ATV

Blog

  • Kaçaniku: Moskthimi i centëve nëpër markete sjell fitim tek bizneset rreth 50 milionë euro në vit

    Kaçaniku: Moskthimi i centëve nëpër markete sjell fitim tek bizneset rreth 50 milionë euro në vit

    Qytetarët gjatë blerjeve nëpër markete, në shumë raste nuk i kushtojnë rëndësi të madhe kthimit të centëve. 

    Pothuajse asnjë market në Kosovë nuk ua kthen “kusurin” saktë blerësve. Ne të shumtën e rasteve kur qytetarët i blejnë artikujt me çmime 1.03 euro, ata i paguajnë 1.05 euro në këto raste kusuri prej 2 centësh mbetet në arkë marketit.

    Ky fenomen me vite është i njohur në vendin tonë. Meqenëse në asnjë shtet të botës nuk ndodh te po.

    Sipas përllogaritjeve diku 50 milionë euro në vit është vlera që i fitojnë marketet nga moskthimi i “kusurit”.

    Këtë shifër të përafërt e ka llogaritur Selatin Kaçaniku, nga Shoqata e Mbrojtjes së Konsumatorëve, sipas tij marketet/bizneset nga moskthimi i centëve përllogaritet që fitojnë në vit 50 milionë euro, që nëse zbërthehet me krijimin e vendeve të reja të punës i bie baras me 5 mijë vende pune.

  • Mërgimtarit i vidhet vetura në Prishtinë, ka një lutje për qytetarët

    Mërgimtarit i vidhet vetura në Prishtinë, ka një lutje për qytetarët

    Një veturë e markës gjermane BMW është vjedhur në ditën e parë të vitit në Prishtinë.

    Vetura, e cila ishte e parkuar në fshatin Bardhosh të Prishtinës, i përkiste një mërgimtari dhe mbante targa britanike.

    Pronari i veturës ka kërkuar ndihmë nga qytetarët që të lajmërojnë policinë nëse e shohin veturën.

    “Kjo bmw me targa angleze esht vjedhur ne periferi te Prishtines ju lutem nese e shihni te lajmroni ne ket numer 049577734 ose policinë”, ka shkruar ai në një postim në Facebook.

  • Zhduket një 24-vjeçar në Ferizaj, nëna e tij kërkon ndihmën e Policisë për ta gjetur

    Zhduket një 24-vjeçar në Ferizaj, nëna e tij kërkon ndihmën e Policisë për ta gjetur

    Ndihmën e Policisë e ka kërkuar një grua nga fshati Dubravë e Ferizajt, e cila ka raportuar se djali i tij ka dalë nga shtëpia që disa ditë dhe nuk kanë asnjë informacion për vendndodhjen e tij.

    Mësohet se i njëjti ka deklaruar para Policisë se gjatë kësaj periudhe familja ka pasur shpresë se 24-vjeçari kthehet, por i njëjti nuk është bërë i gjallë nga 30 dhjetori.

    Përballë kësaj situate, familja vendosi që ta njoftojë Policinë, sipas sinjalit.

    Denoncimi i nënës ka aktivizuar njësitet policore, me ç’rast është vënë në dijeni edhe Prokurori i Shtetit, i cili ka urdhëruar që të nisin hetimet për gjetjen e djalit dhe zbardhjen e rrethanave të rastit.

  • Shqiptarja dhe dy fëmijët e saj vriten nga bashkëshorti amerikan në ShBA

    Shqiptarja dhe dy fëmijët e saj vriten nga bashkëshorti amerikan në ShBA

    Ornela Morgan, shtetase shqiptare me orgjinë nga Korça bashkë me dy djemtë e saj 10-12 vjeç janë vrarë me armë zjarri nga bashkëshorti i saj amerikan, në SHBA.

    Ky i fundi pas vrasjes masakër që i ka bërë familjes së tij ka vrarë dhe veten.

    Prej disa vitesh Ornela Morgan (Rori) jetonte në New York, bashkë me bashkëshortin e saj Watson Morgan, i cili ishte polic, raporton euronews.al.

    Policia shprehet se ende nuk ka një motiv për ngjarjen e rëndë, ndërkohë që ende vijojnë hetimet.

  • Minus 40 gradë Celsius temperaturat në Finlandë e Suedi

    Minus 40 gradë Celsius temperaturat në Finlandë e Suedi

    Finlanda dhe Suedia kanë regjistruar temperaturat më të ulëta të dimrit të martën, kur termometrat treguan në minus 40 gradë Celsius, ndërsa rajoni nordik po përballet me një valë të ftohtit, raporton agjencia “AP”.

    I ftohti dhe bora kanë çrregulluar transportin nëpër rajon, përfshirë edhe në Norvegji ku një autostradë e madhe në jug është mbyllur shkaku i motit dhe po ashtu linjat e trageteve kanë pezulluar punën. Operatorët suedezë të trenit kanë treguar se i ftohti ka shkaktuar probleme të mëdha në trafikun hekurudhor në veri të Arktikut.

    Nikkaluokta, një fshat i vogël i banuar me banorë indigjenë Sami në veri të Suedisë, ka regjistruar të martën temperaturë minus 41.6 gradë Celsius.

    “Është moti më i ftohtë që kemi pasur deri tash këtë dimër dhe do të vazhdojë të jetë mjaft ftohtë në veri”, ka thënë meteorologu i transmetuesit publik suedez SVT, Nils Holmqvist.

    Instituti Hidrometeorologjik i Suedisë, ka raportuar temperatura minus 30 gradë Celsius në disa lokacione në veri të Suedisë, dhe ka lëshuar paralajmërim për borë dhe erëra në pjesën qendrore dhe jugore të Suedisë. Është shkalla e dytë më e lartë e paralajmërimit dhe vlen nga mesnata e të mërkurës.

  • Rritet numri i viktimave nga tërmeti në Japoni, të mbijetuarit përballen me temperaturat e ulëta

    Rritet numri i viktimave nga tërmeti në Japoni, të mbijetuarit përballen me temperaturat e ulëta

    Ka shkuar në 64 numri i viktimave që kanë humbur jetën nga tërmeti shkatërrimtar në Japoni dy ditë më parë.

    Ekipet e kërkim-shpëtimit kanë gjetur trupa të tjerë të pajetë nën rrënojat e ndërtesave.

    Ky konsiderohet tërmeti më vdekjeprurës në Japoni deri më tani, që nga viti 2016.

    Por autoritetet japoneze, përveç se janë në luftë me kohë, tashmë përballen edhe faktorin e klimës.

    Në rajonin e goditur nga tërmeti, temperaturat janë shumë të ulëta ndërsa për orët në vijim janë parashikuar reshje të dendura të shiut.

    Kjo rrit shqetësimin për të tjera rëshqitje të dherave, gjë që mund të pengojë punën e ekipeve të kërkim-shpëtimit që kërkojnë për të mbijetuar nën gërmadha.

    Mbi 33 mijë persona janë evakuuar nga shtëpitë e tyre, ndërsa në shumë zona të tjera ka mungesë të energjisë elektrike dhe të ujit.

    Kryebashkiakët e qyteteve më të prekura nga tërmeti i kanë bërë thirrje qeverisë për të shpërndarë ndihma sa më shpejt dhe të pastrojnë rrugët, shumë prej të cilave janë bllokuar gjë që ka vështirësuar dërgimin e ndihmave ushqimore.

  • Vritet numri dy i Hamasit

    Vritet numri dy i Hamasit

    Është vrarë në kryeqytetin e Libanit, numri dy i Hamasit, Saleh al-Arouri.

    Vrasja e tij rrit rrezikun e mundshëm të përhapjes së luftës në Gaza përtej enklavës palestineze.

    57-vjeçari është lideri i parë i lartë politik i Hamasit që vritet që kur Izraeli nisi një ofensivë ajrore dhe tokësore kundër grupit militant pothuajse tre muaj më parë pas sulmeve të 7 Tetorit.

    Që nga fillimi i luftës në Gaza mes grupit Hezbollah dhe forcave izraelite është shkëmbyer vazhdimisht zjarr.

    Udhëheqësi i grupit të armatosur Hassan Nasrallah, ka paralajmëruar Tel Avivin kundër kryerjes së ndonjë atentati në tokën libaneze, duke u zotuar se do të kundërpërgjigjet në mënyrë të ashpër.

    Pas vrasjes së Arourit, Hezbollah pranoi se kishte shënjestruar me raketa një grup ushtarësh izraelitë në afërsi të qytetit Marj.

    Vrasja e numrit dy të Hamasit vjen para vizitës në rajon të Sekretarit amerikan të Shtetit, Antony Blinken, në kohën kur Shtetet e Bashkuara po tentojnë të parandalojnë përhapjen e konfliktit, duke paralajmëruar vazhdimisht Hezbollahun dhe Iranin që të mos e përshkallëzojnë konfliktin, sipas Kk.

    Kryeministri izraelit, Benjamin Netanyahu, është zotuar se do të vazhdojë me sulmet në Gaza derisa Hamasi të shkatërrohet dhe të lirohen mbi 100 pengje që ende mbahen nga grupi radikal palestinez.

    Sipas TvKlan.al, Netanyahu dhe zyrtarët e tjerë izraelitë vazhdimisht kanë kërcënuar se do të vrasin udhëheqësit e Hamasit kudo që ata ndodhen.

    Izraeli ka pretenduar se ka vrarë një numër të udhëheqësve të nivelit të mesëm të Hamasit në Gazë, por kjo është hera e parë që nëse merr përgjegjësinë për vrasjen e udhëheqësit të lartë të Hamasit kryen sulme në një shtet tjetër duke shënjestruar liderët e Hamasit.

  • Policia shpall konkurs për plotësimin e 28 vendeve të punës

    Policia shpall konkurs për plotësimin e 28 vendeve të punës

    Policia e Kosovës ka shpallur konkurs për plotësimin e 28 vendeve të punës.

    Konkursi është hapur për:

    Zyrtar i lartë në flotën operative (Automekanik)- dhjetë (10) vende të lira pune,

    Zyrtar i lartë në flotën operative (Autolimar)- Pesë (5) vende të lira pune,

    Zyrtar i lartë në flotën operative (Autoelektricist)- Tri  (3) vende të lira pune,

    Zyrtar i lartë në flotën operative (Teknik metalpunues -axhustator)- dhjetë (10) vende të lira pune.

  • Sulmoi fizikisht një grua, arrestohet i dyshuari në Graçanicë

    Sulmoi fizikisht një grua, arrestohet i dyshuari në Graçanicë

    Në Graçanicë është arrestuar një person i dyshuar pasi në ora 03:30 ka sulmuar fizikisht viktimën femër.

    Sipa raportit 24-orësh të Policisë, viktima ka pranuar tretman mjekësor.

    Tutje, Policia njoftoi se me vendim të prokurorit i dyshuari pas intervistimit dërgohet në mbajtje.

     

  • Mbyllen dy burgje në Kosovë

    Mbyllen dy burgje në Kosovë

    Drejtori i Shërbimit Korrektues të Kosovës, Ismail Dibrani ka njoftuar se gjatë këtij viti, do të mbyllen dy burgje.

    “Ne kemi dy burgje të cilat nuk i plotësojnë standardet më të mira evropiane për të funksionuar. Është burgu i Pejës dhe Burgu i Prizrenit për shkak të vjetërsisë dhe infrastruktura nuk i plotëson kriteret apo nevojat të cilat i kemi si shërbim. Ne kemi vendosur që këto dy burgje të mbyllen dhe të ndërtohet një burg i ri i cili i shërben të gjithë rajonit të Dukagjinit, përfshirë Gjakovën, Sukarekën, Prizrenin, Rahovecin, Ferizaj, Shtimen sepse nuk do të jetë vetëm qendër e paraburgimit, ku do të jetë edhe qendër korrektuese, në një masë do ta lehtësojë edhe Burgun e Dubravës , sepse familjarët nga vise të ndryshme, vise të largëta të Kosovës do ta kenë më të lehtë vizitimin e tyre në burgun e Prizrenit”, deklaron Dibrani për Kosovapress.

    Tutje, thekson se prioritete për këtë vit mbeten kompletimi i infrastrukturës, ndërtimi i burgjeve të reja, renovimi i burgjeve të vjetra dhe ngritja profesionale e stafit.