ATV

Blog

  • “As në tokë as në qiell, vend për shqiptarët nuk ka” – shfaqen shkrime anti-shqiptare në Shkup

    “As në tokë as në qiell, vend për shqiptarët nuk ka” – shfaqen shkrime anti-shqiptare në Shkup

    Shkrime anti-shqiptare dhe gjuhë e urrejtjes janë shfaqur sërish në Maqedoninë e Veriut.

    Në një fotografi që qarkullon në rrjetet sociale, shihet se në qendrën sportive “Forca” në Shkup është shkruar thirrja anti-shqiptare “As në tokë, as në qiell, vend për shqiptarë nuk ka”.

    Fotografia me këtë mbishkrim është shpërndarë edhe nga disa eksponentë politikë, ndërsa kërkohet llogari nga institucionet kompetente.

    Deri në këtë moment nuk ka asnjë reagim nga organet e RMV-së.

    Kohës së fundit janë shtuar thirrjet anti-shqiptare, ndërsa më herët në një sallë sportive nga tifozeritë maqedonase u dëgjuan thirrje në korr kundër shqiptarëve./Telegrafi

  • Bernardo Silva drejt transferimit tek ekipi spanjoll Atletico Madrid

    Bernardo Silva drejt transferimit tek ekipi spanjoll Atletico Madrid

    Bernardo Silva pritet të largohet nga Manchester City në qershor, ndërsa Atletico Madrid shfaqet si favoriti kryesor për ta transferuar mesfushorin portugez si lojtar të lirë. Juventusi, nga ana tjetër, duket se ka dalë plotësisht jashtë garës për shërbimet e 31-vjeçarit.

    Vetëm pak javë më parë, Bernardo konfirmoi se do t’i japë fund aventurës së tij në “Etihad” pas nëntë sezonesh të mbushura me trofe dhe suksese të mëdha. Ai largohet si një nga lojtarët më të rëndësishëm në historinë moderne të Manchester Cityt, duke lënë pas një trashëgimi të spikatur në ekipin e Pep Guardiolës.

    Fillimisht, emri i tij u lidh ngushtë me Juventusin dhe Barcelonën. Klubi italian e shihte portugezin si figurën kryesore të projektit të ri sportiv, por mungesa pothuajse e sigurt e Juventusit në edicionin e ardhshëm të Ligës së Kampionëve ka bërë që transferimi të bëhet i pamundur. Nga ana tjetër, Barcelona vazhdon të hezitojë për shkak të pagës së lartë të lojtarit dhe faktit që pozicioni i tij konsiderohet tashmë i mbuluar mirë në skuadrën katalanase.

    Sipas raportimeve të “Marca”, Atletico Madrid ka hyrë fuqishëm në garë gjatë orëve të fundit. Bernardo Silva dëshiron të provojë një eksperiencë të re në La Liga, ndërsa skuadra e Diego Simeones synon të përforcojë repartin e mesfushës me një lojtar me eksperiencë dhe cilësi të larta. Edhe “Gazzetta dello Sport” raporton se portugezi e ka refuzuar përfundimisht Juventusin dhe se zgjedhja e tij kryesore është Atletico Madrid.

    Nëse marrëveshja finalizohet, ky do të përbëjë një tjetër goditje ambicioze nga klubi madrilen, në përpjekje për të konkurruar seriozisht për titujt në Spanjë dhe Evropë. Një transferim i këtij niveli mund të ketë gjithashtu efektin e mbajtjes së yjeve aktualë të skuadrës të motivuar për të vazhduar projektin e Atletico Madridit në stadiumin “Metropolitano”.

    Vendimi final pritet të merret shumë shpejt, pasi Bernardo Silva dëshiron të ketë të zgjidhur të ardhmen e tij përpara nisjes së Kupës së Botës, duke i dhënë prioritet një starti të qetë për sezonin e ardhshëm dhe për karrierën e tij ndërkombëtare.

  • Ra nga kulmi derisa po punonte, QKUK jep detaje për gjendjen e 27 vjeçarit: Ra nga 5-6 metra, lëndimet janë serioze

    Ra nga kulmi derisa po punonte, QKUK jep detaje për gjendjen e 27 vjeçarit: Ra nga 5-6 metra, lëndimet janë serioze

    Punëtori që ra nga kulmi derisa po punonte dje në vendpunishte në Ferizaj, është në gjendje të rëndë.

    Për gjendjen e tij detaje për KosovaPress ka dhënë drejtori i Intezivës në QKUK, Shaqir Uka.

    Siç tha ai, pacienti ka arritur në Qendrën Emergjente, ku i është nënshtruar të gjitha ekzaminimeve mjekësore të nevojshme.

    Më pas, ai është transferuar në departamentin e Mjekimit Intensiv ku është duke qëndruar i shtrirë në shtrat me aparatura.

    “Pacienti është rrëzuar nga lartësia, sipas Spitalit të Ferizajt është një lartësi prej 5-6 metrash. Fillimisht është dërguar në Qendrën Emergjente, ku ka bërë ekzaminimet mjekësore e më pas është transferuar tek Mjekimi Intensiv. Lëndimet janë serioze, është jashtë rrezikut për jetë”, tha ai.

    Sipas tij, lëndimet më të mëdha pacienti i ka marrë në pjesën e gjoksit.

  • AKK: Ministria e Financave po fundos buxhetet e komunave dhe po ndëshkon qytetarët edhe përmes tatimit në pronë

    AKK: Ministria e Financave po fundos buxhetet e komunave dhe po ndëshkon qytetarët edhe përmes tatimit në pronë

    Kryetari i Asociacionit të Komunave të Kosovës, Sazan Ibrahimi ka akuzuar Ministrinë e Financave për neglizhencë dhe dështim institucional lidhur me mosfunksionimin e sistemit të ri të tatimit në pronë, i cili sipas tij po dëmton rëndë komunat dhe qytetarët.

    Sipas reagimit të AKK-së, komunat po humbin miliona euro të hyra vetanake, ndërsa qytetarët po penalizohen padrejtësisht me interesa dhe gjoba për shkak të problemeve teknike në sistem.

    Ibrahimi kërkoi funksionalizimin urgjent të sistemit, transparencë nga institucionet përgjegjëse dhe kompensim për dëmet financiare që po u shkaktohen komunave.

    E plotë:

    Asociacioni i Komunave të Kosovës reagon ndaj neglizhencës së Ministrisë së Financave dhe Departamentit të Tatimit në Pronë lidhur me mosfunksionimin e plotë të sistemit të ri të tatimit në pronë, i lansuar që nga Gushti i vitit 2025.

    Është e papranueshme që edhe pas 9 muajsh, komunat vazhdojnë të përballen me një sistem jofunksional, pa afate konkrete dhe pa asnjë përgjegjësi institucionale nga ana e nivelit qendror.

    Si pasojë direkte e kësaj neglizhence:
    • komunat po humbin miliona euro të hyra vetanake;
    • qytetarët po penalizohen padrejtësisht me interesa dhe gjoba;
    • janë bllokuar procedurat e rillogaritjes dhe regjistrimit të pagesave;
    • parapagimet nuk shfaqen saktë në sistem;
    • është cenuar seriozisht besueshmëria institucionale ndaj komunave.
    Përkundër kërkesave të vazhdueshme të komunave për sqarime dhe ndërhyrje urgjente, Ministria ka zgjedhur heshtjen dhe neglizhencën, duke lënë komunat dhe qytetarët të përballen vetë me pasojat e këtij dështimi.

    AKK konsideron se kjo situatë nuk është më vetëm problem teknik, por dështim serioz institucional që po dëmton rëndë financat komunale dhe funksionimin normal të administratës lokale.

    Kërkojmë urgjentisht:

    • funksionalizimin e plotë të sistemit;
    • raport transparent publik mbi problemet dhe përgjegjësit;
    • eliminimin e penaliteteve të padrejta ndaj qytetarëve;
    • kompensimin e dëmeve financiare që komunat po pësojnë si pasojë e kësaj neglizhence.
    Komunat nuk mund të mbajnë barrën e paaftësisë dhe mosveprimit të institucioneve qendrore.

  • Rrëzohet kallëzimi penal ndaj minatorëve të Trepçës, Prokuroria s’gjen prova për vepra penale

    Rrëzohet kallëzimi penal ndaj minatorëve të Trepçës, Prokuroria s’gjen prova për vepra penale

    Sindikata e Pavarur e Minatorëve të Trepçës ka njoftuar se Prokuroria Speciale e Kosovës ka hedhur poshtë kallëzimin penal ndaj kryetarit të sindikatës, një pjese të kryesisë dhe gjashtë minatorëve, kallëzim i cili ishte bërë nga menaxhmenti i kaluar.

    Sipas reagimit të sindikatës në Facvebook, vendimi i Prokurorisë konsiderohet një moment i rëndësishëm për sindikalizmin në Kosovë, pasi lidhet me grevën 10-ditore të minatorëve të zhvilluar në tetor të vitit 2023.

    Në reagim thuhet se kryetari i sindikatës, Ibrahim Januzi, bashkë me pjesëtarë të kryesisë dhe gjashtë minatorë, ishin përballur me kallëzim penal nga menaxhmenti i kaluar, por se Prokuroria ka konstatuar se veprimet e tyre nuk përbëjnë vepër penale.

    “Reagimi i punëtorëve dhe kryetarit të kësaj sindikate ka qenë me pasoja të drejtpërdrejta ndaj tyre dhe cenim të të drejtave të tyre nga marrëdhënia e punës dhe jo një veprim me karakter penal nga ana e tyre”, citohet të ketë konstatuar Prokuroria në vendim, sipas sindikatës.

    Tutje, sipas reagimit, Prokuroria ka vlerësuar se “me asnjë provë nuk është vërtetuar fakti se të dyshuarit kanë kryer veprat penale të sabotimit, keqpërdorimit të së drejtës së grevës apo ndonjë vepër tjetër penale”.

    “Me asnjë provë nuk është vërtetuar fakti se të dyshuarit kanë kryer veprat penale të sabotimit, keqpërdorimit të së drejtës së grevës apo ndonjë vepër tjetër penale.Pra, drejtësia foli qartë. Kjo është fitore e sindikalizmit, fitore e minatorëve dhe fitore e së drejtës për të ngritur zërin kundër padrejtësisë. Askush nuk mund ta kriminalizojë protestën sindikale. Askush nuk mund ta frikësojë minatorin. Askush nuk mund ta shuajë zërin e punëtorit. Ne do të vazhdojmë të reagojmë sa herë cenohen kushtet e punës, dinjiteti dhe të drejtat e minatorëve. Mund të provojnë të na largojnë nga puna, mund të provojnë të bëjnë presione, por nuk do të arrijnë kurrë ta thyejnë shpirtin luftarak të minatorit. Minatorët nuk janë dorëzuar as në kohët më të vështira, as përballë okupatorëve, e aq më pak do të dorëzohen sot përballë atyre që mendojnë se pushteti i përkohshëm i bën të paprekshëm”, thuhet në reagim.

    Po ashtu, sindikata ka paralajmëruar përgjegjësi ndaj atyre që, sipas saj, kanë ngritur kallëzime të rreme dhe kanë tentuar t’i frikësojnë apo njollosin përfaqësuesit sindikalë.

    Ndaj atyre që ndërtuan kallëzime të rreme, që tentuan të na njollosin dhe të na frikësojnë, u themi qartë: do të përballeni me përgjegjësi për shpifjet dhe kallëzimet e rreme. Sindikatën e Minatorëve nuk e ndal askush. Ne jemi zëri i minatorit. Ne jemi mbrojtësit e dinjitetit të punëtorit”, thuhet në reagim.

  • Mbi 18 mijë maturantë i nënshtrohen testit më 20 qershor

    Mbi 18 mijë maturantë i nënshtrohen testit më 20 qershor

    Me 20 qershor, mbi 18 mijë maturantë do t’i nënshtrohen Testit të Maturës Shtetërore. Drejtues të Ministrisë së Arsimit kanë bërë të ditur se testi do të organizohet në një ditë dhe testi përbëhet nga tri lëndë të përgjithshme dhe një zgjedhore. Edhe këtë vit aplikimi do të bëhet përmes platformës online e cila do të hapet me datë 1 qershor.

    Testi i Maturës Shtetërore këtë vit do të organizohet më 20 qershor në afatin e qershorit dhe me 29 gusht në afatin e gushtit. Udhëheqësi i Divizionit për Vlerësim, Standarde dhe Monitorim në Ministrinë e Arsimit, Fatmir Elezi, në një përgjigjeje për Radio Kosovën tha se këtë vit mbi 18 mijë maturantë do t’i nënshtrohen Testit të Maturës Shtetërore.

    “Testi i Maturës me vendim të ministrit është caktuar të mbahet më 20 qershor për afatin e Qershorit dhe 29 Gusht afati i gushtit. Kemi diku rreth 18 mijë e 300 maturantë të rinj dhe maturantët që kanë mbetur nga vitet e kaluara, pritet prapë t’i nënshtrohen testit të maturës. Këtë vit aplikimi i nxënësve do të bëhet nëpërmes platformës e Kosova. Platforma online për aplikim do të hapet nga 1 qershori dhe maturantët do të kenë mundësi që deri më datë 12 qershor të paraqesin provimin e maturës”, theksoi Fatmir Elezaj

    Tutje, Elezaj foli edhe për Ligjin e Ri të Maturës, që sipas tij, i jep me shumë kompetence Inspektoratit Arsimor i cili do ta mbikëqyrë.

    “Siç e dini këtë vit është miratuar Ligji i Ri i Maturës dhe përbërja e komisionit është e ngjashme me vitet paraprake, mirëpo diçka e re këtë vit është se ky ligj i ka dhënë rol të posaçëm Inspektoratit të Arsimit i cili do ta mbikëqyrë procesin”, tha ai.

    Testi i Maturës Shtetërore do të organizohet brenda një dite për një afat ku nxënësit do t’i nënshtrohen testit në tri lëndë të përgjithshme: Gjuhë Shqipe, Matematikë, Gjuhë Angleze dhe një lëndë me zgjedhje që përzgjidhet nga nxënësi.

  • Atletico Madrid synon transferimin e Mohamed Salah

    Atletico Madrid synon transferimin e Mohamed Salah

    Bordi i drejtorëve të Atletico Madridit ka vënë syrin në një mundësi historike dhe të rëndësishme në tregun e transferimeve. Qëllimi kryesor i klubit spanjoll është të nënshkruajë me superyllin e Liverpoolit, Mohamed Salah, si lojtar i lirë.

    Sulmuesi 33-vjeçar, i njohur për stilin e tij shpërthyes dhe golashënues në fushë, ka vendosur të mos e zgjatë kontratën e tij në Angli, një vendim që ka ndezur alarmin në Anfield. Drejtuesit e Liverpoolit tashmë po kërkojnë zëvendësues, ku emri i Jarrod Boëen shihet si një opsion i mundshëm. Largimi i Salah përbën një humbje të rëndësishme për skuadrën angleze, pasi ai ka shënuar 65 gola për klubin dhe është kthyer në një nga figurat kyçe të Anfieldit. Ndërsa negociatat me ligën e pasur të Arabisë Saudite mbeten të bllokuara, një ofertë serioze nga Spanja po fiton terren.

    Drejtuesit sportiv të Atletico Madridit mbështeten në fuqinë financiare të fondit amerikan Apollo për të ndjekur transferime elitare dhe për të krijuar një projekt konkurrues për Ligën e Kampionëve. Perspektiva që Salah të udhëheqë këtë projekt ka për qëllim jo vetëm përforcimin e sulmit, por edhe për të siguruar një skuadër që mund të rivalizojë për titujt më të mëdhenj europianë.

    Atletico Madrid e kupton se sezoni i ardhshëm mbart një rëndësi të veçantë dhe emocionuese për tifozët e saj besnikë. Perspektiva e të luajturit në finalen kontinentale në stadiumin Metropolitano ka nxitur stafin teknik të ndërtojë një ekip fitues dhe konkurrues në të gjitha nivelet. Transferimi i Salah mund të shënojë një moment historik, duke rritur pritshmëritë dhe ambiciet e klubit spanjoll për sezonin e ardhshëm.

  • Oklahoma City Thunder barazon serinë me San Antonio Spurs me fitore 122:113 – Shai Gilgeous-Alexander shndërrohet n yllin e nëdeshjes

    Oklahoma City Thunder barazon serinë me San Antonio Spurs me fitore 122:113 – Shai Gilgeous-Alexander shndërrohet n yllin e nëdeshjes

    Oklahoma City Thunder mposhti San Antonio Spurs me rezultatin 122:113 në ndeshjen e dytë të finales së Konferencës Perëndimore në NBA, duke e barazuar serinë në 1:1.

    Shai Gilgeous-Alexander, MVP i sezonit të rregullt, u përgjigj pas një hapjeje të dobët të serisë dhe përfundoi ndeshjen me 30 pikë. Alex Caruso shtoi 17 pikë nga stoli, Chet Holmgren kontribuoi me 13, ndërsa Jared McCain dhe Cason Wallace shënuan nga 12 pikë secili. Thunder dominuan ndeshjen falë një prodhimi më të lartë nga rezervat dhe shfrytëzimit të gabimeve të kundërshtarit, duke regjistruar 57:25 pikë nga stoli dhe një avantazh 27:10 në pikë pas humbjeve të topit nga Spurs.

    Për San Antonio, Stephon Castle shënoi 25 pikë, Devin Vassell shtoi 22, ndërsa talenti i ri Victor Wembanyama kontribuoi me 21 pikë, 17 ribaunde, gjashtë asistime dhe katër bllokime. Spurs arritën të afrohen në 99:97 falë një gjuajtjeje për tre pikë nga Harrison Barnes me 9 minuta e 6 sekonda para fundit, por më pas Thunder realizuan një seri “home run” 11:0, duke rikthyer kontrollin e plotë të ndeshjes.

    Megjithatë, fitorja e Thunder erdhi me një çmim të lartë, pasi Jalen Williams u lëndua përsëri në pjesën e parë për shkak të një problemi me ndarjen e pasme të këmbës së majtë, duke lënë të hapur pyetjen për gjendjen e tij në ndeshjet e ardhshme.

    Ky triumf theksoi fuqinë e Thunder në seritë e play-off-it dhe dëshmoi se ekipi është i gatshëm të luftojë për çdo avantazh në rrugën drejt finales së Konferencës

  • John Stones në Radarin e Bayern Munich – Mbrojtësi i Manchester City-së mund të bashkohet me kampionët e Gjermanisë

    John Stones në Radarin e Bayern Munich – Mbrojtësi i Manchester City-së mund të bashkohet me kampionët e Gjermanisë

    John Stones do të jetë i disponueshëm si lojtar i lirë këtë verë, dhe Bayern Munich po shqyrton mundësinë për ta transferuar mbrojtësin anglez. Sipas raportimeve të “Daily Mail”, kampionët e Gjermanisë po analizojnë mundësinë e afrimit të qendërmbrojtësit 31-vjeçar, ndërsa gazetari i njohur Fabrizio Romano bën me dije se Stones i është ofruar si Bayern Munichut, ashtu edhe disa klubeve italiane.

    Stones ishte lidhur me Bayernin edhe në muajin shkurt, por situata e tij ka ndryshuar ndjeshëm që atëherë. Në fund të prillit, Manchester City konfirmoi se nuk do t’i ofrojë kontratë të re reprezentuesit anglez, i cili ka regjistruar 87 paraqitje me kombëtaren e Anglisë. Si rrjedhojë, Stones do të largohet si lojtar i lirë në fund të sezonit dhe tani pritet të shqyrtojë disa opsione për të ardhmen e tij profesionale. Interesim për shërbimet e tij kanë shfaqur gjithashtu edhe klube të Ligës Premier, duke e bërë situatën e mbrojtësit më tërheqëse dhe konkurruese.

    Nga ana tjetër, Bayern Munich synon të përforcojë repartin defensiv gjatë afatit kalimtar veror. Drejtori sportiv Max Eberl dhe drejtuesit e klubit bavarez do të vlerësojnë nëse Stones përfaqëson përforcimin ideal për mbrojtjen e skuadrës, ndërsa trajneri Julian Nagelsmann kërkon të sigurojë stabilitet dhe eksperiencë në prapavijë.

    Situata mbetet e hapur dhe mund të sjellë një nga transferimet më interesante të verës, duke ofruar mundësinë që një mbrojtës me përvojë dhe cilësi të larta si Stones të bashkohet me një nga klubet më të fuqishëm të Evropës.

  • Numër rekord: 274 alpinistë ngjiten në Everest për një ditë nga ana e Nepalit

    Numër rekord: 274 alpinistë ngjiten në Everest për një ditë nga ana e Nepalit

    Një numër rekord prej 274 alpinistësh u ngjitën në malin Everest të mërkurën, tha një zyrtar i ecjes në natyrë, numri më i lartë që ndonjëherë ka arritur majën më të lartë në botë në të njëjtën ditë nga ana nepaleze.

    Everesti, 8,849 metra shtrihet përgjatë kufirit midis Nepalit dhe rajonit të Tibetit në Kinë dhe mund të ngjitet nga të dyja anët.

    Operatorët e ekspeditës thonë se nuk kishte alpinistë në anën tibetiane këtë vit, pasi autoritetet kineze nuk kishin lëshuar asnjë leje.

    Rishi Bhandari, sekretari i përgjithshëm i Shoqatës së Operatorëve të Ekspeditës së Nepalit, tha të enjten se numri më i lartë i ngjitjeve nga ana nepaleze ishte 223, më 22 maj 2019.

    Rekordi për numrin më të madh të njerëzve që arritën majën e Everestit nga të dyja anët u vendos të nesërmen – 23 maj 2019 – kur 354 alpinistë e arritën atë, sipas Librit të Rekordeve Botërore Guinness.

    “Ky është numri më i lartë i alpinistëve në një ditë të vetme deri më tani,” tha Bhandari për Reuters, duke iu referuar rekordit nepalez, duke shtuar se numri mund të rritet pasi disa alpinistë që kishin arritur majën mund të mos e kenë informuar ende kampin bazë për suksesin e tyre, raporton Reuters, transmeton Klankosova.tv.

    Nuk ka shifra të disponueshme nga Kina se sa alpinistë arrijnë majën kur ana tibetiane është e hapur, por Bhandari tha se në sezonin normal të ngjitjes së prillit dhe majit, rreth 100 njerëz shkojnë në Everest nga ajo anë.

    Zyrtari i Departamentit të Turizmit, Himal Gautam, tha se kishte marrë informacione paraprake se më shumë se 250 njerëz u ngjitën në majë të mërkurën.

    “Ne presim që alpinistët të kthehen, na japin fotografi dhe prova të tjera për të vërtetuar ngjitjet e tyre dhe u ofrojmë certifikata ngjitjeje”, tha Gautam për Reuters. “Vetëm atëherë do të jemi në gjendje të konfirmojmë shifrat.”

    Nepali ka lëshuar 494 leje për t’u ngjitur në Everest këtë vit, secila me kosto 15,000 dollarë.

    Ekspertët e alpinizmit shpesh e kritikojnë Nepalin për lejimin e një numri të madh alpinistësh në mal, gjë që ndonjëherë çon në bllokime të rrezikshme trafiku ose radhë të gjata në të ashtuquajturën zonë “zona e vdekjes” poshtë majës, ku niveli i oksigjenit natyror është rrezikshëm nën atë që kërkohet për mbijetesën e njeriut.