Kombëtarja e Kosovës në futboll do ta zhvillojë sot stërvitjen e fundit para se të udhëtoj drejt Zvicrës për ndeshjen e radhës në kuadër të kualifikimeve për në Kampionatin Evropian Euro 2024.
Federata e Futbollit të Kosovës ka bërë të ditur se “Dardanët” do të stërviten sot në Kampion Nacional në Hajvali me fillim nga ora 11:00, raporton KP.
Zvicra me Kosovën përballen të shtunën ën Basel. Zvicra është liderë e grupit I me 16 pikë, kurse Kosova renditet e katërta me 10 pikë.
Një nënë e dy fëmijëve u vra nga një rrufe në plazhin Boquilla në Cartagena, Kolumbi. Fatkeqja Froilanis Maireth Rivas Román ra në tokë menjëherë kur u godit nga rrufeja.
Në të njëjtën kohë, një dëshmitar okular ka regjistruar momentin e frikshëm.
Gruaja 34-vjeçare është parë duke ecur përgjatë vijës bregdetare në momentin kur e goditi rrufeja. Pranë saj ishte një polic i cili duket i tronditur nga zhurma e rrufesë, por pa e parë gruan. Një tjetër pushues rrëzohet në rërë i tronditur dhe më pas vrapon për të ndihmuar gruan që vdiq në vend nga goditja elektrike.
Román ishte në plazhin Boquilla në Kolumbi me anëtarët e familjes. Froilanis ka lënë pas një djalë dhe një vajzë dhe kishte kompaninë e saj të veshjeve në Instagram.
Sipas Qendrave për Kontrollin dhe Parandalimin e Sëmundjeve, gjasat që dikush të goditet nga rrufeja janë një në një milion, megjithatë gati 90% e viktimave mbijetojnë. Në Kolumbi, vdekjet nga rrufetë për shkak të kushteve të motit janë të shumta.
Sipas Universitetit Industrial të Santanderit, numri i lartë i maleve dhe fushave të hapura në vend, e bëjnë rajonin të prirur ndaj shkarkimeve elektrike. Universiteti tha: Kolumbia është rajoni me aktivitetin më të rrufeshëm në botë, gjë që rrit numrin e vdekjeve dhe të lëndimeve për shkak të këtij fenomeni, veçanërisht në zonat rurale./TopChannel/
Në muajin shtator të këtij viti, janë regjistruar gjithsej 1 mijë e 396 kurorëzime brenda dhe jashtë Kosovës. Por nuk pati vetëm martesa gjatë këtij muaji.
Sipas të dhënave të Agjencisë së Statistikave të Kosovës (ASK), gjatë shtatorit 130 çifte i kanë dhënë fund martesës së tyre.
“Në muajin shtator 2023 janë regjistruar gjithsej 1 396 kurorëzime (brenda dhe jashtë Kosovës), kurse shkurorëzime të ndodhura në Kosovë janë regjistruar 130 raste”, thuhet në njoftimin e ASK-së./Indeksonline/
Ministria e Jashtme izraelite hodhi poshtë një rezolutë të miratuar nga Këshilli i Sigurimit i OKB-së të mërkurën, e cila kërkonte “pauza dhe korridore të zgjatura humanitare” në Gaza.
Në një deklaratë të cituar nga gazeta Haaretz, ministria tha se “nuk ka vend për pauza të zgjatura humanitare” për sa kohë që pengjet mbahen nga grupi palestinez Hamas.
I dërguari i Izraelit në OKB, Gilad Erdan, e përshkroi gjithashtu rezolutën si “të shkëputur nga realiteti”, pasi ajo nuk dënon Hamasin për sulmin e tij të nisur kundër Izraelit më 7 tetor, shkruan AA.
Këshilli i Sigurimit i OKB-së miratoi të mërkurën një projekt-rezolutë që bën thirrje për “pauza dhe korridore urgjente dhe të zgjatura humanitare” në të gjithë Gazën.
Dymbëdhjetë vende votuan në favor të rezolutës së kryesuar nga Malta, ndërsa SHBA, Britania e Madhe dhe Rusia abstenuan nga votimi.
Rezoluta gjithashtu bën thirrje për lirimin e të gjithë pengjeve që mbahen nga Hamasi dhe grupet e tjera, veçanërisht fëmijët.
Izraeli ka nisur sulme të pamëshirshme ajrore dhe tokësore në Rripin e Gazës që nga një sulm ndërkufitar nga grupi i rezistencës palestineze Hamas më 7 tetor.
Zyra qeveritare për media në Gaza njoftoi të mërkurën se numri i të vdekurve nga sulmet ajrore izraelite në Rripin e Gazës që nga 7 tetori është rritur në 11,500, duke përfshirë 4,710 fëmijë dhe 3,160 gra.
“Numri i vdekjeve në mesin e personelit mjekësor ka arritur në 200”, tha zyra në një deklaratë në Telegram.
Më tej thuhet se janë vrarë edhe 22 personel të mbrojtjes civile dhe 51 gazetarë, ndërsa numri i të lënduarve ka arritur në 29,800, me rreth 70% gra dhe fëmijë.
Mijëra ndërtesa, duke përfshirë spitale, xhami dhe kisha, janë dëmtuar ose shkatërruar në sulmet e pamëshirshme ajrore dhe tokësore të Izraelit në enklavën e rrethuar që nga muaji i kaluar.
Ndërkohë, numri i të vdekurve izraelitë është rreth 1,200, sipas shifrave zyrtare.
Analisti i Sigurisë, Bedri Elezi, është shprehur se asnjë serb në veri të Kosovës nuk ka mundur të lëvizë lirshëm në zonën Shengen të BE-së, megjithëse kanë pasur pasaporta serbe.
Komentet Elezi i bëri përmes një lidhjeje me emisionin “Good Morning Albanians” në EuroNews, ku tha se kjo vinte për shkak se BE lejonte të lëviznin lirshëm vetëm serbët resident në Serbi.
Kjo sipas Elezit ka bërë që shumë serbë në Kosovë të interesohen për pasaporta të Kosovës dhe të vendosin targa të Kosovës.
“Është një numër i madh i serbëve të interesuar për t’u pajisur me pasaporta të Kosovës dhe për të pajisur makinat e tyre me targa të Kosovës. Kjo vjen pas vendimit të BE-së për të futur Kosovën në Shengen. Pra duan të shfrytëzojnë lëvizjen e lirë.
Regjistrimi i veturave, është i ndërlidhur me hyrjen e Kosovës në Shengen. Qytetarët e Serbisë, edhe pse kanë pasur pasaportat e Serbisë, nuk kanë mundur të udhëtojnë në Shengen, megjithëse Serbia ka qenë më parë në zonën e lirë. Asnjë serb që ka jetuar në Kosovë, nuk ka qenë banor i Serbisë dhe nuk ka pasur mundësi të lëvizë në Shengen, megjithëse kishin pasaporta serbe.
Kjo pasi vendimi i BE-së ishte që vetëm banorët rezidentë të serbisë mund të lëviznin. Pra ishte familja Shengen që kishte përjashtuar qytetarët. Në pasaportat e këtyre qytetarëve ishin përcaktuar koordinatat. Pra rezidenca”, është shprehur Elezi.
Sipas agjencisë së lajmeve “AGI”, mbrojtësi i Milanit, Alessandro Florenzi është lojtari i fundit që është nën hetim për përfshirje në lojëra të fatit.
Prokurori publik në Torino akuzoi Sandro Tonalin dhe Nicolò Fagiolin, të cilët të dy bënë marrëveshje për pranimin e fajësisë me FIGC-në për 7 dhe 10 muaj ndalim nga aktivitete sportive.
Sulmuesi i Aston Villës dhe Italisë, Nicolò Zaniolo është ende nën hetim dhe ka dhënë prova, duke këmbëngulur se ai ka përdorur ndonjëherë aplikacione vetëm për lojëra si video poker dhe blackjack, në vend të basteve në sport.
“AGI” pretendon se Florenzi do të jetë në Torino gjatë ditëve në vijim për të dhënë dëshminë e tij.
Në rast të konfirmimeve, ai rrezikon dënim të rënd
Kryeministri i Kosovës, Albin Kurti, ka thënë se është optimist për anëtarësimin në Këshillin e Evropës.
Ai në një intervistë për gazetën austriake “Der Standard” tha se kjo duhet të ndodhë para zgjedhjeve në Shtetet e Bashkuara të Amerikës dhe në Bashkimin Evropian.
Kurti tha se “disa shenja nuk janë të mira”, duke shtuar se “nuk dihet si do të duket bota pas dy viteve”.
“Jam optimist. Por është shumë e rëndësishme që kjo të ndodhë përpara zgjedhjeve të BE-së dhe SHBA-së, sepse disa shenja nuk janë të mira. Nuk e dimë se si do të duket bota pas dy vitesh. Në vend të çlirimit të plotë të Ukrainës dhe përfundimit të luftës atje, ne kemi një tjetër konflikt në Lindjen e Mesme. Si rezultat, ka më pak vëmendje për Ballkanin”, tha Kurti.
Forcat izraelite thonë se kanë sulmuar shtëpinë e një lideri të lartë të Hamasit, Ismail Haniyeh, në Gaza.
Në një postim në X, Forcat e Mbrojtjes së Izraelit thanë se përdorën avionë luftarakë të mërkurën mbrëma për të goditur shtëpinë e kreut të byrosë politike, shkruan BBC, transmeton KosovaPress.
Ata pretendojnë se shtëpia e tij ishte “përdorur si infrastrukturë terroriste” dhe “një vend takimi për zyrtarët e lartë të organizatës”.
BBC nuk ka qenë në gjendje të verifikojë në mënyrë të pavarur pretendimin e Forcave Mbrojtëse të Izraelit.
Kush është lideri i Hamasit, shtëpinë e të cilit Izraeli thotë se e goditi?
Forcat izraelite njoftuan mëngjesin e sotëm se kanë përdorur avionë luftarakë për të sulmuar shtëpinë e Ismail Haniyeh, i cili konsiderohet gjerësisht lideri i përgjithshëm i Hamasit,.
Haniyeh u zgjodh kryetar i byrosë politike të Hamasit në vitin 2017, por prej disa vitesh jeton në Katar.
Ai ishte një anëtar i shquar i Hamasit në fund të viteve 1980 dhe u burgos nga Izraeli për tre vjet.
Më pas ai kaloi një vit në mërgim përpara se të kthehej në Gaza. Në vitin 1997 ai u emërua kryetar i zyrës së udhëheqësit shpirtëror të Hamasit, duke forcuar pozicionin e tij.
Haniyeh u emërua kryeministër palestinez në vitin 2006 nga presidenti Mahmud Abbas, por u shkarkua një vit më vonë pasi grupi rrëzoi partinë e Abbasit Fatah nga Rripi i Gazës në një javë dhune vdekjeprurëse.
Haniyeh e hodhi poshtë shkarkimin e tij si “jokushtetues”, duke theksuar se qeveria e tij “nuk do të heqë dorë nga përgjegjësitë e saj kombëtare ndaj popullit palestinez” dhe vazhdoi të sundojë në Gaza.
Yje të shumtë të Hollivudit ishin pjesëmarrës në eventin e Baby2Baby, që është një organizatë jofitimprurëse për fëmijët e varfër.
Kim Kardashian, Miranda Kerr, Hailey Bieber, Olivia Ëilde, Jessica Alba ishin vetëm disa nga yjet që së bashku mblodhën më shumë 12 milionë dollarë.
‘’Meqë jemi në një kohë kaq të vështirë në botë, ndihem shumë mirë që jam pjesë e diçkaje kaq pozitive, ku të gjithë kemi mundësinë të japim diçka”, tha Kardashian.
Organizata ka shpërndarë më shumë se 375 milionë artikuj thelbësorë, duke përfshirë pelenat, ushqimin dhe veshjet për fëmijët që jetojnë në varfëri.
Bruce Darnell foli haptazi për fëmijërinë e tij duke e cilësuar si një fëmijëri me plot vuajte, depresion dhe një marrëdhënie e vështirë me nënën e tij.
Në një intervistë ai foli për të kaluarën dhe vendimin për të lënë pas shtëpinë e tij në SHBA.
Ai ishte fëmija i vetëm jashtëmartesor i njëmbëdhjetë fëmijëve dhe nuk e takoi kurrë babanë e tij biologjik. Sic u shpreh Darnell, të gjithë ishin të rreptë me të dhe nuk përjetonte dashuri.
Gjatë intervistës, Bruce theksoi se ishte vendim i duhur për t’u larguar nga shtëpia ku jetonte me familjen, por edhe pse tashmë 66 vjec, ai rrëfeu se nuk ka pasur kurrë një shtëpi të tij.
Tutje ai vazhdoi duke treguar se jeton në hotele të ndryshme pasi që udhëton gjatë gjithë kohës dhe është mësuar të mos ketë një shtëpi të përhershme.
‘’Unë jam mësuar me këtë, nuk ndalem asnjëherë për të thënë: Ku është shtëpia ime, thjesht se mendoj fare’’, tha Bruce Darnell./atvlive.tv/