ATV

Blog

  • Më 20 korrik mbahet seancë ndaj 21 të akuzuarve për Masakrën e Reçakut

    Më 20 korrik mbahet seancë ndaj 21 të akuzuarve për Masakrën e Reçakut

    Gjykata Themelore në Prishtinë ka njoftuar se ka caktuar seancën e shqyrtimit fillestar ndaj 21 personave të akuzuar për Masakrën e Reçakut, të cilët ndër të tjera ngarkohen me veprën penale të krimeve të luftës kundër popullsisë civile.

    Gjykimi në mungesë do të zhvillohet ndaj të pandehurve: Obrad Stevanoviq, Radomir Markoviq, Krsmam Jeliq, Goran Radosavljeviq, Zhivko Trajkoviq, Bogoljub Janiçeviç, Milan Lekiq, Radomir Miliq, Dragan Djorgoviq, Branko Mladenoviq, Dragan Jasoviq, Momçilo Sparavalo, Darko Amanoviq, Srboljub Vujinoviq, Bozhidar Marinkoviq, Zoran Stanojeviq, Milan Josanoviq, Goran Petkoviq, Dragoslav Nikoliq, Çedomir Aksiq dhe Zvonimir Janiçijeviq.

    Në një komunikatë për media bëhet e ditur se, sipas propozimit të Prokurorisë Speciale të Republikës së Kosovës, gjykimi në këtë çështje do të zhvillohet në mungesë të të pandehurve, pasi të njëjtit kanë qenë të paarritshëm deri në momentin e ngritjes së aktakuzës.

    “Për këtë arsye, përmes këtij njoftimi ju bëhet thirrje të pandehurve, të lartcekur që të paraqiten dhe të dorëzohen para organeve të ndjekjes së Republikës së Kosovës. Gjithashtu, u bëhet thirrje të gjithë personave që posedojnë informacione relevante lidhur me vendndodhjen e të akuzuarve, që t’i komunikojnë këto informacione Policisë së Kosovës apo organeve tjera kompetente”, thuhet në njoftim.

    Tutje, është bërë e ditur se seanca do të mbahet më 20 korrik në Gjykatën Themelore në Prishtinë.

    Sipas aktakuzës, në periudhën 1998–1999, të pandehurit, në bashkëkryerje, si pjesëtarë të Ushtrisë së ish-Jugosllavisë, Brigadës “243 të Mekanizuar”, Armatës së III-të, e njohur si “Korpusi i Prishtinës”, si dhe pjesëtarë të Ministrisë së Punëve të Brendshme (MUP), kanë kryer edhe trajtim çnjerëzor, shkatërrim të pasurisë, dëbim masiv dhe spastrim etnik të popullsisë civile.

    “Të pandehurit fillimisht e rrethuan fshatin Reçak nga vendet e quajtura ‘Pishat’, ‘Gështenjat’ dhe ‘Çesta’. Më pas, nga distanca e granatuan fshatin me mjetet ushtarake, kontrolluan shtëpi më shtëpi dhe ndanë burrat nga gratë dhe fëmijët, ku i detyruan të largohen nga fshati, ndërsa burrat e ndaluar i ekzekutuan”, thuhet në komunikatën e Prokurorisë.

    Hetimet e prokurorisë kanë vërtetuar se të pandehurit kanë ushtruar dhunë fizike ndaj civilëve, duke i rrahur me kondakë armësh, shqelma, dru, zinxhirë dhe mjete të tjera të forta.

  • Barcelona merr vendimin për Rashfordin, klauzola prej 30 milionë eurosh nuk do të aktivizohet

    Barcelona merr vendimin për Rashfordin, klauzola prej 30 milionë eurosh nuk do të aktivizohet

    E ardhmja e Marcus Rashford vazhdon të mbetet e paqartë. Sipas raportimeve të fundit, Barcelona ka vendosur të mos aktivizojë klauzolën e blerjes prej 30 milionë eurosh për sulmuesin anglez, duke e bërë të pamundur transferimin e tij të përhershëm në këtë fazë.

    Vendimi i klubit katalanas vjen pas afrimit të Anthony Gordon, transferim që ka ndryshuar prioritetet e Barcelonës në repartin ofensiv. Megjithatë, drejtuesit e klubit nuk e kanë mbyllur plotësisht derën për Rashfordin dhe mbeten të hapur për alternativa të tjera.

    Burime pranë klubit bëjnë të ditur se Barcelona do të shqyrtonte mundësinë e një tjetër huazimi nëse Manchester United do të ishte i gatshëm të negocionte një marrëveshje të re për sezonin e ardhshëm.

    Klauzola e blerjes skadon pas pesë ditësh dhe, në mungesë të aktivizimit të saj, Rashford do të rikthehet zyrtarisht te Manchester United, klub me të cilin vazhdon të ketë kontratë të vlefshme.

    Tashmë drejtuesit e “Djajve të Kuq” do të marrin në dorë fatin e sulmuesit 28-vjeçar, ndërsa mbetet për t’u parë nëse ai do të përfshihet në planet e skuadrës apo do të kërkohet një zgjidhje e re në merkato.

    Me Barcelonën që nuk është e gatshme të investojë 30 milionë euro për kartonin e tij, e ardhmja e Rashfordit duket se do të jetë një nga temat më të nxehta të javëve të ardhshme.

    A do të ketë një tjetër huazim në “Camp Nou” apo anglezi do të rikthehet përfundimisht në “Old Trafford”? Përgjigjja pritet të vijë shumë shpejt.

  • Lodhjet e marramendjet e shpeshta, çfarë mund të tregojnë për shëndetin nervor

    Lodhjet e marramendjet e shpeshta, çfarë mund të tregojnë për shëndetin nervor

    Sistemi nervor autonom kontrollon funksione jetike për të cilat zakonisht nuk mendojmë, si puna e zemrës, tensioni i gjakut, tretja, temperatura e trupit dhe funksionimi i fshikëzës urinare.

    Sistemi nervor autonom udhëheq funksionet për të cilat zakonisht nuk mendojmë: frymëmarrjen, punën e zemrës, tensionin e gjakut, tretjen, temperaturën e trupit dhe funksionimin e fshikëzës urinare. Kur ndodh çrregullimi i tij, mund të shfaqen simptoma të shumta që ndikojnë ndjeshëm në jetën e përditshme.

    Çfarë është neuropatia autonome, apo disautonomia?

    Kjo gjendje njihet si disautonomi ose neuropati autonome dhe përfaqëson një grup çrregullimesh që shfaqen si pasojë e dëmtimit të sistemit nervor autonom. Shqetësimet mund të jenë të lehta dhe të herëpashershme, por te disa pacientë gjendja bëhet kronike dhe e dëmton seriozisht cilësinë e jetës.

    Disautonomia është çrregullim i punës së sistemit nervor autonom, pjesës së sistemit nervor që rregullon funksionet automatike të organizmit. Kur ky sistem nuk funksionon siç duhet, trupi mund ta humbasë aftësinë për të rregulluar në mënyrë të përshtatshme tensionin e gjakut, ritmin e zemrës, tretjen ose temperaturën trupore.

    Ekspertët theksojnë se disautonomia mund të jetë primare ose sekondare. Format primare më shpesh shfaqen si pasojë e sëmundjeve neurodegjenerative dhe çrregullimeve gjenetike, ndërsa format sekondare janë pasojë e sëmundjeve të tjera ose dëmtimeve.

    Me këtë gjendje shpesh lidhen diabeti, sëmundja e Parkinsonit, sëmundjet autoimune, sindroma e lodhjes kronike dhe disa çrregullime gastrointestinale, transmeton Telegrafi.

    Simptomat mund të jenë shumë të ndryshme

    Një nga arsyet pse disautonomia njihet me vështirësi është numri i madh i simptomave, të cilat mund të prekin organe dhe sisteme të ndryshme.

    Shqetësimet më të shpeshta përfshijnë marramendje dhe të fikët, rrahje të shpejta, të ngadalta ose të parregullta të zemrës, tension të ulët të gjakut, dhimbje gjoksi, vështirësi në frymëmarrje, lodhje kronike, probleme me tretjen, të përziera dhe fryrje barku, çrregullime të gjumit, migrenë, dobësi dhe ulje të qëndrueshmërisë fizike, probleme me përqendrimin dhe kujtesën, si dhe ndjeshmëri të shtuar ndaj dritës dhe zhurmës.

    Te disa persona simptomat shfaqen herë pas here, ndërsa te të tjerët mund të bëhen të vazhdueshme dhe të kufizojnë seriozisht aktivitetet e përditshme.

    Sinkopa neurokardiogjene: Shkak i shpeshtë i të fikëtit

    Një nga format më të shpeshta të disautonomisë është sinkopa neurokardiogjene, e njohur edhe si sinkopë vazovagale. Bëhet fjalë për një gjendje në të cilën ndodh rënie e papritur e tensionit të gjakut dhe ngadalësim i rrahjeve të zemrës, gjë që mund të shkaktojë humbje të vetëdijes.

    Episodet më shpesh ndodhin si pasojë e qëndrimit të gjatë në këmbë, stresit, dehidratimit, temperaturave të larta ose konsumimit të alkoolit. Në këto raste organizmi nuk arrin ta ruajë furnizimin e mjaftueshëm të trurit me gjak. Te disa njerëz këto episode janë të rralla, ndërsa te të tjerët mund të ndikojnë ndjeshëm në cilësinë e jetës.

    Sindroma POTS po diagnostikohet gjithnjë e më shpesh te gratë e reja

    Sindroma e takikardisë ortostatike posturale, e njohur si POTS, është një nga format më të njohura të disautonomisë sekondare. Ajo karakterizohet nga përshpejtim i papritur i ritmit të zemrës gjatë ngritjes në këmbë ose qëndrimit në këmbë, shpesh i shoqëruar me marramendje, dobësi, djersitje dhe ndjenjë rraskapitjeje.

    Ekspertët theksojnë se POTS shpesh shfaqet te personat me sëmundje autoimune, ndërsa statistikat tregojnë se shumica e të prekurve janë gra.

    Pacientët shpesh raportojnë edhe probleme me tretjen, ndjeshmëri të shtuar ndaj ndryshimeve të temperaturës, lodhje gjatë aktivitetit fizik dhe ndjenjën e “mjegullës në kokë”.

    Atrofia multisistemike është ndër format më të rënda

    Atrofia multisistemike, MSA, është një sëmundje e rrallë neurodegjenerative që çon në dëmtim gradual të pjesëve të caktuara të trurit. Sëmundja më shpesh fillon pas moshës 40-vjeçare dhe mund të shkaktojë çrregullime serioze të ekuilibrit, të folurit, lëvizjes, funksionimit të fshikëzës urinare dhe rregullimit të tensionit të gjakut.

    Me përparimin e sëmundjes, simptomat bëhen më të theksuara dhe pacientët e kanë gjithnjë e më të vështirë të kryejnë aktivitetet e përditshme.

    Diabeti është një nga shkaqet më të shpeshta të neuropatisë autonome

    Te personat me diabet afatgjatë mund të ndodhë dëmtimi i nervave që kontrollojnë punën e organeve të brendshme. Kjo gjendje quhet neuropati autonome diabetike.

    Pacientët shpesh kanë marramendje gjatë ngritjes në këmbë, rrahje të shpejta të zemrës në gjendje qetësie, probleme me tretjen, kapsllëk, çrregullime të funksionimit të fshikëzës urinare dhe gastroparezë, gjendje në të cilën lukthi zbrazet më ngadalë.

    Trajtimi mund të jetë shumë i vështirë dhe zakonisht bazohet në kontrollin e sëmundjes bazë, stabilizimin e tensionit të gjakut dhe lehtësimin e simptomave.

    Shëndeti mendor shpesh vuan për shkak të simptomave kronike

    Personat me disautonomi shpesh përballen me ankth, rraskapitje dhe ndjenjë pasigurie për shkak të simptomave të paparashikueshme. Për këtë arsye, mbështetja psikologjike, teknikat e relaksimit, meditimi dhe joga mund t’u ndihmojnë disa pacientëve që ta përballojnë më lehtë sëmundjen.

    Disa hulumtime po shqyrtojnë edhe lidhjen e vitaminës D me çrregullimet autonome, por ekspertët theksojnë se nevojiten studime shtesë për ta shpjeguar më saktë këtë lidhje.

    Kur duhet kërkuar ndihma e mjekut

    Nëse shfaqen shpesh marramendje, të fikët, ndryshime të papritura të pulsit, lodhje kronike ose probleme me rregullimin e tensionit të gjakut, është e nevojshme të konsultoheni me mjekun.

    Edhe pse simptomat ndonjëherë duken jospecifike, ato mund të tregojnë çrregullim të sistemit nervor autonom, i cili kërkon diagnostikim të hollësishëm dhe ndjekje afatgjatë.

  • Numërohen 65% e votave: 10 më të votuarit nga VV, PDK, LDK dhe AAK

    Numërohen 65% e votave: 10 më të votuarit nga VV, PDK, LDK dhe AAK

    Komisioni Qendror i Zgjedhjeve ka procesuar 65,01% të numërimit të kandidatëve për deputetë.

    Nga numërimi i 1,624 vendvotimeve, Lëvizja Vetëvendosje ka marrë 41.37% apo 186,716 Vota, Partia Demoraktike e Kosovës 21.11% apo 95,253 Vota, Lidhja Demokratike e Kosovës 16.45% apo 74,250 Vota dhe Aleanca për Ardhmërinë e Kosovës 7.24% apo 32,684 Vota.

    10 më të votuarit të VV-së:

    1.[1] ALBIN KURTI 153,542 Vota

    2.[2] GLAUK KONJUFCA 120,652 Vota

    3.[5] ALBULENA HAXHIU 69,778 Vota

    4.[6] HEKURAN MURATI 60,958 Vota

    5.[3] DONIKA GËRVALLA- SCHWARZ 56,717 Vota

    6.[7] XHELAL SVEÇLA 45,843 Vota

    7.[4] AVNI DEHARI 41,949 Vota

    8.[9] HAJRULLA ÇEKU 38,525 Vota

    9.[8] MIMOZA KUSARI LILA 38,500 Vota

    10.[16] EJUP MAQEDONCI 34,717 Vota

    10 më të votuarit të PDK-së:

    1.[1] BEDRI HAMZA 76,572 Vota

    2.[4] PËRPARIM GRUDA 47,889 Vota

    3.[5] ARIAN TAHIRI 41,543 Vota

    4.[2] URAN ISMAILI 37,256 Vota

    5.[9] SALA JASHARI 26,127 Vota

    6.[3] VLORA ÇITAKU 25,743 Vota

    7.[12] GANIMETE MUSLIU 20,310 Vota

    8.[8] ARBEN MUSTAFA 18,068 Vota

    9.[16] MERGIM LUSHTAKU 17,895 Vota

    10.[10] ENVER HOXHAJ 17,604 Vota

    10 më të votuarit të LDK-së:

    1.[1] VJOSA OSMANI SADRIU 50,792 Vota

    2.[2] LUMIR ABDIXHIKU 46,114 Vota

    3.[4] DOARSA KICA XHELILI 35,536 Vota

    4.[12] HYKMETE BAJRAMI 27,895 Vota

    5.[11] AVDULLAH HOTI 25,449 Vota

    6.[8] UKË RUGOVA 21,711 Vota

    7.[3] KUJTIM SHALA 21,356 Vota

    8.[10] ANTON QUNI 16,869 Vota

    9.[17] ARMEND ZEMAJ 15,458 Vota

    10.[5] LUTFI HAZIRI 15,403 Vota

    10 më të votuarit të AAK-së:

    1.[1] ARDIAN GJINI 26,436 Vota

    2.[11] RAMUSH HARADINAJ 23,815 Vota

    3.[50] DAUT HARADINAJ 18,322 Vota

    4.[2] BESNIK TAHIRI 15,731 Vota

    5.[4] BEKË BERISHA 12,951 Vota

    6.[7] BURIM RAMADANI 11,505 Vota

    7.[3] TIME KADRIJAJ 11,373 Vota

    8.[10] AGIM ÇEKU 10,265 Vota

    9.[5] ARBER TOLAJ 9,561 Vota

    10.[6] ALBANA BYTYQI 6,421 Vota

  • Zidane sinjalizon rikthimin e madh në futboll: Dua të kthehem sa më shpejt

    Zidane sinjalizon rikthimin e madh në futboll: Dua të kthehem sa më shpejt

    Pas pesë vitesh larg bankinës, Zinedine Zidane ka konfirmuar se është gati të rikthehet në futbollin elitar, duke lënë të kuptohet se kthimi i tij si trajner mund të ndodhë në një të ardhme shumë të afërt.

    Legjenda e futbollit francez dhe e Real Madridit nuk ka drejtuar asnjë skuadër që nga largimi nga klubi madrilen në vitin 2021. Megjithatë, emri i tij ka qenë vazhdimisht pjesë e spekulimeve që e lidhnin me disa nga klubet dhe kombëtaret më prestigjioze në botë.

    Sipas mediave franceze, destinacioni më i mundshëm për 53-vjeçarin vazhdon të mbetet Kombëtarja e Francës. Me Didier Deschamps që pritet të largohet pas Kupës së Botës 2026, federata franceze shihet si e gatshme t’ia besojë drejtimin një prej figurave më ikonike të futbollit të vendit.

    Vetë Zidane ka ndezur edhe më shumë zërat për rikthimin e tij me deklaratat e fundit, ku theksoi se ende ka ambicie të mëdha në karrierën e trajnerit.

    “Nuk jam më në fazën e ëndrrave. Futbolli më ka dhënë shumë dhe jam mirënjohës për gjithçka kam arritur. Megjithatë, mbetem një njeri konkurrues dhe kam ende objektiva për të realizuar. Dua të rikthehem si trajner dhe shpresoj që kjo të ndodhë shumë shpejt”, u shpreh Zidane.

    Edhe pse karriera e tij si trajner nuk ka qenë e gjatë, ajo ka lënë gjurmë të jashtëzakonshme në historinë e futbollit modern. Në dy periudhat e tij në krye të Real Madridit, nga viti 2016 deri në 2018 dhe më pas nga 2019 deri në 2021, francezi ndërtoi një epokë suksesi që vështirë se mund të përsëritet.

    Nën drejtimin e tij, “Los Blancos” fituan 11 trofe, përfshirë tre tituj radhazi në Ligën e Kampionëve, një arritje historike që e vendosi Zidane mes trajnerëve më të suksesshëm të të gjitha kohërave. Bilanci i tij përfshin gjithashtu dy tituj të La Ligës, dy Superkupa të Spanjës, dy Superkupa të UEFA-s dhe dy Kupa të Botës për Klube.

    Tashmë, teksa pritja për rikthimin e tij po i afrohet fundit, mbetet të shihet se cili do të jetë destinacioni i radhës për një nga emrat më të mëdhenj në historinë e futbollit botëro

  • Trump: Marina dhe Forcat ajrore të Iranit praktikisht nuk ekzistojnë me – U vonua për marrëveshje, tani duhet ta paguajë çmimin

    Trump: Marina dhe Forcat ajrore të Iranit praktikisht nuk ekzistojnë me – U vonua për marrëveshje, tani duhet ta paguajë çmimin

    Presidenti amerikan, Donald Trump, pas sulmeve të mbrëmshme ndaj Iranit me dronë dhe raketa, ka thënë se ushtria e Iranit është në kaos.

    Sipas Trump, marina dhe forcat ajrore të Iranit janë mposhtur.

    Ai ka thënë se Irani humbi kohë për marrëveshje dhe se tani do të duhet ta paguajnë çmimin.

    “Ushtria e Iranit është në një gjendje të plotë kaosi. Pjesë të mëdha të saj, si Marina dhe Forcat Ajrore, praktikisht nuk ekzistojnë më – ato janë mposhtur plotësisht. Irani është vetëm fjalë dhe asnjë veprim. Bullizuesi i Lindjes së Mesme ka VDEKUR!!! Ata humbën shumë kohë duke negociuar një marrëveshje që do të kishte qenë e shkëlqyer për ta; tani do të duhet të paguajnë çmimin!!!”, ka shkruar Trump në “Truth Social”.

    Sulmet amerikane erdhën pasi Irani rrëzoi një helikopter amerikan mbi Ngushticën e Hormuzit.

    Irani pastaj tha se ka sulmuar bazat amerikane në Lindjen e Mesme.

  • Hoxha Osman Musliu ndër më të votuarit në VV, lë pas pesë ministra

    Hoxha Osman Musliu ndër më të votuarit në VV, lë pas pesë ministra

    Komisioni Qendror i Zgjedhjeve ka procesuar 63,53% nga numërimi i votave të kandidatëve për deputetë.

    Lëvizja Vetëvendosje aktualisht nga 1,587 vendvotime të numëruara nga 2,498 sa janë në total, ka marrë 41.44% apo 183,314 Vota.

    Një nga kandidatët për deputet i kësaj partie, i cili dhe garon për herë të parë, Osman Musliu deri tani ka marrë 15,652 Vota dhe renditet i 16-ti.

    Ai pas vetes ka lënë pesë ish-ministra, të cilët kanë marrë vota më pak se ai deri tani.

    Ish-ministrat:

    ARTANE RIZVANOLLI BERISHA 12,219 Vota

    ARBËRIE NAGAVCI 11,042 Vota

    FITORE PACOLLI DALIPI 10,853 Vota

    ARMEND MUJA 10,167 Vota

    DIMAL BASHA 9,873 Vota

  • Bugaqku: Nga 6 gusht deri me 6 tetor, duhet të kemi të gjitha institucionet

    Bugaqku: Nga 6 gusht deri me 6 tetor, duhet të kemi të gjitha institucionet

    Bazuar në afatet kushtetuese për krijim të institucioneve të reja, Vullent Bugaqku nga Instituti Demokratik i Kosovës thotë se nga java e parë gushtit deri në javën e parë e tetorit duhet të ketë konstituim të Kuvendit, formim të Qeverisë dhe zgjedhje të presidentit të ri.

    Sipas tij, një marrëveshje politike mes partive është domosdoshmëri.

    “Nëse me 6 korrik certifikohen nga momentin certifikimit rrjedh afati 30 ditor qe të konstituohet ka kohe deri me 6 gusht të kosntituohet kuvendi. Mandej rrjedhin afatet tjera pe qeverinë dhe presidentin. Gjykata e ka sqaruar se në momentin e konstituimit të Kuvendit duhet te rrjedh agati për zhdehjen e presidentit brenda 60 ditësh andaj unë mendoj se nga 6 gusht deri me 6 tetor besoj që duhet të përfundojnë procedurat sa s përket zgjedhjes se peridentit dhe qeverisë. Marrëveshja domosdoshmëri numrat e tanishëm kërkojnë nevojë për kompromis konsensus dhe bashkëpunim partiak për të gjitha institucionet”, tha Bugqaku për RTV21

  • Tre arsye pse nuk duhet ta humbisni filmin e ri të Spielbergut

    Tre arsye pse nuk duhet ta humbisni filmin e ri të Spielbergut

    Filmi fantastiko-skencor “Disclosure Day” i regjisorit Steven Spielberg po mbërrin në kinematë tona më 10 qershor, për gëzimin e fansave të regjisorit dhe të kinemasë shkruan faqja esquire.com.

    Kishin kaluar katër vjet që kur ai nuk ishte rikthyer pas kamerës dhe tetë vjet që nuk i ishte përkushtuar fantashkencës, që nga koha e Ready Player One, i cili na mahniti me përzierjen e nostalgjisë, shpirtit “nerd” dhe emocioneve.

    Megjithatë, duhet të kthehemi pas njëzet vitesh, te ”War of the Worlds”, për të gjetur një tjetër zhytje në fantashkencën klasike, atë që Spielberg e ka nderuar me tituj që janë bërë pjesë e mitologjisë së kinemasë: Close Encounters of the Third Kind, E.T. the Extra-Terrestrial, A.I. Artificial Intelligence dhe Minority Report.

    Një garanci e madhe është edhe emri i skenaristit, David Koepp, një nga më të mirët në këtë fushë. Nga reagimet e para që kanë ardhur nga përtej Atlantikut, cilësia e filmit duket të jetë në nivelin më të lartë.

    Në qendër të historisë është prania e alienëve në Tokë dhe ajo që do të ndodhë kur ky fenomen të dalë në dritë.

    Kjo ndodh falë Margaret Fairchild, e interpretuar nga Emily Blunt, një meteorologe që do të bëhet pa vetëdije një lloj ure lidhëse mes njerëzimit dhe qytetërimit misterioz alien të pranishëm në Tokë.

    I vetmi që duket se mund ta ndihmojë është eksperti i sigurisë kibernetike Daniel Kellner, i luajtur nga Josh O’Connor. Por të dy do të duhet të përballen me Noah Scanlonin e errët dhe jashtëzakonisht të fuqishëm, të interpretuar nga Colin Firth, drejtuesi ekzekutiv i korporatës së fuqishme Wardex Corporation, i vendosur të pengojë zbulimin e së vërtetës para botës.

    Spielberg gjithmonë ka dashur të na çojë drejt një bote tjetër, një bote njëkohësisht imagjinare dhe të besueshme.

    Këtë e bëri që kur na tmerronte me Jaws, por lidhja e tij me fantashkencën ka ndjekur gjithmonë dy drejtime.

    Nga njëra anë kemi mrekullinë, zbulimin, vizionin e një niveli më të lartë të plotësisë, lumturisë dhe paqes.

    Për Spielberg, alienët kanë qenë shpesh shprehja e një përsosmërie shumë njerëzore. Ata janë paqësorë, misteriozë, të fuqishëm, por dashamirës; janë përtej aftësive tona të kuptimit, teknologjisë dhe harmonisë.

    “Disclosure Day”, që nga traileri, na bën të kuptojmë se Spielberg është rikthyer pikërisht te ky vizion, në momentin kur Margaret fillon të flasë një gjuhë të panjohur, të krijuar posaçërisht nga regjisori së bashku me aktoren.

    Megjithatë, Spielberg nuk i ka parë gjithmonë alienët me optimizëm.

    Tom Cruise ishte fytyra e frikës dhe terrorit me konotacione të forta politike në vitin 2005, kur Amerika u paraqit si një përzierje mes traumës së 11 shtatorit dhe rizbulimit të vetes si një vend vazhdimisht i armatosur.

    Por “Disclosure Day” flet edhe për pushtetin dhe kontrollin. Nuk është rastësi që antagonisti kryesor është një njeri i fuqishëm dhe i fiksuar pas kontrollit.

    Shtypi amerikan ka theksuar se kësaj radhe Spielberg ka arritur të “përditësohet”, duke u lidhur me teoritë më moderne mbi inteligjencat e mundshme aliene, madje edhe ato konspirative, dhe duke i shkrirë ato në një rrëfim emocionues me ritëm të vrullshëm.

    Megjithatë, të gjitha mediat amerikane bien dakord në një pikë: “Disclosure Day” mbahet mbi supe nga një interpretim i jashtëzakonshëm i Emily Blunt.

    E lindur në vitin 1983 dhe londineze e vërtetë, ajo është prej njëzet vitesh një nga fytyrat femërore më të dashura dhe më të rëndësishme të kinemasë botërore.

    Debutimi i saj erdhi në vitin 2004 me ”My Summer of Love” të regjisorit Paweł Pawlikowski.

    Dy vjet më vonë, ajo fitoi zemrat e publikut me rolin e Emily Charlton në The Devil Wears Prada, një personazh që i dha mundësinë të tregonte një gamë cilësish të rralla për një aktore.

    Emily Blunt ka një shtrirje të jashtëzakonshme interpretimi. Ajo është dalluar në çdo zhanër të mundshëm, duke dëshmuar një prani unike në ekran.

    Horror, komedi, fantashkencë, aventura, fantasy, dramë, filma historikë, melodrama… përmendni një zhanër dhe Emily Blunt e ka bërë të vetin, duke e dominuar.

    Në vitin 2024, për interpretimin e saj në Oppenheimer, ajo u nominua për çmimin Oscar, ndërsa në vitin 2007 fitoi një Golden Globe Awards për rolin në Gideon’s Daughter.

    Së bashku me bashkëshortin e saj, John Krasinski, ajo u bë fytyra simbol e sagës së suksesshme ”A Quiet Place”, një nga më të vlerësuarat nga adhuruesit e fantashkencës në shekullin XXI.

    Sipas informacioneve të para, “Disclosure Day” mund të jetë më në fund filmi që do t’i sjellë Emily Blunt statujën e Oscar-it që i ka shpëtuar disa herë dhe që, sipas shumë kritikëve, ajo do ta kishte merituar prej kohësh.

    Më shumë do të mësojmë nga 10 qershori, përmes një personazhi që vetë aktorja e ka përshkruar si “një njeri të zakonshëm të hedhur papritur në rrethana të jashtëzakonshme”/atsh

  • Nënoficeri i FSK-së thyen rekord shtetëror

    Nënoficeri i FSK-së thyen rekord shtetëror

    Nënoficeri i Forcës së Sigurisë së Kosovës OR3 Leon Thaqi nga Regjimenti i Parë i Këmbësorisë në garën e fundit që është mbajtur në Gjermani, Leon Thaqi është radhitur në vendin e 4 në shtegun 600m me kohë 1 minutë e 17 sekonda duke thyer rekord shtetëror në disiplinën e vrapimit në 600 m.

    Leoni është një atlet profesional i cili merr pjesë vazhdimisht në gara të shtigjeve (400m-600m-800m-1600m).

    Leon Thaqi në kuadër të Federatës Atletike të Kosovës ka marrë pjesë në gara ndërkombëtare, duke treguar performancë të shkëlqyer, aktualisht koha e tij radhitet në vend të parë prej të gjithë atletëve kosovar në këtë disiplinë.

    Pjesëtari është një shembull i mirë se si një ushtarak përveç punës së tij të mirë në FSK arrin të kontribuojë edhe në institucionet e tjera shtetërore duke përfaqësuar shtetin me performancë të shkëlqyer.