Blog

Presidenti i Serbisë Aleksandar Vuçiq, në 11-vjetorin e marrëveshjes së Brukselit, është ankuar për mos zbatimin e asociacionit të komunave me shumicë serbe.

Ai në fjalimin e tij pas stërvitjes ushtarake “Vihori 2024” në Peshter ka komentuar përvjetorin e njëmbëdhjetë të marrëveshjes së Brukselit.

“Pas njëmbëdhjetë vjetësh, lind pyetja se çfarë lloj besimi mund të ndërtojmë,” vuri në dukje presidenti.

Ai theksoi se nuk ka njeri në botë që nuk ka reaguar pasi policia serbe ka ndaluar katër anëtarë të Policisë së Kosovës.

“Nuk ka njeri që nuk ka reaguar, njoftimi i Departamentit të Shtetit, gjermanëve, EULEX-it, të gjitha të mundshme, për dhjetë muaj e treqind ditë është bllokuar të gjitha mallrat që duhet të vijnë nga Serbia qendrore në Kosovë. Arrestimi i Sreçko Sofronijeviq, nuk ka asnjë deklaratë në paraburgim muaj, nuk mund ta lironi më herët, sepse është aq i rrahur me lëndime aq të rënda sa nuk duhet parë, nuk shkruani asnjë njoftim”, ka theksuar Vuçiq.

Ai ka thënë se njëri nga policët e ndaluar nga organet serbe ishte pjesëtar i UÇK-së dhe dyshohet se ka kryer vepër penale, ndërsa tjetri është mbajtur 24 orë.

I pyetur nëse Greqia është vend mik apo partner pas sjelljes së përfaqësuesve të saj në seancën e Asamblesë Parlamentare të Këshillit të Evropës, Vuçiq tha se në periudhën e ardhshme do të ndjekë votimin dhe do të deklarohet në përputhje me rrethanat.

“A jam i kënaqur me sjelljen e Bakoyannis? Nuk jam. Mendoj se është turp kjo që bëri ajo”, tha Vuçiq.

Vuçiq ka deklaruar se ka pasur një marrëveshje për t’u takuar me Bakoyannis më 21 shkurt, por se kanë hequr dorë nga kjo. Më pas, shton ai, është dashur të bisedojnë përmes video-lidhjes, por u është thënë se kjo nuk është e mundur për shkak të gjendjes së saj shëndetësore.

I pyetur për të komentuar deklaratat e ministrit të Mbrojtjes së Kosovës, EJup Maqedonci se Serbia po mban stërvitje ushtarake që ngritin tensionet, Vuçiq komentoi me ironi se “nuk e kanë idenë se çfarë (stërvitjesh) janë sulmuese dhe mbrojtëse”.

Pothuajse 117 mijë njerëz janë evakuuar për shkak të përmbytjeve në Kazakistan, njoftoi Ministria e Emergjencave të vendit të Azisë Qendrore.

Rreth 16 mijë njerëz janë kthyer tashmë në shtëpitë e tyre, tha ministria në një deklaratë, pasi uji është zvogëluar në disa rajone.

Sipas kësaj ministrie, gjendja e “emergjencës lokale” vazhdon në 38 vendbanime në tetë rajone për shkak të përmbytjeve. Operacionet e shpëtimit kanë evakuuar me sukses 117.694 individë nga zonat e prekura nga përmbytjet, me 18.651 të kthyer në shtëpitë e tyre dhe 6.887 të strehuar në strehimore të përkohshme. Për më tepër, 113.852 bagëti janë zhvendosur në zona të sigurta.

Në provincat Akmola, Aktobe, Atyrau, Kostanay dhe Kazakistani i Veriut, 5.718 shtëpi janë zhytur nën ujë. Një total prej 44.156 personeli, përfshirë forcat ushtarake, janë mobilizuar për të mbështetur përpjekjet për lehtësimin e përmbytjeve në mbarë vendin.

Sekretari i Shtetit i Shteteve të Bashkuara, Antony Blinken, vlerësoi të premten rolin që po luan Italia në përpjekjet për të ndaluar konfliktin në Lindjen e Mesme që po rrezikon të del jashtë kontrollit.

“Italia po luan një rol vendimtar për de-përshkallëzimin në Lindjen e Mesme”, tha Blinken në një konferencë shtypi në fund të takimit të ministrave të jashtëm të G7 në Capri.

“Është një vend lider që është i angazhuar me shumë vende të tjera në botë që kanë marrëdhënie të drejtpërdrejta me Lindjen e Mesme. Dhe ne kemi parë se sa i rëndësishëm ka qenë ky angazhim gjatë 10 ditëve, dy javëve të fundit, për të mbajtur gjërat të qeta dhe për të shmangur përshkallëzimin dhe një konflikt më të gjerë.” /ANSA

G7 është gati të vendosë sanksione të reja ndaj Iranit pas sulmit të tij ndaj Izraelit fundjavën e kaluar, thuhet në komunikatën përfundimtare të Takimit të Ministrave të Jashtëm të G7 në Capri të premten.

“Ne kërkojmë që Irani dhe grupet e lidhura me të të ndërpresin sulmet e tyre”, thuhet në komunikatë. “Ne do ta mbajmë qeverinë iraniane përgjegjëse për veprimet e saj të dëmshme dhe destabilizuese dhe jemi të gatshëm të marrim sanksione ose masa të tjera tani dhe në përgjigje të nismave të mëtejshme destabilizuese”.

Një paragraf kushtuar luftës në Ukrainë thoshte se “nëse Irani vazhdon me furnizimin me raketa balistike ose teknologji të lidhura me Rusinë, ne jemi gati të përgjigjemi në një mënyrë të shpejtë dhe të koordinuar, duke përfshirë masa të reja të rëndësishme”.

Në komunikatë iu bë thirrje të gjitha palëve të përfshira që të kërkojnë de-përshkallëzimin. “Në dritën e lajmeve për bastisjet e 19 prillit, ne u bëjmë thirrje të gjitha palëve të punojnë për të parandaluar përshkallëzimin e mëtejshëm”, thuhet në komunikatë. “G7 do të vazhdojë të punojë për këtë qëllim. /ANSA

Policia e Kosovës në 24 orët e fundit në Suharekë në dy raste të ndara ka konfiskuar dy armë zjarri.

Në rastin e parë, gjatë kontrollit në automjetin Audi 4G , me targa vendore të cilin e drejtonte dëshmitari, në ulësen e pasme të automjetit është gjetur dhe konfiskuar një pistoletë me 23 fishekë, në pronësi të dyshuarit S. M. (33).

Ndërsa në rastin e dytë, po ashtu njësia policore në Suhareke, i është përgjigjur një rast vetaksident trafiku me lëndime në Terrnje. Policia ka kontaktuar të dyshuarin XH.B. (62), i cili ishte vetaksidentuar me veturë e tij.

Zyrtarët policorë kanë vërejtur se i njëjti mbante në brez një armë pistoletë të tipit, Ekol Special, kalibri 9 mm me karikator me tre fishekë të kalibrit 7.65 mm, të cilën në cilësinë e provave materiale e kanë konfiskuar në vendin e ngjarjes.

Pistoleta duket të ketë qenë me gaz, por e konvertuar në armë zjarri. Pas intrervistimit, me urdhër të prokurorit dy të dyshuarit janë liruar në procedurë të rregullt. Ndaj tyre janë iniciuar raste për veprën penale mbajtje në pronësi, kontroll ose posedim të paautorizuar të armës.

Policia franceze rrethoi konsullatën iraniane në Paris të premten, ku një burrë po kërcënonte të hidhte veten në erë, raporton radio Europe 1 dhe BFM TV.

Policia tha se ka qenë në vendngjarje dhe ka kërkuar nga qytetarët që të shmangin zonën.

Shërbimi u ndërpre në një linjë metroje aty pranë për arsye sigurie, tha kompania e metrosë RATP.

Policia e Kosovës ka njoftuar se përgjatë periudhës kohore Janar – Mars të vitit 2024, 2mijë e 223 shoferëve u është konfiskuar patentë shoferi.

Derisa 5mijë e 013 shoferëve u janë vendosur pikët negative.

Në njoftim thuhet se Policia do të vazhdojë me aktivitete që kanë pqë qëllim ngritjen e sigurisë në trafikun rrugor si dhe uljen e aksidenteve.

“Policia e Kosovës vazhdon me aktivitete që kanë për qëllim ngritjen e sigurisë në trafikun rrugor si dhe uljen e aksidenteve. Gjatë periudhës kohore Janar – Mars 2024:• 2,223 shoferëve, iu është ndaluar drejtimi i mjetit me veprim motorik. • 5,013 shoferëve, iu kanë vendosur pikë negative”, thuhet në njoftim.