Blog

Haradinaj ka thënë se kjo histori e dhimbshme mbi popullin e Kosovës ende nuk ka marrë denimin nga drejtësia.

“Prilli i vitit 1999 për shumë familje të Llapit e Gollakut që kishin marrë rrugë për t’i shpëtuar masakrave nga armiku, u shndërrua në ditë krimi të paparë. Ushtria, policia dhe paramilitarët serbë në pritën që u kishin bërë, vranë dhe masakruan mbi 124 civilë të pafajshëm, duke mos kursyer askënd, nga fëmiu 7 vjeçar e deri te plaku 90 vjeçar. Në të njëjtën ditë, në Bërnicë të Prishtinës armiku ekzekutoi 6 anëtarë të familjes Reka dhe një të familjes Berisha. Kjo histori e dhimbshme mbi popullin tonë akoma nuk e mori dënimin e merituar nga drejtësia”, ka thënë Haradinaj.

Postimi i plotë:

Prishtina shënon Ditën e Dëshmorëve.

Sot, në përvjetorin e Betejës së Marecit, kujtojmë me krenari vendosmërinë e guximin e luftëtarëve të Brigadës 153 “Hyzri Talla” dhe të gjithë dëshmorët dhe martirët e lirisë.

Në këtë datë shumë vëllezër e motra nga fshatrat e rrethit të Prishtinës pësuan nga dora e agresorit të egër. Me dhimbje kujtojmë të rënët në masakrat e Makocit, Grashticës, Bërnicës dhe fshatit Llukar.

Prilli i vitit 1999 për shumë familje të Llapit e Gollakut që kishin marrë rrugë për t’i shpëtuar masakrave nga armiku, u shndërrua në ditë krimi të paparë. Ushtria, policia dhe paramilitarët serbë në pritën që u kishin bërë, vranë dhe masakruan mbi 124 civilë të pafajshëm, duke mos kursyer askënd, nga fëmiu 7 vjeçar e deri te plaku 90 vjeçar. Në të njëjtën ditë, në Bërnicë të Prishtinës armiku ekzekutoi 6 anëtarë të familjes Reka dhe një të familjes Berisha. Kjo histori e dhimbshme mbi popullin tonë akoma nuk e mori dënimin e merituar nga drejtësia!

Përgjithmonë mirënjohës dhe falënderues sakrificës së të rënëve për lirinë e atdheut!

Kryeministri i Republikës së Kosovës, Albin Kurti, në Ditën e Dëshmorëve të Prishtinës, ka bërë homazhe në varrezat e dëshmorëve në Velani, raporton EO.

I shoqëruar nga disa prej ministrave të tij, Kurti tha se pas katër ditësh do t’i kujtojnë masakrën më të madhe në Prishtinë, ku u vranë 115 civil të pafajshëm.

“Jemi bashkë këtu tek varrezat e dëshmoreve të Komunës së Prishtinë me rastin e Ditës së Dëshmorëve të Kryeqytetit. Njëkohësisht sot e kujtojmë edhe dëshmorët dhe martirët e Marecit, janë 27 dëshmorë edhe 16 martirë që ranë heroikisht para 25 vjetëve dhe gjithashtu nga sot e 4 ditët në vijim përkujtojmë masakrën më të madhe në Komunën e Prishtinës e cila ka ndodhur në fshatin Makoc ku janë vrarë 115 civil ne mesin e të cilëve aq shumë pleq e fëmijë”, u shpreh Kurti.

Ministri i Punëve të Brendshme, Xhelal Sveçla e ka quajtur akt të paprecedent mbajtjen zëvendësdrejtorit të Policisë së Kosovës të nacionalitetit serb, Dejan Jankoviq dhe katër zyrtarëve policorë nga autoritetet serbe që nga dita e djeshme në Serbi, raporton EO.

Ai në ceremoninë e diplomimit të gjeneratës së 59-të të Policisë së Kosovës ka thënë se Jankoviq nuk gjendet në këtë ceremoni pasi po mbahet pa asnjë arsyetim në Rashkë të Serbisë.

“Para nesh ju sot po betoheni për respektim të Kushtetutës sonë dhe mbrojtje të territorit tonë, duke shërbyer me profesionalizëm. Këto janë parimet qe duhet t’i bartni në punën tuaj”, tha Sveçla.

“Dejan Jankoviq, dje është ndaluar dhe po mbahet pa asnjë arsyetim në Rashkë të Serbisë edhe katër zyrtarë tjerë policorë. Ky është akt i paprecedent i Serbisë mes shumë veprimesh e sulmesh ndaj policisë së Kosovës”, ka thënë Sveçla.

Sipas tij, ky është sulm i drejtpërdrejtë i Serbisë ndaj pjesëtarëve të komunitetit serb brenda policisë së Kosovës “që gjejnë vullnetin dhe guximin të bashkohen në rrugën e përbashkët, që synon shërbim e siguri për të gjithë qytetarët dhe stabilitet në vend”.

E drejtori i Policisë së Kosovës, Gazmend Hoxha, tha se “Policia e Kosovës është ndër institucionet më të besueshme dhe më me shumë obligime. Duhet të punojmë me përkushtim dhe përgjegjësi duke i shërbyer qytetareve”.

Kryeministri i Kosovës, Albin Kurti, në ceremonia e diplomimit të gjeneratës së 59-të të Policisë së Kosovës, ka thënë se “Kosova rri mbi shtyllat e progresit të vazhdueshëm social, ekonomik e kulturor në njërën anë dhe një vendi të sigurte dhe euroatlantik në anën tjetër”, raporton EO.

Nga 445 policë që diplomuan sot, 345 janë djem dhe 100 vajza. 357 janë shqiptarë, ndërsa 88 prej tyre janë nga komunitetet jo shumicë.

“Vendit tone do t’i shtohen edhe 445 policë të rinj të cilët do të shërbejnë gjithandej nëpër Kosovë, duke i dhënë një bazë përforcuese kolegeve tjerë policë. Nga 445 policët që diplomojnë sot, 345 janë djem, 100 vajza. 357 shqiptar dhe 88 nga komunitetet jo shumicë. Kosova rri mbi shtyllat e progresit të vazhdueshëm social, ekonomik e kulturor në njërën anë dhe një vendi të sigurte dhe euro atlantike në anën tjetër. Respektoni dhe nderoni uniformen dhe punën tuaj”, ka thënë ai.

Në mungesë të kuorumit ka dështuar të bëhet konstituimi i Komisionit Hetimor Parlamentar për procesin e subvencionimit të blerjes së teksteve shkollore dhe mjeteve mësimore për nxënësit e nivelit të Arsimit fillor dhe Arsimit të Mesëm të Ulët për vitin shkollor 2023/2024.

Kryesuesi i këtij komisioni, Shemsedin Dreshaj e shpalli këtë mbledhje të mbyllur.

“Fatkeqësisht nuk kemi kuorum të mjaftueshëm që të vazhdojmë më tutje në procesin e punës në këtë komision. Këtë mbledhje e shpalli të mbyllur”, tha Dreshaj.

Ndërkaq, deputeti nga partia në pushtet, Mefail Bajqinovci ka propozuar që mbledhjet e këtij komisioni të bëhen ditën e premte në ora 13:30.

Më ketë u pajtuan deputetët që ishin prezent.

Përveç këtyre, në komision të pranishëm ishin, edhe deputetja Arjeta Fejza, Mirlinda Tishukaj-Sadiku dhe deputeti Bekim Haxhiu.

Ligjvënësit amerikanë pritet të votojnë të një pako ndihmash për Izraelin, Ukrainën dhe Indo Paqësorin dhe një projektligj tjetër për prioritetet tjera të sigurisë kombëtare, që ndër të tjera i jep Presidentit të ShBA të drejtën të shfrytëzojë pasuritë e ngrira ruse për rindërtimin e Ukrainës dhe disa sanksione tjera ndaj Iranit.

Kryesuesi i Dhomës së Përfaqësuesve nga radhët e Republikanëve Mike Johnson ka thënë se ndihma për Ukrainën është gjëja e duhur.

“Unë jam duke bërë këtu atë që besoj se është gjëja e duhur. Mendoj se ofrimi i ndihmës ushtarake për Ukrainën tani është jashtëzakonisht e rëndësishëm. I besoj informatave të Inteligjencës që kemi marrë …besoj se Xi, Vladimir Putin dhe Irani vërtetë janë bosht i së keqes. Mendoj se ata janë të koordinuar. Nëse Vladimir Putin vazhdon të marshojë nëpër Evropë, nëse lejohet, ai mund të shkojë në Ballkan, Poloni një nga aleatët tanë në NATO. Më parë do t’i dërgoje plumba Ukrainës se djemtë amerikanë Ne nuk mund të bëjmë politikë me këtë. Ne duhet të bëjmë gjënë e duhur.“

CNN raporton se ky qëndrim mund t’i kushtojë Johnsonit me pozitën e Kryesuesit për shkak të kundërshtimeve të republikanëve të linjës së ashpër për këto ligje.

Ndërsa Presidenti i Shteteve të Bashkuara, Joe Biden shprehu mbështetjen e fuqishme për ndihmën ushtarake shtesë për Ukrainën dhe Izraelin, si edhe ndihmën humanitare për palestinezët në Gazë, pasi Kryetari i Dhomës së Përfaqësuesve Mike Johnson bëri të ditur se votimi për këtë ndihmë shtesë, do të bëhet të shtunën në mbrëmje.

Speaker Johnson: "I'm doing here what I believe to be the right thing. I think providing lethal aid to Ukraine right now is critically important…We can't play politics with this. We have to do the right thing."pic.twitter.com/rzh1JK1gXe

— Republicans for Ukraine (@GOP4Ukraine) April 18, 2024

Komandanti Suprem i Aleatëve të NATO-s në Evropë (SACEUR) dhe komandanti i Komandës Evropiane të Forcave të Armatosura të SHBA-së (USEUCOM), gjenerali Christopher Cavoli, dëshmoi mbrëmë para Kongresit amerikan.

Cavoli tha që në fillim të fjalimit se NATO nuk ka vetëm një problem ashtu sikurse SHBA-ja që nuk është një vend me vetëm një problem.

“Është e rëndësishme të pranohet se ka gjëra të tjera që ndodhin në Evropë që nuk janë të mira për interesat kombëtare të SHBA-së. Gjithashtu, ato nuk janë pa lidhje me luftën në Ukrainë. Gjëja e parë që bëmë ishte që vendosëm të bëjmë diçka brenda NATO në lidhje me forcat rezervë”, tha Cavoli.

Ai vazhdoi duke thënë se kjo ka të bëjë kryesisht me forcat e dislokuara në kuadër të misionit në Kosovë (KFOR) dhe në Bosnje dhe Hercegovinë (Misioni EUFOR Altea).

“Ne kemi bërë një rishikim të planit dhe tregoi se na duhen jo vetëm më shumë forca, por edhe artileri më e rëndë e NATO-s që të vendoset në rajon. Duhen rritur numri i trupave në Bosnjë Hercegovinë dhe ato të KFOR-it në Kosovë për mbikëqyrjen, zbulimin dhe për të monitoruar kërcënimet ndaj tyre”, shtoi tutje ai.

Më pas ai preku forcat rezervë të NATO-s në misionin Altea BE.

“Ne po zgjidhim lidhjet midis forcave rezervë për misionin e BE-së Altea në Bosnje dhe Hercegovinë dhe misionit të KFOR-it. Ishte një ekonomi që nuk mund ta përballonim më. Të ndajmë forcat strategjike në atë zonë. Franca ishte veçanërisht bujare në këtë çështje dhe në këtë mënyrë e falënderoj”, pohoi ai.

“Franca e ka vënë batalionin në gatishmëri operacionale. Këtë javë, tensionet janë dukshëm më të larta. Ne kemi nisur të paktën dy misione të fokusuara për të rritur mbledhjen e informacionit për të kuptuar më mirë se çfarë po ndodh në të dy vendet”, shtoi Cavoli.

Ushtaraku amerikan deklaroi se tensionet etnike në Bosnjë dhe Hercegovinë gjithashtu kanë potencial për të përshkallëzuar dhe destabilizuar rajonin e Ballkanit Perëndimor.

Oda Ekonomike e Kosovës ka reaguar pas ndalimit të djeshëm të qytetarëve nga Kosova në kufirin mes Serbisë e Kroacisë, nga ana e autoriteteve të Serbisë, duke e vlerësuar si veprim i papranueshëm, i dëmshëm dhe në kundërshtim me frymën e bashkëpunimit e integrimit që promovon Kosova por edhe në kundërshtim me vlerat dhe parimet e BE-së që e synon tërë rajoni.

OEK thekson se qytetarët e Kosovës, bizneset e Kosovës, kanë treguar se janë të hapur për bashkëpunim me të gjithë pa dallim, por të njëjtën e presin edhe nga popujt dhe shtetet e tjera të rajonit.

“U apelojmë të gjithëve që të marrin masa që të mos pengohet lëvizja e lirë mes shteteve të Ballkanit Perëndimor dhe që qytetarët dhe bizneset e Kosovës të trajtohen të barabartë me të gjithë të tjerët. Deri sa e mirëpresim reagimin e instancave vendore e ndërkombëtare, u bëjmë apel, veçanërisht institucioneve të BE-së, që të marrin hapa konkret që hapat e integrimit të rajonit si parime të Procesit të Berlinit dhe parakusht për anëtarësimin në BE të respektohen nga të gjitha vendet e Ballkanit Perëndimor”, thuhet në reagim.