Blog

Partia Demokratike e Kosovës (PDK) dhe Lidhja Demokratik e Kosovës (LDK), kanë paralajmëruar se do të dërgojnë përsëri në Gjykatën Kushtetuese Ligjin për Zyrtarët Publik, pasi konsiderojnë se nuk janë marr parasysh rekomandimet që janë dhënë për plotësim ndryshimin të këtij projektligji, raporton Ekonomia Online.

Këto paralajmërime u bënë në Komisionin për Administratë Publike, Pushtet Lokal, Media dhe Zhvillim Rajonal, ku u shqyrtuan raportet të Komisioneve të përhershme lidhur me Projektligjin për ndryshimin dhe plotësimin e Ligjit për Zyrtarët Publik, i cili përkundër kundërshtive të opozitës, u votua me gjashtë vota të mazhorancës.

Deputeti i PDK-së, Isak Shabani, ka thënë se ky projektligj është i politizuar dhe me këtë rast ka ngritur çështjen e propozimit për këtë projektligj sa i përket pozitave menaxhuese me afat të caktuar.

“Ky ligj është me i politizuar se ligji i mëparshëm. Te dispozita kalimtare te paragrafi 3, nëpunësit civil të emëruar në pozitat e kategorisë së ulët dhe të mese drejtuese para hyrjes në fuqi të ligjit bazik konsiderohen se fillojnë mandatin e parë në hyrjen në fuqi të këtij ligji. Po dëshiroj që të konfirmojmë nga ju a është e vërtet që kjo obligon në mandatin e parë pasi edhe ata që janë shërbyes civil që janë për kohë të pacaktuar tash obligohen me qenë në këto pozita me kohë të caktuar”, ka thënë ai.

Kryetari i Komisionit, Valon Ramadani, ka thënë se ky propozim ka qenë opsioni shumë i mirë që është propozuar nga Qeveria dhe se do të ketë mundësi që të mos bëhet shkelje e të drejtave të gjithë atyre që sot hynë drejtor në një departament në shërbimin civil.

“Ky propozim është që nuk shpallen konkurset për pozitat menaxhuese sot, por me automatizëm momentin që ky ligj hynë në fuqi ata i kanë katër vite mandat. Mandatin e dytë për katër vite të tjera munden  me marr me përformancë nga eprorët e tyre ndërsa tretin shpallet vendi i punës duke mos ja ndalur atij që të aplikoj. Mendoj që është opsioni shumë i mirë që është propozuar nga Qeveria dhe do të ketë mundësi që të mos bëhet një shkelje e të drejtave të gjithë atyre që sot hynë drejtor në një departament e ai që është aty sot të jetë në shërbim civil ai të vazhdon si drejtor. Unë mendoj se për mbi 8-12 vite nuk ka njëri se çka jep më shumë”, ka thënë ai.

Deputeti Shabani përmendi aktgjykimet e Gjykatës Kushtetuese që janë dhënë sa i përket këtij projektligji, e ku shtoj se nëse ky ligj kalon në këtë formë do të dërgohet përsëri në Gjykatën Kushtetuese.

“Opinioni i SIGMA-së thekson se mandati me afat të caktuar nuk janë të zakonshme në administratat e vendeve anëtare të BE-së, dh në mënyrë artikulare ato nuk parashihen në nivelin e ulët dhe të mesëm drejtuese. Kjo reformë mund të dërgojë lehtësisht në politizimin e administratës publike deri në nivelin e udhëheqësve të njësive në nivelin e ulët drejtues. Përsëri do ta kontestojmë e do ta dërgojmë në Gjykatën Kushtetuese. Unë mendoj që ky ligj nëse miratohet kësi soji shkon drejtpërdrejt në Gjykatën Kushtetuese”, ka thënë ai.

Kryetari i Komisionit, Ramadani ka thënë se nuk ka pasur as një koment as prej BE as prej SIGM  për këtë nenë.

Deputeti i LDK Agim Veliu, ka thënë se në këtë projektligj mbete problematike çështja e ushtruesve të detyrave, mos respektimi fillimi i mandati si dhe shumë çështje të tjera që sipas tij, ky projektligj më gjitha këto probleme do të përfundoj në Gjykatën Kushtetuese.

“Ne sot e dimë që e keni shumicën, por ne jemi këtu që të ju themi që nëse ky ligj aprovohet kështu në këtë formë e dëmton zyrtarin publik edhe është në kundërshtim me disa parime që janë të njohura me zyrtarë publikë. Janë disa dispozita që e politizojnë dhe do të jenë problematike, sikurse është vlerësimi atje. Sipas meje mbete problematike çështja e ushtruesve të detyrave edhe që rreziku që prapë ku ligj të përfundoj në Gjykatën Kushtetuese. Sepse nuk po respektohet fillimi i mandatit ashtu siç është përcaktuar me ligj në rastet e udhëheqësve të niveleve të ndryshme nëse ata janë pa mandat, ligji ju jep të drejtën që në momentin që hynë në fuqi ky ligj ata ta fillojnë mandatin e rregullt. Mbeten çështje problematike që ky ligj të përfundoj në Gjykatën Kushtetuese”, ka thënë ai.

Deputeti i VV-së Besim Muzaqi, ka thënë se si pozitë janë mësuar me kërcënime që projektligjet t’i dërgojnë në Kushtetuese.

“Kërcënimi se do të shkojë në Gjykatën Kushtetuese nuk është risin për ne, por tregon për qëllimet që ka kjo opozitë në raport me ecjen përpara me ligjeve dhe përparimin edhe në aspektin legjislativ për të cilat jemi të thirru si deputet dhe legjislativ për ti dërguar përpara”, ka thënë ai.

E deputeti i PDK-së, Mergim Lushtaku, ka thënë se ky projektligj duhet të dërgohet në Kushtetuese. Lushtaku ka cituar edhe fjalët e kryeministrit Albin Kurti, drejtuar ish-kryeministrit Isa Mustafa, i cili deklaronte se kush e shkel Ligjin dhe Kushtetutën “është super kriminel”.

“Ne e dimë shumë mirë se sipas nocionit të liderit të tyre ‘suprem’ Albin Kurtit, ai që shkel ligjin edhe Kushtetutën është ‘super kriminel’. Ne e dimë se super kriminelët qeverisin në qeverinë Kurti. Ne kemi edhe një akt ligjor edhe Kushtetutën që do ta vërtetojmë se a janë ligjet në përputhje me Kushtetutën. Ne duhet të dërgojmë sepse nuk ka përputhje që ju e bëni këtë projektligj në përputhje me aktgjykimi e Gjykatës Kushtetuese për ligjin për zyrtarët publike. Të pjesa e sigurisë juridike”, ka thënë ai.

Forcat izraelite kanë bombarduar Rafahun dhe zonat e tjera në mbarë Rripin e Gazës dhe janë përfshirë në luftime nga afër me luftëtarët e Hamasit – grupit palestinez të shpallur organizatë terroriste nga Shtetet e Bashkuara dhe Bashkimi Evropian – tha ushtria izraelite dhe banorët.

Banorët thanë se forcat izraelite duket se po tentojnë të përfundojnë kapjen e Rafahut, qytetit më jugor të Gazës i cili ka qenë në fokus të sulmeve izraelite që nga fillimi i majit.

Tanket izraelite po vazhdojnë të përparojnë në pjesët veriore dhe perëndimore të qytetit, teksa Izraeli deri më tani ka arritur të marrë kontrollin e pjesës lindore, qendrore dhe jugore të Rafahut.

Sulmet e fundit izraelite nga toka, ajri dhe deti, po detyrojnë më shumë banorë që të zhvendosen nga qyteti.

Mbi një milion persona ishin zhvendosur në Rafah për shkak të luftimeve në pjesë të tjera të Gazës dhe ata sërish po detyrohen të zhvendosen.

Zyrtarët shëndetësorë palestinezë thanë se të paktën 12 persona u vranë gjatë sulmeve ajrore izraelite më 21 qershor.

Ndërkaq, ushtria izraelite tha se forcat e saj po kryejnë veprime “precize” në zonën e Rafahut, ku trupat janë përfshirë në luftime nga afër. Ushtria tha se ka lokalizuar tunele që janë përdorur nga radikalët e Hamasit, duke shtuar se veprime ushtarake po kryhen edhe në pjesë të tjera të Gazës.

Lufta në Gazë nisi pasi Hamasi sulmoi jugun e Izraelit më 7 tetor, duke vrarë afër 1.200 persona dhe duke rrëmbyer afër 250 të tjerë.

Si pasojë e ofensivës izraelite, në Gazë janë vrarë më shumë se 37.000 persona dhe pothuajse e gjithë popullsia, prej 2.3 milionë banorësh e kësaj enklave, është zhvendosur./REL/

Qendra për Raste Gjyqësore Strategjike (CLS) bëri të ditur se Gjykata Themelore në Prishtinë ka miratuar padinë që ajo ngriti së bashku me organizatën joqeveritare “Qytetarët Aktivë” dhe ka anuluar vendimin e Komunës së Prishtinës për projektin “Parku i Aventurave”.

“Parku i Aventurave” ishte paraparë të ndërtohej në parkun e mbrojtur të Gërmisë, por me vendimin e fundit, Themelorja ka anuluar vendimin për lejen mjedisore për realizimin e projektit.

Paraprakisht, më 2021 Gjykata Supreme e Kosovës kishte vendosur që të shtyhej ekzekutimi i vendimit të Komunës së Prishtinës lidhur me këtë projekt, deri në një vendim përfundimtar për këtë rast.

“CLS e vlerëson sukses tejet të rëndësishëm vendimin e Gjykatës Supreme mbi pezullimin e lejes mjedisore të projektit ‘Parku i Aventurav’ dhe vendimin e fundit të Gjykatës Themelore për anulimin e vendimit për realizimin e këtij projekti. Vendimet e tilla konfirmojnë kundërligjshmërinë e ndjekur nga organet publike, mohimin e të drejtës kushtetuese të qytetarëve për pjesëmarrje në vendimmarrjen mjedisore dhe rrezikun për degradimin e natyrës nga projektet të tilla si ‘Parku i Aventurave’”, tha GLS përmes një njoftimi për media.

Themelorja konstatoi se Komuna e Prishtinës gabimisht ka aplikuar bazën ligjore për lëshimin e lejes mjedisore për këtë projekt, përkatësisht është thirrur në një udhëzim administrativ për dhënien e lejeve mjedisore komunale. Por, projekte të tilla, sikurse “Parku i Aventurave”, sipas CLS-së, rregullohen me Ligjin për vlerësimin e ndikimit në mjedis.

“Gjykata i ka vlerësuar të drejta argumentet se Komuna e Prishtinës gjatë vlerësimit dhe miratimit të Projektit ‘Parku i Aventurave’ ka shkelur garancitë kushtetuese të qytetarëve duke ia mohuar të drejtën e pjesëmarrjes në vendimet që kanë të bëjnë me mjedisin jetësor ku ata jetojnë”, u tha në njoftim.

“Parku i Aventurave” ishte paraparë të përfshinte një sipërfaqe prej rreth 70 ari dhe të shtrihej nga Butovci në drejtim të parkut të Gërmisë. Kur ishte prezantuar si projekt, Komuna e Prishtinës kishte thënë se parku do të ndërtohej duke përdorur metoda speciale që do të shmangnin dëmtimin e drurëve në Gërmi./REL/

Komisioni për Administratë Publike, Pushtet Lokal, Media dhe Zhvillim Rajonal me 6 vota për ka proceduar për seancën e Kuvendit për votim në lexim të dytë, raportin me amendamente të Komisioneve të përhershme lidhur me Projektligjin për Komisionin e Pavarur për Media.

Deputet e opozitës në këtë mbledhje propozuan që ky projektligj të dërgohet për shqyrtim edhe në Komisionin e Venecias, pasi sipas tyre, ka pasur reagime nga shoqëria civile dhe mediat që ky projektligj cenon lirin e mediave.

Kryetari i Komisionit, njëherësh deputet i Lëvizjes Vetëvendosje, Valon Ramadani, tha se amendamentet e këtij projektligji janë shqyrtuar në komisionet e përhershme.

“Raporti përmban 93 amendamente. Konstatoj se 6 vota për procedohet raporti me amendamente për në seancë plenare për në lexim të dytë”, ka thënë ai.

Deputeti i Partisë Demokratike të Kosovës, Mërgim Lushtaku, ka propozuar që ky projektligj të dërgohet në Komisionin e Venecias, që të japë një pasqyrë më të mirë të tij.

“Ka pasur shumë ndryshime ky projektligj. Shihet se ka mbështetje. Kisha kërkuar që të dërgojmë për shqyrtim edhe në Komisionin e Venecias pasi është një projektligj i rëndësisë së veçantë që ka të bëjë me demokracinë dhe shprehjen e lirë dhe harmonizimin e medias së lirë. Që t’ia jap një pasqyrë më të mirë këtij projektligji. Ta dërgojmë si komision jo si parti politike”, ka thënë ai.

Kryetari i Komisionit, ka thënë se ky ligj është diskutuar më shumë se çdo projektligj tjetër dhe se për këtë janë marr parasysh edhe dy çështje që janë ngritur nga ekspertja prej Këshillit të Evropës.

“Nuk di a ka nja ligj që është diskutuar më shumë. Në këtë fazë nuk kemi mundësi që të shkojmë në Komision të Venecias, kjo mund të vendoset në instanca të tjera. Ky ligj është dashtë 6 vite më parë të plotësohet e ndryshohet, më mirë vone se kurrë”, ka thënë ai.

E deputeti i Lidhjes Demokratike të Kosovës, Agim Veliu, ka thënë se e përkrah që ky ligj të shqyrtohet në Komisionin e Venecias, ai tha se në këtë formë që është ky ligj nuk do ti marr votat e LDK-së.

“Ka pasur dëgjime publike por mendoj me pak përfshirje. Në komunën e Prishtinës nuk ka ardhur as një njeri. Me që gjatë gjithë fazave të trajtimit të projektligjit si opozitë kemi bërë shumë propozime që nuk janë marr parasysh. Është mirë që mu gjete një mekanizëm që ky projektligj i plotëson standarde e në këtë rast e përkrahi edhe mendimi e deputeti Lushtaku që të shkoj në komisionin e Venecias, sepse në bazë të reagimeve të shoqërisë civile dhe mediave ky projektligj prek pak a shumë lirin e shprehej e punës së mediave në përgjithësi. Në këtë formë si është votat e LDK-së nuk do t’i ketë”, ka thënë ai.

Punëtorët shëndetësor të Qendrave të Mjekësisë Familjare dhe të Urgjencës, parakaluan të premten në sheshet kryesore të Prishtinës, për nderë të 25-vjetori të hyrjes në institucionet shëndetësore, raporton EO.

25 vjet më parë, ata ishin rikthyer në vendet e punës pas largimit me dhunë në kohën e regjimit të Millosheviqit.

Të veshur me uniformë, stafi shëndetësor i prirë nga udhëheqësit e shëndetësisë në Prishtinë, u mirëpritën nga fëmijët me buqeta me lule në shenjë falënderimi për kontributin e dhënë ndër vite.

21 Qershorin e konsideron festë për Prishtinën, drejtori i Qendrës Kryesore të Mjekësisë Familjare, Bujar Gashi. Ai për Ekonomia Online, tha se 25 vjet më parë, këta profesionistë ishin dëbuar me dhunë.

“Data 21 qershori është dita primare e Komunës së Prishtinës. Duke marrë parasysh se ka filluar përmirësimet e infrastrukturës, rritjen e cilësisë së shërbimeve, rritjen e ndryshimeve të cilësisë kanë ndryshuar prej vitit në vit dhe prej kohës në kohë fillimet kanë qenë të vështira. Janë 25 vite që kanë dhënë kontribut të madh për mjekësinë në Kosovë. Këtë ditë ta shënojmë si ditë feste pas dëbimit me dhunë. Në vazhdimësi ka pasur përmirësime në institucione”, tha Gashi.

Anëtari i Kryesisë së PDK-së, njëherit edhe nënkryetari i Kuvendit të Kosovës, Enver Hoxhaj ka folur për situatën në veri të Kosovës dhe çështjen e Asociacionit të komunave me shumicë serbe.

Hoxhaj ka thënë se kryeministri Kurti në këto tri vite të qeverisjes ka luftuar komplet në vijë të kundërt të trendëve ndërkombëtare dhe ndryshimeve gjeopolitike, duke e përdorur veriun e Kosovës si platformë për ta konsoliduar pushtetin e tij.

“Me luftën në Ukrainë, me luftën në Gaza, me një luftë të mundshme në Tajvan, është ka shpërbëhet rendi ndërkombëtar dhe zoti Kurti ka luftuar komplet, në vij të kundërt të trendëve ndërkombëtare, të ndryshimeve gjeopolitike dhe mbi të gjitha ka vendos që në emër të një politike që sa më shumë ta konsolidon pushtetin e tij të brendshëm duke përdorë veriun e Kosovës si një platformë për ta konsoliduar pushtetin e tij”, tha Hoxhaj.

Ish-ministri i Jashtëm i Kosovës shtoi se sot situata e veriut të vendit i shërben për të qenë në pushtet Albin Kurti në Prishtinë dhe Aleksandër Vuçiqit në Serbi.

Hoxhaj theksoi se PDK-ja asnjëherë nuk e ka përdorur situatën në veri të vendit për popullizëm politik.

“Ne kemi vepruar në raport me veriun e Kosovës, duke shpërbërë struktura paralele, duke luftuar krimin dhe krimin e organizuar në veri të vendit duke bërë çdo gjë që ta përmbyllim shtet ndërtimin e Kosovës në veri të vendit, duke integruar komunitetin serb. Ne asnjëherë nuk e kemi përdorë situatën e veriut të Kosovës për popullizëm politik. Kjo se çfarë po ndodh në veri të vendit nuk është në përputhje me interesin nacional të shtetit të Kosovës”, tha Hoxhaj.

ondi i Kosovës për Efiçiencë të Energjisë ka njoftuar të gjithë aplikantët në listë të pritjes për subvencionim të masave të efiçiencës së energjisë në shtëpi individuale, që duhet të konfirmojnë interesimin e tyre për të përfituar nga kjo masë, deri më 23.06.2024.

“Aplikantët, gjithsej 1010, kanë pranuar email nga ana e FKEE-së të premten (14.06.2024), në të cilin është i bashkëngjitur linku me formularin për shprehje të interesit. Të gjithë aplikantët që nuk plotësojnë këtë formular, humbasin të drejtën për të vazhduar tutje me procedurat drejt përfitimit të subvencionimit të masave të efiçiencës në shtëpitë e tyre”.

“Rikujtojmë se thirrja fillestare për përfitim nga subvencionimi i mundësuar nga Bashkimi Evopian dhe Qeveria e Republikës së Kosovës, ka qenë aktive nga data 8 gusht 2023 dhe në bazë të kushteve të thirrjes, konkretisht të pikës 2.1 “Aplikimi pa Raport të Auditimit të Energjisë”, është thënë se: Në rast se aplikanti, për çfarëdo arsye, nuk ka gjetur një auditor të çertifikuar të energjisë për të bërë auditimin e thjeshtëzuar të energjisë (ëalk-through audit), ai aplikacion do të vendoset në listë të pritjes, ndërsa shqyrtimi i tij i mëvonshëm do të merret parasysh nëse plotësohen dy kushtet e mëposhtme: Buxheti i destinuar për thirrjen ende nuk është shpenzuar; dhe Kontraktimi i Auditorëve të Energjisë bëhet nga ana e FKEE-së”, thuhet në njoftimin e Fondit.

Fondi i Kosovës për Efiçiencë të Energjisë ka kërkuar nga të gjithë të interesuar që për informacione të tjera të kontaktoni FKEE-në përmes email adresës [email protected].