ATV

Blog

  • “Kush është ky njeri?”, Haradinaj për Kurtin: Njerëzit e tij po përgatiten për protesta kundër gazit amerikan

    “Kush është ky njeri?”, Haradinaj për Kurtin: Njerëzit e tij po përgatiten për protesta kundër gazit amerikan

    Kreu i AAK-së, Ramush Haradinaj, thotë se njerëzit e kryeministrit në detyrë, Albin Kurti, “po përgatiten për protesta kundër gazit amerikan”.

    Ai është shprehur i ashpër me Kurtin, duke pyetur “kush është ky njeri?”.

    “Më 21 nëntor 2018, si Kryeministër i Qeverisë Haradinaj, vendosa taksën 100% ndaj mallrave të Serbisë.

    Më 1 prill 2020, Albin Kurti e hoqi taksën dhe e hapi tregun për mallrat serbe.

    Më 20 dhjetor 2017, nënshkrova projektin me ContourGlobal për ta bërë Kosovën të pavarur energjetikisht nga Serbia.

    Në vitin 2020, Albin Kurti e anuloi këtë projekt, duke i hapur derën importit të rrymës nga mafia energjetike e kontrolluar nga Serbia.

    Në vitet 2021–2022, Kurti refuzoi edhe projektin amerikan të gazit”, shkruan Haradinaj.

    Tutje, Haradinaj thotë “më 14 qershor 2026, mediat raportojnë për dhjetëra kamionë me mallra nga Serbia që presin të hyjnë në Kosovë. Ndërkohë, vetëm gjatë vitit të kaluar, Kosova importoi energji elektrike në vlerë prej rreth 259 milionë euro”.

    “Tash, kur është riaktualizuar çështja e gazit, njerëzit e tij po përgatiten për protesta kundër gazit amerikan.

    Kush është ky njeri? A është me të vërtetë kundër gazit apo kundër Amerikës? Tregun e mallrave ia dha Serbisë, ndërsa tregun energjetik po ia garanton.

    Çka don ky njeri nga Kosova?”, thotë Haradinaj.

  • KEDS njofton për orarin e reduktimeve të planifikuara për të dielën, këto vende mbesin pa rrymë

    KEDS njofton për orarin e reduktimeve të planifikuara për të dielën, këto vende mbesin pa rrymë

    Kompania për Distribuimin e Energjisë Elektrike në Kosovë (KEDS) ka njoftuar se të dielën, më 14.06.2026, do të kryhen punime për siguri të sistemit energjetik.

    Si rezultat i kësaj, në disa lokalitete do të ketë ndërprerje të energjisë elektrike.

    Ky është orari sipas rajoneve:

    Prishtinë

    Punime nga palët e treta

    1.

    Nga TS 110/10[kV] Prishtina 5 do të ndërprehet:
    NS 10/04kV TS Xhemail Ibishi 4/2 (kodi: 13000014006) nga ora 10:00 deri 11:00.
    Vendet: rr. Adem Keçekolla.
    Arsyeja: Punime sipas PEE, montimin e letfës.

    Prizren

    Punime të domosdoshme për siguri të sistemit

    1.
    Nga TS 110/35/10 [kV] Prizreni 1 do të ndërpritet H07 TS 35/10 [kV] Prizreni IV (kodi: 300330) prej orës 09:00 deri në 14:00.
    Vendet: Lagjja Tusus 1, Lagjja Tusus 2, Lagjja Tusus 3, Lagjja Tusus 4, Lagjja Tusus 5, Shkolla Normale, KFOR-i Turk, Lagjja e Trimave, IBPK “Prizreni”, “Shtypshkronja e Re” (ETC), “Siprint Shtypshkronja”.
    Rrugët: Kukësi, Xhevat Berisha, Sali Bytyqi, Mbreti Pleurat, Bajram Curri, William Walker.
    Afariste: “Afioni”, “Etem-Trade”, “EULEX”, “Kuk-Komerc”, “Sharri Beton”, “Sharri Plast”.
    rr. Azem Hajdari, rr. Ilaz Hoxha, rr. Besart Shala & Blerton Baxhaku, rr. Qamil Bytyqi, rr. Sefidin Laçi, Ismet Jashari-Kumanova, Anton Pashku, Mentor Krasniqi, Vatrat Shqiptare, Shën Albani, Lazër Lumezi, Shën Jeronimi, Pal Paluca, Hysen Rexhepi, Nuhi Elezi, Themistokli Gërmenji, Asllan Berisha, Teodor Haxhi Filipi, Marin Barleti, Bujtinat, Iljaz Kuka, Adnan Krasniqi, Aleksander Flemingu, Papa Gjon Pali II, Anton Çeta, Petro Nini Luarasi, At Gjergj Fishta, Odhise Paskali, Esat Haskuka, Xhavit Bajraktari, Indrit Cara Kavaja, Azem Hajdari, Behari, Sheshi Shadervan, Halil Berisha, Lekë Dukagjini, rr. Kaçaniku, rr. De Rada, rr. Ibrahim Lutfiu, rr. Joni, rr. Tirana, Spitali Rajonal-Prizren, rr. Kukësi.
    Arsyeja: Kyçja e kabllove në kthinën e re.

    Gjakovë

    Punime në projekte investive

    1.

    NS 35/10[kV] Gjakovë I
    Nga dalja 10[kV] Cermjani në SSH-Cermjani do të ndërpriten këta TS nga ora 08:00 deri 17:00:
    TS 10/0.4 kV Zhabel-2 (kodi: 80080012034)
    TS 10/0.4 kV Bardhaniq (kodi: 80080012313)
    TS 10/0.4 kV Barë e Madhe (kodi: 80080012314)
    Vendet: Bardhaniq, Barë e Madhe.
    Arsyeja: Punime në projekte investive.

    Gjilan

    Punime nga KOSTT-i

    Nga TS 110/10 [kV] Kamenica do të ndërprehet:
    TR1 (kod: 620000) dhe pa tension mbesin të gjitha daljet 10 (kV) prej orës 00:10 deri në 00:20.
    Vendet: Rrugët: Asim Jusufi (një pjesë), Avdi Xhaçku, Besnik Maroca, Dëshmorët e Kombit, Kadri Zeka, Nikolla Teslla, Musli Ymeri (një pjesë), Wurdo Wilson (një pjesë), Vëllezërit Krivaqa (një pjesë), Rrugët: Adem Jashari, Agim Ramadani (një pjesë), Basri Canolli, Fehmi Agani, Iliria (një pjesë), Ismajl Qemajli, Konferenca e Rambujesë (një pjesë), Nëna Terezë, Ramadan Kastrati, Selver Kryeziu (një pjesë), Skënderbeu, Vudro Wilson, Car Llazar (një pjesë), Emin Kryeziu (një pjesë), Haki Efendi Sermaxhaj, Kamenicë, Metush Krasniqi (një pjesë), Muharrem Fejza (një pjesë), Mulla Idriz Gjilani (një pjesë), Qendër, Qendra Tregtare, Sahit Baliq, Vuk Karagjiq (një pjesë), Xhelal Sopi (një pjesë).
    Fshatrat: Berivojcë (një pjesë), Bozhec, Busavatë, Dobërçan, Drenoc, Drenoc i Ulët, Drenoc i Epërm, Dubovë (një pjesë), Gllogoc, Hodec (një pjesë), Miganoc (një pjesë), Pançellë, Petroc, Ranillug, Ropotovë e Madhe, Ropotovë e Vogël dhe Tomanc, Berivojcë (një pjesë) dhe Ruboc, Berivojcë, Boscë, Bratilloc (një pjesë), Feriqevë (një pjesë), Grizimë, Jagllarë (një pjesë), Malësia, Lagjja e Malësisë, Moçar (një pjesë), Strelicë, Svircë (një pjesë), Tugjec, Zajçec, Olec, Bushincë, Buxhenicë (një pjesë), Carevc (një pjesë), Gragjenik (një pjesë), Hajnoc, Kamenicë, Kremenatë (një pjesë), Krilevë, Malësia dhe Lagjja e Malësisë (një pjesë), Meshinë (një pjesë), Moçar, Strezoc dhe Tirinicë (një pjesë), Dajkoc, Muçivërc, Rogaçicë dhe Shipashnicë e Poshtme (një pjesë), Hodonc, Karaçevë e Poshtme, Karaçevë e Epërme, Katushnicë (një pjesë) dhe Rogaçicë, Berivojcë (një pjesë), Bozhec, Busavatë, Dobërçan, Drenoc, Drenoc i Ulët, Drenoc i Epërm, Dubovë (një pjesë), Gllogoc, Hodec (një pjesë), Miganoc (një pjesë), Pançellë, Petroc, Ranillug, Ropotovë e Madhe, Ropotovë e Vogël dhe Tomanc, Crepanë (një pjesë), Dheu i Bardhë (një pjesë), Koretin (një pjesë) dhe Topanicë (një pjesë), Domoroc, Koretin, Kormjan i Poshtëm, Kormjan i Epërm.
    Arsyeja: Rehabilitimi i Marshalling Kiosk për Transformatorët Matës të Kombinuar 110 kV në NS distributive. Kalimi i ngarkesës nga TR2 në TR1.

    Kompania për Distribuimin e Energjisë Elektrike në Kosovë (KEDS) ka njoftuar se të dielën, më 14.06.2026, do të kryhen punime për siguri të sistemit energjetik.

    Si rezultat i kësaj, në disa lokalitete do të ketë ndërprerje të energjisë elektrike.

    Ky është orari sipas rajoneve:

    Prishtinë

    Punime nga palët e treta

    1.

    Nga TS 110/10[kV] Prishtina 5 do të ndërprehet:
    NS 10/04kV TS Xhemail Ibishi 4/2 (kodi: 13000014006) nga ora 10:00 deri 11:00.
    Vendet: rr. Adem Keçekolla.
    Arsyeja: Punime sipas PEE, montimin e letfës.

    Prizren

    Punime të domosdoshme për siguri të sistemit

    1.
    Nga TS 110/35/10 [kV] Prizreni 1 do të ndërpritet H07 TS 35/10 [kV] Prizreni IV (kodi: 300330) prej orës 09:00 deri në 14:00.
    Vendet: Lagjja Tusus 1, Lagjja Tusus 2, Lagjja Tusus 3, Lagjja Tusus 4, Lagjja Tusus 5, Shkolla Normale, KFOR-i Turk, Lagjja e Trimave, IBPK “Prizreni”, “Shtypshkronja e Re” (ETC), “Siprint Shtypshkronja”.
    Rrugët: Kukësi, Xhevat Berisha, Sali Bytyqi, Mbreti Pleurat, Bajram Curri, William Walker.
    Afariste: “Afioni”, “Etem-Trade”, “EULEX”, “Kuk-Komerc”, “Sharri Beton”, “Sharri Plast”.
    rr. Azem Hajdari, rr. Ilaz Hoxha, rr. Besart Shala & Blerton Baxhaku, rr. Qamil Bytyqi, rr. Sefidin Laçi, Ismet Jashari-Kumanova, Anton Pashku, Mentor Krasniqi, Vatrat Shqiptare, Shën Albani, Lazër Lumezi, Shën Jeronimi, Pal Paluca, Hysen Rexhepi, Nuhi Elezi, Themistokli Gërmenji, Asllan Berisha, Teodor Haxhi Filipi, Marin Barleti, Bujtinat, Iljaz Kuka, Adnan Krasniqi, Aleksander Flemingu, Papa Gjon Pali II, Anton Çeta, Petro Nini Luarasi, At Gjergj Fishta, Odhise Paskali, Esat Haskuka, Xhavit Bajraktari, Indrit Cara Kavaja, Azem Hajdari, Behari, Sheshi Shadervan, Halil Berisha, Lekë Dukagjini, rr. Kaçaniku, rr. De Rada, rr. Ibrahim Lutfiu, rr. Joni, rr. Tirana, Spitali Rajonal-Prizren, rr. Kukësi.
    Arsyeja: Kyçja e kabllove në kthinën e re.

    Gjakovë

    Punime në projekte investive

    1.

    NS 35/10[kV] Gjakovë I
    Nga dalja 10[kV] Cermjani në SSH-Cermjani do të ndërpriten këta TS nga ora 08:00 deri 17:00:
    TS 10/0.4 kV Zhabel-2 (kodi: 80080012034)
    TS 10/0.4 kV Bardhaniq (kodi: 80080012313)
    TS 10/0.4 kV Barë e Madhe (kodi: 80080012314)
    Vendet: Bardhaniq, Barë e Madhe.
    Arsyeja: Punime në projekte investive.

    Gjilan

    Punime nga KOSTT-i

    Nga TS 110/10 [kV] Kamenica do të ndërprehet:
    TR1 (kod: 620000) dhe pa tension mbesin të gjitha daljet 10 (kV) prej orës 00:10 deri në 00:20.
    Vendet: Rrugët: Asim Jusufi (një pjesë), Avdi Xhaçku, Besnik Maroca, Dëshmorët e Kombit, Kadri Zeka, Nikolla Teslla, Musli Ymeri (një pjesë), Wurdo Wilson (një pjesë), Vëllezërit Krivaqa (një pjesë), Rrugët: Adem Jashari, Agim Ramadani (një pjesë), Basri Canolli, Fehmi Agani, Iliria (një pjesë), Ismajl Qemajli, Konferenca e Rambujesë (një pjesë), Nëna Terezë, Ramadan Kastrati, Selver Kryeziu (një pjesë), Skënderbeu, Vudro Wilson, Car Llazar (një pjesë), Emin Kryeziu (një pjesë), Haki Efendi Sermaxhaj, Kamenicë, Metush Krasniqi (një pjesë), Muharrem Fejza (një pjesë), Mulla Idriz Gjilani (një pjesë), Qendër, Qendra Tregtare, Sahit Baliq, Vuk Karagjiq (një pjesë), Xhelal Sopi (një pjesë).
    Fshatrat: Berivojcë (një pjesë), Bozhec, Busavatë, Dobërçan, Drenoc, Drenoc i Ulët, Drenoc i Epërm, Dubovë (një pjesë), Gllogoc, Hodec (një pjesë), Miganoc (një pjesë), Pançellë, Petroc, Ranillug, Ropotovë e Madhe, Ropotovë e Vogël dhe Tomanc, Berivojcë (një pjesë) dhe Ruboc, Berivojcë, Boscë, Bratilloc (një pjesë), Feriqevë (një pjesë), Grizimë, Jagllarë (një pjesë), Malësia, Lagjja e Malësisë, Moçar (një pjesë), Strelicë, Svircë (një pjesë), Tugjec, Zajçec, Olec, Bushincë, Buxhenicë (një pjesë), Carevc (një pjesë), Gragjenik (një pjesë), Hajnoc, Kamenicë, Kremenatë (një pjesë), Krilevë, Malësia dhe Lagjja e Malësisë (një pjesë), Meshinë (një pjesë), Moçar, Strezoc dhe Tirinicë (një pjesë), Dajkoc, Muçivërc, Rogaçicë dhe Shipashnicë e Poshtme (një pjesë), Hodonc, Karaçevë e Poshtme, Karaçevë e Epërme, Katushnicë (një pjesë) dhe Rogaçicë, Berivojcë (një pjesë), Bozhec, Busavatë, Dobërçan, Drenoc, Drenoc i Ulët, Drenoc i Epërm, Dubovë (një pjesë), Gllogoc, Hodec (një pjesë), Miganoc (një pjesë), Pançellë, Petroc, Ranillug, Ropotovë e Madhe, Ropotovë e Vogël dhe Tomanc, Crepanë (një pjesë), Dheu i Bardhë (një pjesë), Koretin (një pjesë) dhe Topanicë (një pjesë), Domoroc, Koretin, Kormjan i Poshtëm, Kormjan i Epërm.
    Arsyeja: Rehabilitimi i Marshalling Kiosk për Transformatorët Matës të Kombinuar 110 kV në NS distributive. Kalimi i ngarkesës nga TR2 në TR1.

  • Vetëvendosje e merr mandatin e 51-të nga votat me postë, AAK bie për një

    Vetëvendosje e merr mandatin e 51-të nga votat me postë, AAK bie për një

    Komisioni Qendror i Zgjedhjeve ka vijuar me publikimin e rezultateve të votimit me postë.

    Sipas përditësimit të fundit të KQZ-së në ora 22:41, Lëvizja Vetëvendosje ka siguruar ulësen e 51-të. AAK ndërkohë ka humbur një ulëse dhe ka rënë në 7-të.

    Deri më tani janë numëruar 19,23% të votave me postë. LVV-ja ka marrë 7,402 vota; Lidhja Demokratike e Kosovës 1,808; Partia Demokratike e Kosovës 722 vota kurse Aleanca për Ardhmërinë e Kosovës 501 vota.

  • Prishtina në gatishmëri për verën e nxehtë, komuna dhe zjarrfikësit bëjnë apel për kujdes

    Prishtina në gatishmëri për verën e nxehtë, komuna dhe zjarrfikësit bëjnë apel për kujdes

    Me afrimin e sezonit veror dhe paralajmërimet për temperatura të larta, Komuna e Prishtinës ka nisur përgatitjet për menaxhimin e situatave të mundshme emergjente, ndërsa Brigada Profesionale e Zjarrfikësve thotë se është në gatishmëri për t’u përballur me rritjen e numrit të zjarreve fushore dhe pyjore.

    Drejtori për Siguri dhe Emergjenca në Komunën e Prishtinës, Lulzim Fushtica për Ekonomia Online tha se përgatitjet kanë nisur më herët se vitet e kaluara, duke marrë parasysh paralajmërimet globale për një verë më të nxehtë.

    “Ne si kryeqytet edhe këtë vit kemi filluar shumë më herët përgatitjet për sezonin e verës. Edhe pse ende nuk kemi ndonjë parashikim zyrtar nga Instituti Meteorologjik, paralajmërimet në nivel global tregojnë se mund të kemi temperatura më të larta se vitin e kaluar. Para dy javësh kemi mbajtur takimin e parë të grupit punues për përgatitjet verore, ku kanë marrë pjesë të gjitha institucionet relevante, përfshirë Brigadën Profesionale të Zjarrfikësve, Policinë e Kryeqytetit, Emergjencat Mjekësore dhe drejtoritë komunale. Kemi filluar hartimin e planit operativ duke u bazuar në përvojën e vitit të kaluar, kur u përballëm me një numër të madh zjarresh fushore dhe pyjore”, tha Fushtica.

    Ai shtoi se përgatitjet janë bërë në aspektin e personelit, pajisjeve dhe koordinimit institucional, në mënyrë që reagimi të jetë sa më efikas në rast nevoje.

    “Shpresojmë që të mos kemi situata të ngjashme me ato të vitit të kaluar, por pavarësisht kësaj ne do të jemi të gatshëm për t’u ofruar ndihmë qytetarëve. Duhet pasur parasysh se gjatë verës kryeqyteti përballet edhe me fluks më të madh të qytetarëve dhe bashkatdhetarëve nga diaspora, prandaj kapacitetet tona do të jenë të angazhuara maksimalisht”, deklaroi ai.

    Fushtica konfirmoi se ekipet mjekësore emergjente do të rikthehen në sheshet e kryeqytetit në periudhat me temperatura ekstreme, ndërsa mbështetje do të ofrojnë edhe zjarrfikësit dhe policia.

    “Ekipet e emergjencave mjekësore do të vendosen sipas nevojës në sheshet e kryeqytetit. Po ashtu, Brigada Profesionale e Zjarrfikësve do të jetë e angazhuar jo vetëm për intervenime, por edhe për shpërndarjen e ujit kur paraqitet nevoja. Policia do të shtojë patrullimet dhe do të krijohen ekipe rezervë. Në këtë proces janë përfshirë edhe Shoqata Vullnetare e Zjarrfikësve dhe Shpëtimit, kështu që të gjitha kapacitetet që i kemi në dispozicion janë mobilizuar për sezonin veror”, u shpreh ai.

    Duke folur për kapacitetet e zjarrfikësve, Fushtica tha se brigada është pajisur me mjete shtesë dhe së shpejti do të ketë në dispozicion edhe një automjet të ri.

    “Brigada Profesionale e Zjarrfikësve i ka pajisjet dhe mjetet e nevojshme. Muajin e kaluar kemi pranuar si donacion rreth tetë tonë të produktit Trident, një shkumë speciale për fikjen e zjarreve. Gjithashtu, gjatë kësaj jave pritet të arrijë edhe kamioni i ri sulmues, i blerë nga drejtoria jonë në vlerë prej rreth 350 mijë eurosh. Me këto investime rriten ndjeshëm kapacitetet operative të brigadës”, tha ai.

    Ndërkohë, zëvendëskomandanti i Brigadës Profesionale të Zjarrfikësve të Prishtinës, Abdusamed Shkodra, tha se rritja e temperaturave zakonisht shoqërohet me shtim të zjarreve në hapësira të hapura.

    “Me ngritjen e temperaturave rritet edhe numri i zjarreve fushore dhe malore. Duke u bazuar në përvojën e viteve të kaluara, brigada përgatitet me kohë për këtë sezon. Më 28 maj kemi marrë pjesë në një takim koordinues të organizuar nga Drejtoria për Siguri dhe Emergjenca, ku kanë qenë të përfshira të gjitha institucionet relevante. Janë bërë koordinimet e nevojshme dhe mund të them se jemi të gatshëm për t’u përballur me sfidat që mund të sjellë kjo verë”, deklaroi Shkodra.

    Ai tha se gjendja me pajisje është e kënaqshme, por pranoi se brigada vazhdon të përballet me mungesë të personelit.

    “Sa i përket pajisjeve qëndrojmë mirë, edhe pse gjithmonë ka hapësirë për përmirësime. Vitin e kaluar kemi pranuar 30 zjarrfikës të rinj, megjithëse disa prej tyre më pas e kanë lënë punën. Krahasuar me vitet e mëparshme jemi në situatë më të mirë, por ende kemi mungesë të stafit. Nëse i referohemi standardit prej një zjarrfikësi për 1.500 banorë, atëherë kryeqytetit i mungojnë afërsisht edhe 50 zjarrfikës”, tha ai.

    Shkodra theksoi se sfidat më të mëdha paraqiten kur disa raste emergjente ndodhin njëkohësisht, duke vështirësuar prioritizimin e intervenimeve.

    “Vështirësi ka gjithmonë, veçanërisht në terrene të papërshtatshme ose kur kemi disa raste njëherësh. Në situata të tilla sfida kryesore është caktimi i prioriteteve. Qytetarët duhet të kuptojnë se nëse nuk ndërmerren masa fillestare për parandalimin apo kontrollimin e zjarrit, atëherë bëhet shumë më e vështirë që të gjitha kërkesat të trajtohen në kohë, pavarësisht numrit të stafit apo pajisjeve që kemi në dispozicion”, tha ai.

    Zëvendëskomandanti i zjarrfikësve u bëri thirrje qytetarëve, e veçanërisht bujqve, të shmangin djegien e mbetjeve pas korrje-shirjeve.

    “Dua t’u bëj apel të gjithë qytetarëve, sidomos bujqve, që të mos i djegin mbetjet pas korrje-shirjeve. Kjo praktikë dëmton tokën, shkatërron mikroorganizmat, ndot ambientin dhe paraqet rrezik serioz për përhapjen e zjarreve. Shumë nga intervenimet tona gjatë verës lidhen pikërisht me raste të tilla që dalin jashtë kontrollit. Përveç se është e dëmshme, kjo praktikë është edhe e ndaluar me ligj dhe sanksionohet. Prandaj kërkojmë nga qytetarët të jenë vigjilentë dhe të shmangin përdorimin e zjarrit aty ku nuk është i domosdoshëm”, shtoi Shkodra.

  • Çmimet e derivateve për sot dhe nesër

    Çmimet e derivateve për sot dhe nesër

    Ministria e Industrisë, Ndërmarrësisë, Tregtisë dhe Inovacionit, ka publikuar çmimin maksimal të lejuar për shitjen e derivateve në tregun vendor, për sot dhe nesër.

    Për datat 14-15.06.2026, çmimet maksimale të lejuara janë si vijon:

    • Nafta (dizel): 1.50 euro/litër;

    • Benzina: 1.39 euro/litër

    • Gas: 0.67 euro/litër.

  • Aprovohen 73 mijë zarfe nga votimi me postë i diasporës, KQZ vazhdon numërimin e tyre

    Aprovohen 73 mijë zarfe nga votimi me postë i diasporës, KQZ vazhdon numërimin e tyre

    Komisioni Qendror i Zgjedhjeve të dielën në mëngjes, ka përditësuar të dhënat e fundit nga progresi i arritur pas gjashtë ditë pune pas ditës së zgjedhjeve të 7 qershorit.

    Pas përmbylljes në Qendra Komunale të numërimit të votave të kandidatëve për deputetë dhe numërimit të fletëvotimi nga votimi në përfaqësi diplomatike, KQZ është në fazën e fundit të numërimit të fletëvotimeve.

    Aktualisht, në Qendrën e Numërimit dhe të Rezultateve është duke u bërë numërimi i fletëvotimeve që i takojnë votimit jashtë Kosovës, përkatësisht votimit përmes postës dhe pas tyre do të numërohen edhe fletëvotimet nga votimi me kusht dhe nga votimi i personave me nevoja të veçanta.

    Në një përgjigje me shkrim, zëdhënësi i KQZ-së, Valmir Elezi ka shpjeguar se deri në përfundim të ditës së shtunë janë numëruar 36 kuti votimi, në të cilat janë vendosur zarfet me fletëvotime pas aprovimit të tyre nga shërbimi votues i KQZ-së.

    Ai ka sqaruar se “sipas procedurave, zarfet që supozohet se përmbajnë fletëvotime, pas procesit të vlerësimit janë sistemuar në kuti votimi sipas komunave prej nga vijnë votuesit e regjistruar. Deri në këtë kohë, janë përgatitur dhe regjistruar në platformën e rezultateve 156 kuti votimi. Të tjera kuti votimi do të shtohen në këtë platformë derisa të përmbyllet procesi i vlerësimit të të gjitha pakove të tërhequra nga kutitë postare të KQZ-së”.

    Ndërkaq, sa i përket procesit të vlerësimit të pakove me fletëvotime nga votimi përmes postës, të cilat janë tërhequr nga KQZ nga 23 kutitë postare në shtete të ndryshme, Elezi ka thënë se ky proces po shkon drejt fundit. Nga këto kuti postare, KQZ ka tërhequr më shumë se 85,700 pako të supozuara me fletëvotime, pjesa më e madhe e të cilave, deri më tani, janë vlerësuar nga shërbimi votues i KQZ-së dhe numërimi i disa prej tyre është në zhvillim e sipër.

    “Deri në përfundim të ditës së shtunë (13 qershor 2026) në procesin e vlerësimit janë përfshirë 75,590 pako, prej të cilave janë aprovuar 72,746, ndërkaq janë refuzuar 2,844”, tregoi Elezi.

    Sipas KQZ-së, arsyeja më e shprehur se përse janë refuzuar këto pako është sepse në 2,571 raste mungon dëftesa e regjistrimit, një dokument me të dhëna unike, që votuesi i regjistruar e pranon nga KQZ. Po ashtu, arsyet e tjera, më pak të shprehura, lidhen me rastet kur në një pako janë përfshirë më shumë se një fletëvotim ose më shumë se një person (177), kur votuesi ka dërguar pakon nga një shtet tjetër nga ai ku ishte regjistruar për votim (21), kur në pako është gjetur vetëm dëftesa e regjistrimit pa fletëvotim (27), kur ka munguar pulla apo vula postare (5), si dhe me një rast kur fletëvotimi është shtypur. Sipas të dhënave të KQZ-së, janë evidentuar edhe 42 zarfe të dërguara gabimisht.

    Gjatë ditës së hënë, më 8 qershor, është përmbyllur procesi i tërheqjes së pakove me fletëvotime që i takojnë votimit jashtë Kosovës, përkatësisht votimit përmes postës. Tërheqja e pakove me fletëvotime është bërë nga kutitë postare të KQZ-së në 22 shtete të ndryshme si dhe nga kutia postare e KQZ-së në Kosovë. Nga 23 kuti postare, janë tërhequr më shumë se 85,700 pako të supozuara me fletëvotime, pjesa më e madhe e të cilave, deri më tani, janë vlerësuar nga shërbimi votues i KQZ-së./KP

  • VAR-i me rregulla të reja në Botëror-Kartoni i verdhë i kalon nga Ream te Almiron

    Ndeshja mes Shteteve të Bashkuara të Amerikës dhe Paraguait solli një nga rastet e para ku u aplikuan rregullat e reja të VAR-it në Kupën e Botës, duke shkaktuar konfuzion te tifozët dhe debat në rrjetet sociale.

    Gjithçka ndodhi kur gjyqtari Danny Makkelie ndëshkoi me karton të verdhë mbrojtësin amerikan Tim Ream për një ndërhyrje ndaj Miguel Almiron. Megjithatë, pak çaste më vonë, dhoma e VAR-it ndërhyri dhe kërkoi rishikimin e aksionit për shkak të asaj që u cilësua si “identitet i gabuar”.

    Vendimi habiti shumë tifozë, pasi deri më tani ky përkufizim përdorej vetëm në rastet kur gjyqtari ndëshkonte gabimisht një lojtar të të njëjtit ekip, duke ngatërruar identitetin e autorit të faullit.

    Megjithatë, nga kjo Kupë Bote, FIFA ka zgjeruar interpretimin e këtij rregulli. Sipas ndryshimeve të reja, nëse një lojtar ndëshkohet për një shkelje që në të vërtetë është kryer nga një futbollist i ekipit kundërshtar, vendimi mund të korrigjohet përmes VAR-it.

    Pas shqyrtimit të pamjeve, arbitrat në dhomën e VAR-it konstatuan se nuk kishte asnjë kontakt mes Ream dhe Almiron. Përkundrazi, ata vlerësuan se futbollisti paraguajan kishte simuluar rënien për të fituar një faull.

    Si rezultat, Makkelie u thirr pranë monitorit, rishikoi aksionin dhe ndryshoi vendimin fillestar. Kartoni i verdhë i dhënë për Ream u anulua, ndërsa ndëshkimi iu dha Almironit për simulim.

    Situata krijoi hutim edhe te vetë lojtari paraguajan, i cili fillimisht nuk e kuptoi arsyen pse përfundoi i ndëshkuar me karton të verdhë pas ndërhyrjes së VAR-it.

    Ky rast përbën një shembull të qartë të mënyrës se si rregullat e reja të VAR-it do të zbatohen gjatë Kupës së Botës, me synimin për të korrigjuar më shumë gabime dhe për të rritur saktësinë e vendimeve në fushë.

  • Zlatan Ibrahimovic: Yamal është arsyeja pse tifozët blejnë bileta

    Zlatan Ibrahimovic: Yamal është arsyeja pse tifozët blejnë bileta

    Legjenda suedeze e futbollit, Zlatan Ibrahimović, ka vlerësuar lart talentin e ri spanjoll Lamine Yamal përpara ndeshjes së parë të Spanjës në Kupën e Botës kundër Kepit të Gjelbër.

    Ish-sulmuesi suedez u shpreh se Yamal është një futbollist i veçantë, nga ata lojtarë që i bëjnë tifozët të mbushin stadiumet vetëm për ta parë në aksion.

    “Lamine Yamal është një lojtar i veçantë. Ai është nga ata futbollistë për të cilët ia vlen të blesh një biletë të shtrenjtë dhe të shkosh në stadium. Falë tij, njerëzit e shijojnë futbollin dhe gjithë përvojën që ofron loja”, deklaroi Ibrahimovic për Fox Sports.

    Sipas tij, talenti i ri spanjoll duket mbresëlënës në televizion, por paraqitet edhe më i jashtëzakonshëm kur e sheh nga afër.

    “Në televizion duket i veçantë, por kur e sheh në stadium, kupton se është edhe më i talentuar. Në moshën 18-vjeçare, ajo që po bën është e pabesueshme”, tha ai.

    Ibrahimovic theksoi se cilësitë teknike të Yamalit e bëjnë atë një nga lojtarët më emocionues të momentit.

    “Sa herë që prek topin, kupton se është ndryshe. Kontrolli i topit, driblimet, aftësia për të krijuar raste dhe për të shënuar gola janë në një nivel të lartë. Për këtë arsye, shpresoj që ai të dhurojë një paraqitje të shkëlqyer në këtë Kupë Bote”, përfundoi ish-ylli suedez.

    Yamal pritet të jetë një nga figurat kryesore të Spanjës në turne, ndërsa shumë tifozë dhe specialistë e konsiderojnë atë një nga talentet më premtuese të futbollit botëror.

  • Shakaja e Infantinos për Italinë shkakton zemërim te tifozët italianë

    Shakaja e Infantinos për Italinë shkakton zemërim te tifozët italianë

    Presidenti i FIFA-s, Gianni Infantino, ka ngjallur polemika në Itali pas një komenti ironik për mungesën e kombëtares italiane në Kupën e Botës. Deklarata e tij, e bërë në prag të nisjes së turneut, është pritur me kritika nga tifozët e “Azzurrëve”.

    Në një intervistë për CazeTV, Infantino foli fillimisht për mundësinë e zgjerimit të Kupës së Botës në të ardhmen.

    “Ne kemi diskutuar mundësinë e rritjes së numrit të skuadrave në 64, në mënyrë që më shumë vende të kenë mundësinë të marrin pjesë. Propozimi është shqyrtuar në Këshillin e FIFA-s, por tani për tani le të shijojmë këtë edicion”, tha ai.

    Më pas, kreu i FIFA-s iu referua mungesës së Italisë në turne dhe bëri një koment që nuk u prit mirë në vendin fqinj.

    “Me 64 skuadra, ndoshta Italia mund të kualifikohet. Ndoshta duhet ta çojmë numrin në 228…”, tha Infantino me ironi.

    Deklarata e tij shkaktoi reagime të shumta në rrjetet sociale dhe në mediat italiane, ku shumë tifozë e konsideruan të papërshtatshme talljen me një kombëtare që po kalon një nga periudhat më të vështira në historinë e saj.

    Italia nuk arriti të sigurojë pjesëmarrjen në këtë Kupë Bote pas eliminimit në fazën “play-off” të UEFA-s nga Bosnja dhe Hercegovina. Kjo është hera e tretë radhazi që “Azzurrët” mbeten jashtë turneut më prestigjioz të futbollit botëror, një fakt që ka tronditur futbollin italian.

    Mungesa e vazhdueshme në skenën më të madhe të futbollit ka shtuar presionin për ndryshime të thella në strukturat e futbollit italian. Pas një tjetër dështimi të rëndë, drejtuesit e sportit në Itali po shqyrtojnë reforma të reja, me synimin për ta rikthyer kombëtaren në nivelet më të larta ndërkombëtare.

    Në këtë klimë zhgënjimi dhe pakënaqësie, komentet e Infantinos janë parë nga shumë tifozë si të panevojshme, duke shtuar edhe më shumë tensionin rreth situatës së kombëtares italian

  • Granit Xhaka: Jemi gati për Botërorin, synojmë ta nisim me fitore ndaj Katarit

    Granit Xhaka: Jemi gati për Botërorin, synojmë ta nisim me fitore ndaj Katarit

    Kapiteni i Zvicrës, Granit Xhaka, ka deklaruar se skuadra e tij është plotësisht e përgatitur për ndeshjen e parë në Kupën e Botës kundër Katarit dhe synon të arrijë suksesin më të madh në historinë e pjesëmarrjeve të saj në këtë turne.

    Mesfushori shqiptar, i cili po merr pjesë në Botërorin e katërt të karrierës së tij, u shpreh optimist para sfidës që do të zhvillohet në Santa Clara, duke theksuar se Zvicra është më e motivuar se kurrë për ta nisur me fitore rrugëtimin e saj.

    “Shpesh flasim për aspektin taktik të lojës, por futbolli duhet edhe të shijohet. Është shumë e rëndësishme të dalësh në fushë i çliruar dhe të kënaqesh me atë që po bën”, tha Xhaka në konferencën për shtyp.

    Ai theksoi se skuadra dëshiron të japë maksimumin për vendin dhe familjet e tyre.

    “Ne duam të tregojmë lojën tonë më të mirë. Duam të luajmë me krenari për Zvicrën dhe për familjet tona. Ndeshja e nesërme është hapi i parë i madh dhe besoj se kjo mund të jetë Kupa e Botës më e suksesshme për ne”, u shpreh kapiteni zviceran.

    Xhaka shtoi se ekipi ndihet plotësisht i gatshëm për sfidën.

    “Po e presim me padurim këtë moment. Jemi të përgatitur, në formë të mirë fizike dhe të gatshëm edhe nga ana mendore”, përfundoi ai.

    Zvicra po merr pjesë për herë të gjashtë radhazi në Kupën e Botës, një arritje që e kanë regjistruar vetëm disa nga kombëtaret më të forta evropiane. Megjithatë, zviceranët ende nuk kanë arritur të shkojnë më larg se faza e 1/8-tës së finales në shumicën e paraqitjeve të tyre të fundit, ndërsa çerekfinalja e fundit e arritur prej tyre daton në vitin 1954.

    Një fitore ndaj Katarit do t’i jepte Zvicrës vendin e parë në Grupin B dhe një nisje ideale në garën për kualifikim në fazën tjetër të turneut.