ATV

Blog

  • ​Guardiola: Dua sërish trofeun e Championsit

    ​Guardiola: Dua sërish trofeun e Championsit

    Pep Guardiola e ka sfiduar skuadrën e tij Manchester City për të arritur diçka të veçantë dhe për të fituar sërish titullin e Ligës së Kampionëve.

    Fituesit e tripletës sezonin e kaluar fillojnë mbrojtjen e kurorës së tyre evropiane teksa presin Yllin e Kuq të Beogradit në stadiumin “Etihad” të martën.

    City më në fund i dha fund përpjekjeve disa vjeçare për ta fituar Ligën e Kampionëve për herë të parë sezonin e kaluar, por, ndërsa Guardiola është krenar për arritjet e tyre, ai mendon se misioni nuk ka përfunduar ende, përcjellë KosovaPress.

    “Do të doja të them se për klubin tonë të fitojë Ligën e Kampionëve është e pabesueshme, hera e parë në historinë tonë, por, në perspektivë, sa skuadra kanë fituar një herë Ligën e Kampionëve? Shumë kanë fituar dy, tre, katër, pesë herë. Në perspektivë, ne nuk bëmë asgjë të veçantë. Është vetëm një”, tha Guardiola.

    Është më e vështirë të fitosh të parin. Por çdo sezon ne e nisim garën në ndeshjen e parë me objektivin për të fituar ndeshjen e parë, pastaj fazën e grupeve, pastaj përpiqemi të fitojmë Ligën e Kampionëve. Asgjë nuk ndryshon nga më parë.”, theksoi ish-trajneri i Barcelonës.

  • Modelja me sindromën Down ndryshon pikëpamjen e industrisë së modës

    Modelja me sindromën Down ndryshon pikëpamjen e industrisë së modës

    Beth Matthews, 23 vjeç, nga Swansea, është një nga të paktët në gjendje për të ecur në një event ndërkombëtar të modës siç është eventi “London Fashion Week”.

    Që nga viti 2022 ajo ka pozuar për Cosmopolitan dhe ishte e ftuar të ecte në tapetin e Festivalit të Filmit në Venecia, shkruan BBC, transmeton KosovaPress.

    Nëna e saj, Fiona, tha se vetëbesimi në rritje i Beth-it e ka ndihmuar atë të gjejë identitetin e saj.

    Ajo shtoi se kjo gjë do të ndryshonte perspektivat mbi sindromën Down dhe tregon “se dikush si Beth ka një jetë të mahnitshme”.

    Beth u frymëzua të bëhej modele pasi pa punën e Ellie Goldstein, e cila gjithashtu ka sindromën Down dhe ka përfaqësuar kompaninë e modës Gucci.

    Rreth 47,000 njerëz në Mbretërinë e Bashkuar kanë sindromën Down, e cila shkaktohet nga një kromozom shtesë.

    Beth tha se ishte “me të vërtetë e emocionuar” për të modeluar në javën e modës, duke shtuar se 18 muajt e saj të modelimit e kishin bërë atë të kishte më shumë vetëbesim.

  • Rritja e numrit të aksidenteve në trafik, Dedaj: Kjo Qeveri s’po shqetësohet për këto aksidente me fatalitet

    Rritja e numrit të aksidenteve në trafik, Dedaj: Kjo Qeveri s’po shqetësohet për këto aksidente me fatalitet

    Pesë persona kanë vdekur gjatë vikendit dhe dhjetëra të tjerë janë lënduar si pasojë e aksidenteve të trafikut në Kosovë. Të dhënat e policisë tregojnë se vetëm gjatë të shtunës dhe të dielës janë raportuar 109 aksidente trafiku , prej të cilave, 41 prej tyre me të lënduar dhe 65 të tjera me dëme materiale.

    Nol Dedaj, ekspert i komunikacionit në një lidhje të drejtpërdrejt për emisionin “A LIVE”, tha se duhet të krijohet një strategji për siguri rrugore, në mënyrë që të krijohet siguria në trafik.

    “Qeveria s’po shqetësohet dhe organet përkatëse nuk janë të shqetësuar për këto aksidente që po ndodhin. Nuk po ndërmerret asgjë që të parandalohen aksidentet në trafik në Kosovë. Nuk kemi strategji për siguri rrugore. Të gjitha shtetet ë bëjnë strategjinë 10-vjecare dhe e parashohin hap pas hapi se cilat janë at elemente që I parandalojnë këto aksidente. Ne e kemi pasur një strategji rrugore 2010-2020, edhe aty është shkruar se 50 për qind e aksidenteve rrugore do të zvogëlohen me marrjen e këtyre masave por në fakt kjo përqindje është rritur sepse nuk ka qenë e zbatueshme fare kjo strategji dhe pastaj as sot nuk kemi një strategji të tillë”, tha Dedaj.

    Për më shumë ndiqni videon e mëposhtme:

  • ​Osmani takoi një grup të shoqatave të komunitetit shqiptar në SHBA

    ​Osmani takoi një grup të shoqatave të komunitetit shqiptar në SHBA

    Presidentja e Kosovës, Vjosa Osmani, e cila po qëndron në New York ku po mbahet sesioni i 78-të i Asamblesë së Kombeve të Bashkuara, nën organizimin e aktivistit të mërgatës shqiptare dhe shërbimeve filantropike, Mark Gjonaj, ka takuar një grup të organizatave të komunitetit shqiptarë nga Kosova, Shqipëria, Maqedonia e Veriut, Presheva, Medvegja, Bujanoci dhe Mali i Zi, të cilat veprojnë në SHBA.

    Sipas presidentes Osmani, ky takim me mërgatën shqiptare është dëshmi e lidhjeve të forta dhe të qëndrueshme ndërmjet popullit të Kosovës, si dhe komunitetit shqiptar në përgjithësi me Shtetet e Bashkuara të Amerikës, thuhet në komunikatën për media.

    Në këtë kontekst, Osmani, ka falënderuar komunitetin shqiptar, i cili përveç se në forcimin e lidhjeve të Kosovës me SHBA-të, ka ndihmuar shtetin e Kosovës në procesin e lirisë, pavarësisë dhe shtetndërtimit.

    “Ju jeni forca shtytëse e shumë proceseve nëpër të cilat ka kaluar Kosova. Liria dhe shteti jonë, janë rezultat edhe i angazhimit të vazhdueshëm të mërgatës sonë këtu, ndaj faleminderit për gjithçka që keni bërë dhe po bëni. Na duhet edhe mëtej angazhimi juaj. Kosova ka nevojë për mbështetjen tuaj dhe të SHBA-ve. E di që nuk hezitoni, ndaj presim që bashkërisht, pa dallim të angazhohemi që ta fuqizojmë shtetin tonë, krahas mbështetjes dhe koordinimit me aleatat tanë”, ka thënë ajo.

    Bëhet e ditur se e para e vendit shtroi nevojën e ruajtjes dhe promovimit të kulturës dhe trashëgimisë sonë në Shtetet e Bashkuara, për të cilën gjë tha se rol më rëndësi luajnë shoqatat, të cilat i grumbullojnë shqiptarët.

    Në bashkëbisedim me mërgatën, Osmani tha se Kosova pret mbështetjen e tyre edhe në fushën e investimeve. Sipas saj, në Kosovë tashmë është krijuar një klimë e përshtatshme për investime, ndaj investimet nga mërgata janë të mirëseardhura.

    Ndërkaq përfaqësues të shoqatave që grumbullojnë shqiptarët në SHBA, falënderuan Osmanin për takimin dhe shprehën mbështetjen e palëkundur për Kosovën dhe përkushtimin për të ndihmuar iniciativa të ndryshme, të cilat synojnë zhvillimin dhe mirëqenien e shtetit.

  • ​FSHF në garë për të sjellë në Shqipëri finalet e një Kampionati Evropian

    ​FSHF në garë për të sjellë në Shqipëri finalet e një Kampionati Evropian

    Komiteti Ekzekutiv i UEFA-s do të shqyrtojë në mbledhjen e radhës së 26 shtatorit kandidaturat për organizimin e Kampionatit Evropian U-17 për vitet 2025, 2026 dhe 2027 dhe Kampionatit Evropian U-19 për vitet 2026 dhe 2027.

    Federata Shqiptare e Futbollit është pjesë e kësaj gare të rëndësishme për të cilën ka dorëzuar aplikimet për organizimin e Kampionatit Evropian U-17 për vitet 2025, 2026 dhe 2027 dhe Kampionatit Evropian U-19 për vitet 2026 dhe 2027. Pjesë e kësaj gare janë dhe Federata nga vende të rëndësishme evropiane.

    Në aplikimin e dorëzuar nga Federata Shqiptare e Futbollit është parashikuar që ndeshjet të zhvillohen në “Air Albania Stadium”, “Elbasan Arena”, “Loro Boriçi” dhe “Arena Egnatia”. Këto stadiume do të presin ndeshjet e fazës së grupeve, ato gjysmëfinale dhe finalen e madhe. Gjithashtu për zhvillimin e një kompeticioni të tillë kërkohen 8 qendra stërvitore me fusha me bar natyral, të cilat do të jenë në aksin Tiranë-Durrës, kjo edhe për shkak të numrit të hoteleve me kushte specifike që kërkohen.

    Shqipëria është kualifikuar nga Komisioni i Tenderimit si një vend që i ka të gjitha aftësitë, kapacitetet dhe plotëson kriteret për organizimin e një Kampionati Evropian për moshat e reja. Ky është padiskutim suksesi parë, duke parë kriteret e larta që aplikohen në organizimin e kompeticioneve të tilla madhore me vëmendje dhe interes të madh ndërkombëtar.

    Sigurimi i të drejtës për organizimin e një Kampionati Europian futbolli, nëse ky besim do t’i jepet nga UEFA në mbledhjen Komitetit Ekzekutiv javën e ardhshme, do të ishte padiskutim aktiviteti dhe ngjarja më e madhe sportive e organizuar ndonjëherë në Shqipëri dhe rajon. Organizimi i një Evropiani tejkalon pa asnjë dyshim dhe organizimin e jashtëzakonshëm të finales historike të UEFA Conference League.

    Për kompeticionet që ka aplikuar Federata Shqiptare e Futbollit do të jenë pjesëmarrëse 8 skuadra, duke sjellë në vendin tonë interes të madh mediash, tifozësh dhe sigurisht skuadra të mëdha që do ta kthenim vendin tonë për një muaj në epiqendër të lëvizjes futbollistike evropiane.

    Një Kampionat Evropian në Shqipëri do të kishte një ndikim të madh edhe tek të rinjtë dhe të rejat e këtij vendi, që jetojnë me futbollin si dhe do të përfshinte në organizimin e tij mijëra të tjerë, kjo për faktin se do të zhvillohen 15 ndeshje të cilat për nga niveli organizimit janë të barabarta me finalen e UEFA Conference League e zhvilluar majin e vitit të shkuar në Tiranë.

    Në të njëjtën kohë me marrjen e të drejtës së organizimit të një kompeticioni kaq madhor lind dhe detyrimi për të kryer disa investime të rëndësishme shtesë në infrastrukturën e stadiumeve dhe veçanërisht fushave stërvitore ku së bashku me pushtetin qendror dhe atë lokal do të duhet të investohet në Tiranë, Durrës, Kamëz, Elbasan, Shijak, Rrogozhinë e Kavajë.

  • ​Kumnova dorëzoi kallëzim penal ndaj Veljko Odaloviq

    ​Kumnova dorëzoi kallëzim penal ndaj Veljko Odaloviq

    Udhëheqësja e shoqatës “Thirrjet e Nënave”, Nusrete Kumnova, ka dorëzuar kallëzim penal në Prokurorinë Speciale të Kosovës kundër Veljko Odalloviq. Ajo ka thënë se i njëjti dyshohet se është i përfshirë dhe mban përgjegjësi komanduese për kryerjen e veprave penale të krimeve të luftës dhe krimeve kundër njerëzimit.

    Ajo ka shkruar se Odalloviq duhet të jap përgjigje për krimet e kryera nga forcat e Serbisë gjatë luftës në Kosovë.

    Odalloviq aktualisht është kryetar i Komisionit Qeveritar të Serbisë për persona të zhdukur.

    “Velkjo Odalloviq, që gjatë luftës në Kosovë ishte kryetar i ‘Qarkut të Kosovës’, ndërsa aktualisht mban pozitën e kryetarit të komisionit të Qeverisë së Serbisë për persona të zhdukur, dyshohet se është i përfshirë dhe mbanë përgjegjësi komanduese për kryerjen e veprave penale të krimeve të luftës dhe krimeve kundër njerëzimit. Veljko Odalloviq duhet të jep përgjigje për krimet e kryera nga forcat e Serbisë gjatë luftës në Kosovë e jo të mbajë përgjegjësi për zbardhjen e tyre”, ka shkruar Kumnova./KP

  • OKB-ja paralajmëron për rrezik të sëmundjeve në Libinë e përmbytur

    OKB-ja paralajmëron për rrezik të sëmundjeve në Libinë e përmbytur

    Kombet e Bashkuara kanë paralajmëruar se shpërthimi i ndonjë sëmundjeje në Libi mund ta përballë këtë vend me “krizë të dytë shkatërruese”, pas një jave të vërshimeve masive, të cilat e kanë shkatërruar qytetin bregdetar Derna dhe i kanë lënë mijëra njerëz të vdekur.

    Zyrtarët lokalë, agjencitë e ndihmës dhe Organizata Botërore e Shëndetësisë “janë të shqetësuara për rrezikun e përhapjes së sëmundjeve, kryesisht për shkak të ujit të kontaminuar dhe mungesës së kanalizimeve”, kanë thënë Kombet e Bashkuara.

    Vërshimet i kanë lënë të vdekur rreth 3.300 persona dhe mijëra të tjerë vazhdojnë jenë të zhdukur, prej kur stuhia Daniel ka zbarkuar në këtë shtet më 10 shtator.

    Dhjetëra mijëra banorë të traumatizuar tani janë të pastrehë dhe në nevojë të madhe për ujë të pijshëm, ushqime dhe produkte bazike, teksa rriten rreziqet për diarre, dehidrim dhe kequshqyerje, kanë paralajmëruar agjencitë e OKB-së.

    Ekipet e shpëtimit nga disa vende evropiane dhe arabe janë në kërkim të trupave nën rrënoja.

    “Nuk kam marrë asgjë përveç syzeve dhe telefonit, dhe kam ikur derisa uji merrte gjithçka”, ka thënë Abdel Moneim Awad al-Sheikh, 73-vjeçar, i cili është zgjuar nga gjumi në orët e para të mëngjesit nga britmat dhe sasia e ujit.

    Ai i ka ikur katastrofës duke u ngjitur bashkë me gruan në çatinë e shtëpisë.

    Prej rrëzimit të udhëheqësit Muammar Gaddafi më 2011, Libia është ndarë në mes të dy qeverive rivale, të cilat janë përfshirë disa herë në konflikte.

    Kryeministri Abdul Hamid Dbeibah e udhëheq Qeverinë e Unitetit Kombëtar në Tripoli dhe gëzon mbështetjen e Kombeve të Bashkuara.

    Osama Hamad, kryeministër në lindje, udhëheq një administratë rivale të njohur si Shtëpia e Përfaqësuesve./REL/

  • Hidhet poshtë mocioni i mbrojtjes së Shalës për rrëzimin e akuzës për vrasje të paligjshme

    Hidhet poshtë mocioni i mbrojtjes së Shalës për rrëzimin e akuzës për vrasje të paligjshme

    Trupi gjykues në çështjen kundër Pjetër Shalës ka hedhur poshtë mocionin e mbrojtjes për rrëzimin e akuzës për vrasje të paligjshme.

    Mbrojtja e Shalës kishte dorëzuar mocion për të rrëzuar pikën e katërt në aktakuzë, që është ajo për vrasje të paligjshme. Vendimi i trupit gjykues është marrë më 15 shtator.

    Seancat në këtë çështje gjyqësore do të vazhdojnë më 20 shtator në Gjykatën Speciale në Hagë ku do të fillojë paraqitja e provave nga mbrojtja e të akuzuarit.

    Gjykimi kundër ish-pjesëtarit të UÇK-së ka filluar në shkurt të këtij viti ndërsa ai po mbahet në qendrën e paraburgimit në Hagë prej marsit të vitit 2021.

    Sipas Speciales “Krimet për të cilat akuzohet z.Shala u kryen përafërsisht midis 17 majit 1999 dhe 5 qershorit 1999 kundër personave që u mbajtën të ndaluar në fabrikën e metalit në Kukës(Shqipëri), që pretendohet se përdorej prej Ushtrisë Çlirimtare të Kosovës”.

    Pjetër Shala u arrestua më 16 mars 2021 nga autoritetet belge dhe u transferua në Hagë më 15 prill të atij viti, në bazë të një kërkese për bashkëpunim në zbatimin e fletëarrestit dhe urdhrit për transferim lëshuar nga Dhomat e Specializuara të Kosovës.

  • Bllokuan autostradën, gjobiten shoferët e autobusëve

    Bllokuan autostradën, gjobiten shoferët e autobusëve

    Policia e Kosovës, gjatë patrullimit në autostradën “Ibrahim Rugova”, ka hasur në pesë autobus të ndaluar dhe parkuar në shiritin për ndalje emergjente, me ç`rast janë gjobitur të gjithë shoferet.

    Sipas njoftimit, shoferet të cilët janë gjobitur janë larguar nga ai lokacion.

    “Njësia për kontroll të Autostradave gjatë patrullimit në Autostradën Ibrahim Rugova në afërsi të daljes në Suharekë kanë hasur në 5 (pesë) Autobus të ndaluar/parkuar në shiritin për ndalje emergjente, me ç‘rast janë gjobitur të gjithë shoferet si dhe janë larguar nga ai lokacion”, thuhet në njoftimin e policisë.

  • Vetura godet për vdekje një këmbësor në Drenas, arrestohet ngasësja e automjetit

    Vetura godet për vdekje një këmbësor në Drenas, arrestohet ngasësja e automjetit

    Një veturë e ka goditur një person rrugën “Xhevat Dogani” në Drenas, ku si pasojë e lëndimeve të rënda i njëjti ka vdekur.

    Rastin e ka konfirmuar zëdhënësja e Policisë së Kosvoës, Flora Ahmeti, e cila tregoi se vdekjen e tij e ka konstatuar ekipi mjekësor në QKUK.

    Ahmeti shtoi se ngasësja e automjetit të përshirë në aksident është arrestuar.

    “Rreth orës 10:40  kemi pranuar informatën se në rrugën “Xhevat Dogani”-Drenas, ka ndodhur një aksident trafiku me pasoja fatale. Në këtë aksident kanë qenë të përfshirë, një  këmbësor dhe një veturë në lëvizje. Si pasojë e aksidentit lëndime të rënda trupore kanë pësuar këmbësori, i cili nuk ka arritë të përballojë plagët dhe i njëjti  ka ndërruar jetë”, u shpreh Ahmeti.

    “Vdekjen e tij e ka konstatuar ekipi mjekësor në QKUK. Aktualisht policia ka nisë një hetim për zbardhjen e rrethanave që kanë quar deri te ky aksident trafiku, ndërkohë që ngasësja e automjetit të përfshirë në aksident është arrestuar”.