Blog

Krahu i armatosur i Hamasit ka konfirmuar se ka lëshuar raketa drejt Jerusalemit, raporton Reuters.

Hamasi tha se lëshoi raketa në përgjigje të bombardimeve të ushtrisë izraelite.

CNN, ashtu si The Guardian raportuan para pak çastesh se “sirenat po dëgjohen tani në të gjithë Jerusalemin”.

Ekipet e CNN në Jerusalem dëgjuan një seri shpërthimesh menjëherë pasi u aktivizuan sirenat.

Luftimet po vazhdojnë, ndërkohë që raportohet për të paktën 800 izraelitë të vrarë deri më tani, dhe 2,400 të plagosur.

INSTAT raportoi se në muajin shtator 2023, inflacioni (çmimet e konsumit) shënoi 4.1 për qind ose 0.1 për qind më lart se në gusht.

Kjo ngritje në Shqipëri, u nxit nga çmimet më të larta të ushqimeve, karburanteve dhe shërbimeve arsimore.

Krahasuar me muajin shtator 2022, rritja më e madhe e çmimeve vërehet në grupin “Ushqime dhe pije joalkoolike” me 7,9%, pasuar nga grupet “Mobilie, pajisje shtëpie dhe mirëmbajtje e shtëpisë” me 5,4%, “Argëtim dhe kulturë” me 4,9%, “Hotele, kafene dhe restorante” me 4,7%, “Veshje dhe këpucë” me 3,2%, “Mallra dhe shërbime të ndryshme” me 3,1%, “Pije alkoolike dhe duhan” me 3,0%, “Shërbimi arsimor” me 2,3%, “Qira, ujë, lëndë djegëse dhe energji” me 2,1%, “Shëndeti” me 1,4% dhe “Komunikimi” me 1,1%. Nga ana tjetër çmimet e grupit “Transporti” shënuan ulje me 7,2%.

Brenda grupit të ushqimeve çmimet e nëngrupit “zarzavate përfshirë patatet” u rritën me 24,1%, pasuar nga nëngrupet “mish” me 9,4%, “qumësht, djathë dhe vezë” me 8,3%, “fruta” me 7,5%, “peshk” me 4,2%, “sheqer, reçel, mjaltë, çokollata dhe ëmbëlsira” me 3,3%, “bukë dhe drithëra” me 2,1%, etj.

Krahasuar me muajin gusht 2023, çmimet e grupit “Shërbimi arsimor” u rritën me 1,7%, pasuar nga çmimet e grupit “Transporti” me 1,3%, “Argëtim dhe kulturë” me 1,2%, “Ushqime dhe pije joalkoolike” me 1,1%, “Veshje dhe këpucë” me 0,8%, “Mobilje, pajisje shtëpie dhe mirëmbajtje e shtëpisë” me 0,4%, “Shëndeti” dhe “Mallra dhe shërbime të ndryshme” me 0,3% secili dhe “Pije alkoolike dhe duhan” me 0,2%, transmeton ATSh.

Rritja vjetore e çmimeve në muajin shtator është ndikuar kryesisht nga grupi “Ushqime dhe pije joalkoolike” me +2,80 pikë përqindje, pasuar nga grupi “Qira, ujë, lëndë djegëse dhe energji” me +0,41 pikë përqindje.

Ben Emmerson, avokat i ish-kryeparlamentarit të Kosovës, Kadri Veseli tha në seancën e sotme gjyqësore në Gjykatën Speciale në Hagë se Prokuroria ka negociuar me një dëshmitar, për ta bindur që të dëshmojë.

Emmerson tha se në shënimet përgatitore për dëshmitarin e radhës ka vërejtur se ai ka tentuar të përfitojë për të dëshmuar, ndërsa një zyrtar i Prokurorisë ia ka sugjeruar një mundësi.

“Nuk e di nëse keni pasur mundësi të shihni shënimin përgatitor, por ju lutem të shihni shënimin përgatitor nr 2., Në këtë shënim është një përmbajtje, apo më saktë një përshkrim i një, është bërë një përpjekje nga dëshmitari që të negociojë me prokurorinë, para se të japë dëshminë. Diskutohet diçka në lidhje me atë që është premtuar në të shkuarën dhe çfarë nuk i është premtuar dhe ka një kontradiktë të qartë, mes asaj që është premtuar. Në thelb sipas këtij paragrafi nuk është përfituar asgjë, ama kemi një situatë ku dëshmitari ka shprehur dëshirën të negociojë një përfitim apo paketë të caktuar dhe nuk e di nëse ju jeni të njohur me juridiksionin e ShBA-së dhe Mbretërisë së Bashkuar, por këtu vihet në pikëpyetje sa i takon sjelljes së përfaqësuesit të prokurorisë i cili në njëfarë mënyrë sugjeron dëshmitarit diçka në këmbim të të qenit dëshmitar i mundshëm dhe në Mbretërinë apo ShBA kjo është krejt e papranueshme kur avokati i bën një premtim dëshmitarit dhe vetë dëshmitari thotë se ke premtuar diçka, dhe përfaqësuesi i Prokurorisë thotë kam premtuar diçka tjetër”, tha mes tjerash Emmerson.

Në seancën e sotme në Speciale ka dëshmuar reporteri i mediumit serb, Tanjug, Nebojsha Radosheviq, i cili pretendoi se është arrestuar nga Ushtria Çlirimtare e Kosovës gjatë luftës.

Çmimet e naftës janë rritur për shkak të shqetësimeve se situata në Izrael dhe Gaza mund të prishë prodhimin nga Lindja e Mesme.

Nafta e papërpunuar Brent, standardi ndërkombëtar, u rrit me 2.25 dollarë për fuçi në 86.83 dollarë, ndërsa çmimet në SHBA u rritën gjithashtu.

Izraeli dhe territoret palestineze nuk janë prodhues të naftës, por rajoni i Lindjes së Mesme përbën pothuajse një të tretën e furnizimit global.

Sulmi i Hamasit ndaj Izraelit ishte përshkallëzimi më i madh midis dy palëve për dekada.

Vendet perëndimore i dënuan sulmet. Një zëdhënës i Hamasit, grupi militant palestinez, i tha BBC-së se grupi kishte mbështetje të drejtpërdrejtë për lëvizjen nga Irani – një nga prodhuesit më të mëdhenj të naftës në botë, raporton BBC, transmeton KlanKosova.tv.

Irani mohoi përfshirjen në sulm në një takim të Këshillit të Sigurimit të OKB-së në Nju Jork të dielën, raportoi Reuters. Por presidenti Iranian, Ebrahim Raisi ka shprehur mbështetjen për sulmin.

Analisti i energjisë Saul Kavoniç i tha BBC-së se çmimet globale të naftës janë rritur “për shkak të perspektivës së një zjarri më të gjerë që mund të përhapet në vendet e afërta të mëdha prodhuese të naftës si Irani dhe Arabia Saudite”.

Ismet Bahtjari dhe Sabit Januzi janë deklaruar të pafajshëm para Dhomave të Specializuara lidhur me veprat penale kundër administrimit të drejtësisë për të cilat e ngarkon Zyra e Prokurorit të Specializuar.

“Deklarohem plotësisht i pafajshëm për çdo lloj aktakuze që është ngritur kundër meje dhe që është lexuar deri tani”, ka deklaruar Januzi.

Në njoftimin që ka lëshuar ZPS-ja, Bahtjari dhe Januzi u arrestuan në lidhje me krime kundër administrimit të drejtësisë, përfshirë frikësimin gjatë procedurave penale.

“Z. Bahtjari dhe z. Januzi u arrestuan në lidhje me krime kundër administrimit të drejtësisë, përfshirë frikësimin gjatë procedurave penale, sipas nenit 387 të Kodit Penal të Kosovës (KPK) 2019, Kodi nr. 06/L-074, dhe pengimin e personave zyrtarë në kryerjen e detyrave zyrtare brenda kuptimit të nenit 401(1), (2) dhe (5) të KPK-së, në shkelje të nenit 15(2) të Ligjit nr. 05/L-53 për Dhomat e Specializuara dhe Zyrën e Prokurorit të Specializuar”, thuhet në komunikatë.

“Gjykatësi i Procedurës Paraprake ka vendosur se ka dyshime të mirë-bazuara se z. Bahtjari dhe z. Januzi u përpoqën të bindin një dëshmitar që të mos japë dëshmi në procedurat e Dhomave të Specializuara”.

“Zyra e Prokurorit të Specializuar e merr jashtëzakonisht seriozisht frikësimin e dëshmitarëve, hakmarrjen ndaj dëshmitarëve, dhe pengimin e drejtësisë, dhe do të vazhdojë të hetojë e ndjekë penalisht cilindo dhe të gjithë ata që përfshihen në çdo rast”.

Siç njofton Zyra e Presidentes, në fokus të diskutimeve atje, do të jetë thellimi i mëtejmë i raporteve bilaterale dhe zhvillimet e fundit në vend dhe rajon.

“Në agjendë të vizitës së Presidentes Osmani në shtetin kroat është edhe takimi me kryeministrin Andrej Plenković, si dhe kryetarin e Parlamentit kroat, Gordan Jandroković” thuhet tutje në komunikatën për media.

Po ashtu bëhet e ditur se Osmani do të vizitojë edhe komunën e Rijekës, ku ndër të tjera, do të takohet me komunitetin shqiptar në këtë komunë.