ATV

Blog

  • Stuhia rrëzoi billbordin në Mumbai, duke vrarë të paktën 14 persona

    Stuhia rrëzoi billbordin në Mumbai, duke vrarë të paktën 14 persona

    Në kryeqytetin financiar të Indisë Mumbai, 14 persona humbën jetën kur një billbord i madh u shemb, thanë zyrtarët të martën.

    Billbordi, i vendosur pranë një rruge të ngarkuar në zonën Chheda Nagar të periferisë lindore të Ghatkopar, u shemb të hënën në mbrëmje për shkak të një stuhie të shoqëruar nga erëra të forta, tha Korporata Komunale Brihanmumbai.

    Ai tha se numri i vdekjeve të konfirmuara ishte 14 që nga mëngjesi i së martës.

    31 persona të tjerë u liruan nga spitali pasi iu dha ndihma, thanë zyrtarët, duke shtuar se operacionet e shpëtimit janë ende në vazhdim.

    Menjëherë pas incidentit, korporata njoftoi se më shumë se 100 persona me siguri kanë mbetur të bllokuar dhe pas kësaj 60 persona janë shpëtuar dhe dërguar në spital, transmeton Anatolia.

    Të hënën në mbrëmje, Devendra Fadnavis, zëvendëskryeministri i shtetit Maharashtra, tha se ishte urdhëruar një hetim mbi incidentin dhe do të ndërmerren veprime të rrepta kundër atyre që janë përgjegjës.

  • Pesë raste të dhunës në familje brenda 24 orëve, arrestohen pesë persona

    Pesë raste të dhunës në familje brenda 24 orëve, arrestohen pesë persona

    Pesë raste të dhunës në familje janë raportuar gjatë 24 orëve të fundit në Policinë e Kosovës.

    Dy raste janë të lajmëruara në Prishtinë, derisa nga një në Istog, Rahovec dhe Vushtrri.

    Njoftimi i policisë:

    DHUNË NË FAMILJE

    · Prishtinë 09.05.2024, NN. Ankuesi mashkull shtetas i Turqisë, ka raportuar se i dyshuari mashkull shtetas i Turqisë i cili gjendet në Turqi e kishte kanosur përmes telefonit. Ankuesi ka kërkuar urdhër mbrojtës pasi ndjehet i rrezikuar. Rasti nën hetime.

    · Prishtinë 13.05.2024, 09:50. Është arrestuar i dyshuari mashkull kosovar, pasi që i njëjti kishte sulmuar fizikisht dy viktimat femra kosovare si dhe viktimën mashkull kosovar. Viktimat kanë pranuar tretman mjekësor, ndërsa i dyshuari pas intervistimit me vendim të prokurorit është dërguar në mbajtje.

    . Istog 13.05.2024. Janë arrestuar dy të dyshuar një mashkull dhe një femër kosovare pasi që të njëjtit pas një mosmarrëveshje kanë sulmuar njëri tjetrin dhe kanë ofenduar me fjalë. Me vendim të prokurorit dy të dyshuarit dërgohen në mbajtje

    . Rahovec 13.05.2024, 14:30. Ankuesja femër kosovare ka raportuar se i dyshuari mashkull kosovar pas një mosmarrëveshje ka ushtruar dhunë psiqike ndaj saj. I dyshuari është arrestuar dhe pas intervistimit me vendim të prokurorit është liruar në procedurë të rregullt.

    . Vushtrri 13.05.2024-13:10. Viktima femër kosovare ka njoftuar se i dyshuari mashkull kosovar i cili dyshohet se ka probleme shëndetësore/psiqike , ka ushtruar dhune fizike dhe psiqike ndaj saj. Viktima nuk ka pranuar tretman mjekësor, ndërsa i dyshuari ka pranuar tretman mjekësor ku pas tretmanit është shoqëruar në stacion policor për intervistim . Me vendim të prokurorit i dyshuari dërgohet në mbajtje.

  • Konfiskohen 2 mijë euro para metalike, dyshohet të jenë të falsifikuara

    Konfiskohen 2 mijë euro para metalike, dyshohet të jenë të falsifikuara

    Një person ditën e djeshme ka raportuar në polici se janë pranuar para metalike që dyshohet të jenë të falsifikuara.

    Vlera e tyre dyshohet të jetë rreth dy mijë euro.

    Paratë e dyshuara janë konfiskuar për hetime të mëtutjeshme.

    Njoftimi i policisë:

    FALSIFIKIM I PARASË

    Prishtinë 13.05.2024, NN. Ankuesi mashkull kosovar ka raportuar se janë pranuar para metalike të dyshuara për falsifikim në vlerë rreth 2000 €. Paratë e dyshuara janë konfiskuar për hetime të mëtutjeshme.

  • Krasniqi: Kushtëzimi i anëtarësimit në KiE me Asociacionin, sinjal i keq për komunitetet joshumicë

    Krasniqi: Kushtëzimi i anëtarësimit në KiE me Asociacionin, sinjal i keq për komunitetet joshumicë

    Ministri i Administrimit të Puhstetit Lokal, Elbert Krasniqi, ka vlerësuar se nga anëtarësimi i Kosovës në Këshillin e Evropës (KiE) përfitojnë veçanërisht komunitetet joshumicë.

    Sipas tij, kushtëzimi i anëtarësimit të Kosovës në këtë organizatë nga lidershipi aktual i Evropës, me Asociacionin e komunave me shumicë serbe është sinjal shumë i keq për komunitetet joshumicë në Kosovë.

    “Së pari, Asociacioni nuk është kërkesë e serbëve të Kosovës. Me Kushtetutë, serbët e Kosovës e kanë të drejtën dhe lirinë e asociimit si çdo komunitet tjetër. Së dyti, me këtë kushtëzim, krerët e disa prej shteteve evropiane fatkeqësisht po tregojnë se nuk u intereson edhe aq fuqizimi i komuniteteve tjera joshumicë në Kosovë, si rom, ashkali, egjptian, turk, goran e të tjerë, të cilët më së shumti do të përfitonin nga mekanizmat e Këshillit të Evropës”, ka shkruar Krasniqi në Facebook.

    Së treti, sipas tij, prioritizimi dhe insistimi në mekanizma e entitete një etnike rrezikon që në Kosovë të krijohet një superkomunitet joshumicë, siç ka thënë ai, duke e shthurur kështu harmoninë kushtetuese që ekziston ndërmjet komuniteteve joshumicë.

    “Si qytetar i kësaj Republike e së dyti si egjiptian në Kosovë, kjo më shqetëson jashtëzakonisht shumë”, ka shkruar Krasniqi.

  • Osmani: E ardhmja e Kosovës është në familjen euroatlantike

    Osmani: E ardhmja e Kosovës është në familjen euroatlantike

    Presidentja e Republikës së Kosovës, në Samitin e Kopenhagës për Demokraci, tha se për Kosovën e ardhmja në familjen euroatlantike është vet realiteti.

    Ajo tha se Bashkimi Evropian dhe NATO-ja mbeten ndër aleancat më të njohura në historinë moderne.

    “Jemi dëshmitar të një sulmi të pandalshëm ndaj vlerave demokratike nga autokratët që e shohin demokracinë si kërcënim të drejtpërdrejtë ndaj ambicieve të tyre. Sa më e madhe të jetë dëshira e tyre për ta minuar demokracinë aq më e fortë duhet të jetë vendosmëria jonë për ta luftuar. Jam krenare që qëndroj në këtë podium të sotëm për të ndarë me juve një këndvështrim në historinë e Kosovës si tregim i shpresës si tregim I demokracisë që jep rezultat”, tha Osmani mes tjerash.

    Sipas saj, demokracia më e gjallë në rajonin tonë është testament i vërtetë i asaj se si fati i një populli mund të transformohet kur jepet një rrugëtim drejtë pavarësisë, lirisë e demokracisë duke dalë nga hiri i një lufte gjenocidale.

  • ​Një grua sulmohet sesksualisht në Lipajn

    ​Një grua sulmohet sesksualisht në Lipajn

    Policia e Kosovës njofton se një grua ka raportuar se është sulmuar seksualisht nga një person në Lipjan.

    Sipas policisë, rasti ka ndodhur dje në ora 18:40, derisa i dyshuari është arrestuar.

    “Lipjan 13.05.2024-18:40. Viktima femër kosovare ka raportuar se ishte sulmuar seksualisht nga i dyshuari mashkull kosovar. I dyshuari është arrestuar dhe pas intervistimit me vendim të prokurorit dërgohet në mbajtje”, thuhet në raportin 24 orësh të policisë.

  • ​Lajçak shprehet optimist se në takimin e radhës mund të arrihet marrëveshje për dinarin

    ​Lajçak shprehet optimist se në takimin e radhës mund të arrihet marrëveshje për dinarin

    Emisari i Bashkimit Evropian për dialogun Kosovë-Serbi, Miroslav Lajçak është shprehur optimist se në takimin i cili do të mbahet gjatë kësaj jave me kryenegociatorët Besnik Bislimit dhe Petar Petkoviq në Bruksel do të arrihet një marrëveshje.

    Sipas tij në këtë takim synohet gjetja e një zgjidhjeje të përkohshme për ata që preken nga rregullorja e BQK-së për operacionet me para të gatshme.

    “Jam i sigurt se një marrëveshje mund të arrihet, por do të kërkojë fleksibilitet dhe kompromis nga të dyja palët”, ka shkruar emisari Miroslav Lajçak.

    Ndryshe të mërkurën Bashkimi Evropian ka ftuar në takim Kosovën dhe Serbinë.

    Zëdhënësi i BE-së, Peter Stano, në një konferencë për media tha se vazhdimi i bisedimeve do të jetë për gjetjen e zgjidhjes së përkohshme në lidhje me vendimin e Bankës Qendrore të Kosovës për dinarin.

  • Osmani për Masakrën Qyshk, Zahaq, Llabjan e Pavlan: Synimi i forcave kriminale ishte shfarosja dhe spastrimit etnik i shqiptarëve

    Osmani për Masakrën Qyshk, Zahaq, Llabjan e Pavlan: Synimi i forcave kriminale ishte shfarosja dhe spastrimit etnik i shqiptarëve

    Presidentja Vjosa Osmani ka kujtuar 25-vjetorin e Masakrës në Qyshk, Zahaq, Llabjan dhe Pavlan.

    25-vjet më parë, forcat e regjimit gjenocidal serbe vranë e masakruan barbarisht 44 civilë në Qyshk, 17 në Zahaq, 21 në Pavlan dhe 13 në Llabjan.

    Sikurse në çdo masakër kudo në Kosovë, synimi i forcave kriminale ishte shfarosja dhe spastrimit etnik i shqiptarëve.

    Në këtë përvjetor i kujtojmë me dhimbje martirët e këtyre fshatrave dhe riafirmojmë përkushtimin tonë për drejtësi.

    Qoftë i përhershëm kujtimi dhe nderimi për të gjithë të rënët për liri!

  • Libri i kujtimeve të Merkelit publikohet në fund të nëntorit

    Libri i kujtimeve të Merkelit publikohet në fund të nëntorit

    Libri i kujtimeve të ish-kancelares gjermane Angela Merkel me titull “Liria. Kujtimet 1954 – 2021″ do të publikohet në fund të nëntorit, tre vjet pas përfundimit të mandatit të saj 16-vjeçar, njoftoi sot shtepia e saj botuese.

    Merkel, e cila drejtoi Unionin Kristiandemokrat (CDU), përballoi një sërë krizash gjatë kohës së saj në detyrë, duke përfshirë fluksin e lartë të migrantëve në Evropë në 2015 dhe pandeminë e Covid-19.

    Ish-kancelarja e shkroi librin me këshilltaren e saj politike, Beate Baumann.

    Sipas shtëpisë botuese “Kiepenheuer & Witsch”, libri tregon jetën e Merkelit në dy shtete gjermane – 35 vjet në Gjermaninë Lindore komuniste dhe 35 vjet në Gjermaninë e ribashkuar.

    Në një deklaratë për shtyp, Merkel, e cila lindi në Hamburg në vitin 1954, por e cila u shpërngul në ish-Gjermaninë Lindore me familjen e saj pak më vonë, shpjegoi se çështja e lirisë, në nivel politik dhe personal e ka shqetësuar atë gjatë gjithë jetës.

    “Pa demokraci nuk ka liri, nuk ka shtet kushtetues, nuk ka mbrojtje të të drejtave të njeriut”, tha ajo.

    Në nivel personal, liri do të thotë të mos ndalosh së mësuari, por të jesh në gjendje të shkosh më tej, edhe pas largimit nga politika”, shtoi Merkel.

    “Libri do të shfaqet në mbarë botën në mbi 30 vende”, njoftoi shtëpia botuese.

    Merkel ishte në krye të ekonomisë më të madhe të Evropës për 16 vjet midis 2005 dhe 2021.

    Ajo ishte gjithashtu kancelarja e parë grua e Gjermanisë./atsh

  • Shtyhet rregullorja e ShSKUK-së për Organizimin e Brendshëm dhe Sistematizimin e Vendeve të Punës

    Shtyhet rregullorja e ShSKUK-së për Organizimin e Brendshëm dhe Sistematizimin e Vendeve të Punës

    Rregullorja e Shërbimit Spitalor Klinik Universitar i Kosovës (ShSKUK), Nr. 02/2024 për Organizimin e Brendshëm dhe Sistematizimin e Vendeve të Punës është shtyrë, pasi Gjykata Themelore në Prishtinë, Departamenti për Çështje Administrative e ka aprovuar si të bazuar propozimin e paditësve propozues për shtyrje të ekzekutimit të kësaj rregulloreje, raporton Ekonomia Online.

    Këtë gjë e ka konfirmuar për EO edhe avokati i paditësve, Ardian Bajraktari.

    “Sot kam pranuar vendimin e Gjykatës Themelore të Prishtinës ku është aprovuar propozimi ynë për shtyrjen e ekzekutimit të rregullores për Organizimin e Brendshëm dhe Sistematizimin e Vendeve të Punës në Shërbimi Spitalor dhe Klinik Universitar të Kosovës”, tha Bajraktari përmes telefonit.

    Tutje Bajraktari thekson se tashmë padisë i janë bashkuar edhe 136 punonjës të tjerë të SHSKUK-së, kryesisht të shërbimit dytësor shëndetësorë, dhe shprehet optimist,

    “Në pajtim me nenin 264 të Ligjit për Procedurën Kontestimore, padisë i janë bashkuar edhe 136 punonjës të tjerë, dhe unë jam shumë optimist që i tille si ky vendim do të jetë edhe epilogu përfundimtar i këtij procesi, megjithatë duhet të presim verdiktin e Gjykatës”, u shpreh ai.