Është varrosur shkrimtari Adem Gashi, i cili vdiq sot në moshën 70-vjeçare. Ai është varrosur në fshatin Nekoc të Drenasit.
Pamje nga ceremonia ka publikuar publicisti Bardhyl Mahmuti.
“Me dhembje të madhe i dhamë lamtumirë shkrimtarit dhe atdhetarit të shquar, Adem Gashi! Lavdi!”, ka shkruar Mahmuti
Nënshkrimi i peticionit të qytetarëve për shkarkimin e kryetarit të komunës së Mitrovicës së Veriut, Erden Atiq, do të fillojë nesër në ora 09:00, ka bërë të ditur Sanja Llazareviq Krtiniq, anëtare e grupit që ka iniciuar procedurën.
“Në emër të grupit iniciativ për shkarkimin e kryetarit të Komunës së Mitrovicës së Veriut, po i njoftoj qytetarët se më në fund i kemi marrë të gjitha dokumentet e nevojshme dhe se nesër do të fillojmë me mbledhjen e nënshkrimeve për shkarkimin e kryetarit”, ka thënë ajo për RTS-në.
Ajo ftoi të gjithë qytetarët që nga nesër “të vijnë dhe të mbështesin iniciativën për largimin e Erden Atiqit, duke thënë se ai nuk ka legjitimitet të udhëheqë një komunë ku serbët përbëjnë shumicën e popullsisë dhe që ka marrë vendime kundër interesave të serbëve dhe të gjithë qytetarëve të Mitrovicës”.
“Pres që qytetarët të përgjigjen, sepse besoj se askush nuk e përkrah udhëheqjen e qytetit tonë në këtë mënyrë dhe shkaktimin e tensioneve”, tha Krtiniq.
Peticioni do të nënshkruhet në sallën e sporteve në Mitrovicën e Veriut.
Ekipet e deminimit kanë arritur te oborri i Qendrës Klinike dhe Universitare të Kosovës, meqë dyshohet për disa granata dore.
Lajmin për Sinjalin e ka konfirmuar zëdhënësi i Policisë për rajonin e Prishtinës, Agron Borovci, i cili tha se policia është duke ndërmarrë të gjitha veprimet e nevojshme, teksa shtoi se është evakuuar personelin përreth dhe siguruar perimetrin e nevojshëm.
“Rreth orës 14:00 është pranuar informata për një mjet të dyshimtë, që dyshohet të jetë mjet shpërthyes, në Klinikën e Patologjisë, respektivisht institutin para klinik. Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme për tu siguruar nga rreziku i shpërthimit eventual, duke evakuuar personelin përreth dhe siguruar perimetrin e nevojshëm. Në vendngjarje po ashtu janë ftuar edhe ekipet e specializuara të Policisë së Kosovës për menaxhimin e mjeteve shpërthyese, të cilët aktualisht po vazhdojnë punën deri në pastrimin e plotë të perimetrit të siguruar nga ana e policies”, ka deklaruar Borovci.
Ministri i Infrastrukturës, Liburn Aliu, ka njoftuar se tashmë përfundimisht ka një dakordim të dyanshëm për trasenë se kah do të kalojë hekurudha që lidhë Kosovën me Shqipërinë.
Në llogarinë e tij në Facebook, Aliu ka publikuar pamje se si do të duket ky projekt.
Në një objekt të QKUK-së po dyshohet për granata dore.
Ekipet e deminimit kanë arritur te oborri i Qendrës Klinike dhe Universitare të Kosovës, meqë dyshohet për disa granata dore, raporton T7.
Rasti ende nuk është konfirmuar nga Policia e Kosovës.
Chelsea është në kërkim të një sulmuesi të ri dhe londinezët duan menjëherë të përforcohen në repartin ofensivë.
Gjiganti anglez e kishte Victor Osimhen në listën e dëshirave, por sulmuesi nigerian vështirë se do të largohet nga Napoli para afatit kalimtar të verës, për faktin se është i grumbulluar ne Përfaqësuesen e Nigerisë në Kupën e Afrikës.
Kësisoj londinezët kanë ndërruar objektiv dhe tani kanë bërë një ofertë zyrtare për sulmuesin suedez Viktor Gyokeres që aktivizohet me Sporting Lisbonën.
Ka qenë gazeta e madhe portugeze ‘Record’ që ka njoftuar se Chelsea ka ofruar 80 milionë euro për lojtarin, plus pesë milionë euro të tjera bonuse.
Megjithatë Sporting ka refuzuar këtë ofertë, pasi nuk duan të largojnë yllin e tyre pa u paguar klauzola prej 100 milionë euro.
25-vjeçari suedez është duke kaluar nëpër një formë të shkëlqyer në vitin e tij të parë te Sporting Lisbona, pasi në 24 ndeshje zyrtare ka realizuar 20 gola dhe ka asistuar në 10 të tjerë.
Sporting e bleu në verën e vitit 2023 suedezin nga Championshipi anglez ku shpenzoi 20 milionë euro për transferimin e tij nga Coventry City.
Karim Benzema dëshiron që të largohet nga Arabia Saudite vetëm gjashtë muaj pasi nënshkroi për Al-Ittihad, por Manchester United nuk janë të interesuar për të nënshkruar me ish-yllin e Real Madridit.
Manchester United e ka përjashtuar mundësinë e nënshkrimit të francezit, ani pse ata po vuajnë nga një krizë e golave.
Mësohet se drejtuesit e United nuk kanë bërë ndonjë kontakt me përfaqësuesit e Benzemas, kryesisht për shkak të moshës së tij dhe pagës astronomike prej 86 milionë eurosh në sezon që përfiton në Arabi.
Sulmuesi francez nuk ka arritur të adaptohet aspak me jetën në Lindjen e Mesme dhe tani së fundmi ai nuk ishte paraqitur në kampin parasezonal nën urdhrat e Marcelo Gallardos.
Ekipi udhëtoi në Dubai pa Benzeman, ndërsa Gallardo i bëri me dije pesë herë fituesit të Ligës së Kampionëve, se ai nuk do të bashkohej me ekipin.
Benzema, i cili ka shënuar 12 gola në 20 paraqitje për Al-Ittihadin, tani e ardhmja e tij është në dyshim dhe ai po kërkon që të rikthehet në Europë.
United duan të nënshkruajnë me një sulmues në formë huazimi, duke marrë parasysh se janë një ndër ekipet me më së paku gola të shënuar këtë sezon në Premier League
Në fakt, janë rregullat e ‘Fair-play financiar’ që ia mundësojnë klubit anglez që të bëjë vetëm transferime të përkohshme dhe të lira.
Presidenti ukrainas Volodymyr Zelensky dhe Sekretari i Përgjithshëm i NATO-s, Jens Stoltenberg diskutuan të martën përgatitjet për samitin e ardhshëm të aleancës në Uashington më 9-11 korrik.
“Ne diskutuam përgatitjet për samitin e NATO-s në Uashington. Theksova se Ukraina parashikon vendime që do ta afrojnë anëtarësimin e saj në Aleancë”, tha Zelensky në një deklaratë në X, pas takimit që u zhvillua në margjinat e Forumit Ekonomik Botëror në Davos.
Zelensky tha më tej se ai dhe Stoltenberg diskutuan situatën në vijën e frontit në Ukrainë, gjatë së cilës ai informoi shefin e NATO-s për sulmet e fundit ajrore ruse në qytetet e Ukrainës dhe theksoi nevojën për të forcuar më tej mbrojtjen ajrore të vendit.
Të dy palët vunë në dukje gjithashtu rëndësinë e marrëveshjes së sigurisë të nënshkruar midis Ukrainës dhe Mbretërisë së Bashkuar gjatë vizitës së kryeministrit Rishi Sunak në Kiev të premten e kaluar.
“Unë informova për punën e vazhdueshme të Ukrainës me partnerët për marrëveshje të ngjashme dhe theksova rëndësinë e nënshkrimit të dokumenteve të tilla, të cilat do të jenë në fuqi derisa Ukraina të bashkohet me NATO-n”, shtoi ai.
Zelensky mbërriti në Davos të hënën, ku deri më tani u takua me homologen e tij zvicerane Viola Amherd dhe krerët e parlamentit dydhomësh të Zvicrës.
Presidenti i Ukrainës është planifikuar të mbajë një fjalim në Forumin Ekonomik Botëror më vonë gjatë ditës./AA
Komisioni për Legjislacion ka miratuar në parim Projektligjin për noterinë, i cili do të procedohet për në seancë të Kuvendit. Në mbledhjen e këtij komisioni, ku pjesëmarrës ishin vetëm anëtarë të Lëvizjes Vetëvendosje, janë prezantuar ndryshimet e bëra në kuadër të këtij projektligji. Ministrja e Drejtësisë, Albulena Haxhiu tha se kusht do të jetë provimi i jurisprudencës. Po ashtu theksoi se më 27 janar do të mbahet provimi i noterisë, për çka u zotua se do të ketë transparencë.
Haxhiu tha se pas hyrjes në fuqi të ligjit bazik janë identifikuar në praktikë vështirësitë që ndërlidhen me çështje të ndryshme të sistemit të noterisë.
“Së pari vendosjen e provimit të jurisprudencës, si kusht për ushtrimin e detyrës së noterit me qëllim të sigurimit se noterët të cilët kanë autorizime publike dhe ofrojnë shërbime profesionale juridike noteriale të jenë jurist të kualifikuar. Këtë e kemi bërë sepse noteri është i rëndësishëm dhe merret me shërbime publike, prandaj është e rëndësishme që noterët të jenë sa më profesional dhe të ofrojnë shërbime sa më profesionale. Prandaj kemi konsideruar që është e rëndësishme që të vendoset si kusht provimi i jurisprudencës. Po ashtu, mundësimin e digjitalizimit të shërbimeve noteriale nga noterët, gjë që do të lehtësojë qasjen në këto shërbime të qytetarëve dhe do të rris efikasitetin e noterëve”, deklaroi Haxhiu.
Ajo shtoi se është paraparë edhe forcimi dhe rritja e efikasitetit të sistemit disiplinor të noterëve me anë të themelimit të Komisionit të pavarur disiplinor. Haxhiu tha se përbërja e këtij komisioni do të jetë nga dy gjyqtarë dhe një noter.
Ministrja e Drejtësisë, Haxhiu tha se me 27 janar do të mbahet provimi i noterisë, ku u zotua për transparencë.
“Ne gradualisht po afrohemi edhe tek dita 27 janari që është dita kur do të mbahet provimi i noterisë, që është një proces po aq i rëndësishëm dhe për të cilin jam kujdesur shumë që të mos kemi një proces qysh ka ndodhur në vitin 2019. Ka qenë një proces i komprometuar, por që të jetë një proces transparent me përbërje të anëtarëve të komisionit me integritet të lartë”, shtoi ajo.
Deputeti i Lëvizjes Vetëvendosje, Hydajet Hyseni theksoi se ka abuzim të praktikantëve.
“Ka indikacione që abuzohet me praktikantët, sidomos me praktikantet. Për shembull u thuhet që nuk mund të pranoheni sepse nëse s’jeni të martuara, sepse nëse martoheni do të jeni pengesë se bëni fëmijë dhe do të jeni pengesë. Diskriminohet veç pse janë të martuara, do të thotë është kusht që të mos jenë të martuara. Ose pavarësisht që u thuhet se mund të qëndrojnë, jepen tre muaj pa pagesë, por pastaj u thuhet më vonë me pagesë dhe pagesa është 30 euro”, u shpreh ai.
Në lidhje me abuzimin e praktikantëve, ministrja Haxhiu tha se nuk ka informacione por pohoi se ka diskriminim të grave.
Komisioni për Legjislacion ka miratuar edhe raportin e zbatimit të Ligjit për Agjencinë për Parandalimin e Korrupsionit.
Drejtori i Informimit në AAK, Lulëzim Blaka, ka publikuar një pjesë – aneks të letrës së 26 prillit 2019, nr.prot. 2468/2019 dërguar nga ish-kryeministri Ramush Haradinaj, për sekretarin Mike Pompeo dhe u.d. të Sekretarit të Mbrojtjes.
Letra sqaron planin afatshkurtër dhe afatmesëm, që përfshin edhe Javelin, për periudhën 2 deri 4 vjeçare (2021 – 2023).
”Armatimi anti-tank, nuk është përgatitje për luftë, apo vendim i momentit, siç disa media (kryesisht nga Tirana), dhe teoricientë qesharak konspiracioni po e pretendojnë”, ka shkruar Drejtori i Informimit të AAK-së Lulëzim Blaka.
Ai ka vazhduar sqarimin për porositjen e Javelin, duke thënë se “Nuk është as material për t’u krekosur deputetët e VV-së e as ata minoritarë. Është thjeshtë pjesë e planit 10 vjeçar të ngritjes së Ushtrisë, nga ai kryeministër që e themeloi Ushtrinë”.
Blaka ka përmbyllur statusin duke iu drejtuar edhe deputetit të VV-së, Mefail Bajqinovci dhe të tjerëve, duke thënë:” E tash, Mefë deputeti (që paska pyt se çfarë armatimi ka me na pru opozita), por edhe “konspiracionistët” dhe “ekspertët e sigurisë”, mundem me pa një pjesë, aneks, të letrës së 26 prillit 2019, nr.prot. 2468/2019 dërguar nga Kryeministri Ramush Haradinaj, për Sekretarin Pompeo dhe u.d. të Sekretarit të Mbrojtjes”.