ATV

Blog

  • Pse disa njerëz djersinë më shumë, sipas dermatologëve – ja si të veproni

    Pse disa njerëz djersinë më shumë, sipas dermatologëve – ja si të veproni

    Sa herë e keni pyetur veten pse djersini kaq shumë? Jeni ndjerë në siklet pasi keni veshur një fustan që evidenton edhe më shumë djersitjen në sqetulla apo gjithë trupin? Nuk jeni vetëm

    “Djersitja është një reagim normal i trupit për të nxjerrë toksina dhe për të rregulluar temperaturën optimale të trupit në situata si nxehtësia e lartë, stërvitja intensive ose stresi akut”, thotë dermatologia Michele Green për Glamour.

    “Gjëndrat e djersës ndalojnë kur ti ndalon një aktivitetet fizik, kur është piku i të nxehtit të verës dhe jo vetëm. Por, ky sinjal nuk ndodh kurrë tek disa persona ku gjëndrat e djersës vazhdojnë ta prodhojnë atë.”

    Pse disa njerëz djersinë shumë?

    “Njerëzit djersiten me ritme të ndryshme për shkak të një kombinimi të faktorëve gjenetikë dhe ndikimeve mjedisore”, thotë Jody Alpert Levine, dermatologe në NYC.

    “Numri i gjëndrave të djersës, aktiviteti i tyre ndaj stimujve mund të ndryshojnë sipas njerëzve. Disa mund të kenë një numër më të madh të gjëndrave të djersës ose i kanë më aktive, gjë që çon në djersitje të shtuar. Faktorë të tjerë janë tiroidet, ankthi, faktori gjenetik, kushtet neurologjike dhe efektet anësore të ilaçeve”.

    Veshjet të lirshme me nuanca pastel janë një zgjidhje

    Veshjet e bollshme me ngjyra pastel, janë një ide e mirë për t’i ikur ose për të fshehur djersitjen e tepërt. Jo veshje me ngjyrë të zezë apo të errëta, pasi ato reflektojnë rrezet e diellit dhe nuk e thithin nxehtësinë. Veshjet e lirshme janë një gjetje sepse largojnë lagështinë.

    Këto dy teknika ndihmojë në reduktimin disi të djersitjes së tepërt, por ulin edhe rrezikun e akneve të shkaktuara nga djersa, çarja e lëkurës dhe skuqjeve. /Telegrafi/

  • Prej 1 qershori, qytetarët e Ballkanit mund të punojnë në Gjermani pa dëshmuar kualifikimet

    Prej 1 qershori, qytetarët e Ballkanit mund të punojnë në Gjermani pa dëshmuar kualifikimet

    Të shtunën, më 1 qershor, hyn në fuqi faza e tretë e ligjit gjerman, qëllimi i të cilit është tërheqja e fuqisë punëtore të kualifikuar të huaj, e cila do të sjellë përfitime të shumta për qytetarët e Ballkanit Perëndimor dhe mbi të gjitha një kuotë të dyfishtë të punëtorëve nga rajoni të cilët do të mund të gjejnë më lehtë punë në Gjermani.

    Vitin e kaluar qeveria gjermane prezantoi Ligjin për Imigrimin e Punëtorëve të Kualifikuar (FEG), dispozitat e të cilit hyjnë në fuqi gradualisht.

    Në fakt, bëhet fjalë për zgjatjen e ligjit nga viti 2016, i cili u mundësoi qytetarëve të Kosovës, Shqipërisë, Bosnjë-Hercegovinës, Malit të Zi, Maqedonisë së Veriut dhe Serbisë qasje më të lehtë në tregun gjerman të punës, deri diku pavarësisht nga kualifikimet formale.

    Ligji u zgjat dhe u ndryshua vitin e kaluar dhe hyn në fuqi me faza. Ndryshimet nuk zbatohen për vendet e punës, kryerja e të cilave është në lidhje me ligj me nostrifikimin e diplomave, për shembull, profesione akademike si mjekësia apo kujdesi mjekësor për të pafuqishmit.

    Sipas ligjit, kushdo që ka kualifikim profesional do të mund ta kryejë atë punë në Gjermani dhe e njëjta gjë vlen, pa dëshmuar, për personat që, nga kanë ardhur, kanë punuar për të paktën dy vjet në një punë që kërkon “diplomë profesionale të njohur nga shteti”.

    E reja është e ashtuquajtura “karta e shansit” për kërkimin e punës, e cila bazohet në ndarjen e pikëve sipas kritereve të ndryshme, si kualifikimet, njohja e gjuhës gjermane apo angleze, përvoja e punës, lidhjet me Gjermaninë, mosha dhe ndoshta familja që shoqëron punëtorin e huaj.

    Faza e tretë e ligjit do t’ua lehtësojë punonjësve të huaj që gjejnë punë, të sjellin me vete jo vetëm anëtarët e ngushtë, por edhe anëtarët e familjes së gjerë, përcjell Paparaci.

    Kjo fazë është veçanërisht interesante për ekspertët e profesioneve të zejeve, sepse ndër të tjera, nga 1 qershori 2024, kuota për banorët e Ballkanit Perëndimor do të dyfishohet nga 25 mijë në 50 mijë, njofton sindikata qendrore e zejtarëve gjermanë ZDH.

    Konkretisht, kjo do të thotë se 50,000 qytetarë të Kosovës, Shqipërisë, Bosnjë-Hercegovinës, Malit të Zi, Maqedonisë së Veriut dhe Serbisë do të kenë qasje më të lehtë në tregun gjerman të punës, pa pasur nevojë të dëshmojnë kualifikime profesionale. Përveç kësaj, do të ketë kontigjente mujore.

    Agjencia Federale Gjermane e Punësimit do të japë leje punësimi paraprakisht, dhe jo si më parë, leje paraprake dhe punëdhënësit do të mund ta kërkojnë lejen edhe online.

    Sapo Agjencia të japë miratimin, punëtori i ardhshëm nga Ballkani Perëndimor do të mund të kërkojë vizë gjermane qëndrimi dhe pune në përfaqësinë konsullore kompetente.

    Megjithatë, përfitimet nuk do të zbatohen për zgjatjen e lejes së qëndrimit, në këtë rast punonjësi do të duhet të kontaktojë administratën kompetente për të huajt.

    ZDH theksoi se suksesi i ligjit, i cili duhet të tërheqë fuqinë punëtore profesionale kronike të mangët në Gjermani, varet kryesisht nga shpejtësia dhe efikasiteti i institucioneve.

    Në mënyrë që bizneset e vogla të përfitojnë nga rregullorja për Ballkanin Perëndimor, duhet të futen procedura administrative të shpejta dhe efikase në përfaqësitë gjermane jashtë vendit dhe në shërbimet gjermane të ngarkuara për të huajt, theksohet në shoqatë.

  • Sanchez: Njohja e Palestinës është thelbësore për paqen, s’jemi kundër Izraelit

    Sanchez: Njohja e Palestinës është thelbësore për paqen, s’jemi kundër Izraelit

    “Njohja e shtetit të Palestinës është e nevojshme për të arritur paqen midis izraelitëve dhe palestinezëve”! Kështu është shprehur kryeministri spanjoll Pedro Sanchez.

    Në një deklaratë të shkurtër të bërë spanjisht dhe anglisht, Sanchez ka argumentuar se është pro ndarjes në 2 shtete, duke theksuar se ky qëndrim i tyre nuk është marrë “kundër askujt, aq më tepër kundër Izraelit”.

    Në fjalimin e tij, kryeministri spanjoll vuri në dukje se Spanja do të njohë një shtet palestinez që përfshin Rripin e Gazës dhe Bregun Perëndimor, të bashkuar nën Autoritetin Kombëtar Palestinez, me Jerusalemin Lindor si kryeqytet. Ai shtoi se Madridi nuk do të njihte ndryshimet në kufijtë palestinezë të pas vitit 1967.

    Pas Spanjës, edhe Irlanda dhe Norvegjia do të njohin gjithashtu zyrtarisht një shtet palestinez.

  • Kujtim Shala i LDK-së para mbledhjes së Këshillit të Përgjithshëm: E votojmë shpërndarjen e Kuvendit, por me këtë kusht

    Kujtim Shala i LDK-së para mbledhjes së Këshillit të Përgjithshëm: E votojmë shpërndarjen e Kuvendit, por me këtë kusht

    Këshilli i Përgjithshëm i Lidhjes Demokratike të Kosovës, sot duke filluar nga ora 18:00 pritet të ketë një mbledhje.

    Deputeti dhe anëtari i Kryesisë së LDK-së, Kujtim Shala, ka folur për FrontOnline pak orë para mbledhjes së këtij këshilli të kësaj partie.

    I pyetur nga FrontOnline, nëse LDK do të ndryshojë qëndrim sa i përket shpërbërjes së Kuvendit, Shala ka thënë se LDK e voton shpërbërjen e Kuvendit të Kosovës, por vetëm pas dorëheqjes së kryeministrit Albin Kurti.

    “Ne e votojmë shpërbërjen e Kuvendit, por vetëm pas dorëheqjes së kryeministrit Albin Kurti” thotë Shala.

    Deputeti Shala, po ashtu ka treguar se mbledhja e Këshillit të Përgjithshëm të LDK-së, sot në ora 18:00 ka të bëjë me çështje organizative të partisë.

    “Mbledhja e Këshillit, ka të bëjë me çështje organizative të partisë dhe në lidhje me mundësinë e organizimi të zgjedhjeve” deklaroj Shala.

  • Torres: Do të vazhdoj të angazhohem që Kosova të bëhet anëtare e plotë në NATO

    Torres: Do të vazhdoj të angazhohem që Kosova të bëhet anëtare e plotë në NATO

    Kongresisti amerikan, Ritchie Torres i është gëzuar lajmit të avancimit të të statusit të Kosovës nga anëtare vëzhguese në anëtare të asocuar në Asamblenë Parlamentare e NATO-s.

    Torres me anë të një postimi në “X”, ka thënë se do të vazhdoj të angazhohet për anëtarësimin e plotë të Kosovës në NATO.

    “Jam i kënaqur që shoh se Republika e Kosovës ka avancuar në një anëtare të asociuar të Asamblesë Parlamentare të NATO-s. Ka kaluar shumë kohë që Kosova jo vetëm të anëtarësohet në asamblenë parlamentare, por më e rëndësishmja, të jetë përfundimisht një anëtare e plotë e NATO-s. Duhet bërë më shumë – mbani mend fjalët e mia se unë do të vazhdoj të shtyj para përfshirjen e tyre të plotë në NATO”, ka shkruar Torres.

  • Teuta tregon nëse i ka penguar që e kanë përmendur në “BBVK”

    Teuta tregon nëse i ka penguar që e kanë përmendur në “BBVK”

    Aktorja Teuta Krasniqi është kthyer plotësisht në fokusin e mediave, sidomos me deklaratat e fundit publike.

    Në emisionin e së dielës “The Elite Way” me Elita Rudi dhe Nderim Neziri, aktorja ka folur në lidhje me shumë gjëra që kanë të bëjnë me punën, lirinë, karrierën dhe familjen.

    Ndër tjerash është pyetur edhe nëse i ka penguar që emri i saj është lakuar shpesh në “Big Brother VIP Kosova”, derisa ish bashkëshorti i saj Blero ishte konkurrent.

    Aktorja, ka thënë se nuk i ka penguar dhe se moti është “vaksionuar” rreth këtyre gjërave. /atvlive.tv

    Emisionin e plotë gjeni në videon më poshtë:

  • ​Aktakuzë kundër dy personave për “nxitje të përçarjes dhe mos durimit’’

    ​Aktakuzë kundër dy personave për “nxitje të përçarjes dhe mos durimit’’

    Prokuroria Speciale, ka ngritur aktakuzë në Gjykatën Themelore në Prishtinë kundër dy të pandehurve me inicialet N.B dhe L.Z.

    Prokuroria Speciale njofton se aktakuza kundër dy të pandehurve të lartcekur është ngritur për shkak të veprës penale ‘’Nxitja e përçarjes dhe mos durimit’’.

  • Këshilli i Sigurimit i OKB-së në takim urgjent pas sulmit në Rafah

    Këshilli i Sigurimit i OKB-së në takim urgjent pas sulmit në Rafah

    Këshilli i Sigurimit i Kombeve të Bashkuara do të mbajë të martën një takim urgjent, pas sulmeve izraelite që kanë lënë të vrarë dhjetëra persona të zhvendosur në një kamp në Rafah të Gazës.

    Sulmet e së dielës kanë lënë të vdekur 45 persona, sipas autoriteteve shëndetësore palestineze.

    Sulmi ka nxitur kritika ndërkombëtare. Shumë shtete arabe e kanë quajtur sulmin si “masakër”.

    Izraeli, në anën tjetër, ka thënë se po kryen hetime për këtë “aksident tragjik”.

    “Nuk ka vend të sigurt në Gazë. Ky tmerr duhet të përfundojë”, ka thënë Sekretari i Përgjithshëm i Kombeve të Bashkuara, Antonio Guterres, përmes një postimi në rrjetet sociale.

    Shefi i Kombeve të Bashkuara për Çështje Humanitare, Martin Griffiths, ka thënë se përshkrimi i sulmit në Gazë si “gabim”, nuk do të thotë asgjë për personat e vrarë, ata që kanë humbur familjarë, dhe ata që po tentojnë të shpëtojnë.

    Mbledhja e së martës është thirrur prej Algjerisë.

    Kryediplomati i Bashkimit Evropian, Josep Borell ka thënë se është “i tmerruar nga lajmi” për sulmin në Gazë, derisa presidenti francez, Emmanuel Macron, ka thënë se është i “indinjuar”.

    yrtarë prej Këshillit të Sigurisë Kombëtare të Shteteve të Bashkuara, kanë thënë se Izraeli duhet të marrë çdo masë të mundshme për t’i mbrojtur civilët.

    Ushtria izraelite ka thënë se po kryen hetime për rastin.

    Lufta në Gazë është nxitur prej sulmeve të kryera prej Hamasit në tokën izraelite, duke vrarë mbi 1.200 persona dhe duke marrë peng 250 të tjerë.

    Hamasi është grup palestinez, i shpallur terrorist prej Shteteve të Bashkuara dhe Bashkimit Evropian.

    Izraeli, më pas, ka nisur fushatë ushtarake në Gazë, me qëllim të shkatërrimit të Hamasit.

    Si pasojë e sulmeve hakmarrëse janë vrarë më shumë se 36.000 palestinezë në Gazë, kryesisht civilë, sipas autoriteteve shëndetësore palestineze./REL

  • Shala: Situata është nën kontrollë, por nga Serbia në çdo moment mund të presim aktivitete kriminale

    Shala: Situata është nën kontrollë, por nga Serbia në çdo moment mund të presim aktivitete kriminale

    Njohësi i çështjeve së sigurisë, Drizan Shala, derisa flet për një vjetorin e katër kryetarëve në komunat veriore, për FrontOnline e konsideron të qetë gjendjen në Veri dhe thotë se Policia e Kosovës e ka nën kontrolle atë pjesë.

    ‘’Sa i përket gjendjes se qeverisjes në katër komunat veriore, mund të konstatojmë se Policia e Kosovës ka në duar, kontrollin e saj në katër komunat veriore, që ishin vatër e aktiviteteve kriminale dhe strukturave të Serbisë’’ thekson ai.

    Ai shton se situata edhe pse është nën kontrolle, mund të ketë nga momenti në moment nxitje të situatës nga Serbia.

    ‘’Mund të vijmë në një konkludim se siguri a deri më tani është nën kontrolle. Nga pjesa e Serbisë mund të presim nga momenti në moment nxitje të situatës në atë pjesë si dhe aktivitete kriminale që nxisin në prishjen e qetësisë në atë pjesë’’ deklaron ai.

  • Përfaqësuesja e Kosovës U13 kthehet nga kampionati evropian i Pingpongut

    Përfaqësuesja e Kosovës U13 kthehet nga kampionati evropian i Pingpongut

    Përfaqësuesja e Kosovës U13 në Pingpong, është kthyer nga kampionati Evropian i Pingpongut që këtë vit është mbajtur në Bukuresht të Rumanisë, raporton Ekonomia Online.

    Në këtë kampionat, i cili ësht ëi dyti me radhë, Kosova nuk arriti ndonjë sukses, pasi u rëndit e fundit në grup, duke u mposhtur nga Franca, Spanja dhe Italia.

    “Në fazën e parë, ekipi ynë ka garuar në konkurrencën ekipore në grupin F me Francën, Spanjën dhe Italinë, ku i humbën të tria ndeshjet me rezultatin 5:0. Në fazën e dytë garuan për pozicionet 17-29 në grupin 7 me Kroacinë, Anglinë dhe Slloveninë. Ndeshjet ndaj Anglisë dhe Sllovenisë i kemi humbur me 5:0, kurse ndaj Kroacisë me 4:1. Në ndeshjen ndaj Kroacisë, Olti Behluli, ka arritur një fitore”.

    “Në konkurrencën ekipore Kampione ka dalë Gjermania, pasi ka fituar në finale ndaj Spanjës me 3:0. Në konkurrencën individuale, lojtarët tanë nuk kanë arritur të kalojnë fazën e grupeve, por vlen të përmendet fitorja e Olti Behlulit, ndaj lojtarit të Malit të Zi”, thuhet në njoftimin e komisionit të garave të Federatës së Pingpongut.

    Kosova në këtë kampionat është përfaqësuar, Olti Behluli, Muhammet Mudut, Resul Smaili, Vlera Beqa, Sara Hoxha, dy trajnerët Ardian Lamaxhema dhe Sadri Abazi, si dhe udhëheqësi i delegacionit Remzi Shala.

    Kampionati Evropian për U13 vjeç, filloi si një ngjarje eksperimentale në vitin 2022 në Podgoricë të Malit të Zi, pastaj vitin e kaluar, Kampionati u mbajt për herë të parë në Zagreb, kurse ky në Bukuresht ishte Kampionati i dytë me radhë.