ATV

Blog

  • Mosemërimi i Kryeprokurorit të Shtetit e mosvotimi i Kodit Civil, dështimet e 2023-ës – S’munguan as ndërhyrjet politike

    Mosemërimi i Kryeprokurorit të Shtetit e mosvotimi i Kodit Civil, dështimet e 2023-ës – S’munguan as ndërhyrjet politike

    Mosemërimi i Kryeprokurorit të Shtetit dhe mosvotimi i Kodit Civil, janë ndër dështimet më të mëdha të vitit 2023 në sistemin e drejtësisë. Kështu po vlerësojnë avokatët, teksa përmendin edhe sulmet e politikës në drejtim të KGjK-së dhe KPK-së, raporton Ekonomia Online.

    Dështimin për ta emëruar Kryeprokurorin e Shtetit, ia faturojnë Presidencës dhe Këshillit Prokurorial, për të cilët tonë se shpesh herë kanë “luajtur pingpong”, ndërsa kritikën për kryeministrin Albin Kurti e kanë për tentimin për uljen e pagave për gjyqtarë e prokurorë.

    Avokati Ardian Bajraktari, ka thënë për Ekonomia Online se sulmet ndaj sistemit të drejtësisë ishin të shpeshta gjatë vitit 2023 dhe se kjo e dëmton demokracinë në vend.

    Ndonëse përmend faktin se sistemet janë të ndara në Kosovë, kjo sipas Bajraktari nuk po merret parasysh nga politika. Institucionet sipas tij, duhet t’i kryejnë obligimet që i takojnë me qëllim të përmbushjes së misionit që ka sistemi ligjor.

    “Sulmet dhe presioni i eksponentëve politik në adresë të sistemit gjyqësor dhe prokurorial, fatkeqësisht ka vazhduar edhe përgjatë vitit 2023 edhe në bindjen time këto nuk do të duhej të ndodhin për faktin se sistemi ynë gjyqësor dhe ai prokurorial është i pavarur në vështrimin e përgjithësive dhe kompetencave të tyre kushtetuese dhe ligjore, këtë e kanë thënë edhe organizata e ndryshme vendore e ndërkombëtare se sulmet etiketimet e madje edhe përmendja e emrave të përveçëm të gjyqtarëve e prokurorëve natyrisht që është sulm e presion i drejtpërdrejtë ndaj organeve ligjzbatuese andaj eksponentët politik kushdo qofshin ata duhet të ndalen në drejtim të sulmeve, të bëjnë përpjekje maksimale në drejtim të plotësimit të kritereve, kushteve dhe kërkesa krahas ligjeve edhe shtim të mjeteve buxhetore me qëllim të përmbushjes së misionit dhe detyrave e përgjegjësive që ka sistemi ligjor dhe ai prokurorial”, ka thënë Bajraktari.

    Duke folur për dështimin për ta emëruar Kryeprokurorin e Shtetit, Bajraktari ka thënë se institucionet përgjegjëse kanë luajtur “pingpong”. Ai kërkon reflektim në këtë drejtim dhe se gjetjet që i ka bërë Presidenca e organizatat partnere të merren parasysh.

    “Në bazë të miratimit të Kodit Civil si dhe fakti që njëra prej pozitave kyçe si pozita e Kryeprokurorit të Shtetit me bindjen tim janë një prej dështimeve të vitit të 2023. Po flasim për një dokument i cili përveç së është më i rëndësishmi pas Kushtetutës, Kodi Civil të cilin Kosova akoma nuk e ka, vlerësoj që deputet e do duhej ta miratonin këtë dokument, pasi është jeta e qytetarit dhe pasi 1 600 nene janë të ndara në libra si është  pjesa e përgjithshme, pjesa familjare, aspektet pronësore si dhe aspektet tjera. Edhe për pozitën e kryeprokurorit, ku kemi parë një lloj ‘pingpongu’ mes Këshillit Prokurorial dhe institucioneve të Presidencës por unë vlerësoj që të dy palët duhet të reflektojnë mbi drejtimin e identifikimit fillimisht e pastaj edhe adresimit të gjetjeve që i kanë bërë jo vetëm zyrat e presidentes por edhe organizatat  e partnerët tjerë”, u shpreh Bajraktari.

    Ndërsa avokati tjetër, Burim Halili, e sheh si hendek të thellë mosemërimin e Kryeprokurorit të Shtetit. Halili për Ekonomia Online ka përmendur edhe Ligjin e Pagave si tendencë për të ndërhyrë në punën e gjyqësorit.

    “Për gjatë vitit 2023 ndërhyrja politikës në sistemin e drejtësisë ka qenë aktive  në shumë raste fillimisht ka kriju një hendek të thellë nga mosemërimi i Kryeprokurorit të Shtetit nga presidentja fillimisht, mandej ndërhyrja edhe e kryeministrit te pagat e gjyqtarëve e prokuroreve, përulja e pagës edhe ajo ka ndikuar negativisht. Fatmirësisht Gjykata Kushtetuese nuk e ka aprovua një kërkesë e kryeministrit dhe ka vendosur që pagat nuk do të ndikojnë në përformancën e gjyqtarëve dhe prokurorëve”, u shpreh Halili.

    Halili ka pasur kritika për mosemërimin e Kryeprokurorit të Shtetit, për të cilin thotë se nuk është dashur të vonojë. Ai përmend faktin se pushtet janë të ndara dhe se ndërhyrjet janë të palejueshme.

    “Fillimisht në vitin 2024 presim që ta kuptojnë që pushtet janë të ndara legjislativ, ekzekutiv dhe gjyqësor. Pushtet në sistemin  gjyqësor nuk duhet të kenë ndërhyrje direkte as nga zyra e Kryeministrit as nga Presidentja. Në momentin që ka një propozim prej Këshillit Prokurorial për emërim të Kryeprokurorit të Shtetit përderisa e kaluara e tij është e pastër dhe nuk ka arsyeje në të kaluarën  e tyre ose të saj, Presidentja duhet ta bëjë emërimin e tij. Mandej gjatë vitit 2023 kemi pasur ndërhyrje të njëpasnjëshme”, u shpreh tutje Halili.

  • Zeka: Masat e BE-së po ndikojnë në njohje të reja e anëtarësim në Organizatat Ndërkombëtare

    Zeka: Masat e BE-së po ndikojnë në njohje të reja e anëtarësim në Organizatat Ndërkombëtare

    Drejtori i Odës Ekonomike Amerikane në Kosovë (OEAK), Arian Zeka në një intervistë për Ekonomia Online tha se masat e vendosura nga Bashkimi Evropian (BE) përveç që janë duke e dëmtuar Kosovën nga aspekti monetar, po e dëmtojnë vendin edhe në rrugën e saj drejt anëtarësimit në organizata ndërkombëtare.

    Ai ka thënë se Qeveria e Kosovës duhet që të punojë në kryerjen e zotimeve të saja që këto masa të hiqen.

    Zeka ka potencuar se masat e BE-së janë duke ndikuar në reputacionin e vendit marr parasysh që Kosova është një vend i ri i cili është duke kërkuar njohje nga vendet e tjera dhe anëtarësim në organizatat ndërkombëtare, dhe këto masa sipas tij, janë duke i shkaktuar pasoja vendit në këtë aspekt.

    “Përtej aspektit monetar, përtej humbjeve që Kosova ka nga mos përfitimi i asistencës se BE-së, qoftë asistencës direkte monetare apo edhe asaj që ofrohet në formë teknike, ndikimi me negativ i këtyre masave është te imazhi i vendit, te reputacioni i tij. Një shtet i ri i cili është në kërkim të njohjeve të reja edhe nga shtetet individuale anë e mbanë botës, po të njëjtën kohë përpiqet që të siguroj anëtarësim në organizata të tjera ndërkombëtare, pa shmangshëm se ballafaqohet me pasoj momentin kur dikush kupton që Kosova po i nënshtrohet masave të cilat vijnë nga BE-ja”, tha Zeka.

    “Njerëzi po nuk bënë një analize të detajuara ata do të vënë fajin ose përgjegjësin kryekëput mbi institucionet e vendit edhe mbi shtetin e Kosovës në këtë aspekt. Po e them edhe një herë përtej humbjes së përfitimeve monetare, ajo që rendon më shumë mbi Kosovën është mbi imazhin e vendit”, është shprehur Zeka.

    Drejtori i OEAK-ut ka thënë se Qeveria e Kosovës nuk është duke i kryer zotimet e saja më të cilat është ngarkuar, kjo është arsyeja që sipas tij këto masa nuk janë duke u hequr.

    “Po nëse institucionet e BE-së në këtë rast e ngarkojnë me përgjegjësi qeverinë e Kosovës për mungesë të konstruktivitetit në dialog edhe mos zbatim të disa prej zotimeve të cilat shteti i Kosovës i ka marr në dialog me Serbinë të ndërmjetësuar nga BE-ja atëherë pashmangshëm se përgjigjja duhet kërkuar aty. Pra te mos kryerja e atyre zotimeve të cilat shteti i Kosovës i ka marr”, ka thënë ai.

    Zeka ka kritikuar Qeverinë edhe për moszbatim të disa prej marrëveshjeve që kanë të bëjnë me zhvillimin ekonomik e të cilat janë arritur në vitin 2017-2019 nga qeveritë e kaluara.

    “Të jemi i sinqerte ne shpesh herë e themi brenda Odës Amerikane se disa prej vendimeve të cilat kanë të bëjnë në zhvillimin ekonomik e cilat janë marr nga qeveritë në të kaluarën, në vitin 2017, 2018, 2019 e tutje, do të thotë hidhen poshtë nuk zbatohen. Pra po flasim edhe për zotime të cilat në ja bëjmë vetës sonë e cilat qeveritë e tjera zgjedhin që të mos i marrin parasysh. E njëjta duke se po përsëritet edhe në raport me partnerët ndërkombëtar”, ka përfunduar ai.

  • Vjehrra rrah nusen në Fushë-Kosovë

    Vjehrra rrah nusen në Fushë-Kosovë

    Një grua në Fushë-Kosovë ka raportuar se është rrahur nga vjehrra e saj dhe një i dyshuar tjetër i cili është arrestuar.

    Policia ka bërë të ditur se i arrestuari është dërguar në mbajtje.

    “Fushë Kosovë, 12.01.2024-11:00. Viktima femër kosovare ka raportuar se është sulmuar fizikisht nga i dyshuari mashkull kosovar dhe vjehrra e saj. Lidhur me rastin është arrestuar i dyshuari dhe me vendim të prokurorit kujdestar është dërguar në mbajtje”, thuhet në raport të policisë.

  • Basketbollisti nga Amerika konvertohet në mysliman në Kosovë

    Basketbollisti nga Amerika konvertohet në mysliman në Kosovë

    Basketbollisti i cili luan për skuadrën nga Suhareka “Golden Eagle Ylli”, Alonzo Verge nga ShBA-ja, është konvertuar në mysliman në njërën nga xhamit e Kosovës dje gjatë ditës.

    Kështu ka bërë të ditur imami Sabit Halil Gashi, i cili tha se konvertimi i Verges ka nga ndodhur në Xhaminë e Bardhë në Suharekë.

    Imami ka shkuar se ishte kënaqësi e veçantë që ta përjetosh këtë moment.

    ”Mund te themi se eshte hera e pare qe ne Xhamine e Bardhe ne Suhareke, ne diten e xhuma ne prani te xhematit, te pranoje dikush Islamin”, tha imami.

    Postimi i plotë:

    Pershendetje te gjitheve!

    Sot, me date 12.01.2024 ne Xhamine e Bardhe ne Suhareke ne kete dite te bekuar xhumaje, pranoi Islamin basketbollisti i nderuar Alonzo Verge nga Amerika i cili luan per K.B. Golden Eagle YLLI.

    Ishte kenaqesi e veçante te perjetosh ato momnte kur dikush shqipton Shehadetin duke degjuar nga goja jote.

    Mund te themi se eshte hera e pare qe ne Xhamine e Bardhe ne Suhareke, ne diten e xhuma ne prani te xhematit, te pranoje dikush Islamin.

    Keshtu eshte kjo bote, dikush duhet te kaloje sa e sa kilometra qe te afrohet tek Zoti i tij, perderisa disa te tjere duke qen afer ikin dhe largohen nga Zoti i tyre me kilometra larg!

    Falenderojme Zotin fillim e mbarim!

  • Voziti nën ndikim të alkoolit, 38-vjeçari gjobitet me 200 euro dhe i merret patentë shoferi për 6 muaj

    Voziti nën ndikim të alkoolit, 38-vjeçari gjobitet me 200 euro dhe i merret patentë shoferi për 6 muaj

    Policia e ka gjobitur me 200 euro dhe ia ka konfiskuar patentë shoferin për gjashtë muaj një 38-vjeçari, i cili ka vozitur nën ndikim të alkoolit.

    Veç kësaj, shoferit i janë hequr edhe dy pikë të patentë shoferit.

    “Në orën 05:20 në rrugën magjistrale Ferizaj -Prishtinë, në fshatin Prelez ka ndaluar shoferin F.A (M/K) i moshës 38 vjeçar, i cili ka drejtuar veturën nën ndikim të alkoolit, ku pas testimit me alkooltest ka rezultuar 0.75 promila dhe për këtë policia i shqiptoi gjobën prej 200 euro, 2 pikë negative dhe 6 muaj masë mbrojtëse, heqje e patentë shoferit”, ka njoftuar Policia.

  • Superliga sjell sot dy derbi – Prishtina e pret Yllin, Peja përballet me Trepçën

    Superliga sjell sot dy derbi – Prishtina e pret Yllin, Peja përballet me Trepçën

    Java e 17-të në Superligën e Kosovës do të hapet sot me dy ndeshje që pritet të jenë tejet interesante.

    Derbi i parë do të zhvillohet nga ora 17:00, me Sigal Prishtinën që në Pallatin e Rinisë dhe të Sporteve e pret Golden Eagle Yllin.

    Të dy skuadrat kanë bilanc të njëjtë deri tash, duke regjistruar nga dhjetë fitore e gjashtë humbje.Bilanc të njëjtë kanë edhe në përballjet direkte këtë sezon në kampionat.

    Prishtina dhe Ylli kanë nga një fitore në dy përballjet paraprake mes tyre.Ylli renditet i treti në tabelë me 26 pikë, aq sa ka edhe Prishtina si e katërta.

    Derbi tjetër i ditës së sotme dhe i kësaj xhiroje do të zhvillohet në palestrën sportive “Karagaçi” nga ora 19:00, mes kampiones në fuqi, Pejës, dhe nënkampiones nga sezoni i fundit, Trepçës.

    Mitrovicasit po kalojnë formë më të mirë këtë sezon dhe janë liderë në tabelë me 30 pikë, me një bilanc prej 14 fitoreve dhe dy humbjeve.

    Pejanët janë të dytit me 28 pikë, me bilanc prej 12 fitoreve dhe katër humbjeve.Bilanci është i njëjtë sa i përket përballjeve direkte në dy ndeshjet e kaluara të këtij sezoni në Superligë.

    Peja e kishte fituar derbin si vendase, ashtu siç kishte bërë edhe Trepça në “Minatori”.

  • 2 mijë e 23 gjoba trafiku brenda 24 orëve në Kosovë

    2 mijë e 23 gjoba trafiku brenda 24 orëve në Kosovë

    Policia e Kosovës njoftoi se 2 mijë e 23 gjoba trafiku janë shqiptuar brenda 24 orëve në vend.

    Gjatë kësaj periudhe kanë ndodhur gjithsej 52 aksidente trafiku, prej të cilave 21 nga aksidentet janë me të lënduar, ndërsa 31 me dëme materiale.

    Tutje në raportin 24-orësh të Policisë, thuhet se gjatë kësaj periudhe janë arrestuar tetë persona.

  • “Ne nuk harrojmë” – më 15 janar ndizen qirinj për viktimat e gjenocidit në Kosovë

    “Ne nuk harrojmë” – më 15 janar ndizen qirinj për viktimat e gjenocidit në Kosovë

    Qendra “Gjenocidi në Kosovë – Plagë e Hapur” ka njoftuar se më 15 janar, duke nisur nga ora 19:30 në sheshin e Prishtinës do të ndizen qirinj si shenjë përkujtimi për viktimat e gjenocidit në Kosovë.

    Qendra ka ftuar edhe institucionet qendrore e lokale që çerekshekullin e gjenocidit ta shënojnë në mënyrë të dinjitetshme.

    15 janari është caktuar nga Kuvendi i Kosovës si ditë e përkujtimit të viktimave të gjenocidit. Qirinjtë do të ndizen në sheshin “Skënderbeu” në Prishtinë.

    Iniciuesit kanë ftuar edhe qytetarë të komunave të tjera të bëjnë njëjtë, në të njëjtën kohë.

    “Ne nuk harrojmë” thuhet në thirrjen që është vendosur para Teatrit Kombëtar.

    “Organizimi me vetiniciativë edhe i qytetarëve në qytetet jashtë kufijve të Kosovës është i mirëseardhur, andaj ftojmë të gjithë shqiptarët kudo që janë të bëjnë nderimin e viktimave të gjenocidit pikërisht më 15 janar 2024 nga ora 19:30. Ata që nuk kanë mundësi të dalin në shesh, këtë ta bëjnë në ballkonet apo dritaret e tyre. Po ashtu, ftojmë të gjithë shqiptarët anekënd botës që në ora 19:30, sipas kohës së tyre lokale, ta bëjnë ndezjen e qirinjve në ballkone e dritare në nderim të viktimave të gjenocidit në Kosovë”, thuhet në ftesë.

    Qendra “Gjenocidi në Kosovë – Plagë e Hapur” ka thënë se përkujtimi i viktimave të Gjenocidit në Kosovë është më e pakta që duhet të bëhet në rrugëtimin për ngadhënjimin e drejtësisë dhe ndëshkimin e krimit.

  • Von Cramon për njohjen e targave RKS nga Serbia: Hap drejt njohjes de facto

    Von Cramon për njohjen e targave RKS nga Serbia: Hap drejt njohjes de facto

    Raportuesja për Kosovën në Parlamentin Evropian, Viola von Cramon, e ka quajtur hap drejt njohjes de facto nga Serbia, njohjen e targave RKS. Ajo ka thënë se këtë e sheh si përparim të vogël në drejtimin e duhur.

    Në një intervistë për televizionin publik të Kosovës, Von Cramon ka thënë se ndihet e turpëruar që qytetarët e Kosovës kanë pritur deri në vitin 2024 për liberalizimin e vizave, pasi sipas saj, kriteret ishin përmbushur qysh më 2018.

    Cramon, që të premten nisi vizitën disaditore në Kosovë, ka takuar udhëheqës institucionesh e liderë opozitarë. Pas disa takimesh ka thënë se “niveli i pjekurisë së demokracisë nuk varet vetëm tek stabiliteti i qeverisjes, por edhe te të drejtat që opozita i gëzon”.

    “Në njërën anë është një gjë e mirë, ka një shumicë stabile në parlament, në anën tjetër, megjithatë niveli i pjekurisë së demokracisë nuk varet vetëm tek stabiliteti i qeverisjes por edhe të drejtat që opozita i gëzon dhe pastaj trajtimi se si ndërveprohet me opozitën dhe në këtë pikë do të thosha se gjerat do të mund të përmirësoheshin”, ka thënë ajo.

    Sa i përket njohjes së Kosovës nga Serbia, ajo ka thënë se është e vështirë të parashikohet. Ajo ka thënë se duhet që të ketë presion të madh nga Bashkimi Evropian dhe Shtetet e Bashkuara të Amerikës që të sigurohet se ngjarje të tilla si Banjska të mos përsëriten dhe që Serbia t’i përmbushë zotimet në kuptimin e njohjes.

    “Ajo çfarë duam të shohim dhe po punojmë në këtë drejtim, është pranimi i Marrëveshjes së Ohrit, dhe se qasja selektive që Serbia ka zgjedhur nuk është e pranueshme”, ka shtuar ajo.

    Ndërsa, për lëvizjen e qytetarëve të Kosovës në shtetin e Serbisë me targa të Republikës së Kosovës, (RKS) Von Cramon u shpreh se e sheh si progres të vogël drejt drejtimit të duhur që nuk mjafton, por që është edhe një hap tjetër drejt njohjes defakto, duke shtuar se duhet të shkojmë deri te njohja e plotë, por që po shihet se ngadalë ka lëvizje drejt normalizimit.

    Von Cramon ka shtuar se Kosova duhet ta implementojë Asociacionin e komunave me shumicë serbe dhe se pa implementimin e tij do të jetë shumë e vështirë që të ecet përpara./RTK

  • Gruaja nga Gjakova raporton zhdukjen e vëllait: Më 25 nëntor është nisur në drejtim të Serbisë dhe më nuk është kthyer

    Gruaja nga Gjakova raporton zhdukjen e vëllait: Më 25 nëntor është nisur në drejtim të Serbisë dhe më nuk është kthyer

    Një grua në Gjakovë ka raportuar në Polici se i është zhdukur vëllai.

    Sipas saj, i njëjti më 25 nëntor kishte dalë nga shtëpia dhe ishte nisur në drejtim të Serbisë dhe se më nuk është kthyer e as nuk e di se ku gjendet.

    “Rr. Dëshmorët e Dujakës, Gjakovë 12.01.2024-15:45. Ankuesja femër kosovare ka raportuar se vëllai i saj që nga data 25.11.2023 ka dalë nga shtëpia dhe është nisur në drejtim të Serbisë dhe deri me tani nuk është kthyer dhe nuk ka njohuri se ku gjendet”, thuhet në raport.