ATV

Blog

  • Kancelari Scholz të hënën në Tiranë për Samitin e Berlinit, pritet të takohet me Kurtin

    Kancelari Scholz të hënën në Tiranë për Samitin e Berlinit, pritet të takohet me Kurtin

    Kancelari gjerman do të marrë pjesë në Samitin e Procesit të Berlinit dhe pritet të bëjë takime bilaterale edhe me përfaqësuesit e Kosovës dhe Serbisë. Qeveria e Kosovës e ka konfirmuar para disa ditësh se kryeministri Albin Kurti do të marrë pjesë në këtë samit.

    Kancelari gjerman Olaf Scholz do të udhëtojë të hënën për një viizitë të shkurtër në Tiranë, bëri të ditur zëdhënësi i qeverisë gjermane, Steffen Hebestreit, të premten, 13.10.23, në konferencën e shtypit të qeverisë gjermane, në Berlin.

    Scholz do të marrë pjesë Samitin e Procesit të Berlinit, i cili zhvillohet për herë të parë në në një vend jashtë Bashkimit Evropian.

    Procesi i Berlinit është një nismë e vitit 2014 për të mbështetur integrimin në BE të gjashte endeve të Ballkanit Perëndimor, Bosnja-Hercegovina, Kosova, Mali i Zi. Maqedonia e Veriut, Serbia dhe Shqipëria.

    Përveç kancelarit Scholz në takim do të marrin pjesë edhe presidentja e Komisionit të BE-së, Ursula von der Leyen, dhe presidenti i Këshillit të BE-së, Charles Michel. Samiti i mëparshëm i Procesit të Berlinit u zhvillua në nëntor të vitit të kaluar në Berlin.

    Aty u festua si arritje e madhe nënshkrimi i tre marrëveshjeve të lëvizshmërisë. Deri tani ato nuk janë implementuar, kryesisht për shkak të marrëdhënieve të tensionuara ndërmjet Serbisë dhe Kosovës. Marrëveshjet e lëvizshmërisë do të ishin një hap i rëndësishëm përpara për krijimin e Tregut të Përbashkët Rajonal, në kuadër të të cilit deri tani është arritur vetëm ulja e tarifave roaming.

    Sipas zëdhënësit të qeverisë gjermane, temë tjetër është edhe transformimi ekologjik dhe digjitalizimi.

    Ne konferencen e shtypit te samitit te Berlinit te vitit 2022: Edi Rama, Olaf Scholz dhe Ursula von der Leyen. Ne konferencen e shtypit te samitit te Berlinit te vitit 2022: Edi Rama, Olaf Scholz dhe Ursula von der Leyen.

    Samiti i mëparshëm i Procesit të Berlinit u zhvillua në nëntor të vitit të kaluar në Berlin. Aty u festua si arritje e madhe nënshkrimi i tre marrëveshjeve të lëvishmërisë. Deri tani ato nuk janë implementuar, kryesisht për shkak të marrëdhënieve të tensionuara ndërmjet Serbisë dhe Kosovës.

    Hebestreit tha se Scholz do të kërkojë kontakt edhe me përfaqësues të Kosovës dhe Serbisë, siç e bëri në Granadë, të Spanjës, në takimin e Komunitetit Politik Evropian. Nëse në takimin e Tiranës do të marrë pjesë edhe presidenti i Serbisë, Aleksandar Vuçiq, kjo nuk dihet ende, u tha në Berlin, shkruan DW.

    Diferenca mes Serbise dhe Kosoves

    Pas sulmit terrorist të Banjskës, diferencat mes Kosovës dhe Serbisë janë thelluar edhe më shumë. Kosova, edhe pse e përkrah nismën e Procesit të Berlinit, pret nga takimi që të mbahet një qëndrim i qartë ndaj Serbisë. Unë pres që “të shpjegohet që është një kërcënim i drejtpërdrejt i projektit evropian të integrimeve, madje të thuhet më drejtpëdrejt përgjegjësia që e ka pasur shteti serb në aktin e agresionit të 24 shtatorit”, tha kryetari i Parlamentit të Kosovës, Glauk Konjufca.

    Ministrja e Jashtme gjermane , Annalena Baerbock, tha në takim se rruga e vendeve të Ballkanit Perëndirmor drejt BE-së është e mundur vetëm së bashku, dhe duke njohur dhe respektuar integritetin territorial. Ajo mund të bëhet vetëm kur e kupton se siguria është reciproke.

    Në takimin përgatitor të ministrave të jashtëm të Procesit të Berinit, i cili u mbajt të premten e kaluar në Tiranë, ministri i jashtëm i Serbisë, Ivica Daçiç nuk pranoi të dilte në një fotografi të përbashkët, ku në sfond të ishte flamuri i Kosovës.

    Ministrja e Jashtme gjermane, Annalena Baerbock, tha në takim se rruga e vendeve të Ballkanit Perëndirmor drejt BE-së është e mundur vetëm së bashku, dhe duke njohur dhe respektuar integritetin territorial. Ajo mund të bëhet vetëm kur e kupton se siguria është reciproke.

    Edhe i ngarkuari i qeverisë gjermane për Ballkanin Perëndimor, Manuel Sarrazin, i tha DW se tensione të tilla si ai Banjskës, më 24 shtator, nuk duhet të përsëriten më dhe se janë toksike për të gjithë rajonin.

  • 18 milionë euro borxhi ndaj “Termokosit”, Osmani: Synojmë shtrirjen në tërë Prishtinën

    18 milionë euro borxhi ndaj “Termokosit”, Osmani: Synojmë shtrirjen në tërë Prishtinën

    18 milionë euro është borxhi i konsumatorëve ndaj Ngrohtores së qytetit të Prishtinës “Termokos”. Borxhi sipas kryeshefit të kësaj ndërmarrjeje, Fisnik Osmani është i akumuluar ndër vite dhe se janë duke punuar në uljen e stokut të borxhit, raporton Ekonomia Online.

    Në një intervistë për Ekonomia Online, Osmani ka deklaruar se “Termokosi” arrin të inkasojë më shumë se 90 për qind të të hyrave dhe se kjo po arrihet falë shërbimit që ofrojnë.

    Ndonëse borxhi prej 18 milionë eurove është duke u trajtuar nga organet vendimmarrëse, Osmani është shprehur se kohëve të fundit konsumatorët janë më të përgjegjshëm dhe po i paguajnë faturat, teksa thotë se kjo u mundëson t’i realizojnë projektet.

    “Borxhet ndaj ndërmarrjes e tejkalojnë shumën prej 18 milionë euro. Nuk është borxh i periudhës së fundit, është borxh i akumuluar qysh prej pasluftës. Ne po e trajtojmë edhe me dy organet vendimmarrëse brenda në ‘Termokos’, se si të adresohet tutje. Ajo që zyra jonë po punon pandërprerë është që për shërbimin që e kemi ofruar t’i marrim paratë që i kanë borxh qytetarët dhe këtë po e bëjmë sidomos për periudhën e fundit dhe mund të them se ka pasur efekt. Duhet të jemi korrekt, nuk duhet të ankohemi se ‘Termokosi’ ka kënaqëshmëri me pjesën e inkasimit, pra qytetarët e paguajnë shërbimin, që nënkupton kur merr shërbim qytetari edhe e paguajnë. Pra jemi në shifrat mbi 90 për qind të inkasimit dhe neve kjo do të na ndihmojë shumë që t’i realizojmë projektet e nisura për të ardhmen”, thotë Osmani.

    Kryeshefi i “Termokosit”, ka folur edhe për projektet e nisura dhe ato që janë në përfundim e sipër. Ai thotë se synim kanë shtrirjen e rrjetit në shumë lagje të Prishtinës dhe se kjo është e papërballueshme për ndërmarrjen.

    “Ne kemi bërë intervenime në disa lagje. Ajo çka kemi ndjek si politikë dhe vazhdojmë ta mbajmë të njëjtën është që zgjerimi i ‘Termokosti’ tentohet të shkon në lagje e jo në objekte të veçanta. Ideja është ne po e mbulojmë pjesën e Arbërisë, po e mbulojmë mbrapa hotel ‘Siriusit’ ose nën parkun e qytetit, kemi bërë intervenime në pjesën dërmuese në rrugën ‘Muharrem Fejza’ dhe natyrisht e kemi mbulu Ulpianën përveç ku ka probleme me pjesën sekondare dhe nuk është obligim i joni”, u shpreh Osmani.

    “Ideja e menaxhmentit tonë në bashkëpunim të ngushtë me Komunën e Prishtinës nuk është që të ndalemi me kaq. Ne kemi projekt për vitin e ardhshëm edhe zgjerimin në disa lagje tjera dhe jemi në finalizim të detajeve teknike dhe na mbetet diskutime me komunën ose me donatorë. Për shkak se investimet në rrjetin primar të ngrohjes, investimet në bërjen gati të nënstacioneve, instalimin e stacioneve të reja, janë kosto e lartë e të cilat përkundër qëndrueshmërisë, është e vështirë dhe sfiduese me i përballu vetë për shkak se ne edhe aktualisht kemi obligime ndaj projekteve aktuale për shkak në një pjesë të caktuar jemi edhe me bashkëfinancim”.

  • Tri vaksina të reja për fëmijët – Canolli: Njëra parandalon kancerin e qafës së mitrës

    Tri vaksina të reja për fëmijët – Canolli: Njëra parandalon kancerin e qafës së mitrës

    Doktoresha e Qendrës Kryesore të Mjekësisë Familjare në Prishtinë (QKMF),  Xhevahire Canolli, në një prononcim për Ekonomia Online, ka thënë se nga tetori i këtij viti kalendarit të vaksinimit të fëmijëve u janë shtuar edhe tri vaksina të reja.

    Ajo tha se me vendosjen e këtyre vaksinave, Kalendari i vaksinave të obligueshme të fëmijëve në Kosovë i përafrohet kalendarit Evropian.

    Sipas Canollit, kalendari i ri është aprovuar nga Ministria e Shëndetësie dhe tri vaksinat e reja janë kundër pneomokokut, rotavirusit dhe humanpapilloma virusit.

    Doktoresha tha se është e rëndësishme të ceket se vaksina kundër pneomokokut mbron  nga streptokoku-spleumonie që është shkaktarë kryesorë i pneomonive të fëmijët e vegjël.

    “Nga data dy tetor kemi filluar më implementimin  e kalendarit  të ri të imunizimit të aprovuar nga Ministria Shëndetësisë. Kalendari i ri përmban edhe tri vaksina të reja, vaksinën kundër pneomokokut, rotavirusit dhe humanpapilloma virusit. Është me rendësi të cekim se vaksina kundër pneomokokit të mbronë nga streptokoku-spleumonie që është shkaktarë kryesorë i pneomonive të fëmijët e vegjël nën 5 vjeç sidomos të ata nën 2 vjeçe”, tha ajo.

    Canolli sa i përket vaksinës kundër rotavirusit tha se ajo mbron fëmijët nga rotavirusi që është një ndër shkaktaret me të shpesh të barkëqitja e fëmijëve, ndërsa sa i përket vaksina kundër humanpapilloma virusit, ajo tha se parandalon kancerin e qafës së mitrës, raporton EO.

    “Vaksina kundër rotavirusit të mbron nga rotavirusi qe është një ndër shkaktaret me të shpesh të barkqitja e fëmijëve dhe vaksina kundër  humanpapilloma virusit të mbrojnë nga humanpapilloma virusi që është shkaktar i infeksioneve dhe sëmundjeve të shkaktuara nga ky virus, siç është shkaktari kryesor i kancerit të qafës se mitrës, pra parandalon kancerin  e qafës se mitrës. Me përfshirjen e këtyre vaksinave në kalendarin e ri të imunizimit, kalendari ynë i vaksinimit iu përafrohet kalendarit Evropian”, tha ajo për EO.

  • Fëmija 4 vjeçar i raportuar si i zhdukur gjendet pa shenja jete

    Fëmija 4 vjeçar i raportuar si i zhdukur gjendet pa shenja jete

    Një fëmijë i moshës katër vjecare i cili ishte raportuar si i zhdukur, është gjetur pa shenja jete në fshatin Raskovë të komunës së Obiliqit.

    Lajmin e ka bërë të ditur Shoqata e Kosovës për Kërkim dhe Shpëtim, ku kanë bërë të ditur se pas një alarmi të marrë për zhdukjen e një fëmiju 4 vjeçar, pjestarët e shoqatës u aktivizuan në kohë rekorde.

    “Pas kërkimeve intenzive së bashku me Policinë e Kosovës dhe bashkfshatarët u bë e mundur gjetja e fëmijut 4 vjeqar por fatkeqësisht pa shenja të jetës. Ngushëllime familjes dhe fshatit Raskov për këtë humbje të madhe”, thuhet në njoftim.

  • ​Rreth 30 persona dyshohet se janë infektuar në Malishevë

    ​Rreth 30 persona dyshohet se janë infektuar në Malishevë

    Dyshohet se mbi 30 persona janë helmuar nga ushqimi, por situata është menaxhuar mirë nga ana e personelit shëndetësor në Malishevë dhe organeve përgjegjëse komunale e organeve tjera përgjegjëse si AUV dhe policisë.

    Sipas drejtorit komunal për Shëndetësi, Hajdin Berisha, situata është menaxhuar më sukses dhe situata është në kontroll të plotë.

    Disa nga të infektuarit janë udhëzuar për QKUK në Prishtinë dhe spitalin e Prizrenit. Me kohë do të informoheni për situatën, thuhet në një postim të Komunës së Malishevës në Facebook.

  • Borrell: Plani për evakuimin e 1.1 milion banorëve të Gazës i pamundur për t’u zbatuar

    Borrell: Plani për evakuimin e 1.1 milion banorëve të Gazës i pamundur për t’u zbatuar

    Shefi i Politikës së Jashtme të BE-së, Josep Borrell ka thënë në një konferencë shtypi se urdhri i evakuimit të Izraelit për njerëzit në Gazën veriore ishte “krejtësisht i pamundur për t’u zbatuar”.

    Dhjetëra mijëra civilë filluan të ikin në jug të Gazës dje pasi Izraeli u tha njerëzve të largoheshin nga zona përpara një ofensive të pritshme tokësore.

    “Të imagjinosh se mund të lëvizësh një milion njerëz në 24 orë në një situatë si Gaza, mund të jetë vetëm një krizë humanitare”, tha Borrell, në ditën e fundit të një vizite diplomatike tre-ditore në Kinë.

    Pavarësisht shprehjes së mbështetjes së BE-së për Izraelin, ai paralajmëroi gjithashtu se ishte i detyruar të ndjekë ligjin ndërkombëtar humanitar në procesin e mbrojtjes së tij.

    “Pozicioni është i qartë. Por, si çdo e drejtë, ajo ka një kufi. Dhe ky kufi është ligji ndërkombëtar”, u shpreh Borrell.

  • Ky është parashikimi i motit për sot dhe nesër

    Ky është parashikimi i motit për sot dhe nesër

    Instituti Hidrometeorologjik i Kosovës ka bërë të ditur se gjatë të shtunës parashihet të mbajë mot kryesisht mot me diell.

    Temperaturat minimale do të lëvizin në mes 7 dhe 9 gradë Celsius, ndërsa maksimalet e ditës parashihen të lëvizin ndërmjet 22 dhe 26 gradë.

    Kurse të dielën, sipas IHMK-së, parashihet të mbajë mot me diell dhe pjesërisht i vranët.

    “Temperaturat minimale do të lëvizin ndërmjet 7-9 gradë Celsius, ndërsa maksimalet e ditës parashihen të lëvizin ndërmjet 21-26 gradë Celsius”, thuhet në njoftimin e IHMK-së.

  • Deputetët e shumicës dhe të opozitës janë duke vazhduar me bllokimin e punës në Kuvend e në komision

    Deputetët e shumicës dhe të opozitës janë duke vazhduar me bllokimin e punës në Kuvend e në komision

    Përgatiti: Benita Zeneli

    Deputetët e pushtetit dhe ata të opozitës nuk po lëshojnë pe.

    Tash e një kohë, të dyja palët janë duke e bojkotuar punën e njëra-tjetrës. Derisa opozita nuk po merr pjesë në votime të projektligjeve, deputetët e shumicës, si kundërpërgjigje nuk po marrin pjesë në seanca e komisione.

    Për monitoruesit e Kuvendit, situata e krijuar është krejtësisht e papranueshme.

    “Nuk duhet të jetë e nevojshme shumica për të filluar debate, por vetëm për votime…..”, tha Naim Jakaj nga Instituti i Kosovës për Drejtësi.

    Seanca e fundit, në të cilën pushtet e opozitë u bënë bashkë, ishte ajo e 28 shtatorit, në të cilën u miratua Rezoluta me të cilën dënoheshin sulmet e 24 shtatorit në Banjskë.

    “Në qoftë se kjo qasje përshkallëzohet për pjesëmarrje, puna parlamentare do ta humbë përveç përmbajtjes, edhe cilësinë. Do të kemi një praktikë ku vetëm pozita merr pjesë dhe rrjedhimisht instrumenti kontrollues që vjen nga opozita mbetet krejtësisht i përmbajtje”, tha Arbër Thaçi nga Instituti Demokratik i Kosovës.
    Përpos deputetëve, në parlamentarizmin e Kosovës për herë të parë ka ndodhur që ministrat e kabinetit qeveritar të mos përgjigjen në pyetje parlamentare. Arsyeje për këtë ishte mosvotimi i marrëveshjeve ndërkombëtare nga dy partitë opozitare, PDK dhe AAK.

    Seanca e 6 tetorit, ndryshe, ishte e para e këtillë ku parashiheshin pyetjet parlamentare për përgjigje me gojë.

  • Një javë pas arrestimit të një 16 vjeçari në Pejë, Prokuroria Themelore atje ka filluar të premten

    Një javë pas arrestimit të një 16 vjeçari në Pejë, Prokuroria Themelore atje ka filluar të premten

    Përgatiti: Nora Luta

    Ndryshe nga ditët e tjera, nxënësit e gjimnazit “Bedri Pejani”, orët e para mësimore, të premten, i filluan me një ligjëratë nga prokurorë të Prokurorisë Themelore të Pejës.

    Ato po sigurohen që nxënësit ta kuptojnë, që pavarësisht moshës për kryerjen e veprave penale, sikurse përdorimi i armëve, e substancave narkotike mund të ndëshkohen.

    Pas rastit të fundit të arrestimit të një 16-vjeçari, nën dyshimet për planifikim të vrasjes së shokëve të tij të klasës, Prokuroria do të vazhdojë me ligjërata edhe javën e ardhshme.

    Fokus do ta kenë edhe vetëdijesimin për përdorimin e rrjeteve sociale.

    Përdorimi i rrjeteve sociale, sipas psikologes së shkollës, paraqet shqetësim. Ergita Zajmi u apelon prindërve t’i monitorojnë në mënyrë të vazhdueshme fëmijët e tyre.

    Sipas Zajmit, që nga viti i kaluar është rritur numri i psikologëve në shkollat e kësaj komune.

    Fundjavën e kaluar organet e sigurisë kanë arritur të parandalojnë një ngjarje që mund të ishte shndërruar, në tragjedi në këtë qytet. Një 16-vjeçar i cili dyshohet se kishte në plan t’i vriste shokët e tij të klasës, tashmë ndodhet në paraburgim. Policia i kishte rënë në gjurmë planit të tij nëpërmjet rrjeteve sociale.

  • Shmanget “takimi i kërkuar”, Kurti shkon në Tiranë e Vuçiq do ta takojë Putinin në Pekin

    Shmanget “takimi i kërkuar”, Kurti shkon në Tiranë e Vuçiq do ta takojë Putinin në Pekin

    Përgatiti: Fatlum Jashari

    Përkundër përpjekjeve ndërkombëtare, përfundimisht janë shuar gjasat për takim ndërmjet kryeministrit të Kosovës, Albin Kurti, dhe presidentit të Serbisë, Aleksandar Vuçiq, në margjina të samitit të Procesit të Berlinit në Tiranë.

    Televizioni merr vesh se ka pasur përpjekje nga Gjermania për organizimin e një takimi të tillë në kryeqytetin shqiptar, por Vuçiq nuk do të jetë në Tiranë.

    Në një adresim në orët e vona të së enjtes, presidenti i Serbisë njoftoi se të dielën do të udhëtojë për në Kinë – ku fillimisht do të ketë një takim bilateral me presidentin Xi Jinping.

    Edhe pse tha se nuk është konfirmuar ende, Vuçiq theksoi se beson se do të ketë një takim me presidentin e Rusisë, Vladimir Putin, në margjina të samitit “Një brez, një rrugë”, që do të mbahet më 17 dhe 18 Tetor në Pekin.

    Ndërsa, në Samitin e Procesit të Berlinit, Serbia do të përfaqësohet nga kryeministrja Ana Brnabic.

    Megjithatë, një takim Kurti-Brnabic nuk pritet të ndodhë.

    Para çfarëdo takimi bilateral me palën serbe, Kosova kërkon ndëshkimin e Serbisë për rolin e saj në atë që është cilësuar akt agresioni, nëpërmjet sulmit terrorist-paramilitar në Banjskë.

    Profesori në Universitetin e Winchesterit në Angli, Seb Bytyçi, vlerëson se Kosova duhet të mos ndryshojë qëndrim në këtë fazë – kur ende nuk është finalizuar hetimi për 24 Shtatorin dhe nuk ka masa ndaj Serbisë.

    “Vetë fakti që Serbia i ka ende dyert e hapura në këto takime rajonale, pas sulmit të 24 Shtatorit, është shumë brengosës për Kosovën dhe paraqet një diskriminim ndaj Kosovës”, tha Bytyçi.

    Profesori përmend edhe zhvillimet e brendshme në Serbi, si arsye shtesë që Kosova të mos nxitojë për t’u rikthyer në tavolinën e bisedimeve.

    “Duhet theksuar se këto takime do të ishin joproduktive apo kundërproduktive, sepse tashmë Serbia është në periudhë zgjedhore dhe duhet të pritet gjithashtu për përfundimin edhe të zgjedhjeve atje”, tha Bytyçi.

    Të hënën, në Tiranë, krerët e gjashtë vendeve të Ballkanit Perëndimor, nën lehtësimin e kancelarit të Gjermanisë, Olaf Scholz, dhe presidentes së Komisionit Evropian, Urusla Von Der Leyen, pritet të nënshkruajnë marrëveshjen rajonale për njohje të ndërsjellë të kualifikimeve profesionale.

    Në Samitin e Procesit të Berlinit, i cili do të zhvillohet për herë të parë në kryeqytetin e një shteti jo-anëtar të Bashkimit Evropian, pjesëmarrjen e ka konfirmuar edhe presidenti i Francës, Emmanuel Macron.