ATV

Blog

  • ​Numri i të vdekurve nga sulmet ajrore izraelite arrin në 3,000 në Gaza

    ​Numri i të vdekurve nga sulmet ajrore izraelite arrin në 3,000 në Gaza

    Të paktën 3,061 palestinezë janë vrarë në sulmet ajrore të vazhdueshme izraelite në Rripin e Gazës, tha të martën Ministria e Shëndetësisë në Gaza.

    Rreth 13,750 persona të tjerë janë plagosur në bombardimet izraelite, tha një deklaratë e ministrisë.

    Njëmbëdhjetë ditë pas konfliktit me grupin palestinez Hamas, bombardimet dhe bllokada e Izraelit në Rripin e Gazës kanë vazhduar, me mbi një milion njerëz të zhvendosur – pothuajse gjysma e popullsisë së përgjithshme të Gazës, sipas Agjencisë së OKB-së për Ndihmën dhe Punët për Refugjatët Palestinezë në Lindjen e Afërt. (UNRWA).

    Më shumë se 1,400 izraelitë janë vrarë në konfliktin e armatosur. (AA)

  • Kurti priti në takim ambasadorin e ri jorezident të Irlandës, Ragnar Almqvist

    Kurti priti në takim ambasadorin e ri jorezident të Irlandës, Ragnar Almqvist

    Kryeministri i Republikës së Kosovës, Albin Kurti, priti në takim ambasadorin e ri jorezident të Irlandës për Kosovë, Ragnar Almqvist.

    Duke shprehur mirënjohje për përkrahjen e palëkundur të Irlandës ndaj vendit tonë, Kryeministri Kurti falënderoi ambasadorin në veçanti për mbështetjen ndaj aplikimit të Kosovës në Këshillin e Evropës.

    Në takim u theksua se gjatë dy viteve të fundit, vendi ynë ka bërë hapa të rëndësishëm përpara në implementimin e reformave kyçe, promovimin e demokracisë dhe forcimin e sundimit të ligjit. Kryeministri Kurti po ashtu foli dhe mbi situatën aktuale dhe sulmin terrorist nga ana e Serbisë me datën 24 shtator.

    U bisedua për forcimin e marrëdhënieve bilaterale dhe bashkëpunimit, rritjen e mundësive të shkëmbimit tregtar, investimeve ekonomike dhe projekteve kulturore midis dy vendeve tona. Kryeministri Kurti theksoi se mirëpret bashkëpunimin e ngushtë me Irlandën për të thelluar më tej lidhjet në mes të dy vendeve.​

  • Hamasi lëshon raketa drejt avionit të Scholz

    Hamasi lëshon raketa drejt avionit të Scholz

    Kancelari gjerman Olaf Scholz u detyrua të largohej nga avioni pak para nisjes nga Tel Avivi, për shkak të një sulmi raketor. Pasagjerëve iu kërkua të shtriheshin në tokë.

    Sipas Welt, në momentin e sulmit ka pasur edhe gazetarë të cilët janë detyruar të shtrihen në pistë. Dy raketa të Hamasit u neutralizuan mbi aeroport nga sistemi mbrojtës Iron Dome i Izraelit. Kancelari nuk u shtri në pistën e avionit, por përkundrazi shkoi në një kontejner për t’u strehuar. Pas disa minutash, pasagjerët arritën të hipnin sërish në aeroplan.

    Kancelari gjerman Olaf Scholz tha sot se ai kishte diskutuar mënyrat për të marrë ndihma humanitare për civilët në Rripin e rrethuar të Gazës.

    “Gjermania dhe Izraeli janë të bashkuar si shtete demokratike, duke vepruar në bazë të drejtësisë dhe ligjit edhe në situata ekstreme… Kam diskutuar me kryeministrin Netanyahu mënyrat për t’i lejuar njerëzit në Gaza të marrin ndihmë humanitare sa më shpejt të jetë e mundur”, theksoi Scholz në konferencën për shtyp që dha me kryeministrin izraelit.

    “Ne duam të mbrojmë civilët dhe të parandalojmë vdekjet e civilëve”, tha kancelari gjerman./abcnews.al

  • Abdixhiku: “Rruga e Re” është një alternativë politike më ndryshe që është bërë deri më tani për vendin

    Abdixhiku: “Rruga e Re” është një alternativë politike më ndryshe që është bërë deri më tani për vendin

    Kryetari i LDK-së, Lumir Abdixhiku, në emisionin CONTEXT në ATV, ka shpalosur detaje rreth programit të ri qeverisës “Rruga e Re”.

    Ai thotë se zhvillimin e këtij programi si alternativë qeverisëse për vendin, si parti me mbi 300 ekspertë të fushave të ndryshme, kanë punuar për më shumë se një vit, ku gjatë kësaj periudhe kanë pasur takime të vazhdueshme me qytetarët, biznese të shumta si dhe mërgatën shqiptare.

    ““Rruga e Re” në thelb është një alternativë politike më ndryshe prej që është bërë deri më tani. Në rolin e vet origjinal të një partie opozitare, ne e kemi menduar që periudha sa jemi në opozitë duhet të zhvillohet rreth dhënies së alternativave konkrete për qytetarët tanë. Gjashtë muaj pas zgjedhjeve të fundit lokale, pas fitores, pas një debakli të madh në zgjedhjet nacionale, gjashtë muaj pas kësaj ne kemi mbajtur konventën programore lidhja për të armen në Prishtinë. Në këtë konventë ne kemi ndërtuar 28 grupe, dhe në këto grupe ne kemi ndërtuar rreth 300 ekspertë, të brendshëm dhe të jashtëm të LDK-së. Nga prilli deri në qershor kemi bërë përgatitjet për ciklin të vetëm komunikues që e ka pas Kosova me qytetar “LDK ju dëgjon” dhe kemi qenë në takime nëpër çdo qytet prej qershorit 2022 deri në qershor 2023. Kam folë me qytetarë tanë, kam provuar të kuptoj nga ta sfidat dhe problemet që i kanë për Kosovën dhe kam provuar të gjej edhe rrugën politike për Republikën tonë. Në këtë kohë kam zhvilluar dhe vizita në biznese jashtë vendit, në kryeqendrat kryesore në Uashington, Berlin dhe Paris, pa asnjë dallim. Kam organizuar takime me mërgatën tonë në katër takime dhe tubime që kam pasur atje dhe në qershor të këtij viti, pas disa përpjekjeve për të ndërtuar një frymë përtej LDK-së, kam mbajtur katër takime që kanë marrë pjesë media dhe opizionistë, kam vazhduar me shoqërinë civile, kam vazhduar me ligjërues dhe diplomat dhe kam përfunduar me sektorin privat”, tregon Abdixhiku.

    Ai thotë se programii “Rrugës së Re” ka disa, pra pjesën ideologjike orientuese të LDK-së si parti e qendrës së djathtë, sepse aty janë vlerat dhe pikëpamjet tona edhe për orientimet sheqerore edhe për të drejtat e njeriut edhe për orientimet pro perëndimore dhe ka pjesën e programit qeverisës në të cilin janë shtruar mbi 100 projekte. /atvlive.tv

  • Abdixhiku: Opozita në Kosovë është e ndarë, kemi bindje krejtësisht të ndryshme

    Abdixhiku: Opozita në Kosovë është e ndarë, kemi bindje krejtësisht të ndryshme

    Kryetari i LDK-së, Lumir Abdixhiku, në emisionin CONTEXT në ATV, tha se opozita në Kosovë është e ndarë dhe kanë bindje krejtësisht të ndryshjme.

    “Termin opozitë, unë kategorikisht e kundërshtoj si terminologji politike, përveç që është funksion në parlament, por si trup i përbashkët nuk është. Është e qartë në diskursin politik në Kosovë ku opozita portretizohet si një, e nuk jemi një për besë. Kjo është shumë me rëndësi ta kuptojmë të gjithë. Ne jemi parti të ndara dhe në shumë hapa, kemi bindje krejtësisht të ndryshme”, tha Abdixhiku.

    Ai tha se pushteti i konvenon që opozitën ta portretizojë si një, por sipas tij, e vërteta qëndron ndryshe.

    “Unë sinqerisht nuk dua të flas për partitë tjera opozitare, sepse Kosova ka shumë probleme në vend për të bërë temë për partitë opozitare, as nuk dua t’i gjykoj se si i marrin vendimet, por dallojmë substancialisht në mënyrën e veprimit opozitar edhe sot siç është në parlament. LDK mban qëndrim bukur befasues mbi partitë tjera opozitare për mos votimin e marrëveshjeve ndërkombëtare. Është gabim”, tha Abdixhiku. /atvlive.tv

  • Bullgaria do të trajnojë kontrolluesit e trafikut ajror të Kosovës

    Bullgaria do të trajnojë kontrolluesit e trafikut ajror të Kosovës

    Të 28-të kontrolluesit e trafikut ajror nga Autoriteti i Kontrollit të Qasjes në Prishtinë në Republikën e Kosovës, janë duke u trajnuar në Ndërmarrjen Shtetërore “Kontrolli i Trafikut Ajror” (BULATSA) të Bullgarisë, tha kompania të martën. Të trajnuarit do t’i nënshtrohen një kursi të krijuar posaçërisht për të rifreskuar njohuritë dhe aftësitë e tyre për të qenë në gjendje të sigurojnë një rrjedhë të sigurt, të rregullt dhe të shpejtë të trafikut ajror në vendin e tyre.

    Kursi mbulon plotësisht kërkesat e Rregullores Evropiane 2015/340 dhe programit të trajnimit të ANSA-së, dhe zhvillohet në bazë të një kontrate ndërmjet Agjencisë së Shërbimeve të Navigacionit Ajror – Republika e Kosovës dhe BULATSA. Trajnimi është i nevojshëm që kontrolluesit e trafikut ajror të Kosovës të vazhdojnë vlefshmërinë e licencave të tyre për të kryer detyrat e tyre.

    Përveç pjesës teorike, ata do të bëjnë edhe ushtrime praktike, të cilat do të kryhen në simulatorin BULATSA, ku do të interpretohen situata me ngarkesë të lartë, funksionim në dukuri të pafavorshme të motit, dështim të pajisjeve të vëzhgimit, si dhe rreziqe të tjera dhe situata emergjente.

    Simulimet kryhen në hapësirën ajrore të projektuar posaçërisht nga specialistët e BULATSA, e cila përkon plotësisht me hapësirën reale ajrore të Republikës së Kosovës, duke përfshirë të gjitha pikat aktuale të lundrimit dhe mjetet ndihmëse dhe procedurat e aplikuara nga kontrolluesit e trafikut ajror. Avionët e hasur në simulator përputhen me ata avionë që përdoren në aeroportin e Prishtinës.

    Simulatori BULATSA ofron mundësinë e vendosjes së Ndërfaqes së Makinerisë Njerëzore (HMI) që të ngjajë plotësisht me atë të përdorur në Republikën e Kosovës. Trajnimi është pjesë e planit të BULATSA për të zhvilluar simulatorin e saj dhe për të ofruar aftësinë për të trajnuar dhe kryer simulime në kohë reale, si për nevojat e veta ashtu edhe për kontraktorët e jashtëm. Kurse të ngjashme u mbajtën për kontrolluesit e trafikut ajror nga Maqedonia e Veriut dhe Armenia nën drejtimin e ekspertëve nga Qendra e Trajnimit të Aviacionit BULATSA.

  • ASK: Numri më i madh i studentëve në fushën “Biznes, Administratë dhe Ligj”

    ASK: Numri më i madh i studentëve në fushën “Biznes, Administratë dhe Ligj”

    Agjencia e Statistikave të Kosovës njofton se numri më i madh i studentëve të regjistruar për herë të parë në arsimin e lartë në nivelin Bachelor është shënuar në fushat “Biznes, administratë dhe ligj” me gjithsej 4 mijë e 268 studentë ose 25 për qind e numrit të përgjithshëm të studentëve.

    “Nga numri i përgjithshëm i studentëve të regjistruar për herë të parë në nivelin Master, 1 mijë e 528 studentë janë regjistruar në fushën “Biznes, administratë dhe ligj” ose shprehur në përqindje 37,1% e numrit të përgjithshëm. Ndërsa, vërehet numër i vogël i studentëve të regjistruar në fushën “Shkenca natyrore, matematikë dhe statistikë”, me gjithsej 65 studentë ose 1,6% e numrit të përgjithshëm”, thuhet në raportin e Agjencisë së Statistikave të Kosovës për Arsim të Lartë sipas fushave të studimit për vitin akademik 2022/2023.

    Ndërsa, numër më i vogël i studentëve janë regjistruar në fushat “Bujqësi, pylltari, peshkim dhe veterinari” me gjithsej 365 studentë ose 2,1 për qind.

    “Po ashtu, vërehet numër i vogël i studentëve të cilët kanë zgjedhur të studiojnë në fushën e “Arsimit” me gjithsej 390 ose 2,3 për qind”, thuhet në raportin e Agjencisë së Statistikave të Kosovës për Arsim të Lartë sipas fushave të studimit për vitin akademik 2022/2023.

    Sipas ASK-së numër më i madh i femrave është në fushën “Teknologjia Informative dhe Komunikimi (TIK)”

    “Në fushën e studimit “Teknologjia Informative dhe Komunikimi” (TIK) në nivelin Bachelor, krahasuar me vitin paraprak kemi një numër më të madh të femrave, ku për vitin 2021/2022 numri i femrave në këtë fushë ishte 2 mijë e 195 ose 28,8%, ndërsa në vitin akademik 2022/2023 ishte 2 mijë e 348 ose 32,4%”, thuhet në raport.

    Sipas ASK-së, diferencë më e madhe ndërmjet femrave dhe meshkujve te fusha e Arsimit.

    “Krahasuar me numrin e përgjithshëm të studentëve, që ndjekin arsimin e lartë në nivelin Master, dominon numri i studentëve të cilët ndjekin studimet në fushat “Biznes, administratë dhe ligj” me gjithsej 3 853, ose 36,0% e numrit të përgjithshëm. Diferencë më e madhe gjinore vërehet edhe tek niveli Master në fushën e “Arsimit “ ku nga 1 075 studentë, 83,0% janë femra, ndërsa 178 janë meshkuj ose 16,6%”, thuhet në raport.

  • Gashi: Sistemi juridik ka dështuar në identifikimin e grupit terrorist që vrau aktivistin Astrit Dehari

    Gashi: Sistemi juridik ka dështuar në identifikimin e grupit terrorist që vrau aktivistin Astrit Dehari

    Avokati i familjes Dehari, Tomë Gashi, ka kritikuar institucionet ligj-zbatuese, me theks Prokurorinë Speciale të Republikës së Kosovës, e cila sipas tij ka dështuar në identifikimin e grupit terrorist që ka vrarë aktivistin Astrit Dehari.

    Edhe në këtë rast, Gashi ka ripërsëritur se aktivisti Dehari është vrarë në një institucion shtetëror dhe shteti është përgjegjës për vrasjen e tij.

    “Sistemi juridik dështon në identifikimin grupit terrorist vendor! Grupi terrorist, i organizuar mirë, i cili vrau Astrit Deharin me 05.11.2016, ende nuk është identifikuar nga Policia e Kosovës e as nga Prokuroria Speciale e Republikës së Kosovës. Organet ligj-zbatuese te Kosovës fare lehtë po i identifikojnë grupet terroriste të cilat kanë vepruar dhe ende veprojnë në veriun e Kosovës, e grupet terroriste të ardhura nga Serbia – siç ishte grupi terrorist i 24 shtatorit të këtij viti, madje edhe po i vrasin këta terroristë – mirë po ua bëjnë. Por, të njëjtat organe (kaq) efikase në raport me identifikimin e grupeve terroriste të Serbisë, kanë dështuar 100% në identifikimin e grupit terrorist që vrau aktivistin e Lëvizjes VETEVËNDOSJE! Astrit Dehari, me 05.11.2016, në Qendrën e Paraburgimit në Prizren”, ka shkruar Gashi në reagimin e tij.

    Në shtrimin e shumë kritikave, avokati Gashi ka kërkuar nga organet ligj-zbatuese që të gjejnë vrasësit ose le të deklarohen publikisht të paaftë për të kryer punët që i kanë të përcaktuara me ligj.

    “Ose gjeni vrasësit e Astrit Deharit, ose deklarohuni publikisht te paaftë për ta bërë këtë – sepse, për pak ditë do të bëhen 7 vite nga vrasja e Astritit, në duar të shtetit, e për arsye 100% politike”, ka thënë ai.

  • ​Kurti: Kosova me rritje prej 114% në eksportin e shërbimeve të TIK-ut

    ​Kurti: Kosova me rritje prej 114% në eksportin e shërbimeve të TIK-ut

    Kryeministri i Republikës së Kosovës, Albin Kurti, ka dekoruar se sektori i TIK-ut është shtyllë e rëndësishme për ekonominë tonë, me bilanc tregtar të jashtëzakonshëm, me rritje prej 114% në eksportin e shërbimeve të TIK-ut në vitin 2022.

    Kurti i bëri këto komente gjatë hapjes së përfaqësisë në Kosovë të kompanisë prestigjioze zvicerane SELISE në Parkun e Inovacioneve dhe Trajnimeve në Prizren.

    Sipas një komunikate, kryeministri ritheksoi angazhimin e palëkundur të Qeverisë për të ofruar mjedis të favorshëm për të bërit biznes.

    Në takimin me kryetarin e bordit të SELISE, Kurt Ëeber, dhe drejtorin kryesor operativ në SELISE, Bobby Leu, Kurti tha se sektori i TIK-ut është shtyllë e rëndësishme për ekonominë tonë, me bilanc tregtar të jashtëzakonshëm, me rritje prej 114% në eksportin e shërbimeve të TIK-ut në vitin 2022.

    Kryeministrit tha se Qeveria synon që avantazhet e digjitalizimit të arrijnë në çdo cep të Kosovës, e të mos lënë askënd mbrapa, duke veçuar lidhjen e fshatit të fundit me internetin brezgjerë gjatë këtij viti.

    “Qeveria jonë është e përkushtuar për zhbllokimin e rritjes së mëtejshme brenda këtij sektori, duke u përafruar ngushtë me agjendën ambicioze për transformimin digjital në administratë publike, arsim”, shëndetësi dhe ekonomi, tha Kurti.

    Duke theksuar angazhimin e Qeverisë, kryeministri veçoi trajnimin e më shumë se 3,500 të rinjve në fushën e TIK, ofrimin e kuponave të trajnimit për më shumë se 900 të rinj, ndarjen e 1 milion euro për bursa për vajzat që ndjekin studimet në fushat STEM në vitin 2021, si dhe dyfishimin e këtij buxheti në 2 milionë.

    Parku i Inovacionit dhe Trajnimeve në Prizren, me mbi 50 objekte, i shtrirë në një hapësirë prej mbi 40 hektarësh, u vlerësua si gurthemel i ekosistemit të inovacionit në vend. U theksua bashkëpunimi i Qeverisë së Republikës së Kosovës, që po investon 8 milionë euro në ITP, me qeverinë gjermane, e cila ka investuar 5 milionë euro, në zhvillimin e infrastrukturës së këtij parku.

    Duke biseduar për investimet tjera në ekosistemin e inovacionit, u veçua inaugurimi i Parkut për Teknologji Digjitale “Tech Park Prishtina” në Bërnicë, investim ky prej 1.2 milionë eurosh nga Qeveria e Kosovës përmes Ministrisë së Ekonomisë.

  • ​Broja mund t’i bashkohet Interit në janar

    ​Broja mund t’i bashkohet Interit në janar

    Interi po planifikon një lëvizje për të nënshkruar me sulmuesin e Chelseat, Armando Broja në formë huazimi në afatin kalimtar të janarit.

    Kështu ka raportuar sot “La Gazetta dello Sport” e cila thekson se sulmuesi shqiptar mund të jetë duke kërkuar një skuadër të re, përcjellë KosovaPress.

    Pasi u shfaq në vetëm katër ndeshje për “Blutë” këtë sezon, Broja po lufton për më shumë minuta nën drejtimin e trajneri Mauricio Pochettino dhe mund të mendojë të shkojë në Itali në afatin kalimtar të janarit.

    Ai së fundi u rikthye nga një lëndim që e mbajti jashtë fushës për disa muaj, por forma e tij edhe më tutje nuk është në nivelin më të mirë të mundshëm.