ATV

Blog

  • ​Vrasje në tentativë, caktohet masa e paraburgimit kundër të pandehurit H.V

    ​Vrasje në tentativë, caktohet masa e paraburgimit kundër të pandehurit H.V

    Gjykata Themelore Prishtinë, ka caktuar maën e paraburgimit prej një muaji ndaj të pandehurit H.V, për shkak tëdyshimit se ka kryer veprat penale Vrasja në tentative, mbajtja në pronësi, kontroll ose posedim i paautorizuar i armëve dhe veprën penale shkaktimi i rrezikut të përgjithshëm.

    “Gjykata vlerësoj se janë plotësuar kushtet për caktimin e paraburgimit, pasi që nëse i pandehuri H.V lihet në liri, paraqet rrezik që i njëjti të ik dhe të shmanget nga procedura penale, pasi i pandehuri nga data e 13.06.2024 kur dyshohet që ka kryer veprën penale Vrasje në tentativë e deri me datë 18.06.2024 kur është arrestuar nga Policia e Kosovës, ka qenë në arrati, andaj nën këto kushte gjykata vlerëson rrezikun potencial nga i pandehuri që të ik me qëllimin që të shmanget nga procedura dhe përgjegjësia penale e tij, po ashtu i njëjti nëse lihet në liri, mund të pengoj rrjedhën e procedurës penale duke ndikuar në të dëmtuarit apo dëshmitarët në këtë çështje”, thuhet në njoftimin e gjykatës.

    Në komunikatë poashtu thuhet se ekziston dyshimi i bazuar se i pandehuri H.V me datë 13.06.2024, rreth orës 21:20 minuta, në rrugën “Xheladin Hana” në Prishtinë, për shkak të mosmarrëveshjeve të ndodhura më parë me persona ende të panjohur dhe me qëllim të hakmarrjes tenton të privojë nga jeta personat të cilët banonin me qera në një banesë në rrugën “Xheladin Hana” dhe me atë rast me dashje e kishte vënë në rrezik jetën e një ose më shumë personave të tjerë, duke shkuar prapa banesës në fjalë dhe nga aty kishte shkrepë rafalë me armë zjarri disa herë në drejtim të kësaj banese, ku gjatë të shtënave plumbat kishin goditur edhe një banesë tjetër dhe pastaj i pandehuri H.V kishte ikëur nga vendi i ngjarjes duke qëndruar në arrati, derisa Policia ka arritur të arreston të njëjtin.

    Kundër këtij aktvendimi, palët e pakënaqura kanë të drejtë ankese në Gjykatën e Apelit, përmes Gjykatës Themelore në Prishtinë.

  • Kurti dhe Vuçiq do të takohen më 26 qershor

    Kurti dhe Vuçiq do të takohen më 26 qershor

    Kryeministri i Kosovës, Albin Kurti, dhe presidenti i Serbisë, Aleksandar Vuçiq, do të takohen në Bruksel më 26 qershor, për të zhvilluar rundin e ri të dialogut për normalizim të raporteve, që ndërmjetësohet nga Bashkimi Evropian.

    Takimin e konfirmoi për ATV-në zëdhenësi për Politikë të Jashtme dhe Siguri i BE-së, Peter Stano.

    “Mund të konfirmoj se një takim i nivelit të lartë i dialogut Beograd-Prishtinë të ndërmjetësuar nga BE-ja do të mbahet në Bruksel të mërkurën e ardhshme. Presidenti i Serbisë dhe kryeministri Kurti do të përfaqësojnë palët përkatëse dhe takimi do të drejtohet nga Ndërmjetësuesi – Përfaqësuesi i Lartë Josep Borrell, i mbështetur nga Përfaqësuesi Special i BE-së për Dialog, Miroslav Lajçak”, tha Stano për ATV-në.

  • Presidentja Osmani takohet me homologen sllovene

    Presidentja Osmani takohet me homologen sllovene

    Presidentja e Republikës së Kosovës, Vjosa Osmani, është takuar me presidenten sllovene, Natasa Pirc Musar.

    Takimi ka zënë vend në Zvicër, ku gjatë fundjavës që lëmë pas u mbajt Samiti për Paqen në Ukrainë.

    Dy homologet kanë biseduar për marrëdhëniet Kosovë-Slloveni.

    E lumtur pas takimit është shprehur presidentja Osmani.

    Në profilin e saj në “X”, Osmani tha se: “Kosova është krenare për miqësinë afatgjate me Slloveninë”.

  • 105-vjeçarja më në fund përfundon masterin në Universitetin Stanford në SHBA

    105-vjeçarja më në fund përfundon masterin në Universitetin Stanford në SHBA

    105-vjeçarja Virginia Hislop ka përfunduar studimet e saj të masterit në Shkollën e Edukimit në Universitetin e Stanfordit në SHBA.

    Hislop fillimisht nisi shkollimin e saj në vitin 1940, por për shkak të Luftës së Dytë Botërore, mori një pushim të gjatë, ndërsa bashkëshorti i saj u rekrutua në ushtri.

    “Unë e kam bërë këtë punë për vite dhe është mirë të më njohin me këtë diplomë,” tha Hislop në diplomimin e saj, shkruan ABC News.

    Ajo ka shërbyer si anëtare e Bordin e Drejtorëve në Shkollën Yakima, duke qenë një nga themelueset e këtij institucioni.

    Në Shtetet e Bashkuara të Amerikës, nuk është e rrallë që individët të mbarojnë studimet në moshë të shtyrë.

  • ​BE-ja pritet t’i heqë pjesërisht dhe gradualisht masat ndaj Kosovës

    ​BE-ja pritet t’i heqë pjesërisht dhe gradualisht masat ndaj Kosovës

    Në Bashkimin Evropian nuk ka pajtim të plotë për heqjen e masave ndëshkuese të vendosura ndaj Kosovës. Por, si kompromis pritet që këto masa të hiqen pjesërisht dhe gradualisht.

    Kështu mësoi Radio Evropa e Lirë nga burimet diplomatike në bllok pas diskutimeve që u zhvilluan më 19 qershor në Komitetin për politikë dhe siguri të BE-së (PSC), ku morën pjesë përfaqësuesit e shteteve anëtare.

    Sipas burimeve, shumica e shteteve të BE-së ishin në favor të heqjes së plotë të masave, siç edhe ka rekomanduar përfaqësuesi i lartë i bllokut për politikë të jashtme dhe siguri, Josep Borrell, në raportin që u dorëzoi vendeve anëtare më 18 qershor, lidhur me hapat që Kosova ka ndërmarrë për uljen e tensioneve në veriun e banuar me shumicë serbe.

  • Federata e Futbollit të Maqedonisë reagon për sjelljen e futbollistit të Shqipërisë, Mirlind Daku

    Federata e Futbollit të Maqedonisë reagon për sjelljen e futbollistit të Shqipërisë, Mirlind Daku

    Pas thirrjeve nacionaliste të futbollistit Mirlind Daku, ka reaguar Federata e Futbollit të Maqedonisë.

    “Një sjellje e tillë është e papranueshme dhe në kundërshtim me vlerat bazë të sportit dhe respektit të ndërsjellë që promovon futbolli”, thuhet në reagim.

    Reagimi i plotë i FFM-së:

    Shprehim shqetësimin tonë të thellë dhe dënojmë thirrjet nacionaliste të futbollistit të Shqipërisë Mirlind Daku drejtuar kundër shtetit të Maqedonisë pas ndeshjes së djeshme ndërmjet Kroacisë dhe Shqipërisë në Kampionatin Europian.

    Një sjellje e tillë është e papranueshme dhe në kundërshtim me vlerat bazë të sportit dhe respektit të ndërsjellë që promovon futbolli.

    Sporti, veçanërisht futbolli, është baza e një bashkëpunimi dhe respekti ndërmjet Kombësive të ndryshme.

    Retorika nacionaliste, megjithatë, i minon këto parime, duke nxitur ndarjen dhe armiqësinë midis tifozëve dhe shoqërive.

    Parimet politike janë të përfshira në rregulloret e shoqatave ndërkombëtare si FIFA dhe UEFA. Federata e Futbollit të Maqedonisë do t’i dërgojë një letër zyrtare UEFA-s për këtë sjellje skandaloze.

    I bëjmë thirrje futbollistit shqiptar Mirlind Daku që të kërkojë falje publike për sjelljen e tij dhe për dëmin që ka shkaktuar.

    Gjithashtu u bëjmë thirrje institucioneve përkatëse që të hetojnë këtë incident dhe të marrin masat e duhura disiplinore për të përforcuar standardet e sjelljes që priten nga të gjithë sportistët.

    Angazhimi ynë për të promovuar unitetin, respektin dhe lojën e ndershme në sport mbetet parësor.

  • Arrestohet një kosovar në Hungari, u kap me 11 kilogramë marihuanë

    Arrestohet një kosovar në Hungari, u kap me 11 kilogramë marihuanë

    Policia hungareze ka arrestuar një shtetas kosovar pasi e kapi duke tentuar të kontrabandonte 11 kilogramë marihuanë në Hungari përmes kufirit serbo-hungarez.

    Policia ka gjetur drogën në veturën e tij teksa po kalonte kufirin të dielën.

    Zyra e prokurorit ka thënë se ka rrezik nga ikja e tij, prandaj edhe ka vendosur për ndalim në paraburgim deri në përfundimin e procedurave, raportoi DailyNewsHungary.

  • Mjeti i dyshuar nuk ishte shpërthyes, lëshohet për qarkullim rruga për Gërmi

    Mjeti i dyshuar nuk ishte shpërthyes, lëshohet për qarkullim rruga për Gërmi

    Rruga “Shpëtim Robaj” në Taukbahqe, për disa orë ishte e bllokuar mëngjesin e sotëm për shkak të dyshimeve për një mjet shpërthyes, tani është hapur për qarkullim.

    Kjo për shkak se mjeti i dyshuar, nuk ishte shpërthyes.

    Policia e Kosovës i tha ATV-së se mjeti në fjalë ishte një pajisje e veturës.

    “Pas ndërmarrjes së të gjitha veprimeve të nevojshme operative si dhe kontrollit të detajuar të hapësirës së caktuar nga ana e njësive të specializuara për menaxhimin me mjetet shpërthyese, ka rezultuar se mjeti nuk ka qenë shpërthyes. Bëhet fjalë për një pajisje të veturës. Pas përfundimit të ekzaminimit rruga është liruar për qarkullim”, thuhet në përgjigjen e Policisë për ATV-në.

  • Ministri i Jashtëm izraelit: Duhet ta ndalojmë menjëherë Iranin para se të jetë tepër vonë

    Ministri i Jashtëm izraelit: Duhet ta ndalojmë menjëherë Iranin para se të jetë tepër vonë

    Ministri i Jashtëm izraelit, Israel Katz deklaroi se Sekretari i Përgjithshëm i Lëvizjes Hezbollah, Hassan Nasrallah ka “kërcënuar me sulm” Administratën qipriote greke të Qipros Jugore (GCASC), transmeton Anadolu.

    Në një postim nga llogaria e tij në median sociale X, Katz mbrojti idenë e tij se “Raketat e Iranit kërcënojnë vendet e Evropës dhe të gjithë botën e lirë”.

    “Sekretari i Përgjithshëm i Lëvizjes Hezbollah, Hassan Nasrallah në fjalimin e tij dje kërcënoi me sulm Qipron Jugore. Duhet ta ndalojmë Iranin menjëherë para se të jetë tepër vonë”, tha Katz.

    Ai në postimin e tij etiketoi llogaritë e medias sociale në X të Sekretarit të Shtetit të SHBA-së, Antony Blinken, sekretarit të Jashtëm britanik, David Cameron dhe ministres së Jashtme gjermane Annalena Baerbock si dhe llogaritë e ministrit të Jashtëm francez, Stephane Sejourne.

    Nasrallah tha se kanë informacione të inteligjencës se Izraeli do të përdorë aeroportet dhe bazat ushtarake të Administratës qipriote greke në një sulm të mundshëm gjithëpërfshirës ndaj Libanit. “Në një rast të tillë do ta konsiderojmë Administratën qipriote greke si pjesë të luftës”, ka thënë ai.

  • SHSKUK njofton zgjedhjen e kryesuesit të ri të bordit

    SHSKUK njofton zgjedhjen e kryesuesit të ri të bordit

    Bordi Drejtues i SHKUK-se në mbledhjen e 52 – të mbajtur me datë 20.06.2024 konform dispozitave ligjore; me 6 vota PRO, dhe një votë të pavlefshme, në mandat 1 vjeçar ka zgjedhur Kryesues të Bordit Drejtues, Dr. Dren Boshnjakun.

    Bordi Drejtues i SHSKUK-së me këtë rast ka vlerësuar, dhe falënderuar, për kontributin e deritanishëm ish-Kryesuesin Dr. Naim Bardiqin dhe anëtarin e deritanishëm të Bordit Drejtues të SHSKUK-së Dr. Besim Demollin.

    Kryesuesi Dr. Boshnjaku në fjalën e tij falënderoj anëtarët e Bordit Drejtues për besimin e dhënë dhe premtoj angazhim maksimal në funksion të ngritjen e cilësisë të shërbimeve shëndetësore nga SHSKUK.

    Dr. Dren Boshnjaku