    Dy notarët do të garojnë në disiplinën 5 km në ujëra të hapura, ndërsa dy karateistët në disiplinën kata individuale.

    Krahas sportistëve dhe trajnerëve, vollejbolli përfaqësohet edhe me gjyqtarin Valon Mustafa.

    Kosova për herë të parë u përfaqësua në LMR Patras 2019.

  • ​Me kamion këput një kabllo rryme dhe rrëzon disa shtylla druri

    ​Me kamion këput një kabllo rryme dhe rrëzon disa shtylla druri

    I dyshuari mashkull kosovar duke drejtuar kamionin me rimorkio të ngarkuar, e ka këputur një kabllo rryme dhe ka rrëzuar disa shtylla druri me ç’rast e ka dëmtuar një pllakë të varrezave.

    Rasti ka ndodhur mbrëmë në Junik, ku i dyshuari është intervistuar dhe me vendim të prokurorit është liruar në procedurë të rregullt.

  • ​Milani refuzon ofertën e Chelseat për Kalulu

    ​Milani refuzon ofertën e Chelseat për Kalulu

    Bayern Munich po kërkon të marrë Pierre Kalulun për të zëvendësuar objektivin e Interit, Benjamin Pavard, por Milani thuhet se nuk ka ndërmend ta shesë francezin.

    “Nerazzurrët” kanë rënë dakord prej kohësh me Pavard, por gjigantët bavarez e kanë bërë të qartë se ata nuk do të nënshkruajnë transferimin e tij prej 32 milionë euro në kryeqytetin e Lombardisë derisa të sigurojnë një zëvendësim.

    Kalulu doli si një objektiv kyç për Bayernin, i cili shpreson të nënshkruajë me 23-vjeçarin në një marrëveshje huazimi me opsion të blerjes, por pak kohë ka mbetur deri në fund të afatit kalimtar veror.

    Siç raportohet nga Tuttosport , Milani nuk ka ndërmend të pranojë ofertën e bavarezëve për huazim dhe se do të ulej për të biseduar vetëm për një ofertë rreth 35 milionë euro.

    Stefano Pioli e konsideron mbrojtësin francez një pjesë thelbësore të skuadrës së tij dhe vonesa e interesit të gjigantit të Bundesligës e bën tepër të vështirë gjetjen e një zëvendësuesi.

  • ​Gjendet i vdekur një femër në Klinë

    ​Gjendet i vdekur një femër në Klinë

    Është raportuar se në një banesë një person dyshohet se është pa shenja jete. Njësitë policore së bashku me njësitin e Qendrës se Mjekësisë Familjare kanë dalur në vendin e ngjarjes, ku ekipi mjekësor ka konstatuar se viktima femër kosovare është pa shenja jete.

    Rasti është raportuar mbrëmë në Klinë, ku vendin e ngjarjes po ashtu ka dal edhe prokurori i shtetit me urdhër të së cilit trupi i pa jetë i viktimës është dërguar në IML për obduksion. Rasti vazhdon të hetohet.

  • ​Yakin e sheh Xhakën si pasues të tij në krye të Zvicrës

    ​Yakin e sheh Xhakën si pasues të tij në krye të Zvicrës

    Trajneri i Kombëtares së Zvicrës, Murat Yakin e ka lavdëruar maksimalisht mesfushorin Granit Xhaka për të cilin ka thënë se e sheh edhe si trajner të kësaj kombëtareje në të ardhmen.

    Në afatin kalimtar veror, Xhaka braktisi Arsenalin për të kaluar në Bundesligë të Bayer Leverkusen, skuadër me të cilën e ka nisur mjaftë mirë edicionin e ri.

    Transferimin e tij në Gjermani, Yakin e ka cilësuar si vendim të duhur për futbollistin nga Kosova, transmeton KosovaPress.

    Për më tepër, Yakin ka thënë se me cilësitë që posedon, Xhaka në të ardhmen mund të jetë trajner i Zvicrës.

    “Më vjen mirë për të gjitha opinionet dhe pikëpamjet e tij. Me njohuritë dhe përvojën që ka, nuk kam asnjë dyshim që Graniti mund të jetë një trajner i suksesshëm. Por ai nuk është i vetmi. Këtë e them edhe për Manuel Akanjin. Për mua ai është i paracaktuar të bëjë një karrierë trajneri.”, ka thënë Yakin.

    I pyetur se cilin prej kë tyre dy futbollistëve e sheh si pasues të tij, Yakinn tha:

    “Në një moment i besoj absolutisht të dyve.”.

    Ndryshe, më 9 shtator, Zvicra do të ballafaqohet me Kosovës në Prishtinë në kuadër të kualifikimeve për Euro 2024.

  • ​Kosovë-Zvicër, dalin në shitje biletat, këto janë çmimet

    ​Kosovë-Zvicër, dalin në shitje biletat, këto janë çmimet

    Federata e Futbollit e Kosovës ka njoftuar se biletat për ndeshjen Kosovë – Zvicër, në kuadër të kualifikimeve për EURO 2024, e cila zhvillohet më datë 9 shtator 2023, në orën 20:45, në stadiumin “Fadil Vokrri”, dalin në shitje sot në orën 13:00. Ato mund t’i blihen përmes platformës online.

    Çmimet e biletave janë si në vijim: Veri dhe Jug 5 euro, Lindje 10 euro, Perëndim 20 euro dhe VIP 80 euro.

    Ky është LINKU për blerjen e biletave.