Një 12 vjeçare ka raportuar në polici së është sulmuar fizikisht nga nëna dhe njerku i saj në Ferizaj.
Siç njofton policia të dyshuarit janë dërguar në mbajtje, ndërsa viktima në jetimore.
“Ferizaj 13.11.2023 – 13:00. Viktima femër (12 vjeç) ka raportuar se është sulmuar fizikisht nga nëna e saj dhe njerku i saj. Viktima është dërguar në strehimore. Me vendim të prokurorit, të dyshuarat janë dërguar në mbajtje”, thuhet në raportin e policisë.
Instituti Kombëtar i Shëndetit Publik në Ditën botërore kundër diabetit bën të ditur se është një sëmundje kronike metabolike që karakterizohet me nivele të larta të glukozës në gjak (sheqerit në gjak), e cila me kalimin e kohës çon në dëmtime serioze të zemrës, enëve të gjakut, syve, veshkave dhe nervave.
IKSHPK në një postim në Facebook thekon se më i zakonshmi është diabeti i tipit 2, zakonisht tek të rriturit, i cili shfaqet kur trupi bëhet rezistent ndaj insulinës ose nuk prodhon mjaftueshëm insulinë.
“Në tri dekadat e fundit prevalenca e diabetit të tipit 2 është rritur në mënyrë dramatike në të gjitha vendet pa dallim nga niveli i të ardhurave. Më shumë se 500 milionë njerëz aktualisht jetojnë me diabet në të gjithë botën”, thuhet më tej.
IKSHPK po ashtu njofton se qasja në insulinë dhe kujdesin për diabetin mbetet sfidë për shumë njerëz, gjersa mbikëqyrja e sheqerit-glukozës në gjak është një komponent themelor i kujdesit për diabetin.
Në kuadër të masave për parandalimin e diabetit, Instituti thekson se diabeti i tipi 2 në 50 për qind të rasteve mund të parandalohet.
Po ashtu kryerja e kontrolleve të rregullta të sheqerit në gjak, 1 herë në vit nëse bën pjesë në grupin e të rrezikuarve, ndërkaq persona tjerë 1 herë në 3 vjet.
Po ashtu rekomandohet kontrolli i rregullt i tensionit të gjakut, mbajtja e peshës nën kontroll, aktivitet fizik, përdorimi i ushqimeve të pasura me fibra etj.
Ambasadori i Kosovës në Francë, Mehdi Halimi, ka takuar mbreme presidentin francez, Emmanuel Macron, të cilit edhe i ka dorëzuar letrat kredenciale të emërimit të tij.
Kjo ceremoni, u zhvillua nga Protokolli i Shtetit në Pallatin presidencial Elysse.
Momentin e dorëzim-pranimit, ambasadori Halimi, e ndau përmes platformës X.
Grand honneur d’avoir remis les lettres de créance de la Présidente de la #RKS, Mme @VjosaOsmaniPRKS au Co-Prince d’Andorre, M. @EmmanuelMacron, en la présence de la Ministre, Mme @ImmaTorFaus, en qualité d’Ambassadeur de #RKS en #Andorre 🇦🇩🇽🇰🇫🇷. @MFAKOSOVO, @gervallaschwarz pic.twitter.com/5hsp5I3iII
— Mehdi Halimi (@Mehdi_Halimi_) November 13, 2023
Presidenti i Serbisë, Aleksandar Vuçiq, do të takohet sot me të dërguarin e posaçëm të Bashkimit Evropian për dialogun Kosovë-Serbi, Mirosllav Lajçak, njoftoi të hënën Presidenca serbe.
Siç thuhet në njoftim, takimi do të mbahet në orën 11:00 në ndërtesën e Sekretariatit të Përgjithshëm të Presidentit të Republikës në Beograd.
Më 7 nëntor, Lajçaku e vizitoi Kosovën, ku u takua me zëvendëskryeministrin e parë të Kosovës, Besnik Bislimi, si dhe me liderët e partive opozitare për të biseduar për draft-statutin e Asociacionit të komunave me shumicë serbe.
“Propozimi i ri evropian dhe modern” për statutin e Asociacionit të komunave me shumicë serbe në Kosovë iu dorëzua autoriteteve të Kosovës nga pesë emisarët perëndimorë gjatë vizitës së tyre në Prishtinë më 21 tetor.
Delegacioni përbëhej nga përfaqësues të BE-së, Shteteve të Bashkuara, si dhe Gjermanisë, Francës dhe Italisë.
Më 26 tetor, në Bruksel u mbajt një takim i veçantë mes kancelarit gjerman Olaf Scholz, presidentit francez Emmanuel Macron dhe kryeministres italiane Giorgia Meloni me kryeministrin e Kosovës Kurti dhe më pas me presidentin e Serbisë Aleksandar Vuçiq.
I pranishëm në takim ishte edhe shefi i diplomacisë së BE-së, Josep Borrell.
Takimet nuk dhanë fryte sepse Kurti kërkoi nënshkrimin e marrëveshjes për normalizimin e marrëdhënieve mes dy vendeve, për të cilën liderët u pajtuan më 27 shkurt në Bruksel dhe aneksin e saj, për të cilin u dakordua më 18 mars në Ohër.
Kurti pranoi se plani i të dërguarve perëndimorë do të ishte korniza e re e negociatave.Reklama
Presidenti serb Vuçiq e hodhi poshtë këtë. Në atë takim, pala kosovare gjoja pranoi një propozim të ri për statutin e Komunitetit.
Një ditë pas këtij takimi, liderët e Francës, Gjermanisë dhe Italisë kërkuan që Kosova të formojë Asociacionin, ndërsa Serbia ta njohë Kosovën de facto.
Ndërrimi i gomave të verës me ato të dimrit në veturë për të gjithë shoferët do të fillojë nga nesër më datë 15 nëntor dhe do të zgjasë deri më datë 15 mars.
Pajisjet dimërore të cilat duhet t’i posedojnë pjesëmarrësit në trafik janë gomat e dimrit dhe zinxhirët.
Shoferi që drejton automjetin pa pajisje dimërore, dënohet për kundërvajtje, me gjobë prej 40 eurosh.
Ndërkaq, sipas Ligjit, dënohet për kundërvajtje, me gjobë prej 100 deri në 300 euro, edhe personi juridik apo institucioni publik në emër të të cilit dhe brenda autorizimeve të të cilit ka vepruar shoferi.
Me këtë rast, Policia u ka bërë thirrje të gjithë shoferëve që të kenë kujdes të shtuar në trafik.
“Policia e Kosovës apelon për të gjithë pjesëmarrësit në trafik që të kenë kujdes të shtuar për fillimin e sezonit dimëror ku ndryshimet atmosferike janë të pranishme. Sigurohuni që gomat e mjetit tuaj janë ndërruar para fillimit të sezonit dimëror, gjithashtu presioni i ajrit të tyre duhet të jetë sipas rekomandimeve të prodhuesit, në temperaturat e ulëta!”, thuhet në njoftimin e Policisë.
Dhomat e Specializuara kanë bërë të ditur se gjykimi ndaj ish-krerëve të Ushtrisë Çliritmare të Kosovës, Hashim Thaçi, Jakup Krasniqi, Kadri Veseli dhe Rexhep Selimi do të vazhdojë edhe sot.
Në faqen zyrtare të DhSK-së bëhet e ditur se gjykimi do të nisë nga ora 09:00.
Ndryshe ky proces gjyqësor nisi dy vjet e gjysmë më vonë, pas mbajtjes në paraburgim në Hagë, të katër krerëve të UÇK-së, Hashim Thaçit, Kadri Veselit, Rexhep Selimit dhe Jakup Krasniqit.
Aktakuza e ZPS-së, e ngritur më 30 shtator të vitit 2022, i ngarkon Thaçin, Krasniqin, Veselin e Selimin me akuzat për ndërmarrje të përbashkët kriminele, vepër kjo që, sipas prokurorisë, e kishte “qëllimin e përbashkët për të siguruar dhe ushtruar kontroll mbi të gjithë Kosovën, nëpërmjet metodave që përfshinin frikësimin, keqtrajtimin, ushtrimin e dhunës dhe eliminimin e paligjshëm të atyre që konsideroheshin si kundërshtarë”, në periudhën midis marsit të vitit 1998 e shtatorit të vitit 1999, në vende të ndryshme të Kosovës.
Kryesia e Kuvendit të Kosovës në mbledhjen e mbajtur të hënën, ka caktuar seancën e re plenare për të enjten, ku pritet të diskutohet dhe të votohet buxheti për vitin 2024.
Sipas rendit të ditës, në seancën e caktuar për të enjten, për diskutim dhe votim do të jetë Ligji për Ndarjet Buxhetore për vitin 2024, sipas rekomandimit të Komisionit për Buxhet, Punë dhe Transfere, ku është rekomanduar votimi i Ligjit për buxhetin.
Rendi i ditës:
1. Shqyrtimi i parë i Projektligjit nr.08/L-260 mbi ndarjet buxhetore për Buxhetin e Republikës së Kosovës për vitin 2024.
Vendi: Kuvendi KosovësKoha: 10:00
Analisti i futbollit, Malsor Gjonbalaj, në emisionin EKIPI A në ATV, komentoi ndikimin e terrenit të vështirë në fushë, në lojën e futbollistëve.
Ai tha se terreni i vështirë e zbehë anën teknike të futbollistëve.
“Terreni i vështirë e zbehë anën teknike të futbollistëve dhe ata futbollistë që luajnë dhe kanë predispozita teknike, nuk munden me e shfaqë në një terren të tillë. Po ashtu, realizimi taktik hasë në vështirësi, por çka vjen në shprehje në fusha të tilla, është përgatitja fizike. Në këtë rast, motivin që i kishin, rezultoi pozitiv si bashkërendim i të gjitha këtyre dhe falë një angazhimi të pa shoq u arrit kjo fitore, por mendoj që aspekti taktik luajti shumë rol”, tha Gjonbalaj.
Ai thotë se për shkak të terrenit të vështirë që ishte mbrëmë në ndeshjen Kosovë – Izrael, e ka vlerësuar shumë angazhimin e futbollistëve të Kosovës.
“Është jashtëzakonisht e vështirë të luhet në një terren të tillë, për këtë arsye e kam vlerësuar shumë angazhimin e futbollistëve të Kosovës edhe kontributin që e dhanë në ndeshje, përfshirë edhe udhëheqjen dhe drejtimin e lojës edhe nga trajneri, në veçanti unë nuk po I ndaj sepse në shtabit Teknik I kemi edhe Arbnorin dhe Afrimin. I kemi dy trajnerë që e njohin mirë realitetin, e njohin mirë Superligën e Kosovës, kanë një karrierë të gjatë dhe mendoj që është sinkronizim i mirë I të treve, dhe si rezultat I kësaj pune, erdhi edhe deri te ky rezultat I ndeshjes me një motivim të shtuar”, vlerësoi Gjonbalaj. /atvlive.tv
Arsim Prepolli, analisti i emisionit ‘EKIPI A’ në ATV, duke komentuar gjendjen e fushës në të cilën u zhvillua mbrëmë ndeshja Kosovë – Izrael, tha se bari i stadiumit “Fadil Vokrri” është i konsumuar dhe nuk riparohet.
“Mikpritja ka qenë fenomenalë, tifo grupi ka qenë fenomenal, ndërsa gjithmonë ankesat kanë qenë te fusha. Duhet me e marrë dikush përgjegjësinë. Ne e dimë sepse një fushë është e stërngarkuar. Ai bari i stadiumit “Fadil Vokrri” është i konsumuar, nuk mundet me u riparu”, tha Prepolli.
Ai tha se është turp që Kosova ende nuk e ka bërë një stadium për me i zhvillu garat ndërkombëtare.
“Unë nuk e di, ne si shtet, si komunë e Federatë e Ministri, e popull, e gjithë, gjithë kjo kohë me kalu, e mos me mujt me e ndërtu një stadium, me të vërtetë është turpi i turpit. Ne nuk guxojmë as me mëndu. Paramendoni, mos me e pasë një fushë ku mundemi me i zhvillu garat ndërkombëtare. Ka pasur zëra për stadiumin nacional, ka me u ba, ka me u rinovu, por këto janë vetëm fjalë. Në këtë fushë, luan U15, U17, U19, U21, gara e femrave, ekipa e parë, Prishtina, garat ndërkombëtare Ballkani, Gjilani, Drita, boksi, paramendo edhe boksi po zhvillohet në stadiumin “Fadil Vokrri”, kjo është e pa kuptueshme”, tha Prepolli. /atvlive.tv
Emisionin e plotë e gjeni në videon më poshtë:
Regjisori FATOS Berisha, në emisionin EKIPI A në ATV, tha se fitorja e Kosovës për të ka qenë e befasishme, por edhe e mirëpritur.
Ai thotë se ka keq ardhje se pse Kosova nuk ka luajtur si mbrëmë prej fillimi.
“S’po flas për talentin, por po flas për angazhimin e secilit individualisht brenda grupit, i cili është parë mbrëmë. Por the, të kishim luajtur kështu, në secilën ndeshje, unë mendoj se rezultati kish me qenë ndryshe në favor tonin”, tha Berisha. /atvlive.tv
Emisionin e plotë e gjeni në videon më poshtë: