ATV

Blog

  • Vedat Muriqi mund të rikthehet te Fenerbahçe këtë verë

    Vedat Muriqi mund të rikthehet te Fenerbahçe këtë verë

    Sulmuesi i Kombëtares së Kosovës, Vedat Muriqi, mund të rikthehet sërish në futbollin turk gjatë afatit kalimtar veror.

    Sipas raportimeve të gazetarit të njohur italian, Nicolo Schira, Fenerbahçe ka nisur negociatat për transferimin e “bomberit” kosovar nga Mallorca. Klubet po vazhdojnë bisedimet për të finalizuar shumën e transferimit, ndërsa Muriqi thuhet se ka arritur marrëveshje personale me Fenerbahçen për një kontratë deri në verën e vitit 2029.

    Ky rikthim do të shënonte një kapitull të njohur për “Piratin”, i cili kishte veshur fanellën e gjigantit turk gjatë sezonit 2019/20 dhe kishte lënë gjurmë me golat dhe paraqitjet e tij. Pikërisht forma e tij me Fenerbahçen i hapi rrugën transferimit të madh në Serie A te Lazio.

    Edhe pse Mallorca ra nga La Liga sezonin e kaluar, Muriqi zhvilloi një sezon shumë të suksesshëm individualisht, duke shënuar 23 gola në 37 ndeshje dhe duke qenë lideri i skuadrës spanjolle në repartin ofensiv.

    Një rikthim te Fenerbahçe do të ishte padyshim një lajm i mirë për tifozët e klubit dhe një hap i rëndësishëm në karrierën e sulmuesit kosovar.

  • Dështon seanca në rigjykimin ndaj Cedomir Aksiqit për krime lufte, mungoi avokati mbrojtës

    Dështon seanca në rigjykimin ndaj Cedomir Aksiqit për krime lufte, mungoi avokati mbrojtës

    Në Gjykatën Themelore në Prishtinë, të premten, ka dështuar të mbahet seanca në rigjykim ndaj të akuzuarit për krime lufte, Cedomir Aksiq, për arsye shëndetësore të mbrojtësit të të akuzuarit, avokatit Ymer Berisha.

    Ky proces po zhvillohet pas vendimit të Gjykatës së Apelit, e cila e ktheu lëndën në rigjykim, duke kërkuar plotësimin e kushteve për gjykim në mungesë, raporton “Betimi për Drejtësi”.

    Mbrojtësi i të akuzuarit Aksiq, avokati Ymer Berisha, më 29 maj 2026, ka njoftuar Gjykatën se për shkaqe shëndetësore nuk mund të prezantojë në seancën e së premtes, duke bashkëngjitur edhe raportin shëndetësor, në të cilin i propozohet regjim shtrati.

    Prezentë në sallën e gjykimit ishin: prokurorja Habibe Salihu dhe përfaqësuesi i viktimave, Ibrahim Terstena.

    Në mungesë të kushteve ligjore, për shkak të mungesës së avokatit mbrojtës, seanca e së premtes u shty për një datë tjetër.

    I akuzuari Aksiq u shpall fajtor dhe u dënua nga Gjykata Themelore në Prishtinë me 15 vite burgim, më 26 dhejtor 2024, raporton “Betimi për Drejtësi”.

    Ndryshe, më 20 nëntor 2023 në Gjykatën Themelore në Prishtinë kishte nisur gjykimi në mungesë ndaj të akuzuarit Çedomir Aksiq, i akuzuar për krime lufte. Gjykimi në mungesë parashihet me Kodin e Ri  të Procedurës Penale të Republikës së Kosovës.

  • Tornado e fuqishme godet Meksikën, shkakton dëme të mëdha

    Tornado e fuqishme godet Meksikën, shkakton dëme të mëdha

    Një tornado e fuqishme shkaktoi dëme të konsiderueshme në shtetin e Coahuila në Meksikën veriore, duke lënë pas imazhe kaosi dhe dëme të mëdha në objektet bujqësore dhe blegtori.

    Fenomeni ekstrem i motit me erëra të forta që rrëzuan çatitë, shkatërruan strukturat dhe shkaktuan dëme të rënda në ferma, stalla dhe infrastrukturë tjetër në zonë.

    Videot që qarkullojnë në rrjetet sociale kapin momentin kur tornado “gëlltit” gjithçka në rrugën e saj, duke krijuar skena paniku midis banorëve.

    Autoritetet lokale mbeten në gatishmëri dhe po kryejnë kontrolle për të vlerësuar plotësisht dëmet, ndërsa ekipet kanë filluar tashmë operacionet për të regjistruar dhe riparuar dëmet, shkruan Euronews.al.

    Deri më tani, nuk ka raportime për të lënduar ose viktima, megjithatë, autoritetet po u bëjnë thirrje qytetarëve të qëndrojnë të kujdesshëm për shkak të mundësisë së ngjarjeve të reja ekstreme të motit në zonë.

  • Andi Hoti largohet nga grumbullimi i Kosovës shkaku i lëndimit

    Andi Hoti largohet nga grumbullimi i Kosovës shkaku i lëndimit

    Kosova po vazhdon përgatitjet për ndeshjet miqësore të muajit qershor, ku “Dardanët” fillimisht do të përballen me Çekinë, ndërsa një javë më vonë do të luajnë ndaj Andorrës.

    Megjithatë, lajmi i keq për përfaqësuesen është lëndimi i mesfushorit Andi Hoti në stërvitjen e djeshme. Pas kontrolleve mjekësore është konfirmuar se ai nuk do të jetë pjesë e grumbullimit të Kosovës për këto dy ndeshje.

    Hoti pritet të qëndrojë jashtë fushave për disa javë dhe do të udhëtojë drejt Gjermanisë për ekzaminime shtesë dhe trajtim të mëtejshëm.

  • Zelensky: Ukraina e gatshme të mbështesë Rumaninë në çdo mënyrë të nevojshme

    Zelensky: Ukraina e gatshme të mbështesë Rumaninë në çdo mënyrë të nevojshme

    Presidenti i Ukrainës, Volodymyr Zelensky, ka deklaruar se Ukraina është e gatshme të ofrojë mbështetje për Rumaninë “në çfarëdo mënyre që është e nevojshme në këto rrethana”.

    Në një postim në rrjetet sociale, Zelensky theksoi gjithashtu nevojën për rritjen e presionit ndërkombëtar ndaj Rusisë, me qëllim që lufta “të mos zvarritet apo të zgjerohet më tej”.

    Ai u shprehu urime për shërim të shpejtë të lënduarve dhe theksoi rëndësinë e masave të reja të Bashkimit Evropian, duke kërkuar që sanksionet ndaj Rusisë të jenë sa më të forta.

    Sipas tij, këto masa duhet ta bëjnë Rusinë të ndiejë pasoja të konsiderueshme për shkak të sulmeve të saj.

  • FSK paralajmëron lëvizje konvojesh drejt Gjakovës – nis ushtrimi “Ujku i Pamposhtur 01”

    FSK paralajmëron lëvizje konvojesh drejt Gjakovës – nis ushtrimi “Ujku i Pamposhtur 01”

    Forca e Sigurisë së Kosovës ka njoftuar qytetarët për lëvizje të konvojeve ushtarake drejt rajonit të Gjakovës në kuadër të një ushtrimi fushor që do të zhvillohet ditëve në vijim.

    Sipas njoftimit zyrtar, nga 31 maji deri më 5 qershor 2026 do të mbahet ushtrimi validues “Ujku i Pamposhtur 01”, i cili përfshin aktivitete të ndryshme stërvitore në terren.

    Gjatë kësaj periudhe, pritet lëvizje e konvojeve të FSK-së nga bazat ushtarake në drejtim të Aeroportit të Gjakovës dhe poligonit në Babaj të Bokës.

    FSK ka bërë thirrje për mirëkuptim nga qytetarët, duke theksuar se të gjitha lëvizjet dhe aktivitetet janë pjesë e planit stërvitor dhe kanë për qëllim ngritjen e gatishmërisë operacionale të forcës.

    Ushtrimi pritet të zgjasë disa ditë dhe përfshin skenarë të ndryshëm trajnimi në kushte reale terreni.

  • PSG dhe Arsenali përballen nesër në finalen e madhe të Ligës së Kampionëve

    PSG dhe Arsenali përballen nesër në finalen e madhe të Ligës së Kampionëve

    Finalja e shumëpritur e Ligës së Kampionëve do të zhvillohet nesër, më 30 maj, ku Paris Saint-Germaini do të përballet me Arsenalin në stadiumin “Puskas Arena” në Budapest. Takimi pritet të nisë nga ora 18:00.

    Të dy skuadrat kanë kaluar një rrugëtim të jashtëzakonshëm drejt finales, duke eliminuar kundërshtarë të fortë dhe duke treguar formë të lartë gjatë gjithë sezonit.

    PSG-ja synon ta fitojë titullin e dytë radhazi në Ligën e Kampionëve, pas triumfit historik të sezonit të kaluar, ndërsa Arsenali është në kërkim të trofeut të parë në histori në garën më prestigjioze evropiane për klube.

    “Topçinjtë” deri më tani kanë luajtur vetëm një herë në finale të Ligës së Kampionëve, në vitin 2006, ku u mposhtën nga Barcelona.

    Pritet një atmosferë elektrizuese në Budapest, me mijëra tifozë nga Franca dhe Anglia që do të mbështesin skuadrat e tyre në betejën për trofeun më të madh evropian për klube.

  • Mallorca vendos çmimin për Vedat Muriqin, interesim i madh nga klube europiane dhe turke

    Mallorca vendos çmimin për Vedat Muriqin, interesim i madh nga klube europiane dhe turke

    Krerët e Mallorcas raportohet se kanë përcaktuar çmimin për kartonin e sulmuesit të Kombëtares së Kosovës, Vedat Muriqi, i cili pritet të largohet gjatë afatit kalimtar të verës.

    32-vjeçari ka kontratë me klubin spanjoll deri në vitin 2029, por rënia e Mallorcas nga La Liga ka ndryshuar planet e të gjitha palëve.

    Sipas mediave spanjolle, Mallorca kërkon të paktën 18 milionë euro për transferimin e Muriqit, një shumë dukshëm më e ulët krahasuar me vlerësimin prej rreth 30 milionë eurosh që klubi kishte para rënies në kategorinë e dytë të futbollit spanjoll.

    Interesimi për sulmuesin kosovar mbetet i madh. Ditë më parë u raportua se Muriqi ka arritur marrëveshje personale me Aziz Yildirimin, kandidatin për president të Fenerbahçes, për një rikthim të mundshëm në futbollin turk.

    Përveç Fenerbahçes, interesim për shërbimet e tij kanë shfaqur edhe Galatasaray, Charlotte FC dhe gjiganti spanjoll Barcelona.

    Muriqi zhvilloi një sezon fantastik në La Liga, duke realizuar 23 gola dhe duke qenë lojtari kryesor i Mallorcas në repartin ofensiv.

  • Barcelona bën ofertën e parë zyrtare për Julian Alvarez

    Barcelona bën ofertën e parë zyrtare për Julian Alvarez

    Eksperti i transferimeve, Fabrizio Romano, ka konfirmuar se Barcelona ka dorëzuar ofertën e parë zyrtare për sulmuesin e Atletico Madridit, Julian Alvarez.

    Pas kompletimit të transferimit të Anthony Gordon nga Newcastle United, klubi katalanas është fokusuar plotësisht te transferimi i Alvarezit.

    Sipas Romanos, Barcelona i ka ofruar Atletico Madridit 100 milionë euro për sulmuesin argjentinas, pa përfshirë bonuse apo lojtarë në marrëveshje.

    “Barcelona i dërgoi ofertën e parë zyrtare Atletico Madridit për Julian Alvarez me vlerë 100 milionë euro. Pa bonuse, pa lojtarë të përfshirë”.

    “Atletico nuk është i kënaqur me situatën gjatë 24 orëve të fundit, por Juliani tashmë ka kërkuar të largohet”, ka shkruar Romano.

    Alvarez ka qenë gjithashtu në radarët e kampionit aktual të Evropës, PSG-së, por sipas raportimeve, lojtari preferon transferimin te Barcelona.

  • Liverpooli rrezikon ta humbasë Konaten si lojtar të lirë

    Liverpooli rrezikon ta humbasë Konaten si lojtar të lirë

    E ardhmja e mbrojtësit të Liverpoolit, Ibrahima Konate, mbetet e paqartë për shkak të ngecjes së bisedimeve për rinovimin e kontratës me klubin anglez.

    Sipas raportimeve të gazetës franceze L’Equipe, palët ende nuk kanë arritur marrëveshje për kushtet e kontratës së re dhe negociatat kanë mbetur të bllokuara.

    Arsyeja kryesore e mosmarrëveshjes lidhet me aspektin financiar dhe strukturën e marrëveshjes së re, pas një sezoni zhgënjyes të Liverpoolit.

    Mbrojtësi francez pritet të largohet nga klubi si lojtar i lirë, ndërsa disa nga klubet më të mëdha evropiane po e ndjekin nga afër situatën e tij.

    Në mesin e skuadrave të interesuara për 27-vjeçarin janë Real Madridi, Bayern Munichu dhe Chelsea.

    Sipas mediave franceze, vetë lojtari dëshiron të vendosë për të ardhmen e tij para fillimit të Kupës së Botës 2026.