Blog

I shoqëruar nga ministri i Mjedisit, Planifikimit Hapësinor dhe Infrastrukturës, Liburn Aliu dhe zëvendësministri i këtij dikasteri, Hysen Durmishi, si dhe zëvendësministrat Taulant Kelmendi dhe Mentor Arifaj, Kryeministri i Republikës së Kosovës, Albin Kurti, sot gjatë paradites vizitoi vendpunimet e rrugës Kijevë – Zahaq, segmenti Kijevë – Dollc.

Ai u njoftua nga menaxherët e kontratave të tre loteve të këtij segmenti mbi ecurinë e punimeve. Kryeministri përshëndeti edhe falënderoi punëtorët dhe kompanitë për punën që po e bëjnë në realizimin sa më të shpejt të këtij projekti infrastrukturor me rëndësi të madhe për rajonin e Pejës.

Në javën e parë të muajit korrik u hapën procedurat për dorëzimin e ofertës për ndërtimin e Rrugës Nacionale N9 Kijevë-Zahaq, përkatësisht segmenti Dollc-Zahaq. Segmenti i kësaj rruge ka gjatësi totale 16.27km, e ndarë në 4 lote, me buxhet të planifikuar të projektit prej rreth 46 milionë €.

Këshilli Gjyqësor i Kosovës ka shprehur gatishmërinë për të kontribuar në hartimin e Projektligjit për realizimin e të drejtës për gjykim brenda afatit të arsyeshëm kohor. Megjithatë, u tha se ky projektligj është kompleks dhe ka kosto të lartë buxhetore që duhet të jetë parasysh nga Kuvendi i Kosovës.

Kryesuesi i KGJK-së, Albert Zogaj, tha se ky institucion ka dhënë komentet e para në grupet punuese për këtë nismë qeveritare, mirëpo shtoi se do të ketë një kërkesë që gjyqtari i çështjes të ketë mundësi të reflektojë mbi urgjencën e lëndës dhe po ashtu të ketë një justifikim për të treguar pse është penguar procesi gjyqësor në një kohë të caktuar.

“Janë dhënë komentet besojmë se do të jepen edhe komente të tjera. Kemi propozuar që përfundimisht nëse kjo nismë shkon në Kuvend atëherë të jetë një mundësi për letër urgjencë që i drejtohet gjyqtarit të çështjes dhe të ketë një periudhë kohe kur gjyqtari do të ketë mundësi të reflektojë mbi urgjencën, po ashtu të ketë edhe justifikim që e ka pengu procesin gjyqësor në kohë të caktuar. Në këtë mënyrë komisioni apo paneli që merret me çështjen të ketë rrethana të qarta në lidhje me atë çështje. Megjithatë është një nismë komplekse ka qëndrime të partnerëve dhe ekspertëve por ne do të jemi si institucion instensivisht dhe besoj se komentet tona do të jenë të të dobishme pasi si përfundim ne duhet të përfundojmë atë ligj. Impakti financiar do të jetë i jashtëzakonshëm dhe kuvendi duhet të merr parasysh mbulimin financiar për kompensim. Propozimet e KGJK-së do të jenë serioze”, tha ai.

Në anën tjetër, anëtari i KGJK-së, gjyqtari, Artan Abazi, tha se barrën kryesore për këtë projektligj duhet të ketë KGJK-ja, pasi e ka rolin kyç në zbatimin e tij.

“Përkundër faktit se ne si gjykata kemi bazën ligjore edhe mos ta kishim fare këtë ligj pasi kemi nenin 31 të Kushtetutës së Kosovës dhe nenin 6 të Konventës së drejtave të njeriut që na obligon që çështjet t’i gjykojmë brenda një afati të arsyeshëm kohor. Megjithatë nëse është e nevojshme që ky ligj të futet në fuqi dhe që ka parapa të arsyeshme organet kompetente atëherë mirë kishte me qenë që sistemi gjyqësor të ketë rolin kyç pasi ne kemi me zbatu këtë ligj dhe mos të shkaktojmë probleme sesa të zgjidhim atë. Nëse do të paraqiten problemet, duke marrë parasysh se kemi edhe numër të lartë të lëndëve atëherë veçse do ta bënim të paqartë situatën”, tha ai.

Krahas këtyre, në mbledhjen e sotme KGJK-ja, mori një sërë vendimesh, ku mes tjerash dërgoj emrat e disa gjyqtarëve për dekret nga presidentja, Vjosa Osmani, si dhe hapi disa konkurse në disa prej gjykatave në Kosovë.

Projektligji për realizimin e të drejtës për gjykim brenda afatit të arsyeshëm kohor është nismë e Ministrisë së Drejtësisë. Sipas tyre, i njëjti do të evitojë pasojat që vijnë nga stërzgjatja e lëndëve në gjykatë./KP/

Gjykata e Prishtinës ka shpallur fajtor dhe e ka dënuar me 12 vjet burg Ekrem Bajroviqin për krime lufte ndaj popullsisë civile në Istog dhe fshatrat përreth në vitet 1998-1999.

Në këtë dënim do t’i llogaritet edhe koha e kaluar në paraburgim.

Bajroviq ka qenë i implikuar në vrasjen, bastisjen, rrahje, maltretim tortura dhe trajtim në mënyrë çnjerëzore të popullatës civile.

Aleanca e Atlantikut të Veriut do të vazhdojë të ekzistojë nëse ish-presidenti amerikan Donald Trump zgjidhet për një mandat të dytë.

Këtë e ka thënë në një intervistë për The Guardian, Sekretari i Përgjithshëm i NATO-s, Jens Stoltenberg, transmeton Ukrinform.

“Kam punuar me të [Trump] për katër vjet. Mendoj se është e rëndësishme të mos krijohen profeci vetë-përmbushëse në një mënyrë që duke supozuar se një administratë e re në Shtetet e Bashkuara do të nënkuptojë fundin e NATO-s. Kishte shqetësime për këtë edhe në vitin 2016. Realiteti ishte se NATO është më e fortë pas katër vitesh… më shumë trupa, gatishmëri e lartë”, tha ai.

Stoltenberg shprehu gjithashtu besimin e tij se Shtetet e Bashkuara do të mbeten një aleat i fortë i NATO-s.

“Arsyeja pse unë pres që Shtetet e Bashkuara të mbeten një aleat i fortë… është se kritikat kryesore nga Presidenti Trump por edhe nga kandidati për zëvendëspresident, JD Vance, nuk kanë qenë kryesisht kundër NATO-s. Ato kanë qenë kryesisht kundër Aleatëve të NATO-s nuk shpenzojnë mjaftueshëm për NATO-n në mbrojtje dhe kjo po ndryshon”, tha Sekretari i Përgjithshëm.

Ai është gjithashtu i bindur se Shtetet e Bashkuara do të mbeten në NATO, pasi Aleatët së bashku përbëjnë 50% të “fuqisë ushtarake” botërore. Nëse Shtetet e Bashkuara largohen nga blloku, NATO do të përbëjë vetëm 25% të kësaj aftësie ushtarake globale.

Siç raportoi Ukrinform më herët, Sekretari i Përgjithshëm i NATO-s Jens Stoltenberg tha se Shtetet e Bashkuara do të mbeten një aleat i fuqishëm dhe i besueshëm i Aleancës, pavarësisht nga rezultatet e zgjedhjeve të ardhshme presidenciale në këtë vend, sepse mbështetja nga një NATO e fortë është në interes të sigurisë të vetë Shteteve të Bashkuara.

Ministrja e Arsimit të Kosovës, Shkencës, Teknologjisë dhe Inovacionit Arbërie Nagavci dhe homologia e saj nga Shqipëria, Ogerta Manastirliu kanë marrë pjesë në Seminarin e XVII-të mbarëkombëtar me mësuesit e Gjuhës Shqipe dhe të Kulturës Shqiptare në Diasporë.

Aty u tha se misioni i këtyre mësuesve kërkon angazhim dhe punë të palodhur në të gjitha nivelet.

Ministrja e Arsimit dhe Sportit e Republikës së Shqipërisë, Ogerta Manastirliu ka deklaruar se të gjithë mësuesit e mbledhur në këtë seminar janë përbashkuar me një qëllim madhor, e që është ruajtja dhe fuqizimi i gjuhës shqipe.

“Të dashur mësues tonë të diasporës jam vërtetë e emocionuar që ju shoh këtu, të gjithë së bashku të përbashkuar në qëllimin madhor, në ruajtjen dhe fuqizimin e gjuhës sonë të bukur shqipe. Në transmetimin e vlerave më të mëdha që kombi ynë ka, në përmbushje të një misioni historik që secili prej nesh si shqiptarë ka atë të identitetit tonë kombëtar gjuhës sonë të bukur shqipe….Prishtina nuk do të ishte kaq e bukur pikërisht në këtë ditë nëse prezenca juaj nuk do të na kishte motivuar ne kaq shumë bashkë me Arbërien si dy ministre të Arsimit që jo vetëm punojmë së bashku me ekipet tona për të fuqizuar sistemin arsimor, por që pjesë të misionit tonë të përbashkët kemi edhe mbështetjen e shkollave apo klasave shqipe kudo ku shqiptarët janë”, ka thënë ajo.

Sipas ministres Manastirliu, ky seminar ka mbledhur 150 mësues nga diaspora të cilët me shumë profesionalizëm po u mësojnë brezave të ri gjuhën shqipe.

“Sot jam e lumtur që kemi mbledhur 150 mësues të diasporës të cilët me shumë përkujdes, me shumë profesionalizëm, me shumë dashuri e me shumë përkushtim mësojnë gjuhën shqipe për tashmë breza dhe teksa vija për këtu nga Tirana mendoja se sa shumë sakrifica ju keni kaluar dhe se çfarë ju keni bërë se bashku në shoqatat ku aderoni, në lidhjet e mësuesve që keni krijuar dhe po krijohen rishtazi për të fuqizuar pikërisht atë mision të përbashkët që ne kemi dhe që është trashëgimia më e madhe që ne kemi që është gjuha jonë e bukur shqipe”, është shprehur ministrja Manastirliu.

Ndërsa, ministrja e Arsimit, Arbërie Nagavci, ka thënë se një ndër vlerat e këtij seminari është si rezultat i punës së përbashkët mes dy ministrive të Arsimit, asaj të Kosovës dhe të Shqipërisë.

Ministrja Nagavci ka thënë se duhet të gjenden mënyra të reja për ta kultivuar gjuhën shqipe tek brezat e ri në mërgatë.

“Rivënia në fokus e gjuhës amtare dhe gjetja e mënyrave të reja për të kultivuar atë tek brezi i ri i mërgatës janë elemente që jo gjithnjë vetëm duhet ti kemi, por vazhdojmë t’i kemi më shumë përkushtim në vëmendjen tonë, posaçërisht në vendet ku ju jetoni dhe veproni që shqipja të flitet aq shpesh sa do të duhej dhe do të kishim dëshirë që të flitej”, ka thënë ajo.

Seminari i Diasporës i cili i hapi punimet të enjten bashkon mësues të gjuhës shqipe nga të gjitha trevat shqiptare, të cilët jetojnë dhe veprojnë në shtete të ndryshme të botës. /kp