Blog

Emisari i Posaçëm i BE-së për dialogun Kosovë-Serbi, Miroslav Lajçak, ka mbërritur në objektin e Qeverisë së Kosovës.

Aty ai pritet të takohet me zv/kryeministrin Besnik Bislimi.

Ende është bërë e ditur se për çfarë tema do të diskutojnë Lajçak e Bislimi.

Ndryshe, Lajçak më herët ka thënë për Kosovo Online ka thënë se hapja e Urës është objekt i marrëveshjeve të arritur anë Bruksel dhe se hapja duhet të bëhet në mënyrë të koordinuar dhe dakorduar.

Emisari sllovak ka thënë se asnjëherë s’është mirë që partnerët të befasohen.

Ai ka shprehur gatishmëri që ta vendos në axhendë të takimit të radhës në Bruksel nëse Kosova dhe Serbia kanë gatishmëri.

Profesor doktor, Sylë Tahirsylaj, është vlerësuar lart nga miq e bashkëpunëtorë, në një mbledhje komemorative që është mbajtur të martën, raporton Ekonomia Online.

Profesori, Bedri Dragusha, tha se profesor Tahirsylaj, nuk është fizikisht në mesin tyre, por puna, vepra dhe shkrimet e tij, do të jetojnë çdo herë.

“Lajmi i hidhur për vdekjen e profesorit Sylë Tahirsylaj na preku të gjithëve. Të vetëdijshëm për këtë humbje të madhe, kolegët e të gjithë personeli i këtij institucioni, studentët, familja dhe miqtë e shumtë nga Kosova, nga të gjitha fiset shqiptare, diaspora, sot ndjejnë dhimbje dhe pikëllim të thellë për vdekjen profesorit Sylë Tahirsylaj. Është e vështirë për mua sot të mbaj këtë fjalë për profesorin Tahirsylaj që nuk është në mesin tonë, por njëkohësisht jam krenar dhe ndihem i privilegjuar që pata fatin të jem koleg dhe mik i ngushtë i profesorit Tahirsylaj”.

“Ishte shembull për të tjerët se si dhe sa duhet të punohet me gjeneratat e reja. Profesori Tahirsylaj nuk është fizikisht në mesin tonë, por puna, vepra dhe shkrimet e tij do të jenë çdo herë në mesin tone”, tha Dragusha.

Ndërkohë, Don Lush Gjergji, theksoi se profesori Sylë Tahirsylaj ka lënë shembull të jetës familjare, profesionale që ka qenë përshtypje, përjetime të paharrueshme, jo vetëm për familje, po edhe me gjerë për popullin.

“Le një shembull të jetës familjare, profesionale të njeriut që ka lënë mbresa përshtypje, përjetime të paharrueshme jo vetëm për familje po edhe me gjerë për shoqërinë tonë, popullin tonë për Kosovën tonë. Ne familja jote, populli yt, Kosova jonë gjithmonë të kujtoftë dhe kurrë mos të harroftë, pusho në paqe”, theksoi ai.

Ndërsa, kryetar i komunës së Deçanit, Bashkim Ramosaj, tha se baçi Sylë, siç e quajti ai, do të kujtohet shumë gjatë.

“Baci Sylë do të jetë i gjallë për ne dhe do te kujtohet shume gjatë. Ngushëllime për të gjithë që keni punuar dhe sidomos familjes së ngushtë”, tha Ramosaj.

Edhe, ministrja e Arsimit, Shkencës dhe Teknologjisë, Arbërie Nagavci, i shprehu ngushëllime familjes dhe të gjithë të afërmeve të profesorit, Sylë Tahirsylaj.

“Në momentet si këto kur bohemi bashkë për të dhënë lamtumirën e fundit, fjalë janë të paketa për të shprehur gjithë dhimbjen. Ne e vlerësojmë dhe shprehim mirënjohjen më të thellë të profesorit Tahirsylaj”, tha ajo.

Meteorologu i njohur kosovar, vdiq të dielën.

Ministria e Mbrojtjes ka njoftuar se afati për konkurrim në konkursin e shpallur më 3 qershor, për rektrutimin e kadetëve për vitin 20224/2025 është zgjatur edhe për shtatë ditë tjera.

Në njoftimin thuhet se data e fundit për aplikim është 24 qershor 2024 dhe se personat që kanë aplikuar nuk kanë nevojë të aplikojnë sërish.

“Ministria e Mbrojtjes njofton të gjithë kandidatët e interesuar se afati për konkurrim në konkursin e shpallur më 3 qershor, për rekrutimin e kadetëve për vitin 2024/2025, vazhdohet edhe për shtatë ditë tjera dhe data e fundit për aplikim është deri më 24.06.2024. Të gjithë kandidatët të cilët kanë konkurruar nuk kanë nevojë për rikonkurrim.”

Prokuroria Themelore në Prishtinë ka marrë aktvendim për fillimin e hetimeve ndaj profesorit, Xhevat Krasniqi.

Këtë e ka konfirmuar zëdhënësja e Prokurorisë, Laureta Ulaj.

“Ju njoftojmë se Prokuroria Themelore në Prishtinë ka pranuar kallëzim penal ndaj çështjes në fjalë. Prokurori i Shtetit ka marrë aktvendim për fillim të hetimeve ndaj Xh. K. Kjo çështje penale është duke u trajtuar në pajtim me dispozitat ligjore të KPPRK-së”, tha Ulaj.

Xhevat Krasniqi është pezulluar nga puna më 23 prill pasi ishte denoncuar nga 27 studente për ngacmim seksual.

Të premten, më 21 Qershor, përgatituni për një ngjarje që do të ndryshojë rrjedhën e verës tuaj! Në TV Dukagjini, në emisionin Reload, prej orës 15:30, do të bëhet përzgjedhja e fituesëve të lojës së madhe shpërblyese të organizuar nga Korporata Rugove.

Kjo lojë shpërblyese e jashtëzakonshme sjell me vete një varg shpërblimesh që do t’i bëjnë ëndrrat tuaja realitet.

A jeni gati për të udhëtuar në disa nga qytetet më mahnitëse të botës? Nëse po, atëherë mbani frymën!

Kjo lojë shpërblyese e jashtëzakonshme sjell me vete një varg shpërblimesh që do t’i bëjnë ëndrrat tuaja realitet. A jeni gati për të udhëtuar në disa nga qytetet më mahnitëse të botës? Nëse po, atëherë mbani frymën!

Korporata Rugove ju mundëson të bëheni fitues i shumë udhëtimeve magjepsëse për çifte si:

Udhëtim për 5 Çifte në Romë – Ndjeni magjinë e qytetit të përjetshëm dhe përjetoni historinë e lashtë të Romës.

Udhëtim për 5 Çifte në Paris – Udhëtoni në qytetin e dashurisë dhe zbulojeni bukurinë e pafundme të Parisit.

Udhëtim për 5 Çifte në Barcelonë – Shijoni arkitekturën madhështore të Gaudit dhe atmosferën e gjallë të Barcelonës.

Udhëtim për 5 Çifte në Budapest – Përjetoni bukurinë e Danubit dhe madhështinë e Budapestit.

Përpos shpërblimeve më lartë, juve ju presin edhe shumë dhurata tjera si:

30x Trotinetë Birdie për fëmijë, për t’u dhuruar fëmijëve tuaj çastet e paharrueshme të lirisë dhe kënaqësisë me këto trotineta të shkëlqyera.

10x Skuter Elektrik Yadea G5, për ta liruar veten nga trafiku dhe për të përjetuar udhëtimet e qeta dhe të shpejta me këta skuterë elektrikë të mahnitshëm.

1x Mondial Pagani 1948 125cc, për të apasionuarit pas motorëve, ky është një shpërblim që do t’ju bëjë të ndiheni të pamposhtur në rrugë!

Mos e humbisni këtë mundësi unike! Kush e di? Pikërisht ju mund të jeni fituesi që do ta shijojë një nga këto shpërblime fantastike.

Me Rugove, çdo moment është një shans për të fituar dhe për të përjetuar diçka të jashtëzakonshme.

Fito me Rugove!

Kryediplomati i Bashkimit Evropian, Josep Borrell, ua ka dorëzuar vendeve anëtare të BE-së raportin lidhur me masat që i janë vënë Kosovës më shumë se një vit më parë, ka konfirmuar zëdhënësi i bllokut, Peter Stano.

Në raport është bërë vlerësimi nëse duhet hequr masat ndaj Kosovës, të vëna për shkak të tensionimit të situatës në veri të vendit, në maj dhe qershor të vitit 2023.

Atëbotë, BE-ja pati thënë se Kosova nuk ka bërë mjaftueshëm për shtensionim të situatës.

Megjithatë, nuk dihet nëse Borrelli ka rekomanduar heqjen e masave.

Diskutimi i parë rreth këtij raporti do të mbahet të mërkurën në nivel të ambasadorëve të vendeve anëtare të BE-së.

Megjithatë, në atë takim nuk pritet të merret një vendim se si të veprohet për masat.

Dorëzimi i këtij raporti, qoftë edhe me rekomandim të qartë, nuk do të thotë se masat hiqen menjëherë.

Ky raport vetëm do t’iu shërbejë vendeve anëtare për ta rikthyer këtë çështje në agjendë dhe për të filluar shqyrtimin e mundësisë së heqjes së masave në të ardhmen.

Ndonëse ka kaluar një vit, pak dihet se kush saktësisht është prekur prej këtyre masave.

Zyrtarët kanë thënë publikisht se janë pezulluar takimet mes zyrtarëve evropianë dhe atyre të Kosovës, janë pezulluar disa takime në kuadër të procesit të stabilizim-asociimit dhe janë pezulluar dhe janë ndaluar prokurimet e reja të projekteve që burojnë nga IPA 2023 [Instrumentet e Para-Anëtarësimit], dhe nuk kanë filluar diskutimet për IPA 2024.

Zyrtarë të BE-së kanë diskutuar për herë të parë rreth mundësisë së heqjes së masave në prill të këtij viti, andaj edhe kanë kërkuar një raport prej Borrell-it.

Dorëzimi i raportit është shtyrë disa herë.

Si njëra prej arsyeve për shtyrje është përmendur aksioni i Policisë së Kosovës në veri të vendit për mbyllje të degëve të Bankës Kursimore të Postës së Serbisë, por edhe kundërshtimet e ndryshme të disa zyrtarëve të Komisionit Evropian.

Disa burime diplomatike i patën thënë Radios Evropa e Lirë atë muaj se shumica e vendeve të bllokut kanë qenë në favor të heqjes së masave kufizuese për Kosovën.

Dallimi i vetëm mes vendeve anëtare ka qenë nëse masat duhet të hiqen menjëherë apo gradualisht./REL

Në 25-vjetorin e çlirimit të Skenderajt, është përuruar skulptura e Leutrim Ahmetit, 7-vjeçarit të vrarë gjatë luftës së fundit në Kosovë, raporton Ekonomia Online.

Kryetari i Komunës së Skenderajt, Fadil Nura, tha se krahas shtatores së kryekomandantit legjendar, Adem Jashari, sheshi i këtij qyteti do ta mbajë edhe shtatoren e Leutrimit shtatëvjeçar që përfaqëson çdo viktimë të vrarë në luftën e Kosovës.

“Në këtë datë në shënojmë dy momente të rëndësishme: ditën e çlirimit të Skenderajt dhe ditën e përkujtimit të dëshmorëve dhe martirëve të komunës sonë. Pa mbështetjen e shteteve mike, Kosovës vështirë do t’i vinte liria që ka pritur me shekuj. Kjo pjesë e sheshit të qytetit tonë nga sot do të personifikohet nga dy figura që u bënë të njohura me historinë e tyre. Nga Adem Jashari që personifikon trimërinë dhe guximin e trimave të UÇK-së duke dhënë jetën në shërbim të lirisë së popullit shqiptare për liri dhe nga Leutrim Ahmeti që përfaqëson çdo viktimë të vrarë në luftën e Kosovës. Pyetja e vetme që shtrohet më adresën e është se çfarë faji pati Leotrimi. Ai si 7 vjeçar në qendër të Skenderajt do të na ligjëroj mbi konventën e OKB-së për të drejtat e fëmijëve”, ka thënë ai.

Profesor Nusret Pllana, fjalimin e tij e filloi duke i përshëndetur të pranishmit me fjalinë e tij të njohur “Ju flet Kosova e lirë.

Ai pati kritika për zyrtarët qeveritar pasi nuk kanë ngritur një obelisk për të përkujtuar të gjithë fëmijët e vrarë gjatë luftës.

“Drenica djep dhe buka e Ushtrisë Çlirimtare të Kosovës, andaj jo rastësisht krimet e para kundër popullit shqiptarë janë bërë në Qirez, Likoshan, dhe Prekaz. Qëndresa ishte buka dhe uji i çdo qytetari i kësaj treve heroike. Askujt tjetër nuk i ka hije 25-vjetori i çlirimit se sa Drenicës”, ka thënë ai

Në emër të familjes Ahmeti, foli Milaimi, i cili kërkoi që të ndërtohet një obelisk që përkujton të gjithë fëmijët e vrarë. Ai nuk la pa përmendur edhe ish-krerët e UÇK-së në Hagë.

“Dhembjes së Leotrimit sot i shtohet edhe më shumë mungesa e çlirimtarëve, e bashkëluftëtareve të Malushit (babait të tij) që po mbahen padrejtësisht në Hagë. Sa e sa Leotrima të tjera anë e mbanë Kosovës ranë që ne sot të gëzojmë e festojmë me dhimbje e krenari. Sot Leotrimi po kthehet në qytetin e tij të lindjes si një shembull i ndërgjegjes botërore të dhimbjes shekullore të shqiptarëve”, u shpreh ai.