Blog

Vendimi i Qeverisë për Transferimin e Kompetencave nga Gjykata Komerciale në Gjykatën Administrative për trajtimin e çështjeve është i gabuar dhe i dëmshëm për komunitetit e Biznesit në Kosovë, vlerëson AKB.

Aleanca Kosovare Bizneseve (AKB) shpreh kundërshtimin e saj të fortë ndaj vendimit të fundit të Qeverisë së Kosovës për transferimin e kompetencave nga Gjykata Komerciale në Gjykatën Administrative për trajtimin e çështjeve ku palë janë bizneset.

“Ky vendim shfaq një mungesë të rëndë të ndjeshmërisë dhe kuptimit të nevojave të komunitetit të biznesit dhe rrezikon të dëmtojë rëndë mjedisin e biznesit në Kosovë”, thuhet në reagimin e kësaj organizate.

“Gjykata Komerciale është rezultat i një angazhimi të zgjatur maratonik i AKB-së dhe i përbashkët me bizneset dhe partnerët vendor dhe ndërkombëtarë”.

Sipas Aleancës së Bizneseve, Gjykata Komerciale është një institucion kyç në ofrimin e një mjedisi më të drejtë dhe efikas për zgjidhjen e çështjeve të biznesore. Andaj vlerëson se propozimi për t’i hequr këto kompetenca është një akt i pashpjegueshëm i qeverisë, i cili nënkupton një mospërfillje të hapur të vlerave dhe parimeve që kanë ndihmuar në ngritjen e Gjykatës Komerciale si një institucion vital.

“Transferimi i kompetencave nuk është thjesht një çështje administrative; ai është një kërcënim i drejtpërdrejtë për zhvillimin ekonomik dhe për mundësitë e investimeve të huaja në Kosovë. Ky ndryshim do të sjellë një mosunifikim të praktikës gjyqësore për zgjidhjen e lëndëve komerciale, duke krijuar një labirint të ri të burokracisë dhe të vonesave të panevojshme”.

AKB i bën thirrje Këshillit Gjyqësor të Kosovës dhe institucioneve përgjegjëse që të rishikojnë me urgjencë këtë vendim joadekuat dhe të gabuar.

Aleanca Kosovare e Bizneseve kërkon që të ruhet mandati dhe kompetencat e Gjykatës Komerciale për trajtimin e lëndëve administrative të bizneseve, për të garantuar një trajtim të drejtë dhe efikas të çështjeve të tyre.

AKB i bënë thirrje udhëheqësve tanë të veproni me mençuri dhe të merrni vendime që mbështesin rritjen ekonomike besimin dhe stabilitetin e mjedisit të biznesit në Kosovë. “Kthimi mbrapa i këtyre vendimeve jo vetëm që do të ishte një zhgënjim, por edhe një dështim strategjik i qartë për të ardhmen e vendit tonë Republikës së Kosovës”, përfundon reagimi i AKB-së.

Kryeministri i Kosovës, Albin Kurti, dhe ministrja e Arsimit, Arbërie Nagavci, të premten kanë vizituar dy ndërmarrje të cilat po e mbështesin zbatimin e mësimit dual, raporton Ekonomia Online.

Të dy nga afër kanë parë mësimet që po i marrin nxënësit në këto ndërmarrje. Kurti tha se vizita të tilla do të realizohen në vazhdimësi dhe se mësimi dual është mundësi e mirë që nxënësit të njihen me atë që e mësojnë në teori.

Përderisa ministrja Nagavci, tha se Ministria e Arsimit po punon nxënësit të aftësohen për tregun e punës.

Më pas të dy do të marrin pjesë në ceremoninë e ndarjes së mirënjohjeve dhe shpërblimeve simbolike për fituesit e garave në nivel vendi dhe fituesit e garave kredibile në nivel ndërkombëtar.

Një grua nga Turqia e cila jeton në Zvicër që nga viti 1983 është dëbuar nga vendi për shkak të mungesës së integrimit. Kështu vendosi Gjykata Federale.

Ajo erdhi në Zvicër me bashkëshortin e saj të atëhershëm në vitin 1983 në moshën 19-vjeçare. Tani një nënë dhe gjyshe nga Turqia duhet të largohen nga vendi pas më shumë se 40 vitesh, shkruan “Solothurner Zeitung”, duke cituar një vendim të Gjykatës Federale.

Prandaj, gruaja u kujdes që në fillim për t’u kujdesur për fëmijët e saj, të cilët tani ishin rritur. Bashkëshorti i saj u nda prej saj në vitin 2006 dhe divorci u finalizua në Turqi në vitin 2011. Pas ndarjes, ish-i i saj refuzoi të paguante kontributet e saj për ushqim dhe ajo jetonte kryesisht me asistencë sociale; nga marsi 2006 deri në gusht 2022 shuma ishte rreth 351.546 franga.

Leja e vendbanimit iu dha fillimisht në vitin 1989 dhe më pas zgjatej çdo pesë vjet, së fundi deri në korrik 2020. Me një urdhër të datës 5 gusht 2022, Zyra e Migracionit e Kantonit të Solothurnit e hoqi lejen e vendosjes dhe e dëboi gruan nga Zvicra. . Gjykata administrative e Solothurnit hodhi poshtë ankesën kundër këtij vendimi më 8 maj 2023 dhe urdhëroi që ajo të largohej nga vendi, përcjell albinfo.ch.

Tani gjykata më e lartë e vendit e ka hedhur poshtë ankesën si të pabazuar. Pavarësisht periudhës së gjatë të qëndrimit, “nuk mund të flitet për integrim të suksesshëm në kushtet lokale”, thuhet në vendim. Që nga ardhja e saj, gruaja është “mbështetur në mbështetjen e ish-bashkëshortit të saj, fëmijëve të saj të rritur dhe, mbi të gjitha, shtetit për rreth 17 vjet” dhe nuk është përpjekur kurrë të gjejë një punë apo të shkëputet nga kujdesi. Gjykata më e ulët “me të drejtë supozoi se kishte një interes të rëndësishëm publik për revokimin e lejes së vendbanimit”, pasi ankuesi “tashmë kishte marrë një shumë të madhe parash të ndihmës sociale”. “Pasi të jetojë në Zvicër për 40 vjet, sigurisht që nuk do të jetë e lehtë për ankuesin të riintegrohet në vendin e saj,” pranon Gjykata Federale. Megjithatë, pavarësisht kundërshtimeve të gruas, kthimi në Turqi ishte i arsyeshëm: ankuesi kishte jetuar atje. Derisa ajo ishte e rritur, kthehej çdo herë për pushime dhe për këtë arsye ishte “ende e lidhur me vendin e saj nga pikëpamja gjuhësore dhe kulturore”. Ajo mund të mbajë marrëdhënie me fëmijët dhe nipërit e saj të rritur në Zvicër “nëpërmjet vizitave të rregullta për pushime dhe përmes mjeteve elektronike të komunikimit”.

Ministri Liburn Aliu në intervistën për RTK Prime ka thënë se Gjykata Speciale është projekt i Serbisë dhe kundër shtetit të Kosovës, por edhe kundër ndërlidhjes historike të Kosovës me luftën e saj për liri.

“Mos të harrojmë ne jemi sot si Kosovë falë luftës, dhe jemi ndërtuar si shtet në luftë e sipër, dhe kjo na bën krenar për identitetin tonë, krenaria mbi të kaluarën tonë”, tha Aliu.

Sipas tij, një vend e një popull është lehtë ta tjetërsosh nëse ia këput lidhjet me historinë e vet.

Aliu theksoi se Kosova mbrohet duke mbrojtur Ushtrinë Çlirimtare të Kosovës.

“Ne punojmë për të ndërtuar një shtet më të fortë dhe motivi për këtë është te kujtimi për shokët dhe njerëzit që kanë dhënë jetën për këtë punë. Tendenca për të na shkëputur nga e kaluara është tendencë për ta humbur të sotmen, për të goditur direkt në shtet. Mendoj se projekti i Gjykatës Speciale është projekt i Serbisë për ta goditur Kosovën, dhe e jona është ta mbrojmë Kosovën, duke e mbrojtur UÇK-në”, theksoi Aliu.

residentja e Kosovës, Vjosa Osmani ka thënë para gazetarëve në Bruksel se “Serbia po planifikon sulme të reja ndaj Kosovës”.

Ndërsa në fjalimin e fundvitit, Sekretari i Përgjithshëm i NATO-s, Jens Stoltenberg, ka thënë se ruajtja e një mjedisi paqësor dhe të sigurt në Kosovë është çelësi për stabilitetin e rajonit më të gjerë të Ballkanit Perëndimor.

Ramadani: Serbia mund të nxisë situatë të rrezikshme në Bosnjë, në logjikën e aneksimit

Mundësinë për destabilizim në Ballkan, nuk e përjashton ish-inspektori i AKI-së, Burim Ramadani.

Ai në një përgjigje për Front Online ka thënë që gjasat janë të mëdha që Serbia të bëjë veprime ndaj fqinjëve.

“Mundësitë e destabilizimit të Ballkanit nga ana e Serbisë janë të mëdha, për shkak të qëllimeve që ajo pretendon ndaj vendeve fqinje”, tha ai për Front Online.

Përveç Kosovës e Malit të Zi, ai thotë që Serbia mund të nxisë “aneksim” në Bosnje.

“Edhe ndaj Kosovës, por edhe ndaj Bosnjës dhe ndaj Malit të Zi. Nuk mund të përjashtohet mundësia që Serbia të nxis situatë të rrezikshme të sigurisë në Bosnje, në logjikën e aneksimit apo të ngjashme”, tha ai.

Ramadani: Prezenca e NATO-s pamundëson agresion klasik ushtarak të Serbisë në Kosovë

Gjenerali gjerman i NATO-s, Ralf Hammerstein, ka paralajmëruar se më shumë ushtarë do të nevojiten në të ardhmen në Kosovë për ta ruajtur paqen dhe stabilitetin, pasi sipas tij, situata në Ballkanin Perëndimor vazhdojë të jetë e brishtë.

Këtë e ka komentuar edhe ish-Inspektori i AKI-së, Burim Ramadani.

Ai për Front Online ka thënë që prezenca e NATO-s në Kosovë, parandalon agresionin serb.

Megjithatë, sipas tij kjo është edhe arsyeja që Serbia po financon grupe kriminale.

“Në ndërkohë, në raport në Kosovën, është e qartë se prezenca e shtuar e ushtarëve të NATOs pamundëson agresion klasik ushtarak të Serbisë. Prandaj, Serbia dhe strukturat e sigurisë së atjeshme po përdorin dhe sponsorizojnë grupe të armatosura paramilitare”, u shpreh ai për Front Online.

Më 24 shtator, një grup i armatosur i serbëve sulmoi Policinë e Kosovës në Banjskë, në veri të Kosovës, dhe vrau rreshterin Afrim Bunjaku. Më pas, në shkëmbimin e zjarrit mbetën të vrarë tre sulmues serbë.

Përgjegjësinë për sulmin e ka marrë Millan Radoiçiq, ish-nënkryetar i Listës Serbe.

Bashkatdhetarë të shumtë kanë marrë rrugën për në Kosovë për t’i kaluar festat me familjarët e të dashurit e tyre.

Pritjet në pikat kufitare për të hyrë në Kosovë, nuk janë shumë të gjata, shkruan gazeta online Reporteri.net.

Sipas të dhënave të Qendrës Kombëtare për Menaxhim Kufitar, pritjet më të gjata janë në Merdarë nga 30 deri në 30 minuta dhe njësoj edhe te Dheu i Bardhë.

Pritjet në pikat tjera kufitare shkojnë nga 5 deri në 10 minuta.

Qytetarë të Kosovës, të cilët jetojnë e veprojnë në vende të ndryshme evropiane, shumë prej tyre preferojnë që përpos pushimeve të verës, edhe festat e fundvitit t’i kalojnë me familjet e tyre në Kosovë.

Një stuhi e fortë ka kaluar nëpër Gjermani natën e së premtes. “Zoltan” shkaktoi dëme të konsiderueshme, sidomos në veriun gjerman. Lëvizja e anijeve u ndërpre. Në brigjet veriore ka paralajmërim për përmbytje.

Stuhia me emrin “Zoltan” kaloi nëpër Gjermani natën e së premtes duke lënë pas dëme të konsiderueshme. Në shumë lande gjermane për shkak të stuhisë u mbyllën tregjet e krishtlindjeve. Lëvizja e anijeve në brigjet veriore të Gjermanisë u ndërpre. Edhe në trafikun hekurudhor pati ndërprerje e vonesa.

Sot për Hamburgun dhe brigjet e Detit të Veriut ka paralajmërime për përmbytje. Niveli i ujit, sipas autoriteveve i kalon tre metra mbi nivelin normal të ujërave në rast rreziku të përmbytjes. Policia kërkon që të mos ketë qëndrime në zonën e rrezikuar.

Stuhia që filloi orët e vona të së enjtes pati pasoja të mëdha në trafikun hekurudhor në të gjithë Gjermaninë, si ndërprerje të udhëtimeve apo vonesa të mëdha në trenat rajonalë edhe ata të distancave të gjata. Mjaft lande federale raportojnë për dëme të mëdha e të lënduar. Në landin Renani Veriore-Vestfali forcat e shpëtimit kanë qenë rregullisht të angazhuar gjatë natës në misione për shkak të dëmtimeve në rrugë, automjete, rënie pemësh etj. Në landin Saksoni-Anhalt ka pasur dëme të konsiderueshme dhe dy të plagosur, ndërs landin Shlezvig-Holshtajn një person u plagos rëndë pas përplasjes së automjetit të tij me një pemë të rrëzuar në rrugë. Në landin e Hesenit stuhia ka shkaktuar dëme që kalojnë 130.000 eurot, sipas autoriteteve të landit federal.

Eksperti për Ballkanin dhe bashkëpunëtori i Lartë i Këshillit për Politikat e Demokratizimit në Berlin, Bodo Weber, është shprehur skeptik për të ardhmen e procesit të dialogut mes Kosovës dhe Serbisë.

Weber ka theksuar dyshimet e tij sa i përket progresit në dialog, pasi sipas tij, presidenti serb, Aleksandar Vuçiq, po luan dhe nuk është i interesuar të respektojë marrëveshjet.

“Dyshoj se do të ketë progres në dialogun mes Kosovës dhe Serbisë, për shkak se Aleksandar Vuçiqit, ka një kohë të gjatë që po luan dhe nuk është i interesuar t’i respektojë marrëveshjet. Për çdo gjë, presidenti i Serbisë fajëson Kosovën se nuk është e interesuar për dialog, prandaj jam shumë skeptik për të ardhmen e këtij procesi. Ai madje i rezistoi edhe presioneve të Perëndimit duke mos i vënë sanksione Rusisë”, ka thënë ai.

Eksperti Weber po ashtu ka komentuar edhe mbarëvajtjen e procesit zgjedhor në Serbi më 17 dhjetor, duke thënë se ato e dëshmuan qartë se atje bëhet fjalë për një regjim autokratik.

Ai ka thënë shkelje të mëdha u evidentuan ne kryeqytetin serb në Beograd, ku ishte një garë e ngushtë mes partive opozitare dhe partisë në pushtet.

“Këto zgjedhje dëshmuan edhe njëherë mënyrën se si ka udhëhequr Aleksandar Vuçiq dhe partia e tij përgjatë dekadës së fundit. Serbia është demokraci vetëm në letër dhe po bëhet gjithnjë e më autoritare. Mënyra se si po vepron ky regjim autokratik pas vrasjeve në masë dhe pas protestave të shumta, tregon se ky regjim është në prag të kolapsit. Pati shumë shkelje gjatë këtij procesi zgjedhor në Serbi dhe përveç kësaj partia në pushtet gjatë fushatës elektorale ishte shumë agresive. Shkelje të mëdha u evidentuan edhe në Beograd, ku ishte një garë më e ngushtë mes partive opozitare dhe partisë në pushtet. Kurse, në anën tjetër ende nuk kemi parë një reagim të fortë brenda shteteve anëtare të Bashkimit Evropian për t’i dalë në mbështetje partive opozitare”, ka thënë Weber.

Ai ka thënë se shumë qytetarë serbë nga Bosnja dhe Kosova shkuan në Serbi për të votuar në mënyrë të paligjshme. Sipas tij, Partia Përparimtare Serbe, po qëndron e heshtur përballë gjithë atyre që e shkelën ligjin.

“Tani po shohim protesta të partive opozitare edhe shumë të rinjve në Beograd, janë më mijëra prej tyre që kanë dalë në rrugë për të protestuar. Nga ana tjetër kemi partinë në pushtet që po qëndron e heshtur përballë atyre që kanë bërë shkelje në procesin zgjedhor. Pati shumë qytetarë serbë që erdhën nga Bosnja dhe nga Kosova për të votuar në mënyrë të paligjshme, pra shihet qartë se ka pasur shumë manipulime në zgjedhjet e 17 dhjetorit. Të gjitha këto shkelje janë të evidentuara në detaje. Tani do të shohim se çfarë qasje do të ketë Perëndimi në raport me Serbinë pas këtyre zgjedhjeve, dhe gjithashtu më intereson të shoh nëse Perëndimi do t’i mbështes partitë opozitare dhe shoqërinë civile në Serbi”, ka thënë Weber për tëvë1.