ATV

Blog

  • Diplomojnë 45 zyrtare korrektuese në 24 vjetorin e themelimit të ShKK-së

    Diplomojnë 45 zyrtare korrektuese në 24 vjetorin e themelimit të ShKK-së

    Me rastin e shënimit të 24 vjetorit të themelimit të Shërbimit Korrektues të Kosovës, kanë diplomuar 45 zyrtare korrektuese nga gjenerata e 43-të.

    Kryeministri i Kosovës, Albin Kurti, tha se shënimi i përvjetorëve të këtyre institucioneve ka rëndësinë e veçantë kur progresi tyre është evident. Ai shtoi se është hartuar reforma ligjore që avancon shërbimet ndaj të burgosurve dhe të drejtave të tyre.

    Kurti potencoi se ShKK-ja me qëllim të ngritjes së kuotës gjinore, me sukses po certifikon 45 zyrtare korrektuese gra.

    Ai shtoi se është në proces themelimi i institucioneve që ofrojnë shërbime të veçanta për të burgosurit me nevoja të veçanta, personave të moshuar, ata me sëmundje kronike dhe ata të varur nga substancat narkotike.

    Ndër të tjera, shefi i ekzekutivit tha se Shërbimi Korrektues i Kosovës është në rrugë të mbarë të garantimit të një mjedisi të sigurtë për të gjithë. Ai theksoi se “synimi ynë është që të gjithë të burgosurit që nië ditë do të lirohen, të mund të integrohen në shoqëri më të mirë, më të drejtë dhe më të aftë se sa që ishin më herët”.

    Ndërkaq, Ministrja e Drejtësisë, Albulena Haxhiu, tha se Shërbimi Korrektues i Kosovës është institucion që ka shënuar progres përveç në infrastrukturë, edhe në cilësinë e shërbimit dhe profesionalizmit.

    Ajo shtoi se sistemi korrektues i Kosovës ka synim sigurimin e një mjedisi të sigurtë për të gjithë.

    Haxhiu kërkoi nga zyrtarë të ShKK-së që punën e tyre ta kryejnë me nder dhe përgjegjësi të lartë, derisa theksoi se misioni i tyre është i lartë dhe i shenjtë.

    Ndërsa, drejtori i Përgjithshëm i Shërbimit Korrektues të Kosovës, Ismail Dibrani tha se do të vazhdojnë të punojnë me përkushtim për t’i promovuar vlerat e drejtësisë. Ai shtoi se Shërbimi Korrektues i Kosovës ka punuar dhe po vazhdon të punojë kundër kontrabandës dhe korrupsionit.

  • Arratiset një person nga burgu i Lipjanit

    Arratiset një person nga burgu i Lipjanit

    Të enjten rreth orës 21:14, një person është arratisur nga Qendra e Paraburgimit në Lipjan.

    Sipas raportit 24-orësh të Policisë, njësitë policore janë në kërkim të të dyshuarit.“Lipjan / 23.11.2023-21:14.

    Raportohet se i dyshuari mashkull shtetas i Malit të Zi ka kryer veprën penale të lartcekur.

    Njësitë policore janë në kërkim të të dyshuarit. Lidhur me rastin është njoftuar prokurori. Rasti nën hetime”, thuhet në raport.

  • Gërvalla para deputetëve: Vitin tjetër synojmë të blejmë objekte për disa ambasada e konsullata

    Gërvalla para deputetëve: Vitin tjetër synojmë të blejmë objekte për disa ambasada e konsullata

    Në Komisionin për Punë të Jashtme dhe Diasporë, ka raportuar ministrja e MPJD-së, Donika Gërvalla në lidhje me Projektligjin mbi ndarjet buxhetore për Buxhetin e vitit 2024 që e përfshinë këtë Ministri, raporton Ekonomia Online.

    Gërvalla tha se prioriteti i MPJD-së gjatë këtij mandati është ndërtimi i fushave më bashëkohone të diplomacisë, të cilat janë diplomacia publike dhe ajo ekonomike. Ajo tha se prioritet i Ministrisë është edhe blerja e objekteve të ambasadave e konsullatave.

    “Fokusi apo prioriteti i MPJD-së gjatë këtij mandati është ndërtimi i fushave më bashëkohore të diplomacisë, të cilat janë diplomacia publike dhe ajo ekonomike dhe një pjesë të madhe të buxhetit e kemi fokusuar më këto lëmi. MPJD ka propozuar buxhet 47 milionë euro për pesë kategoritë”, tha ajo.

    Kryetarja e këtij Komisioni Arbëreshë Kryeziu Hyseni, ka pyetur ministren se cili është plani i Ministrisë që numri i objekteve diplomatike të shtohet në vitin e ardhshëm.

    Gërvalla tha se fokusi është që edhe gjatë viti të ardhshëm të shtohet numri i objekteve ne vendet e huja, më qëllim që të ruhet buxheti.

    “Është e vëretë që kemi blerë ndërtesat, proceduar janë të përfunduar në Kroaci, kemi marr vendimi që do të filloj procedurat për Strasburg. Çfarë duam të arrijmë për blerjen, në radhë të parë duam të kursejmë buxhet, qerat janë të larta. E dyta blerja e objekteve e shpreh vullnetin e këtij shteti për të qëndruar dhe përfaqësuar me dinjitet aty për këtë i kemi dhënë prioritet”, tha ajo.

    Deputetja e VV-së Fitore Pacolli, ka pyetur ministren se në këto misione dhe ambasada a do të shtohet numri i stafit, raporton EO.

    Për këtë ministrja tha se pas më shumë se dy vitesh tani këtë javë hapen konkurset për diplomat të rijnë.

    “Më në fund pas një beteje më shumë se dy vjeçare kemi arritura që këtë javë të hapim konkurset për diplomat të ri, kjo është mundësuar fal ndryshime në ligj. Nuk jemi të kënaqur me të gjithë përfaqshim. Gjenerata e reja të diplomatëve do të bëjnë një përqasim shumë të madh”, tha ajo.

  • Presidenti Macron dekoron poetin Lulzim Tafa me urdhrin e lartë “Oficer i letrave dhe arteve”

    Presidenti Macron dekoron poetin Lulzim Tafa me urdhrin e lartë “Oficer i letrave dhe arteve”

    Vetëm pak ditë pasi Presidenti Francez, Emanuel Makron e dekoroi në Tiranë shkrimtarin Ismail Kadare me urdhërin “Oficier i Madh i Legjionit të Nderit”, Ministrja e Kulturës së Francës, Rima Abdul Malak e ka nënshkruar dekretin me të cilin i akordon poetit të mirënjohur kosovar, Lulzim Tafa, dekoratën ”Oficier i Urdhërit Kombëtar të Letrave dhe Arteve”.

    Kjo është dekorata më e lartë që shteti francez e jep në fushën e artit dhe letërsisë dhe po ashtu është edhe dekorata më e lartë që ndonjë artist apo shkrimtar nga Kosova e ka marrë deri më tani nga shteti francez. Me këtë dekoratë Franca nderon personalitete të shquara franceze dhe ndërkombëtare për të arritura në fushën e artit dhe të letërisisë.

    “Urdhërin Kombëtar të Letrave dhe Arteve” e ndanë Ministria e Kulturës së Francës dhe nga viti 1957 dhe është nën patronatin e Presidentit të Republikës së Francës.

    Lulzim Tafa është njëri ndër poetët kosovarë më të njohur në botë, veprat e të cilit janë përkthyer në rreth tridhjetë gjuhë të botës. Tafa nga kritika letrare botërore është cilësuar si një ndër poetët kryesorë postmodernistë të Evropës, ndërsa përmes librave të tij është mjaftë i njohur edhe për lexuesit në Francë.

    Kohët e fundit, Lulzim Tafa, është bërë i njohur edhe për artin e tij në shërbim të paqes. Ai u bë shumë i njohur para shpërthimit të luftës në Ukrainë me poezinë ”Fol me poetët rusë” si dhe me letrat dërguar shumë artistëve dhe shkrimtarëve rusë me lutjet që të ndikojnë te politika që ta parandalojnë luftën.

    Si rezultat i përpjekjeve të tij anti luftë me anë të poezisë ai është nderuar nga shumë institucione kulturore e arsimore edhe në Ukrainë si dhe është dekoruar edhe nga Patriarku i Ukrainës, Patriarku Filaret me urdhërin “Yuri i Shenjtë Fitimtar”.

    Lulzim Tafa po ashtu ka fituar shumë çmime prestigjioze ndërkombëtare, mban shumë tituj nderi në akademi dhe universitete ndërkombëare.

    Ndër të tjera është anëtar i Akademisë së Shkencave dhe Arteve të Evropës si dhe anëtar i Akademisë së Shkencave, Arteve dhe Letërsisë në Paris.

    Ceremonia e dekorimit të poetit Lulzim Tafa me urdhërin “ Oficer i Letrave dhe Arteve” do të bëhet me ceremoni zyrtare në Rezidencën Franceze në Prishtinë.

  • Vazhdon procesi gjyqësor ndaj Pjetër Shalës

    Vazhdon procesi gjyqësor ndaj Pjetër Shalës

    Sot do të vazhdojë procesi gjyqësor ndaj Pjetës Shalës në Gjykatën Speciale në Hagë.

    Seanca nis në orën 09:30 dhe pritet të përfundojë rreth orës 16:00.

    Sipas aktakuzës, Pjetër Shala ishte anëtar i Ushtrisë Çlirimtare të Kosovës (‘UÇK’) i stacionuar në Kukës, Shqipëri.

    Ai akuzohet për krime të luftës të ndalimit arbitrar, trajtimit mizor, torturës dhe vrasjes së paligjshme.

    Krimet për të cilat akuzohet Shala dyshohet se u kryen përafërsisht midis 17 majit 1999 dhe 5 qershorit 1999, kundër personave që u mbajtën të ndaluar në fabrikën e metalit në Kukës (Shqipëri), që pretendohet se përdorej prej UÇK-së. Sipas aktakuzës, viktimat e këtyre krimeve ishin të gjithë shtetas të RFJ-së dhe persona të cilët nuk merrnin pjesë aktivisht në luftime.

  • Ministrja e Jashtme belge viziton sot Kosovën

    Ministrja e Jashtme belge viziton sot Kosovën

    Ministrja e Punëve të Jashtme, Çështjeve Evropiane, Tregtisë së Jashtme dhe Institucioneve Federale të Kulturës të Belgjikës, Hadja Lahbib do të qëndrojë sot për vizitë në Kosovë.

    Sipas njoftimit, ajo do të pritet nga ministrja e Punëve të Jashtme dhe Diasporës, Donika Gërvalla.

    Takimi dypalësh do të zhvillohet në MPJD, teksa pas takimit do të ketë edhe një konferencë të përbashkët për media.

  • Çitaku për vendimin e Speciales: Kjo nuk është drejtësi

    Çitaku për vendimin e Speciales: Kjo nuk është drejtësi

    Deputetja e PDK-së, Vlora Çitaku, ka kritikuar vendimin e Gjykatës Speciale për vendimin që t’u pezullohen vizitat dhe të gjitha komunikimet ish-krerëve të UÇK-së, duke theksuar se respekton ligjin por kjo sipas saj, nuk është drejtësi.

    Gjykata Speciale ka vendosur të pezullojë vizitat dhe komunikimet për Hashim Thaçin, Kadri Veselin dhe Rexhep Selimin.

    Vendimi vjen pas pretendimeve të Zyrës së Prokurorit të Specializuar se të akuzuarit kanë shkelur urdhrat gjyqësorë duke zbuluar informacione konfidenciale të dëshmitarëve të mbrojtur dhe pjesë të dëshmitëve të tyre.

    Lidhur me këtë rast, ka reaguar deputetja e PDK-së, Vlora Çitaku, e cila ka kundërshtuar vendimin duke theksuar se procesi nuk është duke ofruar drejtësi.

    “Fakti mbetet se themeluesit e kësaj republike u mbajtën në paraburgim për 2 vite pa gjyq. Një vit me procese të ngadalta. Me këtë ritëm ata do të qëndrojnë edhe 10 vite në paraburgim. Ju prisni që ata të mos diskutojnë se sa i bezdisshëm është procesi? Unë respektoj ligjin. Por kjo nuk është drejtësi”, ka shkruar ajo në platformën X.

    Çitaku ka kritikuar arsyetimin e Speciales, duke thënë se nëse themeluesit e UÇK-së kanë folur për dëshmitarët e Gjykatës me vizitorët – dëshmi të cilat i ka quajtur “qesharake” – edhe nëse kanë bërë komente duke shprehur dyshime rreth seriozitetit të dëshmitarëve dhe procesit gjyqësor, gjë që sipas saj, nuk ka asgjë.

    Ajo po ashtu ka thënë se komenton raste nga Gjykata e Lartë e SHBA dhe Gjykata Kushtetuese e Kosovës.

    “Një temë: Thjesht lexoni arsyetimin e Speciales për të vënë në izolim themeluesit e UÇK-së. Pra ata folën me ne vizitorët e rastit? Nga dëshmitë qesharake? Dhe ne komentuam? Sigurisht. Unë komentoj çështjet e Gjykatës së Lartë të SHBA. Rastet e Gjykatës Kushtetuese të Kosovës. Dhe nga këto raste gjithashtu”, ka shkruar tutje ajo.

    Çitaku gjithashtu ka theksuar historinë e themeluesve të UÇK-së, të cilët u mbajtën në paraburgim për 2 vite pa gjyq dhe ka shprehur shqetësimin se me ritmin aktual të procesit, ata do të qëndrojnë edhe 10 vite në paraburgim.

  • Digjet një shtëpi në Rahovec, lëndohet një person

    Digjet një shtëpi në Rahovec, lëndohet një person

    Një shtëpi është përfshirë nga zjarri ditën e enjte në Rahovec, ku një person ka pësuar lëndime trupore.

    Viktima është dërguar në QKUK për trajtim mjekësor.

    “Raportohet se si pasojë e shpërthimit të zjarrit në një shtëpi, lëndime trupore ka pësuar viktima mashkull kosovar. Viktima fillimisht është dërguar në spitalin e Prizrenit, e më pas në QKUK për tretman të mëtutjeshëm mjekësor. Në vendin e ngjarjes kanë dalur të gjitha njësitet përkatëse”, njoftoi Policia.

  • Vendimi i kushtetueses për faljen e tatimit në pronë i vë komunat në pozitë të vështirë

    Vendimi i kushtetueses për faljen e tatimit në pronë i vë komunat në pozitë të vështirë

    Përgatiti: Krenare Mulliqi

    Vendimi i Gjykatës Kushtetuese për Ligjin për Tatimin në Pronë, sipas të cilit komunat do të vendosin vetë për faljen e 100 eurove, i ka vënë në pozitë të palakmueshme.

    Në komunën e Malishevës thonë se janë përballë dilemës, meqë në një anë janë qytetarët që duan t’i ndihmojnë e në anën tjetër investimet kapitale.

    Por, disa komuna tashmë e kanë ndarë mendjen. Menjëherë, pas vendimit të gjykatës, Komuna e Vushtrrisë nuk e kundërshton faljen e 100 eurove për tatimin në pronë.

    Gjykata Kushtetuese të mërkurën njoftoi se ka vendosur që komunat duhet të vendosin vetë për faljen e tatimit në pronë dhe se Ligji i kontestuar nga komunat, nuk është në kundërshtim me ligjin e pushtetit lokal.

    Neni i Ligjit për tatim në pronë që u kontestua në Kushtetuese, përcakton që çdo tatimpagues për vitin tatimor 2023, kualifikohet për faljen e tatimit jo më shumë se 100 euro.

  • As pas 570 ditëve s’nënshkruhet tenderi që burgjet të pajisjen me aparate kundër zjarrit

    As pas 570 ditëve s’nënshkruhet tenderi që burgjet të pajisjen me aparate kundër zjarrit

    Përgatiti: Arton Hamiti

    Brenda një viti, Instituti i Mjekësisë Ligjore u përfshi dy herë nga zjarri. Të martën, një pjesë e dokumenteve që ndodheshin në zyrat që u dogjën, u bënë shkrumb e hi.

    Dëmet mund të ishin më të vogla nëse sistemi kundër zjarrit do të ishte më efikas. Por, tenderi për “Servisim dhe mirëmbajtje të aparateve kundër zjarrit” i hapur fillimisht më 30 mars, kishte dështuar.

    Tenderi ishte hapur edhe në korrik, por për shkak të ankesave në Organin Shqyrtues të Prokurimit, është i pezulluar. Tenderi për mirëmbajtje të pajisjeve kundër zjarrit i hapur në maj të vitit të kaluar, i ka dështuar 3 herë edhe Shërbimit Korrektues. I njëjti tender, rrezikon të dështojë përsëri teksa është pezulluar në tetor të këtij viti.

    Duke mos u përgjigjur në pyetjen e redaksisë se kur është bërë servisimi i aparateve kundër zjarrit për herë të fundit, nga Shërbimi Korrektues njoftuan se posedojnë pajisje të mjaftueshme.

    “Përveç pajisjeve në secilin institucion, kemi edhe stafin e trajnuar dhe të certifikuar si zjarrfikës, të cilët janë përgjegjës për mirëmbajtjen e sistemit. Po ashtu, në të gjitha institucionet korrektuese janë të vendosura edhe aparatet e nevojshme kundër zjarrit, të cilat aktualisht janë në gjendje të mirë dhe të gatshme për përdorim në rast nevoje”, thuhet në njoftimin e SHKK-së.

    Ndërkohë, shoqëria civile sheh mangësi në procedurat e prokurimit publik në vazhdimësi.

    Tenderi në vlerë prej 100 mijë eurosh, përveç servisimit parashihte edhe furnizimin me aparate për fikjen e zjarrit, hidrantë të ujit me pajisje përcjellëse dhe detektor tymi për Institucionet Korrektuese dhe Institucionin e Mjekësisë Ligjore.