Blog

Ndërmarrja publike komunale “Trafiku Urban” ka arsyetuar ndryshimin e linjave të autobusëve në kryeqytet, duke shpjeguar se vendimi është marrë për shkak të mbylljes së rrugës “Xhorxh Bush” dhe shtrirjes në pjesë të tjera të qytetit, ku nuk kanë operuar.

Drejtori i Operativës dhe menaxheri i Transportit në “Trafikun Urban”, Mentori Isufi, ka thënë për Ekonomia Online se nga dita kur e kanë marrë vendimin kanë pranuar 20 ankesa nga qytetarët që e përdorin linjën 1. Por, ai sqaron se për këto ndryshime ndërmarrja ka marrë edhe shumë lëvdata nga qytetarët.

Isufi ka thënë se me mbylljen e rrugës “Xhorxh Bush”, janë ballafaquar me shumë probleme.

“Saktësisht nga e hëna kemi filluar që me i zbatuar vendimin e kryetarit Rama, për ndryshimin e disa linjave, nuk janë një numër i madh i ndryshimeve. Arsyeja e ndryshimit të këtyre linjave pikërisht është një prej arsyeve kryesore të cilët krejt qyteti i Prishtinës ka qenë një farë jo të kënaqur me mbylljen e rrugës ‘Xhorxh Bush’. Kur është mbyllur rruga ‘Xhorxh Bush’, në të parët kemi qenë të prekur sepse ne e kemi një transport publik dhe ne jemi ballafaquar me shumë telashe dhe problem të cilat i kemi rregulluar”, tha ai.

“Ne në çdo ndryshim pak si vështirë i pranojmë ato ndryshime në qytet. Por ne i kemi pranuar nga e hënë 20 ankesa, ankesat kanë qenë sidomos për linjën 1. Mirëpo ata e kanë një zgjidhje ne e kanë biletën ditore e cila është 80 cent dhe ajo shfrytëzohet për të gjithë linjat e trafikut urban. Tekë ndërtesa e KEDS, aty është nënë kalimi është edhe stacioni ku mund të ndalen 1, ky nënkalim në pjesën tjetër ka 3 dhe 4, pra dy linjat e tjera me të cilat është e pamundur me prit se 3-4 minuta dhe e shfrytëzon autobusin për me vazhduar në pjesën tjetër. Ne e kemi menduar edhe një zgjidhje për ta, por nëse ju bien që me lëviz nga autobusi në autobus ata e kanë pranuar pak jo mirë këtë ndryshim pro besoj që do të mësohen edhe mandej do ta kuptojnë se më të vërtetë është e qëlluar”, tha ai.

Drejtori Isufi tha se sa i përket ndryshimit të linjës 1, pas mbylljes së rrugës “Xhorxh Bush” rruga “Robert Doll” ka qenë e bllokuar, prandaj edhe janë bërë këto ndryshime, madje kjo linjë vazhdon deri te “Rruga B”.

“Rruga ‘Robert Doll’ ka qenë shumë e ngarkuar me mbylljen e kësaj rrugë edhe aty ne e quajmë fyti ku takohen edhe veturat edhe autobusët edhe të gjithë. Për me liruar atë pjesë të rrugës dhe për me dhënë një shërbim edhe me zgjatur linjën edhe një pjesë e qyteti që është Rruga B që nuk ka qenë e përfshirë që sa vite. Komuna kanë marr vendim që të shtohet linja nga Fakulteti Teknik dhe të vazhdoj deri tekë qendra tregtare ‘Royal Mall’, ku përballë zyrë është pika B. Arsyeja është që me e shkarkuar atë rrugë, për me e dhënë një shërbim qytetarëve të pjesës tjetër që kanë qenë jashtë. Edhe për me e ngrit cilësi edhe më tepër për shërbim ndaj qytetarëve. Jemi duke folur për linjën numër 1, numri 1nuk kalon më nëpër ‘Robert Doll’, mandej është Pallati i rinisë dhe qendër dha kah rruga ‘Agim Ramadani’, por tash vazhdon drejtë tekë semaforët kryesorë të qytet, mandej të mensa e studentëve vazhdon deri tekë Fakulteti Teknik, tash është shtyre deri në atë pjesën ku kemi shumë lëvdata edhe janë të kënaqur edhe ajo pjesa e qytetit që ka qenë jashtë transporti publikë”, tha ai.

Ai tha se me këtë rast qe një muaj është rikthyer edhe linja 19 e cila përfshinë Graçanicën, raporton EO.

“Tjetra linjë që është shtuar është linja 3C, me të cilën ne e kemi shty vetëm një pjesë diku afër një kilometër shkuarje edhe vajte, tash dy anët ju ofrojmë shërbime qytetarëve me këtë linjë. Edhe aty janë shumë të kënaqur. Tjetra linjë e cila ka filluar që një muaj e gjysmë, që është rikthyer linja 19 e cila përfshinë Graçanicën edhe kthim, ajo ka ekzistuar përpara dhe kjo vetëm është rikthyer”, tha ai.

“Trafiku Urban” ka filluar zbatimin e vendimit të Komunës së Prishtinës për ndryshime në shtrirjen e rrjedhës së autobusëve në linjat 1, 1A, 3, 3B, 3C, 4 dhe 7C.

Në një letër drejtuar Reuters dhe AFP, ushtria izraelite tha se nuk mund të garantojë sigurinë e gazetarëve të pranishëm në Rripin e Gazës pasi agjencitë mediatike kërkuan garanci.

“IDF po synon të gjithë aktivitetin ushtarak të Hamasit në të gjithë Gazën”, thuhet në letrën e Forcave Mbrojtëse të Izraelit, duke shtuar se Hamasi qëllimisht vendosi operacione ushtarake “në afërsi të gazetarëve dhe civilëve”.

IDF-ja gjithashtu vuri në dukje se sulmet e saj me intensitet të lartë ndaj objektivave të Hamasit mund të shkaktojnë dëme në ndërtesat përreth dhe se raketat e Hamasit gjithashtu mund të shpërthejnë dhe të vrasin njerëz brenda Gazës.

“Në këto rrethana, ne nuk mund të garantojmë sigurinë e punonjësve tuaj dhe ju nxisim fuqimisht që të merrni të gjitha masat e nevojshme për sigurinë e tyre”, përfundon letra e IDF, transmeton Klankosova.tv.

Reuters dhe AFP thanë se ishin shumë të shqetësuar për sigurinë e gazetarëve në Gaza.

“Situata në terren është e tmerrshme dhe mosgatishmëria e IDF-së për të dhënë garanci për sigurinë e stafit tonë kërcënon aftësinë e tyre për të dhënë lajmet në lidhje me këtë konflikt pa frikën se do të plagosen apo vriten”, tha Reuters në një deklaratë në përgjigje të marrjes së letrës ushtarake të Izraelit.

Zyrtari i lartë për Informim i Dhomave të Specializuara të Kosovës (DhSK) në Hagë, Michael Doyle, në një intervistë për Ekonomia Online, theksoi se gjykimi i Hashim Thaçit, Kadri Veselit, Jakup Krasniqit dhe Rexhep Selimit, në liri nuk është i mundur në këtë periudhë.

Ai theksoi që një vendim i tillë nuk është i mundur duke marr për bazë që ish-drejtuesit e UÇK-së duhet të kontrollohen nga një panel i veçantë çdo dy muaj.

“Ky është një vendim që një penal përkatës duhet ta marrë sepse ky panel duhet që t’i i kontrollojë çdo dy muaj ata që janë dukë u gjykuar dhe ky panel pastaj ta vendos nëse ata duhet liruar apo duhet që ende të vazhdojnë qëndrimin në burg dhe kur ata e bëjnë këtë do të shikojnë poashtu a ka ndonjë rrezik që ata mund të mos kthehen apo ndonjë tjetër rrezik që lidhët më të burgosurit, vendimet e lidhura me Thaçin dhe Veselin, Gjykata konstatoi se ata përbenin rrezik për ndikimin keq në procedurat gjyqësore, por gjyqtarët duhet që ta shohin këtë pyetje përsëri çdo dy muaj kur ka dikë që nuk e ka dënuar ende”.

Ai poashtu theksoi deri në prill të vitit 2025 në gjykimin e ish-krerëve të UÇK-së pritet që të dëgjohen të gjithë dëshmitarët e konfirmuar deri më tani. Mirëpo ky vit mund të ndryshojë nëse gjykatësit e shohin të arsyeshme që t’i thërrasin prapë dëshmitarët dhe të i pyesin rreth këtyre çështjeve.

“Deri në prill 2025, ata do të përfundonin thirrjen e të gjithë dëshmitarëve të tyre, të cilët do të pyeteshin nga të mbrojturit pas kësaj, është pak e vështirë të vlerësohet se çfarë do të ndodh, kështu që të mbrojturit së pari mund të paraqesin dëshmi për të hedhur poshtë akuzat që mund të thonë se nuk kanë prova të mjaftueshme dhe të thërrasin për shkarkimin e akuzave dhe nëse një shkarkim i tillë nuk jepet, atëherë ne do të kalonim në faze kur ekipi i të mbrojturve mund të zgjedhë të thërrasë dëshmitarët për të mbështetur çështjen e tyre, kështu që ne e dimë se prokuroria kishte thënë dy vjet, por çfarë ndodh më pas nuk mund të themi mund të themi sepse gjyqtarët do të punojnë për t’i lëvizur gjërat shpejt”.

Zëdhënësi i Speciales theksoi rëndësinë e dëshmitarëve dhe provave në të gjithë procesin e gjykimeve në Hagë. Madje tha se Dhomat e Specializuara nuk duhet të bindin askënd për provat ose për cilësinë e tyre.
Ai shton se është punë e gjyqtarëve më pas që të shohin nëse provat e paraqitura kanë vlerë e janë të pranueshme.

“Unë mendoj që kjo pyetje vije më shumë nga keqkuptimi se çfarë roli kanë gjyqtarët e Gjykatës Speciale dhe rolin e panelit gjykues. Dhomat e Specializuara të Gjykatës Speciale nuk duhet të bindin askënd për provat që vijnë ose edhe për cilësinë e provës sepse pala ende është në gjykim dhe janë Prokuroria dhe të mbrojturit ata që vendosin se çfarë duan të paraqesin dhe sido që të jetë prova që ata mendojnë se do ta bëjë rastin më të mirë, kështu që në rastin e Prokurorisë duan prova që ata mendojnë se do t’i vërtetojnë akuzat në aktakuzë dhe më pas duan që këto prova të sillen dhe pastaj është puna e gjyqtarëve të i marrin këto prova dhe ti vendosin para ligjit”.

“Pra për çdo provë gjyqtarët duhet ta shikojnë nëse prova kanë vlerën e duhur dhe a janë të sigurta për çështjen e duhur poashtu edhe nëse provat janë autentike dhe janë të pranueshme dhe detyra e gjyqtarëve në këtë rast është ta vlerësojnë dhe vendosin në bazë të asaj që paraqitet sepse dhe ligji duhet të i pranojë provat dhe t’i trajtojë ato prova në vendimin përfundimtar, gjithashtu pala tjetër në procedim ka të drejtë për të kundërshtuar provat kështu që ky ndryshim mund të ngrejë çështje me provat e paraqitura nga Prokuroria ku Prokuroria thërret dëshmitarët dhe ata mund edhe të u bëjnë pyetje kështu provat mund të sfidohen dhe më pas gjyqtarët do t’i trajtojnë të gjitha provat dhe në fund do të vendosin të gjitha që ata e shohin të arsyeshme t’i vendosin para ligjit”.

Kur foli për mbajtjen e shumicë së seancave të mbyllura, ai tha se kjo po bëhet më qëllim që të mbrohen dëshmitarët ose viktimat në këto raste.

“Procedimet janë publike, megjithatë gjyqtarët do të vendosin të mbyllin seancat ose të bëjnë sesione private sipas rastit dhe kjo zakonisht ka të bëjë me mbrojtjen e dëshmitarëve ose viktimave në këtë rast, kështu që çdo pjesë e prokurorisë mbron viktima mund të anulojë dhe sesionet mund të kalojnë në sesione private dhe gjyqtarët do të bëjnë një përcaktim të kujdesshëm për provat apo nuk justifikojnë dhe në të vërtetë çfarë mund të bëjnë për të mbrojtur dëshmitarët”.

I pyetur për arkivat e Speciales, ai ritheksojë se Ligji i miratuar nga Kuvendi i Republikës së Kosovës, parasheh që menaxhimin e bëjnë Dhomat e Specializuara edhe pas mbylljes. Ai sqaron se hapja e arkivave nuk është e mundur duke pasur parasysh ruajtjen e dëshmitarëve, raporton EO.

“Ligji që u miratua nga Kuvendi i Kosovës parashikon menaxhimin e arkivave pas mbylljes së Dhomave Speciale. Dhe dispozitat e ligjit thonë se depoja jonë e sigurt e arkivave do të mbahet jashtë Kosovës për arkivin dhe arsyeja për këtë është që dëshmitarët viktima dhe personat e tjerë të mund të vazhdojnë të mbrohen edhe pas mbylljes së Gjykatës”.

Ish-krerët e UÇK-së po përballen me akuza për krime lufte gjatë luftës së fundit në Kosovë nga marsi i vitit 1998 deri në shtator 1999.

Një person është gjetur pa shenja jete në pyll Lubozhdë të Istogut.

Në raportin 24 orësh të policisë bëhet e ditur se vdekjen e tij e ka konstatuar ekipi mjekësor i QKMF-së, përcjell Klankosova.tv.

“Viktima mashkull kosovar nga familjarët është gjetur në pyll pa shenja jete , vdekjen e tij e ka konstatuar ekipi mjekësor i QKMF-së. Me vendim të prokurorit, trupi i pajetë i viktimës është dërguar në IML për Obduksion”, thuhet në raport.

Kuvendi i Kosovës nuk ka ratifikuar asnjë marrëveshje ndërkombëtare, qe disa muaj, si shkak i mosmbështetjes opozitare. Këtë po e kritikojnë njohës të çështjeve politik, të cilët thanë për Ekonomia Online se kështu po humb shteti dhe qytetarët.

Mirëpo sipas tyre sjella e opozitës karshi kësaj çështje është veprimi i lejuar opozitar.
Analisti politik, Shemsi Jashari, tha se pushteti ka treguar qasje agresive ndaj opozitës, duke mos e përkrahur asnjë iniciativë që ata marrin.

Për këtë ai thotë se Qeveria duhet që të krijoj hapësirë edhe të mbështet edhe opozitën. Krejt kjo thotë ai po ndikon që opozita të mos jetë tolerante nga kërkesave të pushtetit.

“Nëse shohim në aspektin rregullave opozitare është një veprim opozitar i lejueshëm. Nëse shohim në aspektin e përfitimit të shtetit asnjë marrëveshje ndërkombëtare nuk është mirë që të bllokohet. Ajo çka do të duhej është që pushteti, të krijoj hapësirë, të kërkojë të bëjë më shumë që ta merr mbështetjen e opozitës. E kemi parë një qasje bukur agresive të pushtetit ndaj opozitës, në asnjë iniciativë që opozita ndërmerr pozita pa arsye të fortë e refuzon edhe duke bojkotuar seancë”.

“Kështu që nuk mund të pritet nga opozita që të jetë edhe tolerante, por që edhe të njëjtën kohë të shtypet zari i tyre, iniciativat e tyre sa do që të jenë të arsyeshme dhe të ligjshme. Për të pasur mbështetjen e opozitës mendoj që pozita duhet të bëjë më shumë në kuptimin e ofrimit që për tema që kanë të bëjnë drejtë për drejtë me shtetin dhe nuk janë puro politik të mos e shfrytëzojnë fuqinë e vetë të votës për t’i bllokuar”, tha ai.

Jashari ka thënë se është shumë e rëndësishme votimi i këtyre marrëveshjeve për faktin sepse nga to vendi përfiton fonde dhe mosvotimi i tyre sipas tij, do të thotë mungesë investimesh.

“Është shumë e rëndësishme të votohen për faktin që shumica e këtyre marrëveshjeve ndërkombëtare kanë fonde që alokohen për Kosovën dhe mos votimi i tyre do të thotë mungesë investimi, mungesë mbështetje financiare. Është shumë e rëndësishme që këtij të votohen po prapë them që pozita duhet që të krijoj kushte që të mos e nënçmoj opozitën, të mos bëjë veprime të cilat e detyrojnë opozitën te merr këto veprime”, tha ai.

Avokati Tomë Gashi, ka thënë se roli i opozitës është që të kritikoj pushtetin, por sipas tij, kur bëhet fjalë për marrëveshje ndërkombëtare mosvotimi i tyre nga opozita është në dëm të vendit, tha ai në një intervistë për Ekonomia Online.

Ai ka thënë se opozita nuk është duke votuar marrëveshjet ndërkombëtare të cilat kapin shifrën e rreth 300 milionë euro vetëm për shkak të luftës politike që ka me pushtetin, raporton EO.

“Opozita e ka detyre që ta kritikojë pushtetin që pushteti të jetë me i mirë, mirëpo mos votimi i ligjeve të cilat kanë të bëjnë më çështje ndërkombëtare dhe për këtë arsye është e pa mundur që të dorëzohet donacioni prej rreth 300 milionë euro, besojë që kjo është në dem të Kosovës. Sigurisht që lufta politike në parlament është normale është natyrore sepse jetojmë në demokraci por kur vije të votimi apo mos votimi i ligjeve të caktuara që t’i marrim në këto donacione në shumë rreth 300 milionë euro, besojë që vet fakti që nuk po i marrim këto shuma të parave që janë të dedikuara për Kosovën për sfera të ndryshme të zhvillimit të shtetit tonë atëherë po i bijë që opozita është duke bëre gabim qëllimisht apo rastësisht vetëm për shkak të luftës politike që ka me pozitën”.

“Kosova i humbe rreth 300 milionë euro, të cilat janë donacione ndërkombëtare dhe më mos votimin e opozitës atëherë është e pa mundur që këto ligje të votohen me qene se së kërkohen më tepër se 2/3 te deputeteve të Kuvendit të Kosovës, që i bije të votohen më tepër se 80 deputet”, tha ai.