Dy vajza të mitura janë raportuar të zhdukur në Gjakovë, ka bërë të ditur policia.
Familjarët e tyre kanë deklaruar në polici se nuk e dinë vendndodhjen e tyre.
“Rr. UÇK dhe RR. Dëshmorët e Dujakës, Gjakovë 05.06.2026, 09:00/15:00. Dy ankueset f/k kanë raportuar se dy viktimat f/k, të mitura, motra dhe vajza e ankueseve kanë dalë nga shtëpia dhe nuk dinë për vendndodhjen e tyre. Rasti nën hetime”.
Në Qendrën Korrektuese të Dubravës është parandaluar një rast i tentimit për futjen e kontrabandës brenda institucionit.
Rasti, siç thuhet në një njoftim Facebook, ka ndodhur dje rreth orës 16:40, gjatë kontrolleve rutinore në Portën 0, kur zyrtarët korrektues, në bashkëpunim me Njësitin K9 të Shërbimit Korrektues të Kosovës (SHKK), kanë ndaluar për kontroll një kamionetë pune që po kthente të burgosurit nga puna jashtë institucionit.
Gjatë kontrollit të detajuar të automjetit, janë zbuluar dy qese të kamufluara me substancë të dyshuar narkotike, të fshehura në dyshemenë e automjetit.
Sipas SHKK-së, bazuar në rrethanat e rastit dyshohet se përfshirë janë disa të burgosur që gëzojnë të drejtën e punës jashtë institucionit. Ndaj tyre janë marrë masa disiplinore dhe u janë ndaluar beneficionet deri në përfundimin e procedurave hetimore.
“Pas identifikimit të rastit, zyrtarët korrektues kanë ndërmarrë menjëherë veprimet e nevojshme procedurale, kanë iniciuar hetime të brendshme dhe kanë njoftuar Policinë e Kosovës, e cila po zhvillon hetimet përkatëse lidhur me këtë rast.Shërbimi Korrektues i Kosovës mbetet i përkushtuar në luftimin e dukurive të kundërligjshme dhe në garantimin e rendit, sigurisë dhe integritetit institucional në të gjitha institucionet korrektuese”, thuhet në njoftim.
Një sulm me dronë ukrainas në shkallë të gjerë ka shënjestruar Shën Petersburgun dhe rajonin përreth Leningradit të shtunën në mëngjes, kanë bërë të ditur zyrtarët lokalë, duke theksuar aftësinë në rritje të Kievit për të goditur thellë brenda territorit rus.
Në rajonin e Leningradit është njoftuar evakuim i pjesshëm pasi një zjarr ka shpërthyer në objekte ushtarake, ka deklaruar guvernatori rajonal Alexander Drozdenko, raporton AP. Ai ka thënë se masa është e përkohshme dhe se banorët pritet të kthehen në shtëpitë e tyre brenda pak orësh, duke shtuar se situata është nën kontroll dhe ka kërkuar mirëkuptim nga qytetarët.
Ndërkohë, guvernatori i Shën Petersburgut, Alexander Beglov, u ka bërë thirrje banorëve të mos dalin jashtë dhe ka paralajmëruar për ndërprerje të mundshme të shërbimit të internetit.
Ministria e Mbrojtjes e Rusisë ka njoftuar se mbrojtja e saj ajrore ka rrëzuar 376 dronë ukrainas gjatë natës.
Sulmi i së shtunës vjen pas një tjetër sulmi me dronë ukrainas që kishte shkaktuar zjarr në një terminal nafte në qytet dhe kishte goditur një bazë detare aty pranë të mërkurën, vetëm disa orë para hapjes së Forumit Ekonomik Ndërkombëtar të Shën Petersburgut.
Komisioni Qendror i Zgjedhjeve mbajti konferencën e parë për procesin e votimit në përfaqësitë diplomatike të Republikës së Kosovës në zgjedhjet e parakohshme për Kuvendin e Republikës së Kosovës.
Në këtë konferencë, Zëdhënësi i KQZ-së, Valmir Elezi, bëri të ditur se në orën 06:00, sipas kohës lokale në Kosovë, procesi i votimit ka filluar në ambasadën dhe konsullatën e Republikës së Kosovës në Ankara dhe Stamboll, ndërkaq, në orën 07:00, gjithashtu sipas kohës lokale në Kosovë, votimi ka filluar edhe në 24 përfaqësi të tjera diplomatike që ndodhen në Europë.
Gjithashtu, u njoftua se votimi në dy përfaqësitë diplomatike në ShBA (Washington – ambasadë dhe New York – konsullatë) dhe në dy të tjera në Kanada (Otavë – ambasadë dhe Toronto – konsullatë), do të fillojë në orën 07:00 sipas kohës lokale në këto shtete, përkatësisht në orën 13:00 sipas kohës lokale në Kosovë.
Sipas të dhënave gjatë këtyre orëve të para të votimit nga 25 përfaqësi diplomatike ku ka filluar dhe po zhvillohet votimi, deri në orën 09:00, nga 27,724 votues të regjistruar, kanë votuar 11.24% % apo 3 117 votues.
Përfaqësitë diplomatike, në të cilat ka filluar dhe po zhvillohet procesi i votimit, janë:
1. GJERMANI:
– Berlin – ambasadë;
– Frankfurt – konsullatë;
– Hamburg – konsullatë;
– Mynih – konsullatë;
– Shtutgart – konsullatë; dhe
– Dyseldorf – konsullatë.
2. ZVICËR
– Bernë – ambasadë;
– Gjenevë – konsullatë; dhe
– Cyrih – konsullatë.
3. MBRETËRIA E BASHKUAR
– Londër – ambasadë.
4. FRANCË
– Paris – ambasadë; dhe
– Strasburg – konsullatë.
5. BELGJIKË
– Bruksel – ambasadë.
6. NORVEGJI
– Oslo – ambasadë.
7. AUSTRI
– Vjenë – ambasadë.
8. SUEDI
– Stokholm – ambasadë.
9. SLLOVENI
– Lubjanë – ambasadë.
10. DANIMARKË
– Kopenhagë – konsullatë.
11. ITALI
– Romë – ambasadë; dhe
– Milano – konsullatë.
12. TURQI
– Ankara – ambasadë; dhe
– Stamboll – konsullatë.
13. KROACI
– Zagreb – ambasadë.
14. HOLANDË
– Hagë – ambasadë.
15. REPUBLIKA ÇEKE
– Pragë – ambasadë.
16. HUNGARI
– Budapest – ambasadë.
Ndërkaq, procesi i votimit, në orën 13:00 sipas kohës lokale në Kosovë, do të fillojë në këto shtete:
17. SHBA
– Ëashington – ambasadë; dhe
– Neë York – konsullatë.
18. KANADË
– Otavë – ambasadë; dhe
– Toronto – konsullatë.
Në përgjithësi, votimi do të zhvillohet në 47 vendvotime që u përkasin 17 ambasadave dhe 13 konsullatave të Republikës së Kosovës, të cilat janë të vendosura në 18 shtete të ndryshme.
Numri i përgjithshëm i shtetasve të regjistruar për të votuar në 30 përfaqësitë diplomatike të Republikës së Kosovës është 27,724 votues.
Vetëm votuesit e regjistruar në përfaqësi diplomatike do të mund të votojnë më 6 qershor 2026, pasi në listën votuese e cila është dërguar në përfaqësi dipomatike, janë vetëm emrat e shtetasve që kanë përzgjedhur këtë mënyrë votimi kur janë regjistruar si votues jashtë Kosovës gjatë periudhës së regjistrimit (6 maj – 17 maj 2026).
Verifikimi i statusit mund të bëhet në çdo kohë përmes platformës elektronike: https://diaspora.kqz-ks.org/sq/AbroadVoter/AbroadVoterStatuses
Konferenca e dytë e KQZ-së do të mbahet në orën 14:00.
Çmimi tavan i naftës në Kosovë është rritur për dy centë krahasuar me të premten.
Sipas vendimit të Ministrisë së Industrisë, Ndërmarrësisë, Tregtisë dhe Inovacionit, një litër naftë sot mund të shitet më së shumti me 1.54 euro, ndërsa një ditë më parë çmimi maksimal ishte 1.52 euro për litër.
Çmimi i benzinës ka mbetur i pandryshuar dhe vazhdon të shitet me 1.42 euro për litër.
Ndërkohë, çmimi i gazit është ulur për dy centë. Nga 0.71 euro sa ishte, sot një litër gaz shitet me 0.69 euro.
Mbrojtësi i Kombëtares së Kosovës, Lumbardh Dellova, mund të bëjë një hap të rëndësishëm në karrierën e tij, pasi emri i tij po lidhet me një transferim të mundshëm te Dinamo Kiev, një nga klubet më të mëdha dhe më të suksesshme në Ukrainë. Sipas raportimeve të mediumit bullgar “Gol.bg”, drejtuesit e klubit ukrainas janë të gatshëm të investojnë rreth 950 mijë euro për shërbimet e qendërmbrojtësit kosovar.
Dinamo Kiev po kërkon të forcojë repartin defensiv para nisjes së sezonit të ri, dhe Dellova konsiderohet si një profil që mund të sjellë stabilitet dhe cilësi në mbrojtje. Paraqitjet e tij të fundit me CSKA Sofian kanë tërhequr vëmendjen e skautëve të klubit ukrainas, duke e bërë atë një objektiv tërheqës për skuadrën e Dinamos.
Dellova u transferua te CSKA Sofian në vitin 2024 nga Ballkani për një shumë rreth 350 mijë euro, dhe aktualisht ka kontratë me klubin bullgar deri në verën e vitit 2027, gjë që i jep CSKA-së një pozicion të favorshëm në negociata në rast se Dinamo Kiev vendos të bëjë një ofertë zyrtare.
Mbrojtësi kosovar kohët e fundit u largua nga grumbullimi i Kombëtares për shkak të një lëndimi, por kjo nuk ka zbehur interesin e klubeve që po monitorojnë situatën e tij. Një transferim te Dinamo Kiev do të përfaqësonte një hap të rëndësishëm në karrierën e 27-vjeçarit dhe një mundësi për të luajtur në një nga kampionatet më konkurruese të Europës Lindore.
Komisioni Qendror i Zgjedhjeve (KQZ) ka filluar shpërndarjen e materialit zgjedhor në të gjithë territorin e Kosovës, në prag të zgjedhjeve të parakohshme që do të mbahen nesër.
Në materialet e shpërndara përfshihen fletëvotimet, listat përfundimtare të votuesve dhe vulat, të cilat fillimisht vendosen në Qendrat Komunale të Numërimit, ndërsa një ditë para votimit do të dërgohen në qendrat e votimit.
Sipas vendimit të KQZ-së, për këto zgjedhje janë shtypur gjithsej 1 milion e 778 mijë e 300 fletëvotime. Prej tyre, 1 milion e 605 mijë janë për vendvotimet e rregullta, 19 mijë e 450 për votim me kusht, 13 mijë e 500 si rezervë, si dhe 3 mijë e 500 për personat me nevoja të veçanta.
KQZ ka bërë të ditur se numri i fletëvotimeve të shtypura është më i ulët se numri i përgjithshëm i votuesve me të drejtë vote. Sipas institucionit, kjo praktikë bazohet në analizat e pjesëmarrjes së qytetarëve në proceset e kaluara zgjedhore.
Një sulm izraelit ka vrarë “disa ushtarë”, përfshirë një oficer, sipas forcave të armatosura të Libanit.
Sulmi ajror ka shënjestruar një automjet ushtarak në rrugën Khardali-Nabatieh në jug të Libanit, ka bërë të ditur ushtria.
Ndërsa Izraeli vazhdon të luftojë me milicinë e mbështetur nga Irani, Hezbollah, në Liban, forcat e armatosura të vendit kanë shmangur përfshirjen.
Izraeli kishte rënë dakord të zbatonte një armëpushim me Libanin këtë javë, por Hezbollah (i cili nuk ishte pjesë e bisedimeve) e ka refuzuar atë.
Michael Olise është emri kryesor në listën e dëshirave të Real Madridit për një transferim të madh, që mund të arrijë 150 milionë euro. Megjithatë, burime pranë Bayern Munich konfirmojnë se nuk ka asnjë shumë që mund t’i bindë bavarezët të shesin yllin francez.
Performancat e tij gjatë përballjeve çerekfinale të Ligës së Kampionëve kundër Real Madrid kanë rritur vlerësimin e tij, dhe që nga transferimi nga Crystal Palace, Olise është shndërruar në një lojtar kyç për Bayern Munich. Kreativiteti dhe ndikimi i tij në ndeshjet e mëdha e bëjnë një nga lojtarët më të ndjekur në Europë.
Megjithatë, drejtuesit e Bayern janë të vendosur: Olise nuk është në shitje. Asnjë ofertë, madje edhe mbi 150 milionë euro, nuk konsiderohet e mjaftueshme për të filluar negociata. Klubi nuk ka presion financiar dhe e sheh reprezentuesin francez si pjesë kyçe të projektit afatgjatë.
Edhe lojtari duket i kënaqur në Mynih dhe nuk pritet të kërkojë largimin. Mesazhi i Bayern është i qartë: Michael Olise nuk është në treg, pavarësisht interesit të madh të Real Madridit.
