Blog

Ministrja e Punëve të Jashtme dhe Diasporës, Donika Gërvalla ka thënë sot se autoritetet zyrtare në Kosovë nuk kanë ende asnjë garancë se Faton Hajrizi është vrarë në Serbi.

Ajo ka deklaruar se autoriteteve kosovare i ka ardhur vetëm një mostër me shenjat e gishtërinjve, të cilat kanë rezultuar të jenë të Faton Hajrizit.

E pyetur për detaje të reja për rastin e Hajrizit, ajo tha se ky rast është ende në “mjegull”.

“Siç e thatë, bashkëpunimi jo vetëm që është i vështirë, por edhe inekzistent. Kemi shpërndarë të gjitha informacionet në kohë me të cilat kemi mundur të pajisemi gjatë kësaj kohe. Kemi pasur një mostër të shenjave të gishtërinjve të një personi, të cilat pas verifikimit në Kosovë [është konstatuar të jetë Faton Hajrizi, mirëpo nuk kemi asnjë garancë që bëhet fjalë as personin në fjalë, as për pretendime të tjera. Deri më tani, e gjithë situata është në mjegull”, tha ministrja Gërvalla.

Të premten e javës së kaluar, Faton Hajrizi dyshohet se u vra nga pjesëtarët e Policisë serbe në rrethinën e Lozicës në afërsi të kufirit me Bosnje e Hercegovinën.

Hajrizi ndodhej në arrati në Serbi për shkak të dyshimeve se kishte vrarë një polic dhe se kishte plagosur një tjetër.

Sipas zëvendëskryeministrit të Serbisë, Ivica Daçiq, Hajrizi nuk i ishte dorëzuar autoriteteve serbe dhe i njëjti kishte shtënë në drejtim të policisë, me shkas edhe kanë reaguar duke e qëlluar Hajrizin për vdekje.

Ministri i Mjedisit, Planifikimit Hapësinor dhe Infrastrukturës, Liburn Aliu, ka thënë se gurthemeli për ndërtimin e katër objekteve banesore për banim social dhe të përballueshëm do të vihet në vjeshtë.

Pas miratimit të Projektligjit për banim social dhe të përballueshëm, ministri Aliu tha se deri tani kanë aplikuar 13 komuna për identifikimin e lokacionit për ndërtimin e objekteve banesore, ku në katër sosh do të hapet tenderi në shtator, kurse në nëntë komuna të tjera janë ende në fazën e dizajnimit të projektit.

Duke arsyetuar realizimin e këtij projekti në fundin e mandatit të qeverisë, Aliu tha se s’kanë mundur të hyjnë në fazën e realizimit të projektit pa pasur studime dhe fazë përgatitore.

“Nga komunat ekzistuese që kanë aplikuar kemi shqyrtuar të gjitha lokacionet, kemi krijuar një ekip të ekspertëve që kanë dal në vend të ngjarjes, kanë shqyrtuar të dhënat e lokacionit, kushtet urbanistike, si është qasja në infrastrukturë, si është qasja në raport me zhvillimet urbane të atyre komunave. Jemi në fazën e fillimit të projekteve, detaje për zhvillimin e këtyre ndërtimeve. Sa po të përfundohet projekti do të hapet tenderi për fillimin e ndërtimit të ndërtesave të banimit social dhe të përballueshëm…S’kemi mundur të hyjmë në fazën e realizimit të projektit pa i bërë fazat paraprake siç është studimi i fizibilitetit që e kemi realizuar. Po të ishte gjithçka gati natyrisht se mund të bëhej brenda një mandati, por puna përgatitore ka marrë kohë”, tha ai.

Aliu në konferencë për medie tha se banesat për banim social do të mbeten në pronësi të shtetit dhe do të menaxhohen nga komunat, kurse te banimi i përballueshëm mund të aplikojnë çiftet e reja dhe punëtorët e administratës nga komunat përkatëse.

“Banimin social do ta menaxhojnë komunat ashtu siç thash, ndërsa pjesën e banimit të përballueshëm do të aplikojnë çiftet e reja, punëtorët e administratës nga komunat përkatëse. Do të përzgjidhen dhe pastaj në pagesa të rregullta në periudha kohore mund të bëhen pronar të këtyre banesave”, shtoi Aliu.

Në konferencë për medie ishte edhe ministrja e Arsimit, Arbërie Nagavci, e cila bëri të ditur se janë bërë të gjitha përgatitjet e nevojshme për furnizimin me libra për vitin e ri shkollor.

“Zyrtarët, kolegët në ministri kanë filluar punën në këtë drejtim. Janë finalizuar listat me tekstet e miratuara dhe janë ndarë të njëjtat me drejtoritë komunale të arsimit. Është kërkuar nga drejtoritë komunale që katalogu të ndahet me shkollat dhe të zgjedhën për miratim listat e teksteve që të propozohen për përdorim në shkollë. Të njëjtat janë dorëzuar në ministri të Arsimit dhe tashmë janë pranuar edhe prej shtëpive botuese të dhënat e para në lidhje me negocimin e çmimeve dhe procesin deri te finalizimi i teksteve”, tha ajo./KosovaPress/

Prokuroria Speciale e Republikës së Kosovës ka ngritur aktakuzë kundër gjashtë të pandehurve për veprën penale “Shpëlarja e parave”

Prokuroria Speciale e Republikës së Kosovës ka ngritur aktakuzë ndaj gjashtë të pandehurve E. K, Xh.Xh, A.H, R.B, M.V dhe F.T, pasi që ekziston dyshimi i bazuar mirë se të njëjtit kanë kryer veprën penale të kryer në bashkëkryerje dhe në vazhdimësi nga viti 2015 deri në vitin 2023, “Shpëlarja e parave”.

Kurse, për të pandehurit E.K dhe M.V, po ashtu ekziston dyshimi i bazuar mirë se të njëjtit kanë kryer edhe veprën penale në bashkëkryerje “Falsifikimi i dokumenteve”.

Vlera pasurisë së sekuestruar në këtë rast është 1,629,929.77 Euro., për të cilën Prokuroria Speciale i ka propozuar Gjykatës që ta bëj konfiskimin e saj.

Ky rast ka qenë i shënjestruar dhe i emërtuar “ZHURI”.

Komunikata e plotë:

Prokuroria Speciale e Republikës së Kosovës, ka ngritur sot aktakuzë në Gjykatën Themelore në Prishtinë – Departamentin Special, kundër të pandehurve E. K, Xh.Xh, A.H, R.B, M.V dhe F.T, pasiqë ekziston dyshimi i bazuar mirë se të njëjtit kanë kryer veprën penale të kryer në bashkëkryerje dhe në vazhdimësi nga viti 2015 deri në vitin 2023 , “Shpëlarja e parave”, e përcaktuar me nenin 308, lidhur me nenin 31 dhe 81 të KPRK-së dhe nenin 56 par. 1 pika 1.6 të Ligjit për parandalimin e pastrimit të parave dhe luftimin e financimit të Terrorizmit.

Ndërkaq, për të pandehurit E.K dhe M.V, po ashtu ekziston dyshimi i bazuar mirë se të njëjtit kanë kryer edhe veprën penale në bashkëkryerje “Falsifikimi i dokumenteve”, e përcaktuar me nenin 390, lidhur me nenin 31 të KPRK-së.

Vlera pasurisë së sekuestruar në këtë rast është 1,629,929.77 Euro., për të cilën Prokuroria Speciale i ka propozuar Gjykatës që ta bëj konfiskimin e saj.

Ky rast ka qenë i shënjestruar dhe i emërtuar “ZHURI”.

Sipërmarrësi Elon Musk pretendon se vajza e tij transgjinore u “vra” nga virusi i mendjes “woke” pasi u mashtrua për të pranuar procedurat për afirmimin e gjinisë së fëmijës.

Në një intervistë me psikologun dhe komentatorin konservator Dr. Jordan Peterson , pronari i X-it e quajti operacionin e ndryshimit të gjinisë “gjymtim dhe sterilizim rë fëmijëve”. Musk foli për fëmijën e tij 20-vjeçar Vivian Jenna Wilson, për të cilin tha se iu nënshtrua procedurave gjatë pandemisë.

“Unë në thelb u mashtrova për të nënshkruar dokumente për një nga djemtë e mi më të mëdhenj. Kjo ndodhi përpara se të kuptoja se çfarë po ndodhte, dhe ne kishim COVID, kështu që kishte shumë konfuzion dhe më thanë fëmija mund të bënte vetëvrasje”, u shpreh miliarderi.

Themeluesi i SpaceX pretendon se një proces i tillë u bëhet fëmijëve “të cilët janë të vegjël” dhe tha se kushdo që promovon praktikën duhet të shkojë në burg.

“Unë u mashtrova për ta bërë këtë. Unë e humba djalin tim, në thelb. Dhe u zotova të shkatërroj virusin ‘woke’ pas kësaj, jemi duke bërë përparim”, tha Musk.

Vivian Musk doli si transgjinor në qershor 2022. Në të njëjtën kohë, 18-vjeçari i atëhershëm paraqiti një kërkesë për të ndryshuar emrin nga Xavier në Vivian.

Woke është një fjalë e zhargonit politik që rrjedh nga anglishtja popullore afrikano-amerikane që do të thotë vigjilencë ndaj paragjykimeve dhe diskriminimit racor. /tch