ATV

Blog

  • Presidenti gjerman bisedon me hebrenj dhe myslimanë

    Presidenti gjerman bisedon me hebrenj dhe myslimanë

    Presidenti Frank-Walter Steinmeier diskutoi me hebrenj dhe myslimanë në Gjermani mbi pasojat e sulmit të Hamasit ndaj Izraelit më 7 tetor. Mysafirët e tij treguan për hendek të thellë në shoqërinë gjermane.

    Presidenti Frank-Walter Steinmeier ftoi për një diskutim të hapur në presidencë, por fillimisht kreu i shtetit mbajti një fjalim: “Ne nuk do ta tolerojmë antisemitizmin në këtë vend”, ky ishte mesazhi i parë i fjalës së tij. Steinmeier siguroi hebrejtë, se “ky vend nuk do të bjerë në qetësi për aq kohë sa do t’i duhet të druhet për sigurinë Tuaj dhe të fëmijëve Tuaj.”

    Mesazhi i dytë iu adresua “komunitetit palestinez” në vend: “Nuk duhet të ketë racizëm antimysliman dhe as dyshim kolektiv ndaj myslimanëve.” Këtë mesazh presidenti e lidhi me një apel: “Mos lejoni të instrumentalizoheni nga ndihmësit e ndihmësave të Hamasit. Flisni për veten tuaj. Refuzoni terrorin.”

    Rritje alarmuese e dhunës me motive antisemitiste

    Gjermania në vjeshtën 2023 po përjeton një debat të nxehtë lidhur me luftën në Lindjen e Mesme. Që pas sulmit të organizatës islamiste palestineze Hamas më 7 tetor ndaj Izraelit, ekspertët njoftojnë për rritje alarmuese të dhunës me motiv antisemitizmin. Ka pasur demonstrata të flakta pro-palestineze të shoqëruara me prani masive të policisë. Ndërkohë hebrejtë nuk guxojnë të dalin nga shtëpia dhe kanë frikë për sigurinë e fëmijëve të tyre. Njëkohësisht shoqatat e myslimanëve ankohen për dyshim kolektiv dhe rritjen e kufizimeve ndaj tyre.

    Presidenti dëshiron të japë një sinjal. “Lufta në Lindjen e Mesme: Për një bashkëjetesë paqësore në Gjermani” – nën këtë titull ai ftoi (08.11.2023) në rezidencën presidenciale në Schloss Bellevue në një tryezë të përbashkët mysafirë hebrej dhe myslimanë. Ata të gjithë prezantojnë projekte për bashkëpunimin hebreo-mysliman.

    Ajo çfarë i treguan presidentit të ftuarit e tij ishte shqetësuese. Ata vërejnë një hendek të thellë, që po përshkon shoqërinë. Ky hendek nuk është diçka e re, por ai po thellohet gjithnjë e më shumë pas 7 tetorit. Emocionet po vlojnë në secilin komunitet.

    Michael Fürst është kryetar i komunitetit hebre në landin e Saksonisë së Ulët. Prej vitesh ai angazhohet për dialogun mes hebrejve dhe palestinezëve. Tani, ai i tregon presidentit Steinmeier, “shumë anëtarë të komunitetit më thonë, se e përjetojnë si një show projektin”. Ajo që ka ndodhur në Izrael me sulmin e Hamasit, të klasifikuar si organizatë terroriste nga shumë shtete, është për ta si një “çarje e digës – vrasja më e madhe ndaj hebrejve që nga Holokasuti.” Shumë hebrej po tërhiqen duke qendruar vetëm brenda komunitetit të tyre. Dialogu është i rëndësishëm, por është bërë ndërkohë shumë i vëhstirë.

    Dyshim kolektiv kundër myslimanëve dhe migrantëve

    Përvoja të ngjashme ka edhe Derviş Hızarcı. Berlinezi, djalë emigrantësh nga Turqia, drejton projektin e Berlinit “Nisma e Kreuzbergut kundër antisemitizmit”. Kjo nismë lufton kundër urrejtjes dhe paragjykimeve në bashkësinë e migrantëve myslimanë. “Ne kemi marrë javët e fundit rreth 500 kërkesa nga mësuese dhe mësues, se si duhet të veprojnë ata me fëmijët në shkollat e tyre”, i tregon ai presidentit Steinmeier. Atmosfera në shumë shkolla është e acaruar. Fëmijët e migrantëve myslimanë ndihen të përballur me dyshimin kolektiv prej shumicës së shoqërisë gjermane. Ndërsa shkollat janë të mbingarkuara, se si duhet ta trajtojnë temën e antisemitizmit. “Nëse i stigmatizojmë këta fëmijë dhe të rinj, nëse nuk ia dalim që t’i integrojmë ata, atëherë ata nuk do duan t’ia dinë më për Gjermaninë”, tërhoqi vëmendjen presidenti.

    Steinmeier qendron i tërhequr në dialog. Ai fokusohet tek pyetjet që u drejton të ftuarve, Ai e pyet 102 vjeçaren Margot Friedländer, e mbijetuar e Holokaustit, se çfarë do t’u thoshte vajzave dhe djemve hebrej, që kanë dyshim, nëse mund të jetojnë më në Gjermani. Pjesëmarrësit e tjerë ai i pyet, nëse kanë pasoja projektet e tyre nisur nga gjendja aktuale. Ai herë pas here tërheq vëmendjen duke i inkurajuar e vlerësuar nismat e tyre për guximin dhe punën që ata bëjnë. Presidenti u siguron të dyja palëve, se janë pjesë e këtij vendi. “Gjermania është sot një vend kozmopolit dhe i hapur.” Ai përpiqet, t’i inkurajojë e t’i mbështesë moralisht ata. Të ftuarit e tij e vlerësojnë këtë. Por njëkohësisht duket se realiteti është deprimues.

    Një ditë përpara takimit në presidencë disa shoqata dhe studiues skicuan një imazh të zymtë sa u përket incidenteve me motiv antisemitizmin në Gjermani.

  • Mjetet e BE-së për Kosovën dhe Serbinë vetëm pas përparimit në normalizimin e marrëdhënieve

    Mjetet e BE-së për Kosovën dhe Serbinë vetëm pas përparimit në normalizimin e marrëdhënieve

    Ministrat e financave nga Ballkani Perëndimor do të takohen javën e ardhshme në Shkup për planin për rritje ekonomike në vendet e rajonit, në vlerë prej gjashtë miliardë eurosh, të cilin dje e prezantoi Komisioni Evropian. Kur bëhet fjalë për Serbinë dhe Kosovën, ekziston një parakusht për marrjen e fondeve në lidhje me procesin e normalizimit të marrëdhënieve.

    Edhe Serbia edhe Kosova do të punojnë veçmas për përmbushjen e kushteve për normalizimin e marrëdhënieve dhe nuk do të ketë fonde për ta, edhe nëse zbatojnë reforma por nuk ka përparim në dialog. Prandaj, për Serbinë dhe Kosovën, parakusht themelor është normalizimi i marrëdhënieve për të siguruar fonde, transmeton Paparaci.

    Nëse njëra palë i plotëson kushtet paraprake dhe tjetra jo, burimet financiare do t’i kalojnë palës tjetër.

    Pagesat në kuadër të planit katërvjeçar janë planifikuar çdo gjashtë muaj, ndërsa kësti i parë pritet të jetë në verën e vitit të ardhshëm. Gjithsej janë parashikuar 6 miliardë euro, dy për grante dhe katër në formë kredie. Çdo qeveri mund të përdorë fondet e BE-së sipas dëshirës.

    Kur bëhet fjalë për masat e BE-së kundër Kosovës, sipas një zyrtari të lartë të BE-së, pritet që ato të tërhiqen para fillimit të alokimit të fondeve, me kusht që Kosova të bëjë atë që është e nevojshme për normalizimin e marrëdhënieve.

  • Fli e turshi në ambasadën amerikane, Hovenier ndan fotografi nga “Darka e Lamës”

    Fli e turshi në ambasadën amerikane, Hovenier ndan fotografi nga “Darka e Lamës”

    Ambasadori amerikan, Jeff Hovenier, ka treguar se bashkë me stafin e ambasadës kanë shijuar flinë, turshitë dhe ushqime të tjera tradicionale kosovare në një darkë speciale diku ne hapësirat e Ambasadës.

    Hovenier shkruan se “Darka e Lamës”, është ngjarje e rëndësishme kulturore që feston frytet e punës së palodhur dhe se është kujtesë e madhe e pasurisë dhe diversitetit që ka Kosova për të ofruar.

    “Komuniteti ynë i Ambasadës shijoi flija të shijshme dhe ushqime të tjera tradicionale në një darkë speciale të korrjes/Darka e Lamës në hyrjen tonë. Kjo ngjarje e rëndësishme kulturore që feston frytet e punës së palodhur është gjithashtu një kujtesë e madhe e pasurisë dhe diversitetit që Kosova ka për të ofruar”, ka shkruar Hovenier.

  • Dëshmon Ivaniseviq, jep pretendime se ishte ndaluar nga UÇK-ja

    Dëshmon Ivaniseviq, jep pretendime se ishte ndaluar nga UÇK-ja

    Dragan Ivaniseviq, ka dhënë sot dëshminë e tij në Gjykatën Speciale, në rastin ndaj ish-krerëve të UÇK-së.

    Ai u pyet nga prokurori rreth zhdukjes së Gjuriq Nebojsha dhe Petro Markoviq, ai ka dhënë disa pretendime, se ishin ndaluar nga Ushtria Çlirimtare e Kosovës.

    Ivaniseviq po merrej në pyetje rreth një dokumenti, listë e personave të zhdukur në luftë në Kosovë gjatë viteve 1998-1999.

    Madje ai ka pranuar se të njëjtin, Nebojsha dhe Markoviq, ishin parë në Fushë Kosovë.

  • Sulmohet Policia e Kosovës në Leposaviq, sulmuesi kishte në veturë 11 emigrantë

    Sulmohet Policia e Kosovës në Leposaviq, sulmuesi kishte në veturë 11 emigrantë

    Policia e Kosovës është sulmuar dje në Leposaviq nga një person që dyshohet se po i bartte 11 emigrantë.

    Sipas policisë, pas ndalesës, ai ka ikur vrullshëm nga Policia duke rrezikuar kështu jetën e zyrtarëve. Kështu për të ndalur sulmin, policia ka shtënë në drejtim të të dyshuarit.

    “Në vendin e ngjarjes si prova materiale janë gjetur dhe janë konfiskuar 11 gëzhoja, ndërsa rasti është në procedurë hetimore nga të gjitha njësitet relevante”, thuhet në njoftimin e policisë.

    Ndërkohë, zëvendësdrejtori i Policisë në veri të Mitrovicës, Veton Elshani, ka thënë se personat të cilët kanë tentuar të godasin me veturë zyrtarët policorë, janë në kërkim pasi ende nuk janë arrestuar, ndërsa 10 emigrantë janë dërguar në stacionin e Policisë për hetime të mëtutjeshme.

  • Ambasadori amerikan: Asociacioni s’do të ketë kompetenca ekzekutive, në përputhje me Kushtetutën

    Ambasadori amerikan: Asociacioni s’do të ketë kompetenca ekzekutive, në përputhje me Kushtetutën

    Ambasadori i Shteteve të Bashkuara të Amerikës (ShBA), Jeffrey Hovenier, tha se Asociacioni i komunave me shumicë serbe duhet të jetë në përputhje me Kushtetutën dhe nuk do të ketë kompetenca ekzekutive, raporton Ekonomia Online.

    Hovenier tha se draft-statuti i Asociacionit që diplomatët euro-amerikanë ia kanë prezantuar kryeministrit Albin Kurti duhet ta respektojë plotësisht Kushtetutën e Kosovës

    Madje sipas tij, qëndrimi i ShBA-së është që Asociacioni i komunave me shumicë serbe duhet të jetë në përputhje me Kushtetutën.

    ““Draft-statuti është prezantuar nga Bashkimi Evropian me prezentë të Shteteve të Bashkuara të Amerikës. Është konsideruar që është në respektim të plotë më Kushtetutën e Kosovës. Qëndrimi ynë është që duhet të jetë konsistent me Kushtetutën e Kosovës, nuk duhet të kërkohet ndryshmi i Kushtetutës, nuk do të ketë autoritet ekzekutiv. Ne besojmë se ky draft-statut i përmbush të gjitha këto kritere. Si e tha Kurti të premten, një pikë duhet të shkojë në Gjykatë që të merret vendimi”.

    “Kryeministri e ka pranuar. Është trik impresim të flasin ata që nuk e kanë parë draftin. Duhet të formohet në përputhje me Kushtetutën e Kosovës, entiteti që mund të vlerësojë këtë është Gjykata Kushtetuese dhe siç ka thënë kryeministri ka një klauzolë që e mundëson një gjë të tillë”.

    Kryeministri Albin Kurti e ka cilësuar “pakrahasimisht më të avancuar” draftin për Asociacionin të komunave me shumicë serbe, të propozuar nga Bashkimi Evropian dhe Shtetet e Bashkuara të Amerikës, sesa marrëveshjet e mëhershme. Megjithatë, ka shtuar se kjo s’do të thotë që Kosova është e kënaqur me përmbajtjen e draftit.

  • Gjenden mbetje mortore në Prekaz

    Gjenden mbetje mortore në Prekaz

    Komisioni Qeveritar për Persona të Zhdukur ka njoftuar se kanë hasur në mbetje mortore/eshtrat, potencialisht të personave të zhdukur, në Prekaz, Skenderaj.

    “Pas gërmimeve në lokacionin Arbanë, Prizren, sot gjatë ditës, ekipet e Komisionit Qeveritar për Persona të Zhdukur, Institutit të Mjekësisë Ligjore dhe Drejtorisë së Policisë për Hetimin e Krimeve të Luftës, kanë vazhduar gërmimet edhe në lokacionin e varrezave në fshatin Prekaz, Skenderaj”, thuhet në njoftimin e Komisionit Qeveritar.

  • Me performancë brilante nga artistët japonezë u mbajt “Shamisen Concert” në Teatrin AAB “Faruk Begolli”

    Me performancë brilante nga artistët japonezë u mbajt “Shamisen Concert” në Teatrin AAB “Faruk Begolli”

    Mbrëmë është mbajtur ngjarja kulturore “Shamisen Concert” e organizuar nga Ambasada e Japonisë në Kosovë dhe Kolegji AAB. Koncerti u zhvillua në skenën e Teatrit AAB “Faruk Begolli” ku dy artistët japonezë Hibiki Ichikawa dhe Akari Mochizuki argëtuan publikun.

    Në këtë ngjarje morën pjesë një numër i madh i zyrtarëve duke filluar nga përfaqësuesit e ambasadës së Japonisë në Kosovë, ministri i Kulturës, Rinisë dhe Sportit Hajrulla Çeku, kryetari i Komunës së Prishtinës Përparim Rama, ministri për Komunitete dhe Kthim Nenad Rašić, dekanët, profesorët dhe studentët e Kolegjit AAB.

    Ambasadori japonez në Kosovë z. Keisuke Yamanaka bashkë me prorektoren e Kolegjit AAB Venera Llunji kanë mirëpritur të gjithë mysafirët, të cilët i falënderuan për praninë e tyre pasi bënë këtë ngjarje edhe më madhështore.

    Nën tingujt e dy artistëve publiku shijoi performancën duke e përcjellur atë me duartrokitje të gjatë!

  • Rritet numri i përdoruesve të drogave në Kosovë, dominon mosha e re

    Rritet numri i përdoruesve të drogave në Kosovë, dominon mosha e re

    Numri i përdoruesve të drogave në Kosovë është rritur në gjashtëmujorin e vitit 2023, krahasuar me periudhën e njëjtë të vitit të kaluar. Deri në qershor të këtij viti, rreth 89 persona narkotikë janë trajtuar në Klinikën e Psikiatrisë të Qendrës Klinike Universitare të Kosovës (QKUK). Ndërkaq, sipas qendrës “Labyrinth” janë rreth mbi 40 mijë përdorues të drogave, ku dominon gjinia mashkullore dhe moshat e reja. Ndërsa, Ministria e Punëve të Brendshme thotë se është në prag të finalizimit të Strategjisë së re Shtetërore Kundër Narkotikëve 2023-2028.

    Drejtori i Klinikës Psikiatrike, Faton Kutllovci për KosovaPress thotë se ky vit ka shënuar një rritje në të gjitha çrregullimet psikike, derisa shtoi se në repartin e sëmundjeve të varësisë kryejnë vetëm detoksifikimin.

    Në këtë rast, detoksifikimi është procesi i pastrimit të trupit nga droga ose alkooli që një individ ka konsumuar, derisa qëllimi është të menaxhojë në mënyrë të sigurt simptomat e varësisë kur dikush ndalon marrjen e drogës ose alkoolit.

    “Viti 2023 ka shënuar një rritje në përgjithësi në të gjitha çrregullimet psikike, duke iu referuar kërkesave për trajtim në Klinikën e Psikiatrisë, qofshin ato ambulatore por edhe spitalore…Për vitin 2023 në gjashtë mujorin e parë kanë qenë 89 veta, që nëse ndajmë ose përgjysmojmë numrin e përgjithshëm të vitit 2022, kur kanë qenë 148, i bie që kanë shënuar rritje numri i personave që kanë kërkuar trajtim për shkak të abuzimit me substanca psiko aktive në Klinikën e Psikiatrisë, në ndërkohë që ne kemi edhe shërbimin për metadon. Në Klinikën e Psikiatrisë ne kryejmë në repartin e sëmundjeve të varësisë vetëm detoksifikimin, nuk kemi edhe protokole por edhe mundësi trajtimit për shkak të mungesës së hapësirave.Moshat më të prekura janë periudha prej moshës, dikur ka qenë prej 13-18 vjeç, tani ka rënë prej moshës 10 deri 18 vjeçare”, tha Kutllovci.

    Kutllovci thotë se ka rënë në sy rritja e numrit të gjinisë femërore që abuzojnë me droga të ndryshme. Ai shton se Klinika e Psikiatrisë është në mungesë të dy psikiatërve që do të angazhoheshin në Repartin e Urgjencës Psikiatrike, derisa potencon se ka nevojë edhe për rritje të numrit të infermierëve.

    Ndër të tjera, Kutllovci thotë se për herë të parë në Kosovë do të funksionalizohet reparti me shtretër për fëmije dhe adoleshentë, që sipas tij pritet të përfundoj në muajin nëntor.

    Ndërkaq, drejtori i Qendrës Specialistike Psikiatrike “Labyrinth”, Safet Blakaj për KosovaPress thotë se janë rreth 40 mijë përdorues të drogave, derisa potencon se rreth 10 mijë prej tyre janë përdorues problematik të drogave.

    “Në Kosovë, ne në Labirint mendojmë që janë rreth 40 mijë përdorues të drogave. Rreth 10 mijë prej tyre janë përdorues problematik të drogave. Definicioni i përdoruesve problematik të drogave është për ata persona që përdorin drogë dhe si pasojë e përdorimit të drogës, iu shkaktohen varshmëri si fizike si psiqike.Numri është gjithmonë më i madh i atyre që nuk kërkojnë shërbime mjekësore. Deri më tani janë 2700 e pak persona të regjistruar në bazën tonë…Që të gjithë janë përdorues problematik…Kërkesat e tyre janë të shpeshta që të mos regjistrohen. Marihuana është që më ë shumti përdoret në Kosovë, pastaj vjen kokaina menjëherë pas saj. Në këtë rast numri është në shpejtësi duke u rritur. Brenda tri viteve të fundit është rritur dukshëm, numri i përdoruesve të kokainës”, tha Blakaj.

    Blakaj potencon se kokaina është droga më e shtrenjtë, ku grami i saj shkon deri në 80 euro. Ai shton se heroina është rreth 35 euro për gram, ndërsa sipas tij drogat e tjera janë më të lira.

    Terapisti, Safet Blakaj vuri në theks se është shumë e nevojshme një strategji e re me një program gjithëpërfshirës kombëtar, për parandalimin e përdorimit të drogave.

    Lidhur me këtë, Ministria e Punëve të Brendshme thotë se është në prag të finalizimit të Strategjisë së re Shtetërore Kundër Narkotikëve 2023-2028.

    Përmes një përgjigje me shkrim, MPB-ja njofton se kjo strategji do të jetë e standardizuar me strategjinë e Bashkimit Evropian ( BE) duke ju përshtatur nevojave të vendit tonë dhe është strategjia e katërt me radhë.

    “Ministria e Punëve të Brendshme është në prag të finalizimit të Strategjisë së re Shtetërore Kundër Narkotikëve 2023-2028. Kjo strategji do të jetë e standardizuar me strategjinë e Bashkimit Evropian ( BE) duke ju përshtatur nevojave të vendit tonë dhe është strategjia e katërt me radhë. Drejtoria për Hetimin e Trafikimit me Narkotikë, ka qenë e angazhuar në veprimet e parandalimit, hetimit, përgjimit dhe arrestimit të personave që kryejnë të gjitha format e veprave penale që lidhen me substanca narkotike (drogave). Përgjatë territorit të Republikës së Kosovës, Drejtoria e Drogës ka qenë e vetmja drejtori përgjegjëse për hetimin, sekuestrimin dhe konfiskimin e substancave narkotike dhe po ashtu në luftën kundër grupeve kriminale”, thuhet në përgjigjen e MPB-së.

    Ndërkaq, sipas statistikave të Policisë së Kosovës, në gjashtëmujorin e parë të këtij viti janë arrestuar 102 përdorues të drogës, ndërsa në periudhën e njëjtë të vitit të kaluar janë arrestuar 228 persona për këtë vepër.

  • Gjërat që duhet të dini kur blini një makinë

    Gjërat që duhet të dini kur blini një makinë

    Blerja e një makine të re është një nga vendimet më të rëndësishme që mund të merrni ndonjëherë, kryesisht sepse blerja e një makine është një vendim kaq i kushtueshëm.

    Procesi i blerjes së makinave mund të jetë gjithashtu i gjatë dhe i pakëndshëm nëse nuk jeni të përgatitur. Për fat të mirë për ju, ka disa gjëra që mund të bëni dhe disa gjëra që duhet të dini para dhe gjatë procesit të blerjes së makinës.

    Kuptoni nevojat tuaja

    Një nga aspektet më të nënvlerësuara të blerjes së një makine është të kuptuarit e nevojave tuaja. Shumica e njerëzve e dinë se çfarë kanë nevojë deri diku, por shpesh, të kuptuarit dhe të diturit kthehen në dy gjëra të veçanta. Dhe shumë njerëz marrin parasysh vetëm atë që u nevojitet tani në vend që të marrin në konsideratë implikimet afatgjata.

    Dini sa mund të përballosh

    Të gjithë e dinë se sa përballojnë, apo jo? Përgjigja është jo. Kur blini një makinë, është e lehtë të shikoni MSRP-në, çmimin e ngjitësit ose marrëveshjet më optimale të financimit të reklamuara në dispozicion dhe të supozoni se kjo është kostoja totale e blerjes së automjetit.

    Krahasoni

    Një nga gjërat më të mira dhe më të lehta për të bërë si blerës i mundshëm i makinave është të dini se cilat automjete të tjera janë të disponueshme në treg. Pasi të dini se sa mund të përballoni dhe çfarë saktësisht ju nevojitet, mund të filloni të blini. Gabimi më i madh që mund të bëjë çdo blerës makine është të vendoset në një automjet pa kërkuar të shohë se çfarë kanë tregtarët e tjerë të makinave.