ATV

Blog

  • Bruno Guimaraes në radarin e Manchester City-it

    Bruno Guimaraes në radarin e Manchester City-it

    Manchester City është duke synuar të nënshkruajë me një mesfushor të ri,i cili mund të jetë lider i ri në këtë repart.

    Football Insider bën të ditur se drejtuesit e “Citizens”po synojnë të transferojnë Bruno Guimaraes,dhe pritet që të dërgojnë një ofertë Newcastle United-it për brazilianin 27 vjeçar.

    Përndryshe një transferim i Guimaraes në Etihad mund të jetë e komplikuar,pasi braziliani nuk preferon një largim nga “St’James Park”.

    Megjithatë mbetet të shihet sesi do të rrjedhin gjërat,se nëse Man.City do të mund të transferoj Guimaraes apo do të mbesë tek NewcastLe United.

    Kujtojmë që Bruno Guimaraes ka zhvilluar 7 ndeshje të zhvilluara deri më tani,ku ka shënuar vetëm 1 gol e bëri 2 asistime në të gjitha garat për Newcastle Unitefd

  • Kylian Mbappé mund të pushoj në ndeshjen ndaj Kairat në Ligën e Kampionëve, sipas Marca

    Kylian Mbappé mund të pushoj në ndeshjen ndaj Kairat në Ligën e Kampionëve, sipas Marca

    Sipas raportimeve të Marca, Kylian Mbappé mund të pushoj në ndeshjen e ardhshme të Real Madrid ndaj Kairat Almaty në kuadër të Ligës së Kampionëve. Ky vendim vjen pas një periudhe intensive të ndeshjeve dhe përpjekjes për të menaxhuar lodhjen e lojtarëve kyç.

    Mbappé, i cili ka qenë një nga lojtarët më të rëndësishëm për Real Madrid këtë sezon, mund të marrë një pushim për të ruajtur energjinë dhe për të qenë në formë optimale për ndeshjet më të rëndësishme që priten. Ky vendim është pjesë e strategjisë së trajnerit për të menaxhuar ngarkesën e lojtarëve dhe për të siguruar performancën maksimale gjatë gjithë sezonit.

    Nëse ky vendim konfirmohet, do të jetë një mundësi për lojtarë të tjerë të Real Madrid të tregojnë aftësitë e tyre dhe të kontribuojnë në suksesin e ekipit në Ligën e Kampionëve.

  • Arda Güler shpallet Lojtari i Muajit U-23 në La Liga

    Arda Güler shpallet Lojtari i Muajit U-23 në La Liga

    Mesfushori i ri turk i Real Madrid, Arda Güler, është shpallur Lojtari i Muajit U-23 në La Liga për shtator 2025. Ky është nderi i dytë që 19-vjeçari fiton në këtë kategori, pas shpalljes së tij më parë në dhjetor 2024.

    Güler ka pasur një fillim të shkëlqyer të sezonit, duke kontribuar me gola dhe asistime të rëndësishme për ekipin e tij, duke ndihmuar Real Madridin të shfaqë një start të fortë nën drejtimin e trajnerit Xabi Alonso. Performancat e tij kanë bindur ekspertët dhe tifozët se ai është një nga talentet më premtues të futbollit europian.

    Ky nder i ri tregon përkushtimin dhe zhvillimin e vazhdueshëm të Güler si një nga yjet më të ndritshëm të futbollit botëror.

  • Kushtetuesja publikon vendimin: Seanca konstituive nuk ka përfunduar

    Kushtetuesja publikon vendimin: Seanca konstituive nuk ka përfunduar

    Gjykata Kushtetuese ka vendosur që seanca konstituive e Kuvendit të Kosovës nuk ka përfunduar, pa zgjedhjen e nënkryetarit serb.

    Kushtetuesja po ashtu ka obliguar deputetët që të kryejnë edhe çështjen e zgjedhjes së nënkryetarit nga ky komuniteti brenda 12 ditësh, sipas afatit nga aktgjykimi i shkuar.

    Vendimi i Gjykatës Kushtetuese:

    TË DEKLAROJË, kërkesën të pranueshme;

    TË KONSTATOJË, që Seanca Konstituive e Kuvendit, e filluar me 15 prill 2025 nuk ka përfunduar si rezultat i moszgjedhjes së nënkryetarit të Kuvendit nga radhët e deputetëve të komunitetit Serb, dhe Kuvendi nuk është konstituuar në pajtim me përcaktimet e paragrafit 1 të nenit 66 [Zgjedhja dhe Mandati] dhe paragrafët 1 dhe 4 të nenit 67 [Zgjedhja e Kryetarit dhe Nënkryetarëve] të Kushtetutës së Republikës së Kosovës;

    TË URDHËROJË, që Seanca Konstituive e Kuvendit të përfundojë brenda afatit të përcaktuar me paragrafin 1 të nenit 66 [Zgjedhja dhe Mandati] të Kushtetutës së Republikës së Kosovës dhe sipas Aktgjykimit të Gjykatës në rastet KO193/25 dhe KO196/25, përkatësisht brenda afatit të mbetur prej 12 (dymbëdhjetë) ditëve nga hyrja në fuqi e këtij Aktgjykimi;

    TË URDHËROJË, të gjithë deputetët e zgjedhur të Kuvendit të Republikës së Kosovës, që në pajtim me nenin 4 [Forma e Qeverisjes dhe Ndarja e Pushtetit], nenin 7 [Vlerat], paragrafin 4 të nenit 67 [Zgjedhja e Kryetarit dhe Nënkryetarëve] dhe nenin 74 [Ushtrimi i Funksionit] të Kushtetutës së Republikës së Kosovës, që gjatë procedurës së zgjedhjes së nënkryetarit të Kuvendit të Republikës së Kosovës nga radhët e deputetëve të komunitetit Serb, të ushtrojnë funksionin e tyre kushtetues në interesin më të mirë të Republikës së Kosovës dhe në pajtim me Kushtetutën dhe Rregulloren e Kuvendit;

    TË VAZHDOJË, masën e përkohshme, e cila ka hyrë në fuqi nga data 5 shtator 2025, deri në hyrjen në fuqi të këtij Aktgjykimi;

    T’UA KUMTOJË këtë Aktgjykim palëve;

    TA PUBLIKOJË këtë Aktgjykim në Gazetën Zyrtare të Republikës së Kosovës, në pajtim me paragrafin 4 të nenit 20 (Vendimet) të Ligjit Nr. 03/L-121 për Gjykatën Kushtetuese të Republikës së Kosovës;

    TË KONSTATOJË që ky Aktgjykim hyn në fuqi në ditën e publikimit nga Gjykata Kushtetuese e Republikës së Kosovës dhe njoftimit të palëve, përveç pikës V të dispozitivit, e cila hyn në fuqi menjëherë.

  • PSG me katër mungesa në ndeshjen kundër Barcelonës

    PSG me katër mungesa në ndeshjen kundër Barcelonës

    Kampioni i Evropës PSG pritet të ketë kokëdhimbje para ndeshjes kundër Barcelonës,e vlefshme për xhiron e dytë të fazës së ligës në Ligën e Kampionëve.

    Trajneri Luis Enrique nuk do të mund të llogarisë në katër futbollistë,duke përfshirë emra si: Marquinhos, Ousmane Dembele, Desire Doue dhe Khvicha Kvaratskhelia.

    Përndryshe në skuadër janë rikthyer yjet si: Vitinha, Fabian Ruiz dhe Joao Neves,të cilët nuk ishin të disponueshëm për shkak të lëndimeve të pësuara.

    Ndërkohë edhe Barcelona ka probleme me mungesa,kjo pasi mesfushori Gavi është i lënduar dhe nuk do të rikthehet në fushë për një kohë.

    Kujtojmë që ndeshja Barcelona-PSG pritet të zhvillohet të mërkurën nga ora 21:00 në stadiumin olimpik Lluis Companys.

  • Kriza në pankinë: Tre trajnerë largohen pas shtatë xhirove në Superligë

    Kriza në pankinë: Tre trajnerë largohen pas shtatë xhirove në Superligë

    Vetëm shtatë javë kanë mjaftuar që Superliga e Kosovës të përjetojë lëvizjet e para në bankinë. Tre trajnerë janë ndarë nga ekipet e tyre – dy me dorëheqje dhe një me shkarkim – duke reflektuar klimën e pasigurt dhe pritshmëritë e larta në futbollin vendor.

    Elon Berisha ishte i pari që humbi postin. Prishtina e Re vendosi ta shkarkojë pas pesë ndeshjeve, ku kishte grumbulluar dy fitore dhe tre humbje. Edhe pse sezoni ishte në fazën fillestare, drejtuesit nuk panë arsye për të vazhduar me të.

    Ardian Nuhiu zgjodhi të largohej vetë nga Gjilani pas javës së shtatë. Me dy fitore, një barazim dhe tre humbje, rezultatet nuk i përmbushën pritshmëritë, dhe trajneri vendosi të tërhiqej para se situata të përkeqësohej më tej.

    E njëjta rrugë u ndoq edhe nga Arsim Abazi në Ferizaj. Pas një fillimi mbresëlënës me dy fitore, pesë humbje radhazi e ndryshuan atmosferën në skuadër dhe Abazi dorëzoi detyrën.

    Tre largime në shtatë javë tregojnë një realitet të ashpër: durimi në futbollin kosovar është gjithnjë e më i pakët, ndërsa presioni për rezultate të menjëhershme nuk po fal askënd. /ATVLIVE.TV

  • Nga data 12 tetor në disa pika kufitare të Bashkimit Evropian do të nis zbatimi i sistemit EES

    Nga data 12 tetor në disa pika kufitare të Bashkimit Evropian do të nis zbatimi i sistemit EES

    Nga 12 tetori do të nisë zbatimi i Sistemit të hyrje/daljes në disa pika kufitare të Bashkimit Evropian.

    Ministria e Punëve të Brendshme nëpërmjet një komunikate për media thonë se ky sistem synon përshpejtimin e kontrolleve kufitare dhe eliminimin e vulave në pasaportë.

    “Ministria e Punëve të Brendshme njofton të gjithë qytetarët e Republikës së Kosovës se, nga data 12 tetor 2025, do të nisë zbatimi i Sistemit të Hyrje/Daljes (Entry/Exit System – EES), në disa pika kufitare kryesore të Bashkimit Evropian. Gjatë gjashtë muajve të ardhshëm, ky sistem do të nisë së zbatuari gradualisht në të gjitha pikat kufitare të BE-së. Entry/Exit System – EES, është një sistem biometrik i cili regjistron hyrjet dhe daljet e shtetasve të vendeve jo-anëtare të BE-së, duke mbledhur të dhëna: si shenjat e gishtërinjve dhe fotografi. Ky sistem synon përshpejtimin e kontrolleve kufitare dhe eliminimin e vulave në pasaportë”, thuhet në komunikatë për media.

  • Deputetja e Shqipërisë merr foshnjën në Kuvend

    Deputetja e Shqipërisë merr foshnjën në Kuvend

    Konstituimi i komisioneve në parlamentin e Shqipërisë nuk solli vetëm debate dhe përplasje politike, por edhe tinguj të një fëmijë të lindur pak javë më parë.

    Anëtari më i ri në Kuvend ditën e sotme ishte Blini, fëmija i katërt i deputetes socialiste Ilva Gjuzi, i cili shoqëronte mamanë e tij në punë.

    Deputetja e re socialiste, e zgjedhur më 11 maj në Kavajë, u shfaq në Komisionin e Burimeve Natyrore së bashku me djalin e saj një muajsh të lidhur rreth trupi të saj.

    Ledhatimet mes mamasë deputete dhe bebes së saj janë një shfaqje për herë të parë në Kuvendin e Shqipërisë, një miksim i punës si deputete dhe prindërimit që në parlamentet europiane nuk është më prej kohësh tabu.

    Pak ditë më parë, një deputete e Partisë së Gjelbër në Gjermani, Hanna Steinmüller, pasi u bë e para deputete në Bundestag që mban fjalim në podium teksa mbante foshnjën e saj në krah, raporton A2Cnn.

    Pamje të ngjashme janë parë disa herë edhe në Parlamentin Europian, apo të shteteve të tjera të BE-së.

  • Mirlind Daku shkëlqen në Rusi dhe hyn në elitën e golashënuesve europianë

    Mirlind Daku shkëlqen në Rusi dhe hyn në elitën e golashënuesve europianë

    Sulmuesi shqiptar Mirlind Daku po kalon një sezon mbresëlënës me Rubin Kazan në Premier Ligën Ruse, duke shënuar 8 gola në 10 ndeshje. Forma e tij e jashtëzakonshme e rendit atë mes golashënuesve më të mirë në Evropë, duke tërhequr vëmendjen e klubeve të njohura në kontinent.

    Daku po spikat me kombinimin e forcës fizike, shpejtësisë dhe teknikës, duke u shfaqur vazhdimisht si një rrezik serioz në zonën kundërshtare. Përveç golave, ai ka kontribuar edhe me asistime, duke u shndërruar në një pikë kyçe të ofensivës së ekipit rus.

    Në listën e golashënuesve më të mirë të sezonit 2025-2026 në Evropë bëjnë pjesë emra të mëdhenj të futbollit botëror:

    Harry Kane (Bayern Munich, Angli) – 10 gola në 5 ndeshje, me një start dominues në Bundesliga.

    Erling Haaland (Manchester City, Norvegji) – 8 gola në 6 ndeshje, duke konfirmuar statusin si një nga sulmuesit më të frikshëm në Premier League.

    Kylian Mbappé (Real Madrid, Francë) – 8 gola në 7 ndeshje, me një ndikim të menjëhershëm në La Liga.

    Aleksey Batrakov (Lokomotiv Moskë, Rusi) – 8 gola në 10 ndeshje, një surprizë pozitive e këtij sezoni.

    Julián Álvarez (Atlético Madrid, Argjentinë) – 6 gola në 7 ndeshje, duke sjellë rrezik dhe intensitet në sulm.

    Ayase Ueda (Feyenoord, Japoni) – 6 gola në 7 ndeshje, në një formë të shkëlqyer në Eredivisie.

    Maksim Glushenkov (Zenit, Rusi) – 6 gola në 8 ndeshje, i vendosur në mesin e më të mirëve në Ligën Ruse.

    Petar Ratkov (Red Bull Salzburg, Serbi) – 6 gola në 8 ndeshje, ndër emrat më të spikatur në kampionatin austriak.

    Brynjólfur Willumsson (Groningen, Islandë) – 5 gola në 4 ndeshje, me efikasitet mbresëlënës në pak minuta lojë.

    Me formën e tij të qëndrueshme dhe potencialin e madh, Mirlind Daku është një emër që po ndiqet me vëmendje në tregun europian. Një transferim në një ligë më prestigjioze nuk përjashtohet, dhe sezoni 2025-2026 mund të jetë kthesa e madhe në karrierën e tij. /ATVLIVE.TV

  • KB Bashkimi kërkon kualifikimin në FIBA Europe Cup

    KB Bashkimi kërkon kualifikimin në FIBA Europe Cup

    KB Bashkimi pas fitores shumë të rëndësishme përballë Anwil-it kërkon për herë të parë të jetë pjesë e grupeve në FIBA Europe Cup.

    Për të arritur suksesin historik për klubin më të vjetër në Kosovë, prizrenasit duhet të ruajnë epërsinë e pikëve nga fitorja e parë.

    Sfida në Prizren përfundoi 80:75 për portokallezinjtë, derisa në grupe do të hyjë skuadra që është më e mirë nga dy ndeshjet.

    Nënkampionët për herë të parë janë në kualifikimet e FIBA Europe Cup, ndërsa nëse kalojnë pengesën në Poloni, atëherë do t’i bashkoheshin kampiones së Kosovës, Trepçës, si dhe PAOK-ut të
    Greqisë dhe Braunschweig të Gjermanisë në Grupin F.

    Anwil është një nga skuadrat më të forta polake në vitet e fundit, ku para dy vitesh kishte triumfuar në FIBA Europe Cup, kurse edicionin e kaluar ishte ndalur në Raundin e 1/16-tes.

    Ndeshja zhvillohet të mërkurën në Poloni nga ora 18:30. /ATVLIVE.TV