Blog

Deputetja e LDK-së, Hykmete Bajrami, ka prezantuar në Kuvendin e Kosovës disa të dhëna që sipas saj, janë marr nga statistikat e ASK-së, në lidhje me rritjen ekonomike dhe rritjen e inflacionit gjatë qeverisjes së Albin Kurtit.

Sipas saj, qeveria aktuale e ka marr mandarin me 16 për qind rritje ekonomike, ndërsa sot sipas saj, rritja ekonomike është dy për qind.

Ajo tha se buxheti është rritur në disa sektorë, por është ulur në disa organizata buxhetore, duke shtuar se s’ka shanse të bëhen të gjitha rritjet buxhetore me 78 milionë euro më shumë.

“Nga ASK kjo është pamja e rritjes ekonomike të Kosovës për mandarin e qeverisë së Kosovës. Me 16 për qind e kanë marr dhe sot është në dy për qind. Dhe kjo e paraqet normën e inflacionit. Sigurisht kryeministri është shumë i zënë se dialogu ju është bëtë prioritet numër një, këto po ja dorëzoj”.

“Ju thatë se keni rritur buxhetin, por i nderuar as një herë nuk e përmend se ku e keni ulur buxhetin. Buxheti, planifikim për vitin 2024 është ngrit me vetëm 2.3 për qind ose 78 milionë euro, andaj nuk ka shanca që të bëhen të gjitha këto rritje në përqindje prej 20-30 për qind e 50 për qind me 78 milionë euro, ka organizata buxhetore të cilave ju është ulur buxheti”.

Kryetarja e Dhomave të Specializuara të Kosovës (DHSK), Gjykatëse Ekaterina Trendafilova, do të mbajë një takim me përfaqësues të shoqërisë civile në Prishtinë në kuadër të Programit për Komunikim dhe Ndërgjegjësim.

Në këtë takim ajo do të flasë për zhvillimet aktuale në DHSK si dhe do t’u përgjigjet pyetjeve. Gazetarët janë të ftuar të marrin pjesë në aktivitet.

Ky takim ndërveprues organizohet në kuadër të Programit për Komunikim dhe Ndërgjegjësim të DHSK-së.

Takimi do të mbahet me 29 nëntor.

Qendra Klinike Universitare e Kosovës ka hapur konkurs për 45 pozita të lira pune.

Në këtë konkurs janë shpallur 20 pozita të lira pune për infermierë me diplomë bachelor, 10 pozita për infermierë me shkollë të mesme, 10 laborantë mjekësor bachelor dhe pesë laborantë mjekësor me shkollë të mesme.

Data e aplikimit në këtë konkurs do të hapet më 28.11.2023 dhe do të pëfundojë më 12.12.2023.

Konkursin e plotë e gjeni duke klikuar KËTU.

Zjarrfikësit e Kosovës kanë reaguar pas vendimit të sotshëm të Policisë së Kosovës për miratimin e shtesave për rrezikshmëri në punë.

Përmes një reagimi të gjatë për media ata thanë se janë në gjendje të rendë dhe se nuk janë duke u përkrahur nga Qeveria.

Në këtë reagim ata kanë bërë publike edhe njëherë kërkesat e tyre, e një prej tyre është edhe pagesa e shtesave të rrezikshmërisë.

Reagimi i plotë:

Të ballafaquar me një situatë shumë të rënd sa i përket, organizimit, finacimit dhe menaxhimit te shërbimit të Zjarrfikikjes dhe Shpëtimit ne vendë, kemi vendosë qe edhe një here të ;ju dërgojmë një letër publike për të shprehur pakënaqësitë dhe shqetësimet tona lidhur mos gatishmërinë e institucioneve vendimmarrëse qe kjo gjendje te përmirësohet dhe te sigurohen kushte normale për punë. Sot ne mbledhjen e Qeveris, me vendim u siguruan mjetet per rrezikshmëri ne pune per policinë e Kosovës, ky vendim selektiv vetëm për një kategori te institucionit per siguri, duke i përjashtuar zjarrfikësit, institucionin me specifike te veçanta, nder profesionet me rrezikshmëri te lartë për shëndetin dhe jetën, ka irituar dhe ka shqetësuar pa masë zjarrfikësit e Kosovës, ky vendim është i pa pranueshëm edhe një here dëshmon se zjarrfikësit nuk kanë përkujdesje institucionale, pa mbështetje, te diskriminuar me vite, te denigruar, dhe te përbuzur me dekada.

Zjarrfikësit e Kosovës ende nuk janë Kompensua per ndërrime te natës, festat shtetërore dhe fetare, orët jashtë orarit ( per vitin 2022) mandej mos kompensimi i obligimeve per shtesa edhe te vitit 2023 dhe mos pagesa edhe e orëve jashtë orarit te ftuar ne mobilizim ne Veri, kjo gjendje dhe ky diskriminim ka arritur kulmin dhe zjarrfikësit e Kosovës kerkojn drejtësi dhe kërkesat te plotësohen urgjentisht. Ju kemi drejtua Institucioneve te Shtetit, Ekzekutivit dhe legjislativit, kemi kërkuar qe kjo gjendje e krijuar urgjentisht te rregullohet, mirëpo asnjë përgjigje lidhur me kërkesat e drejtuara nga Sindikata nuk ajn mare parasysh, kjo heshtje e institucioneve është e pa pranueshme dhe e pa justifikueshme, si mund te heshtet dhe te jen indiferent karshi gjendjes se krijuar ne shërbimin e zjarrfikësve te Kosovës

Prandaj edhe Apelojm dhe kërkojmë, nga institucionet qeveritare, nivelit Qendror dhe Lokal, ministrive përkatëse, Deputetëve qe urgjentisht te veprohet dhe të angazhohen qe te rregullohet pozita e pa zgjedhur e Zjarrfikësve, që të mbrojnë interesat e shërbimit të zjarrfikësve, të shqyrtohet gjendja e rend qe ka kapluar shërbimin e zjarrfikësve, urgjentisht të sigurohen mjete buxhetore dhe të na krijoni mundësi, te krijoni kushte normale dhe ti kryeni obligimet që keni ndaj Zjarrfikësve të Kosovës, angazhohuni që shërbimi i të jetë funksional dhe të jete i gatshëm që të kryej misionin në mënyrë te dinjitetshme.

Për kërkesat tona të drejta të bazuara në ligje presim qe 2 (dy) dekada, durimi i zjarrfikësve është humbur, kjo gjendje e krijuar është e pa përballueshme dhe e pa pranueshme. Prandaj Apelojmë qe urgjentisht te analizohet gjendja e krijuar ne ketë shërbim; te sigurohet buxhet per vitin 2024, derisa te definohen kompetencat ne mes te MPB /AME, dhe Komuna kërkesat tjera janëKërkesat e Sindikatës së Zjarrfikësve janë:

 Te filloj te kompensohet rrezikshmëria ne punë;

 Sigurimet shëndetësore;

 Te ngritët stafi me zjarrfikës te rinj, numri i tanishëm jashtë çdo kriteri;

 Kontrollet sistematike te zjarrfikësve;

 Te kompensohen obligimet per orët jashtë orarit, festat shtetërore dhe ndërrimet e natës, per vitin 2022, siç jemi dakorduar ne takim mbajtur me dt.

19.11.2021 me zv. Kryeministrin Z. Besnik Bislimi, Ministrin Z. Hekuran Murati dhe Ministrin, Z. Xhelal Sveçla,

 Të kompensohen ndërrimet e natës, festat Shtetërore dhe orët jashtë orarit, per vitin 2023 .

 Të definohen kompetencat menaxhuese ne mes AME/MPB-Komuna

 Të përmirësohen kushtet e punës, të sigurohen pajisje dhe mjete për punë;

 Të sigurohet shujta

Kërkojmë urgjentisht qe te analizohet gjendja e rënd qe ka kapluar shërbimin e zjarrfikjes dhe shpëtimit ne Kosovë, për ndryshe zjarrfikësit e kanë humbur Durimin dhe unanimisht kërkojnë qe per shkak te mos realizimit te kërkesave dhe pritjeve me vite, mos përfilljes dhe anashkalimit qe i’u bëhen zjarrfikësve te organizojnë Protestë.

Shefi i Grupi Parlamentar të AAK, Besnik Tahiri, tha se bartja e buxhetit e buxhetit vit pas viti, e sidomos bartja e tij në vitin 2024 është duke ndodhur pasi do të ketë zgjedhje, raporton Ekonomia Online.

Sipas tij, Qeveria mjetet e bartura do t’i shfrytëzojë në fund të mandatit të saj.

“Sot pa dyshim ka qenë ekspozeja me e dobët e Kurti në tri vitet në Kuvend. Nëse mundemi me ma thanë ju deputet dhe qytetar të Kosovës për një premtim, një zorim, rreth temave që ballafaqohet Kosova kam dëshirë me e dëgjuar”.

“Në kërkuam që të na jepet një sqarim se çka ndodhi nga pagat. A mundesh me na tregu pse është bart ky që buxheti dhe pse është mbetur që krejt buxhet me shkuar në vitin 2024, ne e dimë këtë është buxhet elektoral për shkak se sot një vjet me kalendarin e rregullt jemi në zgjedhje. Dhe ju doni që këto mjete që i keni bartë vit pas viti me i shfrytëzuar në fund të qeverisjes suaj”, tha ai.

Fondacioni i Kosovës për Shoqëri të Kosovës (KFOS), ka mbajtur diskutimin me temën “Vajzat e reja ndërmarrëse në skenën e ‘sturt-upeve’ të Kosovës”, me ç’rast u prezantua dokumenti që tregon për pengesat dhe sfidat me të cilat përballen gratë për t’u angazhuar në këtë sektor, raporton Ekonomia Online.

Aty u tha se gratë kanë më shumë gjasa të jenë të prirura drejt sipërmarrjes sociale, megjithatë sektori i teknologjisë është konsideruar historikisht të jetë më i drejtuar nga burrat dhe më pak i aksesueshëm për gratë dhe sipërmarrja konsiderohet më gjerësisht si më sfiduese për të rinjtë për shkak të mungesës së burimeve.

Prandaj, ky punim eksploron sfidat unike me të cilat përballen të rejat për të krijuar bizneset e tyre në një hapësirë të dominuar nga burrat, ndërkohë që ndjekin “vlerat sociale”.

Profesori grek, Ioannis Armakolas, tha se nëse u jepet hapësira e nevojshme studentëve ata do të mund të kontribuojnë në shumë procese që Kosova mos të mbetet mbrapa.

“Shtetet dhe qeveritë kanë qenë të frustruara për shkak të proceseve që ka kaluar Kosova. Ne kemi filluar të vendosim fokus digjitalizimin dhe agjendën e gjelbër dhe po ashtu na bën mirë që e kemi bërë që të sjellim katër gjenerata të reja. Ky ndryshim ka qenë i pritur dhe projekti i bursave kanë kontribuar për të menduar për të ardhmen. Ne kemi parë se në Kosovë dhe në kryeqytetet evropiane thuhet se Evropa ka ndryshuar dhe Ballkani ka mbetur prapa dhe unë mendoj se studentët e rinj kanë kontribuar në agjendën e gjelbër dhe nëse atyre u jepet shanse ata do të kontribuojnë dhe do te mundohen t’i zgjidhin problemet politike dhe të mos mbetet prapa siç mendohet”, u shpreh ai.

Dokumenti i politikave u prezantua nga autorja Geena Whiteman, hulumtuese PhD në Universitetin e Cardiff. Sipas saj, gratë përbëjnë 50 për qind të popullsisë në Kosovë, kurse përqindja mesatare e ndërmarrësisë së grave ka qenë 31 për qind nga afër 4 mijë ndërmarrje të reja të regjistruara në Kosovës.

“Bizneset në pronësi të grave në Kosovë ende konsiderohen të jenë në fillimet e tyre megjithatë, ky numër është në rritje të vazhdueshme vitet e fundit. Afërsisht 17 për qind e subjekteve juridike aktive të regjistruara në Kosovës në vitin 2021 kishin pronare grua dhe këto ishin kryesisht në sektorin e shitjes me shumicë, shitjes me pakicë dhe shërbimeve personale. Gratë përbëjnë 50 për qind të popullsisë në Kosovë, megjithatë gjatë pesë vjetëve të fundit, përqindja mesatare e ndërmarrësisë së grave ka qenë 31 për qind nga afër 4 mijë ndërmarrje të reja të regjistruara në Kosovës”, tha ajo.

Zef Dedaj, U.d. i drejtorit të Përgjithshëm të KIESA-s, tha se fokusi i tyre i përkrahjes është i zgjeruar, por që gratë sipërmarrëse kanë më shumë fokus. Tha se statistikat flasin se kanë investuar mirë sa i përket investimeve në bizneset që udhëhiqen nga gratë.

“KIESA mbulon një fushë-veprimtari të gjerë dhe i mbështes bizneset e vogla dhe të mesme. Së fundmi janë përkrahur 36 kompani të prodhimit dhe disa prej tyre janë të udhëhequra nga gratë. Shumë kompani që udhëhiqen nga gratë përkrahen nga KIESA. Dhjetë kompani që udhëhiqen nga gratë kanë përfituar për përkrahje me makineri. KIESA ka qenë përkrahëse e kompanive në panaire ndërkombëtare dhe kjo ka qenë edhe në raportin e progresit për përkrahjen e ndërmarrësve. Zakonisht nuk marrë pjesë në panaire por së fundmi isha në Kanada dhe kam qenë me dhjetë kompani të TIK dhe gjysma e tyre kanë qenë nga gratë si udhëheqëse. Ne vazhdojmë ti përkrahim dhe kompanitë që udhëhiqen nga gratë apo ato kompani që duan të zgjerohen me punësim të grave marrin më shumë pikë nga KIESA”, tha ai.

Diora Binxhiu nga “Polar Bear Agency”, tha se në profesionin e saj ka punuar si 18 vjeçare.

“Unë kam filluar të punojë në këtë industri të marketingut kur i kam pasur 18 vjeç dhe kam parë se ekzistojnë një zbrazëti dhe gjëja e parë që kam dashur ta bëjë është që marr përvojën dhe ëndërr e kam pasur që të hap një kompani time. Kam pasur mundësi të shkojë në konferenca të ndryshme dhe pjesëmarrësit kanë qenë meshkujt dhe kam dashur të ketë në shumë diversitet. Kam dashur të më njohin si Diora që udhëheq një kompani të suksesshme dhe jo si një grua”, u shpreh ajo.

Primesa Arapi nga “Spectra LLC”, tha se profesioni i saj si arkitekte konsiderohet vetëm për meshkujt por që në realitet nuk është ashtu, raporton EO.

“Sa i përket gjinisë varion përmes çdo kush mendon se ju jeni femra dhe nuk iu dëgjon askush në punë por që nuk është ashtu. Mendoj që nuk është e vështirë që ta vërtetoni se fuqia është më e fortë se sa mendja. Për të qenë grua si në profesionin tim më shumë ka të bëjë me empati”.

“Nivelizimi i biznesit është më i vështirë se sa krijimi dhe zakonisht nuk mund të gjeni punëtorë adekuat por duhet ti trajnoni. Roli i gjinisë ndoshta nuk e kanë marrë edukimin e duhur për shkak të gjinisë dhe pikërisht Arkitektura shihet më shumë për burra se sa për gra dhe në kompaninë time janë vetëm gra”.

Kryetari i AAK-së Ramush Haradinaj, ka kërkuar nga ana e Qeverisë dyfishimin e pagave për policët, ushtarët, drejtësinë etj, raporton EO.

Haradinaj, i ka kërkuar kryeministrit të Kosovës, Albin Kurti, që në buxhetin për vitin e ardhshëm të përfshihet edhe një pako.

Sipas Haradinajt kjo është e nevojshme që të bëhet, për të mos i lejuar rininë që të ikin pas 1 janarit 2024 kur edhe do të liberalizohen vizat.

“Jo vetëm shtesat e rrezikshmërisë. Mos harroni, paret nuk i shpenzoni kur ato i investoni, por kur ministri ti bart në vitin tjetër. Dyfishimin i pagave për ushtarët, për policët, për AKI-në, për Doganat, për gjyqësorin, për zjarrfikësit, emergjencat, do të ishte një fitore nga ana e juaj”.

“Jo vetëm shtesat e rrezikshmërisë. Mos harroni, paret nuk i shpenzoni kur ato i investoni, por kur ministri ti bart në vitin tjetër. Dyfishimin i pagave për ushtarët, për policët, për AKI-në, për Doganat, për gjyqësorin, për zjarrfikësit, emergjencat, do të ishte një fitore nga ana e juaj”.

“Nëse vërtet të është bartë buxheti nga viti në vit, shtine një pako për të rinjtë e Kosovës të mos e lëshojnë Kosovën më 1 janar, gjeje një mënyrë vepro”.

Deputeti i LDK-së, Avdullah Hoti, tha se buxheti i viti 2024 do të duhet që të analizohet në bazë të premtimeve të dhëna nga Qeveria Kurti, raporton EO.

Sipas tij, ndonëse janë shpenzuar 8.1 miliardë euro nuk është vërejtur asnjë efekt.

“Gjatë këtij mandati qeverisës 2021-2014 në total kjo mazhorancë ka menaxhuar, me buxhetin 2024, 11.4 miliardë euro. Deri më tani me mbarimin e këtij viti shpenzohen 8.1 miliardë euro dhe me duhet të them që efekte konkrete janë të pavërejtshme”.

“Ka ndërrua proceduar e buxhetit është përkeqësuar proceduar e buxhetit. Rritja masive e subvencioneve. Ky buxhet ka shpërputhje me vete zotimet e Qeverisë, ka shpërputhje me prioritet ekonomike dhe ka shpërputhje me nevojat emergjent që kanë qytetarët”, tha ai.