Blog

Policia e Kosovë ka parandaluar një rast të kontrabandës me duhan gjatë patrullimit të pikës kufitare Hani i Elezit në fshatin Krivenik.

Drejtuesi i automjetit sipas policisë, pasi e ka vënë re se është pikasur nga patrullat policore, ka braktisur automjetin dhe ka ikur në drejtim të territorit të Maqedonisë.

“Policia ka tërhequr automjetin me targa të dhe Maqedonisë së Veriut dhe gjatë kontrollit të automjetit është vërejtur se kishte të ngarkuar: 360 pako x 800 gr = 288 kg, të llojit lord, 79 pako x 500 gr = 39.5 kg, të llojit marlboro, 60 pako x 500 gr = 30 kg, të llojit llord, 60 pako x 500 gr = 30 kg të llojit dunhill, 80 pako x 500 gr = 40 kg të llojit davidof, 80 pako x 500 gr = 40 kg të llojit ëest, 20 pako x 500 gr = 10 kg të llojit royal dhe 20 pako x 500 gr = 10 kg të llojit virginia”, thuhet në nkomunikatë.

Gjithsej sipas policisë janë sekuestruar 487.5 kg duhan i gatshëm për treg.

“Vlera e malit dhe e akcizës mbetet të përcaktohet nga Dogana e Kosovës. Malli dyshohet të jetë sjellë kontrabandë nga Maqedonia Veriore përmes rrugëve malore”, thuhet tutje.

Lidhur me rastin të gjitha veprimet janë ndërmarrë në bashkëpunim me Prokurorin e Shtetit, ku me urdhër të tij, malli i kontrabandë dhe automjeti janë sekuestruar dhe dërguar në terminalin doganor Hani i Elezit.

Puna e Kuvendit të Kosovës gjatë vitit 2023 është karakterizuar nga vendimmarrja në kundërshtim me Kushtetutën, thuhet në raportin e Institutit të Kosovës për Drejtësi, që u publikua të premten.

Hulumtuesi në IKD, Naim Jakaj, tha se legjislativin e ka përcjell edhe mungesa e transparencës në çështje kyçe të punës, derisa të zgjedhurit e popullit shpesh herë kanë përdorur gjuhë joparlamentare, homofobe dhe seksiste.

Sipas tij, Gjykata Kushtetuese ka rrëzuar pjesërisht Ligjin për Pagat në Sektorin Publik dhe atë për Zyrtarët Publikë, ndërsa rrëzoi në tërësi Ligjin për Këshillin Prokurorial. Krahas kësaj, ai shtoi se kushtetuesja rrëzoi edhe Ligjin për masat e përkohshme të produkteve themelore në raste të veçanta të destabilizimit në treg si dhe vendimin për shkarkimin e tetë anëtarëve të Bordit të Radiotelevizionit të Kosovës.

“Puna e këtij institucioni është karakterizuar edhe nga vendimmarrja në kundërshtim me Kushtetutën, në disa raste nga vendimmarrja e kundërligjshme dhe në disa raste nga mungesa e transparencës së plotë në çështje kyçe të punës së Kuvendit. Më tutje puna e Kuvendit është përcjell edhe nga gjuha jo parlamentare, gjuhë raciste, seksiste, mizogjene dhe homofobe. Ndërkohë gjatë vitit 2023 përfaqësuesit e qytetarëve u përplasën fizikisht gjatë punimeve të seancës plenare ndërmjet veti dhe kabinetit qeveritar”, tha ai.

Jakaj po ashtu tha se Kuvendi ka zhvilluar punimet pa planifikim adekuat, derisa s’ka pas as efikasitet në miratimin e Projektligjeve dhe marrëveshjeve ndërkombëtare.

“Kuvendi ka zhvilluar punime pa planifikim adekuat, ku në krahasim me vitin paraprak Kryesia e Kuvendit kishte autorizuar draft-planin për sesionin, këtë vit një propozim i tillë nuk u diskutua fare. Kjo për pasojë pati fenomenin e mosefikasitetit në shqyrtimin dhe miratimin e pikave të rendit të ditës. Mosefikasitet që u bart nga një vit në tjetrin…Në lidhjen me aktivitetin legjislativ ai u përshkrua nga mosefikasiteti në miratimin e projektligjeve dhe pikave të tjera, përgjithësisht pati mungesa kronike e kuorumit, ku në shumicën e rasteve u shkaktua nga deputetët e shumicës dhe më pas tek deputetët opozitarë. Në anën tjetër edhe këtë vit, përveç në masë të madhe u shfaq fenomeni i mosmarrëveshjeve ndërkombëtare për të cilat në procesin e vendimmarrjes nuk merrnin pjesë deputetët e opozitës. Shumica parlamentare është treguar arrogante sa i përket bashkëpunimit me deputetët opozitarë, veçanërisht për Ligjin për ndarjet buxhetore për vitin 2024”, shtoi ai.

Ndërkaq, potencoi se Kuvendit gjatë vitit 2023 keqpërdori edhe mekanizmin e thirrjes së seancës së jashtëzakonshme për miratimin e pikave të rregullta të rendit të ditës./KP/

Presidenti serb, Aleksandar Vuçiq është “ankuar” ndaj Bashkimit Evropian sipas tij për nisjen e heqjes së sanksioneve ndaj Kosovës, duke e cilësuar këtë të fundit si një “truk të neveritshëm”.

Sipas tij kjo që po bëhet ndaj Serbisë është e pakuptimtë, e çmendur, e pafytyrë dhe e vrazhdë.

“Shikoni trukun e neveritshëm që përdorin gjatë gjithë kohës. Shqiptarët marrin një vendim krejtësisht të kundërligjshëm që “të gjithë e kritikojnë”, dhe pas një muaji kur serbët nuk pranojnë të thonë “rroftë heqja e dinarit”, ata thonë “nuk ka konsensus të vullneteve, nuk ka gatishmëri për marrëveshje dhe kompromis”, ka pretenduar Vuçiqi nga Nju Jorku.

“Por kanë kaluar 16 vjet, qe 16 vjet një vend i vogël ka luftuar për lirinë dhe territorin e tij me të gjitha mjetet politike dhe do të vazhdojë ta bëjë këtë”.

Qeveria e Kosovës planifikon të kalojë Projekt-kodin e ri Civil gjatë muajit maj. Kështu ka thënë kryeministri Albin Kurti të enjten (25 prill), gjatë një fjalimi në ngjarjen e organizuar nga Partia Socialdemokrate e Gjermanisë, SPD, në hapësirat e Bundestagut gjerman, për nder të 75-vjetorit të themelimit të Këshillit të Evropës

Kryeministri u shpreh i sigurt se do të arrijë shumicën parlamentare që ky projekt-kod të kalojë.

“Për këtë unë personalisht do të ndërtoj një shumicë parlamentare – dhe do të bëj thirrje për mbështetje të gjerë për këtë edhe nga partitë opozitare. Vendimi për mbledhjen e qeverisë për këtë çështje tashmë është marrë”, ka deklaruar Kurti.

Kurti ndërkaq, në këtë tubim ka thënë se kalimin e Kodit të ri Civil, Kosova do ta bëjë “sepse është e drejtë, sepse është një e drejtë, sepse është në Kushtetutën tonë dhe sepse e dimë që Gjykata Evropiane e të Drejtave të Njeriut ka nxjerrë aktgjykime duke kërkuar që kjo të bëhet”.

“Ne e dimë se ka vende në Këshillin e Evropës për një kohë të gjatë që e kanë injoruar gjykatën për këtë. Kosova do të jetë ndryshe. Në këtë mënyrë duam të frymëzojmë të tjerët”, është shprehur kryeministri.

Inspektori i Administratës Tatimore të Kosovës (ATK) në Mitrovicë me inicialet Q.M., ka dalë të premten para gjykatësit në Gjykatën Themelore në Mitrovicë, për t’u përballur me kërkesën e Prokurorisë për paraburgim. Ai dyshohet se ka kryer veprën penale të marrjes së ryshfetit.

Së bashku me inspektorin, para kësaj gjykate pritet të dalë sot edhe i dyshuari tjetër me inicialet S.S. nga Novi Pazari i Serbisë, i cili dyshohet për veprën penale të dhënies së ryshfetit. Seanca po zhvillohet e mbyllur për publikun, ndërsa pritet që vendimi i Gjykatës Themelore në Mitrovicë për këtë rast të merret në orët e vona të ditës së sotme.

Ndryshe, Prokuroria Themelore në Mitrovicë, Departamenti i Krimeve të Rënda, ka paraqitur kërkesë për caktimin e paraburgimit për dy të dyshuarit, pasi ekziston dyshimi i bazuar se kanë kryer veprat penale nga neni 421 dhe 422 paragrafi 1 të Kodit Penal të Republikës së Kosovës, përkatësisht veprat penale dhënie dhe marrje e ryshfetit.

Sipas njoftimit të Prokurorisë, inspektori i ATK-së në Mitrovicë, dyshohet se ka pranuar shumën e të hollave prej 135 euro nga pala tjetër, në mënyrë që të mos veprojë në pajtim me detyrën e tij zyrtare.

Darko Radojeviqm nga Zubin Potoku ka zbuluar se gjendja e keqe ekonomike në këtë pjesë të Kosovës është e keqe dhe se pensione e rroga marrin vetëm njerëzit që janë të lidhur me Serbinë.

Ai thotë se serbët po largohen nga Kosova vetëm për fajin e Listës Serbe.

Ai thotë se punon në kabinetin e kryetarit të komunës së Zubin Potokut, për të punuar për të mirën e komunitetit të tij. Thotë se Goran Rakiq e largoi nga puna pasi nuk e votoi Listën Serbe.

Darko Radojeviq, këshilltar në kabinetin e kryetarit të komunës së Zubina Potokut, Izmir Zeqiri, thotë për Danas se nuk është i vetmi serb që ka hyrë në institucionet e Kosovës pas zgjedhjeve të bojkotuara nga serbët. Ai fajëson listën Srpska për situatën aktuale.

Pas zgjedhjeve lokale, të cilat pasuan largimin e serbëve nga institucionet e Kosovës në veri dhe dorëheqjen e kryetarëve serbë, udhëheqjen e komunave në veri të Kosovës e morën kryetarët shqiptarë.

Një numër i vogël i serbëve iu afruan zyrave të këtyre kryetarëve të komunave – në mesin e tyre edhe anëtar i partisë së Nenad Rashiqit, ministri aktual për Komunitete dhe Kthim.

Radojeviq ishte anëtar i komisionit zgjedhor komunal në Zubin Potok gjatë votimit të mbajtur së fundmi për shkarkimin e kryetarit.

Siç tregon ai, aktualisht në këtë komunë nuk janë më shumë se 2500 banorë.

“Gjithçka që shihni është krijuar nga Lista Srpska, që nuk ka më shumë se 2500 njerëz këtu është vërtet e trishtueshme. Jo vetëm këtu, njerëzit janë larguar”, fillon Radojevic.

Ai thotë se ka pranuar të jetë këshilltar për të punuar për të mirën e komunitetit të tij.

“Shumë njerëz po shpërngulen, është një temë e gjerë, ka shumë për të thënë, por me një fjalë, ne kemi dështuar kolektivisht,” thotë ai.

Në pyetjen se si e shohin serbët pjesëmarrjen e tij në postin e kryetarit të komunës, të cilën e konsiderojnë jolegjitime, ai përgjigjet se presioni është aq i madh saqë njerëzit nuk lejohen të shprehin mendimin e tyre dhe se disa e mbështesin atë, por jo publikisht.

“Nuk kam qenë i vetmi që kam hyrë në institucionet e Kosovës, nuk i kam krijuar unë institucionet e Kosovës, ato janë krijuar nga të tjerët”. Unë nuk jam pro politikës së lartë, jam në lokal këtu, e di se çfarë i duhet çdo qytetari”, thotë ai.

Ai thotë se nuk di çfarë të bëjë pas referendumit të dështuar për zëvendësimin e kryetarit dhe vëren se gjendja ekonomike është shumë e keqe dhe se njerëzit janë të lidhur me Serbinë sepse marrin rroga dhe pensione.

Radojeviq posaçërisht theksoi problemin e tij personal me ish-kryetarin e Listës Serbe dhe ish-kryetar të Mitrovicës së Veriut, Goran Rakiq, i cili tani është deputet në Kuvendin e Serbisë.

Ai shpjegon se ai dhe Rakiq kanë punuar së bashku në zjarrfikëset dhe se në vitin 2015 e ka detyruar atë të largohet nga puna kur u bë kryetar komune.

“Unë duhej të integrohesha sipas Marrëveshjes së Brukselit, por kur u bënë zgjedhjet e para sipas marrëveshjes, atëherë në Shërbimin e Zjarrfikësve, komandanti Ljubisha Vuçiniq më tha se duhet të votoja për listën Srpska. Pas kësaj, pas zgjedhjeve, kishte pak dhe më pushuan nga puna. Si koleg ka qenë i mirë, e ka marrë politika, nuk i ka pëlqyer që nuk kam votuar Listën Serbe, por kaq”, pohon ai.

Komuna e Prishtinës ka njoftuar se shpejti do ta lëshojë në funksion një aplikacion për orarin e barnatoreve kujdestare.

Ndërsa kujdestaria e barnatoreve thuhet se fillon nga ora 22:00 deri në ora 07:00, sipas orarit që do të përgatitet nga Drejtoria e Shëndetësisë.

“Së shpejti pritet edhe vendosja në përdorim të aplikacionit, nga ku mund të dihet saktë orari dhe barnatorja kujdestare në kryeqytet për datën përkatëse”, thuhet në njoftimin e Komunës.