Pas takimit me homologen e tij nga Kosova dhe Presidenten Osmani kryediplomati shqiptar, Igli Hasani është pritur në takim nga Kryetari i Kuvendit të Kosovës, Glauk Konjofca, raporton EO.
Nga ky takim, mediet janë lejuar të marrin vetëm pamje para takimit, ndërsa nuk është paralajmëruar ndonjë konferencë për media.
Politikania serbe Rada Trajkoviq ka thënë se eksplodimi i së hënës në Mitrovicën e Veriut është mesazh për serbët në veri se mund të pësojnë njëjtë si Oliver Ivanoviqi, që u vra gjashtë vjet më parë.
Të hënën në mbrëmje, dy persona pësuan lëndime në Mitrovicë të Veriut si pasojë e një shpërthimi të një granate dore në afërsi të një hoteli.
“Ky në fakt është mesazhi”, ka thënë ajo duke shtuar se kur shteti nuk punon për sigurinë e qytetarëve dhe “i lejon pjesëmarrësit në organizimin e vrasjes së Ivanoviqit të dominojnë, ky lajm s’përbën befasi”. “Ky është mesazh, mbi të gjitha, për serbët e veriut të Kosovës: Ne jemi këtu! Nëse nuk jeni besnikë, do të përfundoni si Oliveri”, ka shtuar Trajkoviq.
Në një intervistë për “N1”, Trajkoviq ka kujtuar se Milan Radoiçiqi e Zvonko Veselinoviq janë të sanksionuar nga Shtetet e Bashkuara të Amerikës, teksa ka përsëritur se janë të lidhur me presidentin e Serbisë, Aleksandar Vuçiq, dhe si biznesmenë janë bërë milionerë. Radoiçiqi e Veselinoviqi janë të akuzuar për rastin e Ivanoviqit, e që ndodhen në arrati.
Radoiçiqi ka marrë përgjegjësinë edhe për sulmin terrorist të Banjskës më 24 shtator. Trajkoviq ka thënë se ka spekulime se ai po përgatit hakmarrje.
“Ka spekulime se është përreth veriut dhe se po përgatit hakmarrje për vrasje të të rinjve”, ka thënë ajo.
Trajkoviqi ka thënë se fuqia e presidentit të Serbisë, Aleksandar Vuçiq, është e rrezikshme për shtetin dhe popullin serb. Sipas saj, Vuçiqi duhet të përgjigjet për rastin e Banjskës dhe lidhjen me Radoiçiqin.
Në fund të dhjetorit, Prokuroria Speciale ngriti aktakuzë kundër të pandehurit M.M. për rastin e vrasjes së politikanit serb. Prokuroria ka njoftuar se aktakuza është ngritur për veprat penale “Pjesëmarrje ose organizimi i grupit kriminal të organizuar”, “Pengimi i të provuarit apo procedurës zyrtare”, ‘’Kanosja” dhe ‘’Falsifikimi i dokumenteve”. Në rastin për vrasjen e Ivanoviqit, po gjykohen gjashtë persona, katër prej tyre ish-policë. Ata akuzohen se ndihmuan në forma të ndryshme në vrasjen e politikanit nga Mitrovica dhe se e dëmtuan procesin hetimor për zbardhjen e rastit. Të akuzuar të tjerë që ndodhen në arrati janë Millan Radoiçiq, Zvonko Veselinoviq e Zheljko Bojiq.
Kryetari i Aleancës për Ardhmërinë e Kosovës, Ramush Haradinaj, ka thënë se është i pikëlluar nga lajmi për vdekjen e shkrimtarit dhe poetit të madh shqiptar, Adem Gashi.
Sipas tij, njerëzit si poeti ynë i shquar e i dashur, kur ikin në botën tjetër, gjithmonë lënë boshllëk kudo që ata ishin prezent, si në familje, mes miqsh, shtet e komb.
“Ngushëllime familjes Gashi, miqve dhe gjithë atyre që e njohën poetin tonë! Ademi, u prehtë në paqe!”, ka shkruar Haradinaj në Facebook.
Politikani nga Vojvodina, Nenad Canak, ka bërë një postim në profilin e tij në platformën “X” ku tregon se si në Ukrainë ka mësuar që ta përdor sistemin anti-tank “Javelin”, sistem ky që Kosova po pret miratimin e Kongresit për ta blerë nga SHBA-ja.
Canak ka thënë se gjatë vizitës në Ukrainë ka pasur mundësinë që ta shoh se si duket një tank pas kontaktit me “Javelin”. Ai tutje ka potencuar se ka mësuar se si përdoret dhe së ushtrimi për përdorim mund të bëhet për 30 minuta.
Nenad Canak thotë se nëse dhe kur “Javelin” të arrijë në Prishtinë, shumë gjëra do të ndryshojnë.
“Në Ukrainë, pata mundësinë të shoh se si duket tanku pas takimit me Javelin. Dhe pata mundësinë të mësoja se si ta përdorja atë. Trajnimi i përdoruesit mund të bëhet në gjysmë ore. Nëse (kur?) “Javelin’ arrin në Prishtinë, shumë gjëra do të ndryshojnë tani”, ka shkruar ai.
Njohësi i çështjeve të sigurisë nga Mitrovica, Arben Dashevci, në emisionin A LIVE në ATV, tha se shpërthimi i mbrëmshëm në veri të Mitrovicës nuk ka të bëjë asgjë me problemet etnike.
Ai tha se ky sulm është një qërim hesapesh mes grupeve të ndryshme.
“Në momentin kur po flasim, sipas asaj që unë hulumtova deri tash, situata matanë lumit Ibër është e qetë dhe nuk ka asnjë indikacion se ky incident është i involvuar me diçka etnike ose ka të bëjë diçka me etniken. Ka ndodhur një arast atje pran një hoteli që quhet Bishevac, por indikacionet e para sipas mendimit tim janë thjeshtë qërime hesapesh mes grupeve të ndryshme atje, m’u ashtu siç ndodh edhe në ndonjë cep tjetër të Republikës së Kosovës”, tha Dashevci.
Sipas tij, Policia ka vepruar shpejt në atë pjesë dhe shumë shpejt ky rast do të sqarohet.
“Ajo çfarë duhet të ceket për rastin e mbrëmshëm se të gjithë ne po i presim hetimet e policisë sepse indikacionet janë ashtu si janë. Nuk ka indikacione që ka diçka etnike dhe policia i ka kapacitetet e plota për veprime dhe në atë pjesë, kështu që puna po bëhet dhe besoj se ky rast do të sqarohet”, tha Dashevci. /atvlive.tv
Intervistën e plotë të tij në A LIVE e gjeni në videon më poshtë:
Të paktën nëntë persona u vranë dhe 30 të tjerë u plagosën, përfshirë 13 prej tyre rëndë, kur një autobus pasagjerësh ra në një kanal pasi u përplas me një pengesë rrugore në orët e para të së martës në rrethin Aydincik të provincës jugore të Mersinit të Turqisë.
Autobusi i pasagjerëve, që ishte nisur për në provincën juglindore të Mardinit nga rrethi Marmaris i Muglas perëndimore, u përplas me një pengesë në daljen e tunelit Sariyar të lagjes Yenikas në autostradën D-400 dhe u përplas në një kanal.
Pas aksidentit, në rajon janë dërguar menjëherë ambulancat, forcat e xhandarmërisë, ekipet e kërkim-shpëtimit, si dhe ekipet e zjarrfikësve.
Të plagosurit janë transportuar në spital me autoambulanca.
Guvernatori i Mersinit, Ali Hamza Pehlivan tha se aksidenti ndodhi në rrugën Mersin-Antalia, rreth 170 kilometra (rreth 106 milje) nga qendra e qytetit, rreth orës 01:15 të mëngjesit sipas orës lokale të së martës (2215 GMT e hënë).
Pehlivan tha gjithashtu për Anadolu se 13 nga të plagosurit janë në gjendje të rëndë.
Prokurori publik po heton aksidentin, tha guvernatori, duke shtuar se shoferi “humbi kontrollin në dalje të tunelit për shkak të shiut dhe sipërfaqes së lagësht”./AA/
Serbia është bërë shtet i vrasjeve politike. Prapa nesh janë vrasjet politike të Ivan Stamboliqit, Zoran Xhinxhiqit, atentati në Vuk Drashkoviqin, vrasja e Curuvisë dhe së fundi vrasja e Oliver Ivanoviqit.
Këto deklarata i ka bërë sot nga veriu i Mitrovicës politikani opozitar serb, njëherësh deputet në Kuvendin e Serbisë, Borisllav Novakoviq, gjatë shënimit të përvjetorit të gjashtë të vrasjes së politikanit Oliver Ivanoviq, ku ndezën qirinj familjarë, miq, politikanë lokalë e më gjerë, si dhe qytetarë tjerë.
Novakoviq nga Lëvizja Popullore serbe, tha se Serbia nuk mund të jetë shtet i civilizuar, derisa këto vrasje mbeten të pazgjidhura dhe derisa vazhdojnë të ekzistojnë rrethanat për vrasje të tilla.
“Do t’ju përkujtoj dhe kjo e rëndon fuqishëm klimën politike në Serbi, se jemi bërë shtet i vrasjeve politike. Prapa nesh janë vrasjet politike të Ivan Stamboliqit, Zoran Xhinxhiqit, atentati në Vuk Drashkoviqin, vrasja e Curuvisë dhe së fundi vrasja e Oliver Ivanoviqit. Këto e rëndojnë ndërgjegjen e kësaj shoqërie. Serbia nuk mund të jetë shtet i civilizuar, derisa të gjitha këto vrasje mbeten të pazgjidhura dhe derisa të ekzistojnë rrethanat, mundësitë dhe një ambient që këto vrasje i bënë të mundshme. Janë të turpshme fjalitë të cilat i dëgjojmë nga përfaqësuesit e pushtetit. Do t’ju përkujtoj se në Kuvend kemi pasur rastin të dëgjojmë ministrin e policisë i cili akuzon Gjermaninë se e din kush është vrasësi dhe se e mbron atë. I njëjti, Gashiq, në kohën e vrasjes ka qenë kryesori në BIA, ndërsa në momentin kur jep deklaratë, e cila është e papërgjegjshme, është njeriu i parë i policisë serbe. Kështu nuk veprohet… Ne nuk do të qetësohemi derisa të mos zbulohen vrasësit, urdhërdhënësit, si dhe organizatorët e kësaj vrasjeje”, ka thënë Novakoviq.
Ndërkaq, Sërxhan Millivojeviq, deputet në Kuvendin e Serbisë nga Partia Demokratike, theksoi kërkesën e bërë në Kuvendin e Serbisë për formimin e një Këshilli që do të hetonte rrethanat e vrasjes së Oliver Ivanoviqit, por të cilën, siç tha ai, regjimi i Vuçiqit nuk e lejoi kurrë.
“Ne në Kuvendin e Serbisë kemi dorëzuar kërkesën për formimin e një Këshilli i cili do të hetonte të gjitha rrethanat e vrasjes së Oliver Ivanoviqit. Asnjëherë regjimi i Aleksandar Vuçiqit nuk ka lejuar formimin e këtij Këshilli… Urdhërdhënësit dhe inspiruesit e këtij krimi janë të njohur, ata janë të njëjtit të cilët spotet monstruoze i kanë sjellur në Tv Pink dhe Tv Most katër muaj para vrasjes së Oliver Ivanoviqit. Do t’ju përkujtoj se ajo që quhet spot është nënshkruar nga Lista serbe, partnerit të koalicionit të Albin Kurtit. Ky regjim tradhëtar dhe mafioz mban në ndërgjegje këtë gjak të virgjër”, tha Millivojeviq.
Para të pranishmëve folën edhe Dejan Nedelkoviq, ish-bashkëpunëtor i Ivanoviqit dhe Savo Manojlloviq nga shoqëria civile, të cilët kritikuan organet e Kosovës, Serbisë, por edhe ato ndërkombëtare, që edhe pas gjashtë viteve të vrasjes, ende askush nuk është dënuar për këtë rast.
Vlen të theksohet se ish bashkëshortja e parë e politikanit të vrarë, Marina Ivanoviq, gjatë ndezjes së qirinjëve, tha shkurt para kamerave se “Ne që sot ndezim qirinj këtu jemi tradhëtarë të popullit serb. Veç këtë porosi desha t’ua dërgoj disave’. Mirëpo, përkundër insistimit të KosovaPress-it, ajo nuk pranoi të flasë më shumë për ta sqaruar domethënien e asaj që tha.
Gazetari i ATV-së, Driton Sadiku, derisa po raportonte drejtpërdrejt nga vendi ku ndodhi shpërthimi në Mitrovicën e Veriut, një i ri serb ka bërë një provokim duke bërë një përshëndetje provokuese përpara kamerës me tre gishtërinjtë.
Pak sekonda më vonë, gazetari pengohet edhe nga një qytetare, e cila i del para kamerës sa ishte duke kaluar rrugën.
Këtë moment e gjeni në videon më poshtë:
Por çfarë do të thotë realisht ky simbol?
Një variant i interpretimit të këtij simboli, sipas serbëve, është triniteti i shenjtë. Por një shpjegim i tillë duket paska mitologjik, pasi ky simbol ka fituar popullaritet mes serbëve vetëm gjatë luftërave në Ballkan.
Përdorimi i parë i popullarizuar i përshëndetjes me tre-gishtat (me gishta të ndara) ishte në vitin 1988, kur serbët e përdorur për të kundërshtuar shqiptarët, kroatët dhe sllovenët. Gjesti i tre gishtave është një simbol ekskluziv serb, i cili në vitet e fundit ka marrë ngjyrime të forta nacionaliste, pasi u përdor në masë nga forcat paramilitare serbe në luftë, fillimisht kundër myslimanëve. /atvlive.tv
Një fabrikë në Serbi është përfshirë nga flakët ditët e sotme, ku ka humbur jetën një person dhe katër të tjerë janë plagosur.
Ngjarja ka ndodhur në fabrikën e Krushevcit “Trajal” ku ndodhi një shpërthim në objektin për prodhimin e shiritit të derivateve, njoftoi Ministria e Punëve të Brendshme (MPB) e Serbisë.
Sipas Ministrisë së Punëve të Brendshme, shpërthimi ka ndodhur rreth orës 09:00 dhe ekipet e zjarrfikësve kanë lokalizuar zjarrin.
Personat e lënduar janë transportuar në Spitalin e Përgjithshëm në Krushevc. Tre persona janë trajtuar në repartin e kirurgjisë në gjendje të vetëdijshme, ndërsa një i lënduar është trajtuar në Qendrën Emergjente./Top Channel
Pas takimit me homologen e tij nga Kosova, kryediplomati shqiptar, Igli Hasani është pritur në takim nga presidentja Vjosa Osmani, raporton EO.
Vizita e Hasanit në Kosovë po bëhet në kuadër të një turi treditor në shtetet e përreth, me ç’rast sot dhe nesër do ta vizitojë Maqedoninë e Veriut dhe Malin e Zi.