Sot në vendin tonë parashihet të mbajë mot kryesisht me vranësira dhe reshje shiu.
Temperaturën minimale për ditën e sotme do ta mbajë Peja me 4 gradë Celsius, ndërsa atë maksimale Prizreni me 11 gradë Celsius.
Edhe dita e nesërme do të jetë me kushte të njëjta atmosferike. Temperaturën minimale për ditën e nesërme do ta mbajnë Mitrovica dhe Prishtina me nga 2 gradë Celsius, ndërsa atë maksimale përsëri Prizreni me 11 gradë Celsius.
Ndërkohë, në Shqipëri do të ketë mot të vranët dhe me kthjellime. Temperaturën minimale do e ketë Kukësi me 6 gradë Celsius, ndërsa ajo maksimale do të jetë në Vlorë me 20 gradë Celsius. /atvlive.tv/
Parashikimin e plotë të motit, për rajon dhe Evropë mund ta ndiqni në videon e mëposhtme:
Mbrëmë u zhvillua ndeshja tejet interesante mes Brazilit dhe Argjentinës, e vlefshme kjo për kualifikimet e Kampionatit Botëror.
Brazili u mposht 1:0 nga Argjentina në stadiumin “Maracanã” të Rio de Janeiro, me golin e vetëm të ndeshjes të shënuar nga Nicolas Otamendi, raporton KosovaPress.
Por, kjo ndeshje u karakterizua edhe me sjellje jo sportive.
Fillimisht, kishte një përplasje të madhe mes tifozëve brazilianë dhe atyre argjentinas si dhe policisë, kurse në fushë nuk munguan as kacafytjet mes yjeve.
Lionel Messi dhe Rodrygo u përfshinë në një përplasje dhe shkëmbim të fjalëve.
“TyC” tani ka zbuluar se çfarë ndodhi mbrëmë mes Messit dhe Rodrygos.
“Ju tradhtarë”, Rodrygo i tha Messit pasi që ekipi i Argjentinës doli nga zhveshtoret.
Leo Messi ju përgjigj: “Ne jemi kampionët e botës, pse jemi tradhtarë? Shiko se çfarë flet”.
Policia e Kosovës kërkon ndihmën e qytetarëve për identifikimin dhe arrestimin e personit që shihet në fotografi.
Sipas policisë, i dyshuari po kërkohet për përfshirje në një rast “lëndim trupor” që ka ndodhur me datën 6 qershor të këtij viti në rrugën “Tirana” në Prishtinë.
“Njësiti i hetimeve të stacionit policor Qendra në Prishtinë, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin dhe arrestimin e personit që shihet në fotografi. I dyshuari kërkohet për përfshirje në një rast, Lëndim trupor që ka ndodhur me datën 06.06.2023, në rrugën “Tirana” në Prishtinë”, thuhet në njoftim.
Sipas policisë, për çdo informatë që mund të çojë në identifikimin e personit apo vendodhjes së saj, kontaktoni policinë në numrin e telefonit: 192.
Sot në tregun e kafshëve në Prizren ka ndodhur një shpërthim ku janë lënduar nëntë persona.
Policia ka arritur t’i identifikojë tre të dyshuar për këtë rast, të cilët janë tashmë në kërkim.
“Nga informatat e para është kuptuar se 9 persona kanë pësuar lëndime nga shpërthimi i një granate dore. Të gjithë te lënduarit janë në emergjencën e Spitalit Rajonal te Prizrenit”, ka thënë Vesel Gashi, zëdhënës i Policisë Rajonale të Prizrenit.
“Policia ka dalë në vendngjarje dhe është informuar prokurori kujdestar gjithashtu. Në vendngjarje kanë dalë hetimet rajonale të Prizrenit dhe janë duke mbledhur provat dhe dëshmitë. Tre te dyshuarit janë identifikuar dhe janë në kërkim policor”, deklaroi ndër të tjera Gashi.
Shumë njerëz mund të përjetojnë ngjarje traumatike në forma e faza të ndryshme të jetës.
Sipas hulumtimeve të bëra nga Verywellhealth rreth traumës u raportua se afërsisht 60% e burrave dhe 51% e grave përjetojnë një ngjarje traumatike gjatë jetës së tyre.
Njerëzit mund të ekspozohen ndaj ngjarjeve traumatike përmes mënyrave të ndryshme, psh kur ndodhë dicka direkt me ne, duke qenë dëshmitarë të një ngjarje të keqe, apo kur jemi të ekspozuar vazhdimisht ngjarjeve të përsëritura traumatike që prekin njerëzit e tjerë.
Ngjarjet traumatike mund të përfshijnë: të shohësh dikë duke vdekur , duke u plagosur rëndë, apo përjetimi i dhunës seksuale.
Ngjarjet tipike traumatike përfshihen edhe përvoja të ndërlikuara të lindjes së fëmijëve, diagnostifikimi i një sëmundje kërcënuese për jetën, lufta, sulmet terroriste, fatkeqësitë natyrore apo të shkaktuara nga njeriu, etj.
Gjithashtu disa njerëz që janë të ekspozuar ndaj ngjarjeve traumatike përmes mediave sociale, televizionit, filmave, të gjitha këto mund të bëjnë që të përjetojmë gjithashtu vështirësi në shëndetin mendor, raporton ATVLIVE.TV.
Është e rëndësishme të theksohet se është një numër i madh I ngjarjeve të shumta që mund të cilësohen traumatike.
Disa njerëz me profesionin që kanë mund të kenë më shumë gjasa të përjetojnë ngjarje traumatike në punë. Si psh: policët, zjarrfikësit, personeli ushtarak dhe njerëzit që punojnë në zonat e luftës, etj.
Pas një ngjarjeje traumatike, është e zakonshme që njerëzit të përjetojnë si psh kujtime, ëndërra rreth ngjarjes, duke pasur ndjesinë sikur po ndodh përsëri. Mund të ndjehemi veçanërisht të mërzitur kur jemi afër vendit ku ka ndodhur ngjarja ose në një mjedis që na kujton ngjarjen.
Gjithashtu, pas një ngjarje traumatike mund të vërejmë ndryshime në mënyrën se si veprojmë, përfshirë humbjen e interesit për gjërat që i kemi pëlqyer më parë, shkëputja nga njerëzit, të qenurit të zemëruar dhe agresiv ndaj njerëzve ose gjërave të tjera.
Pasi keni përjetuar një ngjarje traumatike duhet t’i jepni kohë vetës, por ajo çka është më e rëndësishme sipas hulumtimeve është se duhet të flisni për ngjarjen.
Problemi më i madh del të jetë mohimi i asaj që ju ka ndodhur, pra përvojës tuaj. Kjo krijon një pengesë për aftësitë për t’u shëruar nga ajo.
Të folurit për ngjarjen dhe ndjenjat tuaja mund t’ju ndihmojë të jeni më të shliruar dhe më të shëndetshëm në mendime. Sa më shumë që shmangemi nga kujtimet dhe ndjenjat , na bën të ndjehemi më keq.
Është normale që të keni vështirësi në rikuperimin nga trauma ose dhimbjet nga e kaluara. Vetëm për shkak se përvoja ka mbaruar nuk do të thotë që nuk jeni prekur thellë. Mund të duhet kohë për të njohur dhe kuptuar se çfarë ka ndodhur dhe çfarë do të thotë për ju.
Të flasim hapur për përvojat e këqija në jetë, do të thotë që ne po e çlirojmë veten nga pjesë të së kaluarës.
Përpiquni të mbani rutinën që keni pasur përpara ngjarjes traumatike sa më shumë që të mundeni, edhe nëse kjo duket e vështirë. Merrni parasysh të kërkoni ndihmë profesionale.
Pas një ngjarjeje traumatike, shanset janë që të mos ndiheni si vetvetja. Mund të jetë e vështirë të mendosh që të shkosh në një vend ku ndihesh më mirë. Dhimbja dhe pasojat e një ngjarjeje traumatike mund të jenë jetëshkurtër ose kronike.
Marrja e ndihmës profesionale mund të bëjë ndryshim të madh në jetën e secilit. Terapia ofron një ndjenjë sigurie dhe të hapur për të diskutuar dhe filluar shërimin.
Arsyet që mund të konsideroni të flisni me një terapist përfshijnë: Rikthime ose ndjesi sikur po ripërjetoni ngjarjen traumatike,vështirësi për të fjetur ose duke pasur ankthe,probleme në ruajtjen e marrëdhënieve, luftimi I vazhdueshëm për të funksionuar në shtëpi, punë ose shkollë,faji, turpi ose fajësimi i vetes.
Edhe ndjenjat e mungesës së izolimit, përdorimi i shtuar ose problematik i substancave narkotike ose alkoolit , mendime tejet negative.
Jo të gjithë ata që përjetojnë një ngjarje traumatike vazhdojnë të kenë probleme me shëndetin mendor. Në fakt, shumica e njerëzve që përjetojnë një ngjarje traumatike kanë raportuar se efektet negative zhduken me kalimin e kohës./atvlive.tv/
Rreth 1 javë ka zgjatur largimi i Sam Altman nga OpenAI.
Kompania që krijoi ChatGPT ka rënë dakord për një marrëveshje që Altman, i cili u zëvendësua dy herë, nga shqiptarja Mira Murati dhe Emmett Shear, të kthehet si shef ekzekutiv pasi bordi vendosi për largimin e tij.
Kështu janë mbyllur diskutimet e tërbuara për të ardhmen OpenAI në qendër të bumit të inteligjencës artificiale, raporton Reuters.
Rikthimi i Altman vjen pas një rebelimi nga stafi i OpenAI, të cilët kërcënuan të gjithë me dorëheqje, transmeton gazeta online Reporteri.net.
Përveç kthimit të Altman, kompania ra dakord në parim që të rikonstituonte pjesërisht bordin e drejtorëve që e kishte shkarkuar atë.
Bordi kishte dhënë pak detaje që shpjegonin shkarkimin e Altman të premten, përveç mungesës së sinqeritetit të tij dhe nevojës së tij për të mbrojtur misionin e OpenAI për zhvillimin e Inteligjencës Arficiale në dobi të njerëzimit.
Në një postim në platformën X, OpenAI njoftoi: “Ne kemi arritur një marrëveshje në parim që Sam Altman të kthehet në OpenAI si CEO me një bord të ri, që përbëhet nga Bret Taylor (Kryetar), Larry Summers dhe Adam D’Angelo.”
i love openai, and everything i’ve done over the past few days has been in service of keeping this team and its mission together. when i decided to join msft on sun evening, it was clear that was the best path for me and the team. with the new board and w satya’s support, i’m…
Cikli kualifikues, respektivisht faza e grupeve e Kampionatit Evropian Euro 2024 u mbyll mbrëmë.
Ndër ndeshjet e zhvilluara mbrëmë ishte edhe ajo mes Kosovës e Bjellorusisë, ku kjo e fundit fitoi 1:0 në “Fadil Vokrri”, raporton KosovaPress.
Këtë kampanjë kualifikuese Kosova e mbylli në vendin e pestë në Grupin I me 11 pikë, ku vetëm Andorra ishte më keq, në vendin e fundit me vetëm dy pikë.
Ndërkaq, Shqipëria korri sukses dhe shkroi historinë duke siguruar për herë të dytë kualifikimin në një Evropian.
“Kuqezinjtë” e mbyllën Grupin E në vendin e parë me 15 pikë, aq sa kishte edhe Çekia në vendin e dytë.
Tani, pasi që u kualifikua si lidere e grupit, Shqipëria është pozicionuar në vazon e dytë të shortit të këtij Evropiani.
Në të njëjtën vazo me Shqipërinë gjenden edhe Hungaria, Turqia, Rumania, Danimarka dhe Austria.
Po ashtu, vazot e tjera të shortit të Evropianit i gjeni më poshtë.
Në Dhomat e Specializuara në Hagë vazhdon, sot nga ora 09.30, procesi gjyqësor ndaj ish-pjesëtarit të UÇK-së, Pjetër Shala.
Në Dhomat e Specializuara të Kosovës në Hagë, dje, ka vazhduar dëshminë e tij dëshmuari i pestë i mbrojtjes, Zijadin Hoxha, në çështjen gjyqësore ndaj Pjetër Shalës.
Ai është pyetur në lidhje me qëndrimin në Uzinën e Metalit në Kukës, për çka ka pranuar se ka dhënë deklaratë të gabuar kur ka thënë se në maj të 99-s kishte mbërritur në Kukës. Hoxha ka pranuar se gjatë asaj kohe është marrë me riparimin e armëve.
Nga mbrojtja e Pjetër Shalës, Hoxha u pyet në lidhje me pamjet që kishte xhiruar gjatë periudhës së luftës në Uzinën e Kukësit.
Në çështjen gjyqësore Shala, për këtë javë pritet të mbahen pesë seanca, raporton RTKlive.
Ai ndodhet në qendrën e paraburgimit në Hagë prej marsit të vitit 2021.
Pjetër Shala u arrestua më 16 mars 2021 nga autoritetet belge dhe u transferua në Hagë më 15 prill të atij viti, n bazë të një kërkese për bashkëpunim në zbatimin e fletarrestit dhe urdhrit për transferim lëshuar nga Dhomat e Specializuara të Kosovës.
Policia e Kosovës, në raportin 24 orësh është deklaruar për zjarrin që të martën ka përfshirë disa nga zyret e objektit të Institutit të Mjekësisë Ligjore.
Sipas raportit, zjarri është lokalizuar menjëherë nga zjarrfikësit, dhe nuk ka pasur persona të lënduar.
Policia tashmë ka nisur hetimet për këtë rast.
“QKUK – Prishtinë 21.11.2023 – 08:00. Janë përfshirë nga zjarri dy zyra në objektin e IML-së në QKUK. Njësiti i zjarrfikësve kanë lokalizuar dhe fikur zjarrin. Nuk raportohet për të lënduar, rasti në hetime nga njësitë relevante”, thuhet në njoftimin e policisë.
