Instituti Hidrometeorologjik i Kosovës ka njoftuar se sot do të mbajë mot me diell dhe vranësira të nivelit të mesëm të Troposferës, të cilat vende -vende mund të sjellin riga shiu.
Sipas institutit, temperaturat minimale do të lëvizin ndërmjet 13-16 gradë Celsius, ndërsa maksimalet e ditës parashihen të lëvizin ndërmjet 27-31 gradë Celsius.
“Do të fryjë erë nga drejtime i juglindjes me shpejtësi 1-4m/s”, thuhet në njoftim.
Është arrestuar një person nën dyshimin për djegien e tri veturave.
I njëjti është kapur nga Policia të mërkurën pas hetimeve të zhvilluara dhe pas intervistimit është dërguar në mbajtje.
“Prishtinë / 10.12.2023 – 04:30. Më 12.06.2024, pas hetimeve të zhvilluara, është lokalizuar dhe është arrestuar një mashkull kosovar si i dyshuar për djegien e tri veturave. I dyshuari pas intervistimit me vendim të prokurorit është dërguar në mbajtje”, njofton PK.
Sekretari amerikan i Shtetit Antony Blinken tha të mërkurën në Doha se Hamasi ka kërkuar disa ndryshime në propozimit për armëpushim në Gazë dhe se disa prej tyre mund të merren në konsideratë.
Por ai shtoi se “disa nga propozimet e Hamasit shkojnë përtej asaj që grupi kishte pranuar më parë në bisedimet për një marrëveshje për një armëpushim dhe lirimin e pengjeve që mbahen në Gazë”.
“Ne jemi të vendosur që të përpiqemi të kapërcejmë hendekun me Hamasin”, tha zoti Blinken në një konferencë të përbashkët shtypi me kryeministrin e Katarit Sheik Mohammed bin Abdulrahman Al Thani, pas një takimi me të.
Sekretari amerikan i Shtetit theksoi se nëse Hamasi vazhdon të kundërshtojë përpjekjet për kapërcimin e mosmarrëveshjeve, kjo do të tregojë qartë se “ata kanë zgjedhur vazhdimin e luftës në Gazë”.
Ministri i Punëve të Brendshme, Xhelal Sveçla, ka deklaruar se edhe këtë verë patrullimi i policisë së Kosovës dhe asaj të Shqipërisë do të vazhdojë duke filluar nga data një korrik.
Sipas tij, këto patrullime do të jenë në shërbim të qytetarëve të të dyja vendeve.
“Patrullimet do të fillojnë me dijen time prej 1 korrikut, qysh tash bashkëpunimi i Policisë i dy vendeve është shumë i mirë. Patrullimet, patjetër që do të ndihmojnë ata të jenë më efikas dhe të iu shërbejnë sa më mirë qytetarëve”, tha ministri.
Sveçla, shtoi se me shtetin shqiptar po punohet shumë që të ju lehtësohet jeta qytetarëve dhe te rritet niveli i sigurisë, meqenëse tha ministri, me Shqipërinë nuk janë raporte vetëm zyrtare por edhe raporte ndër personale.
“Ju po e shifni se ne nuk kemi vetëm raporte zyrtare, kemi edhe raporte shumë të mira ndër personale. Me ministrin Balla po punojmë shumë, të dyja palët, qoftë në ministri, qoftë në polici të dy vendeve që të ua lehtësojmë jetën qytetarëve por në të njëjtën kohë edhe të rrisim nivelin e sigurisë për të dyja vendet”, tha Sveçla për Ekonomia Online, pas vizitës së djeshme në pikën kufitare në Vërmicë, ku përcjellën nga afër bashkë me ministrin e brendshëm të Shqipërisë, Taulant Balla, zhvillimet rreth zbatimit të marrëveshjes për heqjen e kontrollit kufitar për shtetasit e Kosovës dhe Shqipërisë.
Kujtojmë se patrullimet e përbashkëta mes Kosovës dhe Shqipërisë kanë filluar para gjashtë viteve. Që nga viti 2018, këto patrullime kryhen në pikën kufitare në Vërmicë.
Policia e Kosovës ka nisur hetimet për një vdekje në Hajvali të Prishtinës, ku një person është gjetur pa shenja jete të mërkurën.
Në raportin policor thuhet se me urdhër të prokurorit trupi i pajetë është dërguar në Institutin e Mjekësisë Ligjore për obduksion, e rasti është iniciuar si “hetim mbi vdekjen”.
Nuk janë dhënë shumë detaje lidhur me rastin.
“Është pranuar informata për një person pa shenja jete. Rastit i janë përgjigjur njësitë relevante policore. Vdekjen e viktimës e ka konstatuar ekipi mjekësor. Me urdhër të prokurorit trupi i pajetë është dërguar në IML për obduksion”, thuhet në njoftimin policor.
Një person është goditur për vdekje me traktor në Rahovec, pasditen e së mërkurës.
Siç njofton policia “raportohet se i dyshuari mashkull kosovar duke lëvizur mbrapa me traktor, dyshohet se nga pakujdesia ka goditur viktimën mashkull kosovar duke i shkaktuar lëndime trupore”.
Viktima pasi ka arritur në spitalin e Gjakovës ka ndërruar jetë, ku vdekjen e tij e ka konstatuar ekipi mjekësor.
“Me vendim të prokurorit, trupi i pajetë është dërguar në IML për obduksion”, thuhet tutje në njoftimin policor.
Policia e Kosovës ka njoftuar se të mërkurën kanë arrestuar një të dyshuar të përfshirë në rastin e grabitjes në Vushtrri.
Mbi dyshime të bazuara dhe provave të siguruara me datën 12.06.2024, hetuesit rajonal, kanë arritur të identifikojnë dhe të arrestojnë edhe një person të dyshuar.
Personi i dyshuar A. Ll., 20 vjeçar, është intervistuar në prani të avokatit mbrojtës dhe me vendim të prokurorit të shtetit, të dyshuarit në fjalë ju është caktuar masa e ndalimit policor për 48 orë”, njofton policia.
Kujtojmë se dy javë më parë në një fshat të Vushtrrisë kishte ndodhur një grabitje në një pompë derivatesh.
Policia menjëherë kishte arritur të identifikonte të dyshuarit dhe kishte arrestuar M.M 19 vjeçar.
Për herë të parë në historinë e Jugosllavisë dhe republikave që e pasuan atë, një burrë shteti i bëri homazhe Jozef Stalinit. Gjatë vizitës së delegacionit shtetëror në Moskë, ministri dhe nënkryetari i Qeverisë së Serbisë, Aleksandar Vulin, vendosi kurorë lulesh në varrin e tij në Sheshin e Luleve. Çfarë lloj mesazhi dërgon ai?
Lider i aftë, bartës i modernizimit dhe reformave, luftëtar kundër fashizmit, por edhe diktator i njohur për “spastrime të mëdha”, gulag, miliona viktima.
“Një nga diktatorët më brutalë”
Sipas vlerësimeve të ndryshme, nga 10 deri në më shumë se 20 milionë njerëz vdiqën nën sundimin e tij. Miliona gjithashtu u deportuan ose u zhvendosën.
Bashkimi i Rinisë Komuniste të Jugosllavisë i tha N1 se, duke pasur parasysh modernizimin e Bashkimit Sovjetik dhe luftën antifashiste, një person si Stalini meriton çdo nder. Por ata dyshojnë në përputhjen e Vulin me socializmin.
“Fakti është se, pavarësisht dallimeve të shumta, si Rajhu i Tretë i Hitlerit ashtu edhe Bashkimi Sovjetik i Stalinit ishin shtete totalitare. Stalini, përmes terrorit dhe përmes miliona ndjekjeve penale të njerëzve, vrasjeve, spastrimeve, persekutimeve… në fakt krijoi atë që historianët e quajnë “perandori kampi”, një sistem tiranie, frike, një sistem totalitar kontrolli të plotë,” thotë historiani Milivoj Beshlin për N1.
“Ne jemi pjesërisht trashëgimtarët e vërtetë dhe simbolikë të shtetit dhe shoqërisë jugosllave, të gjithë ne në këtë fushë”. Është një lloj akti i tradhtisë së lartë, sepse Stalini është personalisht përgjegjës për qindra vdekje të ushtarëve dhe rojeve kufitare jugosllave në kufirin me Bashkimin Sovjetik që nga viti 1948”, tha historiani.
Dy motive të Vulin
Por edhe për shkak të armiqësisë së theksuar ndaj Jugosllavisë më vonë, si dhe anëve të errëta të rolit të tij historik, shton Beshlin, zyrtarët nuk e kanë festuar kurrë Stalinin deri më tani.
“Vulin mund të kishte pasur dy motive, një, lavdërimin e Stalinit për trajtimin e kundërshtarëve politikë për shkak të asaj mizorie, dhe së dyti, se ai thjesht donte të tregonte edhe një herë poltergjeizmin dhe nënshtrimin e tij ndaj regjimit të Putinit”, thotë historiani.
Përveç vizitës në varrin e Stalinit, Vulin u takua me kreun e ushtrisë dhe policisë ruse. Ndër të tjera, ai është nën sanksionet amerikane për shkak të lidhjeve të tij me Rusinë dhe është marrës i Urdhrit të Shërbimit Informativ Rus.
Nënkryetari i Partisë Demokratike të Socialistëve (PD) Ivan Vukoviq tha se ka informacione të besueshme se janë duke u zhvilluar përgatitjet për kandidaturën e Milo Gjukanoviqit për zëvendëssekretar të përgjithshëm të NATO-s.
Deri më tani, nëntë anëtarë të Aleancës, përfshirë Turqinë, qëndrojnë prapa kësaj nisme, saktësoi Vukoviq.
“Këtë informacion e kam marrë falë portalit turk. U pyeta dhe pyeta një mikun tim nga Stambolli, i cili është mjaft i pozicionuar dhe ka lidhje të mira në lidershipin politik turk. Më tha se është e vërtetë dhe se po punojnë për këtë. E kuptova që Turqia është një nga vendet anëtare të aleancës së NATO-s që e mbështet, duhet patjetër të kërkojmë mendimin e partnerëve tanë ndërkombëtarë, të vendeve të tjera të NATO-s, por do të jetë që aty ku ka tym të ketë zjarr”, tha Vukoviq në një paraqitje të ftuar në lidhjen radiofonike të Anetena, M.
Vukoviq beson se do të ishte e pazakontë që ky informacion të kalonte pa antifushatën e mediave tabloidike pro-serbe dhe proruse. Ai shton se fushata e fortë dhe e vazhdueshme negative shumëvjeçare e vështirëson punën e DPS-së. “Do të ishte e pazakontë për ne nëse nuk do të ishte kështu… Pra, ju funksiononi në një sistem ku çdo ditë jeni të inkriminuar nga dhjetë parti të ndryshme, bëhet shpifje individuale dhe kolektive, fushata më e ndyrë e mundshme e insinuatës… Ne janë në atë masë sa, po të doja të bëja shaka, mësova se do të ishte e pazakontë të zgjoheshe një mëngjes dhe të kuptosh se kjo është e kaluara jonë e shëmtuar, se nuk ka më tabloide, se nuk ka më kuazi portale se jemi bërë shoqëri normale” – tha Vukoviq.
Sekretari amerikan i Shtetit, Antony Blinken, tha të mërkurën në Doha se Hamasi ka kërkuar disa ndryshime në propozimit për armëpushim në Gazë dhe se disa prej tyre mund të merren në konsideratë.
Por ai shtoi se “disa nga propozimet e Hamasit shkojnë përtej asaj që grupi kishte pranuar më parë në bisedimet për një marrëveshje për një armëpushim dhe lirimin e pengjeve që mbahen në Gazë”.
“Ne jemi të vendosur që të përpiqemi të kapërcejmë hendekun me Hamasin”, tha zoti Blinken në një konferencë të përbashkët shtypi me kryeministrin e Katarit Sheik Mohammed bin Abdulrahman Al Thani, pas një takimi me të.
Sekretari amerikan i Shtetit theksoi se nëse Hamasi vazhdon të kundërshtojë përpjekjet për kapërcimin e mosmarrëveshjeve, kjo do të tregojë qartë se “ata kanë zgjedhur vazhdimin e luftës në Gazë”.
Zyrtarët e Shteteve të Bashkuara, Katarit dhe Egjiptit po shqyrtojnë që të martën përgjigjen e Hamasit ndaj propozimit për armëpushim në Gazë.
Zyrtari i lartë i Hamasit, Osama Hamdan mohoi se grupi islamik palestinez kishte paraqitur ide të reja për armëpushimin. Gjatë një interviste dhënë televizionit ‘Al-Araby’, ai përsëriti qëndrimin e Hamasit se ishte Izraeli ai që po refuzonte propozimet dhe akuzoi administratën amerikane se po përkrahë aleatin e saj të ngushtë për të “shmangur çdo angazhim” ndaj planit për armëpushim të përhershëm në Gazë.
John Kirby, zëdhënësi i Shtëpisë së Bardhë për Sigurinë Kombëtare, u tha më herët gazetarëve se Hamasi ia dha përgjigjen e tij Katarit dhe Egjiptit të martën dhe se Shtetet e Bashkuara besojnë se përgjigja ka miratimin e udhëheqësit të lartë të Hamasit në Gazë, Yahya Sinwar.
Zoti Kirby nuk pranoi të jepte shumë detaje, pasi tha se një gjë e tillë mund të dëmtonte procesin e negociatave.
“Situata është shumë delikate dhe duhet të kemi shumë faktorë parasysh, veçanërisht jetën e pengjeve dhe familjet e tyre. Duhet të jemi shumë, shumë të kujdesshëm me ato që themi dhe si i themi”, tha ai.
Hamasi dhe grupi tjetër më i vogël militant Xhihadi Islamik, thonë se janë të gatshëm ta shohin “nën dritë pozitive mundësinë e një marrëveshjeje”, duke i dhënë përparësi “përfundimit të plotë” të luftës.
“Hamasi ripohon se çdo marrëveshje duhet t’i japë fund agresionit zionist ndaj popullit tonë, të parashikojë largimin e forcave izraelite, rindërtimin e Gazës dhe një angazhim serioz për shkëmbimin e të burgosurve,” tha një zyrtar i Hamasit.
Presidenti amerikan Joe Biden bëri publike detaje të propozimit të armëpushimit. Ai dhe zyrtarë të tjerë amerikanë kanë theksuar vazhdimisht se ai është një propozim izraelit. Sekretari Blinken tha të martën se kryeministri izraelit Benjamin Netanyahu ripohoi angazhimin e tij ndaj marrëveshjes.
Mes palëve ka pika të mundshme mosmarrëveshjeje, përfshirë kërkesën e Hamasit që Izraeli të tërheqë forcat nga Gaza dhe qëndrimin e Izraelit se synimi i tij është mposhtja e Hamasit.
Në fazën fillestare propozimi parashikon ndalimin e luftimeve, lirimin e disa pengjeve nga Gaza, lirimin e disa të burgosurve palestinezë të mbajtur nga Izraeli, një rritje të ndihmës humanitare për palestinezët, tërheqjen e trupave izraelite nga zonat e populluara të Gazës dhe kthimin e civilëve palestinezë në shtëpitë e tyre.
Faza e dytë parashikon një ndërprerje të përhershme të luftimeve në këmbim të lirimit të të gjithë pengjeve të tjerë në Gaza dhe një tërheqje të plotë të trupave izraelite nga Gaza.
Faza përfundimtare përfshin një plan rindërtimi shumëvjeçar për Rripin e Gazës, pjesa më e madhe e të cilit është shkatërruar nga tetë muaj bombardime izraelite. Ajo gjithashtu parashikon kthimin e eshtrave të pengjeve të vdekur në Gazë.