Blog

Sulmuesi shqiptar, Arbër Hoxha, ka marrë titullin e lojtarit më të mirë të muajit në kampionatin kroat, sipas gazetës së njohur kroate “index.hr”. Hoxha shkëlqeu gjatë muajit të kaluar, duke kontribuar me dy gola dhe një asistim ndaj Hajduk Splitit dhe Slaven Belupos.

Tifozët e gazetës e votuan masivisht, duke i dhënë Hoxhës 102 vota, duke e lënë pas emra të njohur të futbollit kroat si Naim Omerovic (Osijek) dhe Iuri Tavares (Varazdin).

Hoxha ishte gjithashtu në garë për çmimin “Goli më i mirë i muajit”, por këtë herë çmimin e mori bashkëlojtari i tij, Monsef Bakrar, me 100 vota, ndërsa Hoxha mori 58 vota.

Sulmuesi shqiptar pritet të startojë titullar edhe në përballjen e sotme ndaj Maccabi Tel Aviv, para se t’i bashkohet Kombëtares së Shqipërisë për ndeshjen e rëndësishme ndaj Serbisë.

Real Madrid do të luajë këtë fundjavë pa disa nga lojtarët e tyre kryesorë. Carvajal, Rudiger, Trent Alexander-Arnold dhe Ferland Mendy nuk do të jenë në dispozicion për trajnerin, duke e detyruar skuadrën të ndryshojë formacionin dhe strategjinë.

Trent Alexander-Arnold, i transferuar këtë sezon te Real Madrid për 100 milion euro, do të mungojë për shkak të dëmtimit, ndërkohë që mungesa e Carvajal dhe Mendy-s dobëson mbrojtjen e skuadrës. Rudiger gjithashtu nuk do të jetë pjesë e ekipit, duke i shtuar sfidat në përgatitjen për ndeshjen e ardhshme.

Kjo situatë pritet të testojë thellësinë e skuadrës dhe aftësinë e trajnerit për të menaxhuar mungesat, ndërsa fansat presin me padurim se si do të performojë ekipi pa disa nga yjet kryesorë.

Ylli francez i Real Madridit, Kylian Mbappé, është shpallur zyrtarisht “Lojtari i Javës” nga UEFA për javën e dytë të fazës së grupeve në Ligën e Kampionëve.

Sulmuesi 26-vjeçar dha një paraqitje spektakolare në fitoren kundër Kairat Almaty, ku realizoi hat-trick, duke udhëhequr madrilenët drejt një fitoreje bindëse dhe duke treguar edhe një herë pse konsiderohet si një nga lojtarët më të mirë në botë.

Me këtë arritje, Mbappé jo vetëm që e ndihmoi Real Madridin të marrë tre pikë të rëndësishme, por gjithashtu kaloi shifrën e 60 golave personale në Ligën e Kampionëve, duke vazhduar të shkruajë histori në këtë kompeticion elitar.

UEFA vlerësoi kontributin e tij vendimtar, ndërsa tifozët në rrjetet sociale e cilësuan performancën e francezit si “të paharrueshme”.

Kampioni i Kosovës Drita,sonte nis aventurën në fazën e ligës së UEFA Conference League.

Skuadra e Zekerija Ramadanit do të jetë në udhëtim në Finlandë,ku do të takohet përballë skuadrës KuPS me fillim nga ora 18:45.

Sa i përket formacionit Drita në portë do të jetë me Faton Malokun,kurse mbrojtja përbëhet nga Raddy Ovouka, Jorgo Pëllumbi, Egzon Bejtulai dhe Besnik Krasniqi.

Mesfusha do të përbëhet nga dyshja Vesel Limaj dhe Albert Dabiqaj,kurse sulmi me emra si: Arb Manaj i ndihmuar nga Veton Tusha dhe Liridon Balaj, ndërsa pas tyre si mesfushor i avancuar starton Almir Ajzeraj.

Formacionet e ndeshjes KuPS-Drita

KuPS: Kreidl, Savolainen, Cisse, Miettinen, Homolainen, Pasanen, Arifi, Oksanen, Rouppi, Toure, Pennanen.

Drita: Maloku, Ovouka, Pëllumbi, Bejtullai, Krasniqi, Limaj, Dabiqaj, Ajzeraj, Tusha, Manaj, Balaj.

UEFA ka shpallur sot zyrtarisht Ekipin e Javës për javën e dytë të fazës së grupeve në Ligën e Kampionëve. Në këtë formacion janë përfshirë futbollistë nga 11 skuadra të ndryshme, të cilët kanë spikatur me paraqitjet e tyre gjatë ndeshjeve të kësaj jave.

Portieri më i vlerësuar është Uğurcan Çakır i Galatasarayt, i cili shkëlqeu me pritjet e tij kundër Liverpool-it. Në mbrojtje janë përzgjedhur Denzel Dumfries (Inter), Federico Gatti (Juventus), Eric Dier (Monaco) dhe Nuno Mendes (PSG), të gjithë me paraqitje vendimtare si në fazën defanzive, ashtu edhe në ndihmë të sulmit.

Mesfusha përbëhet nga lojtarë që udhëhoqën skuadrat e tyre me vizion dhe efikasitet. Martin Ødegaard (Arsenal) dha asistin vendimtar, Marcel Sabitzer (Dortmund) kontribuoi me kontrollin e lojës, ndërsa Jens Petter Hauge (Bodø/Glimt) u dallua me dy gola.

Në sulm, ylli i Real Madridit, Kylian Mbappé, realizoi një hat-trick duke kaluar kuotën e 60 golave në Ligën e Kampionëve, ndërsa Rasmus Højlund (Napoli) ishte efikas me dy gola nga dy goditje.

Ky formacion i përzgjedhur nga UEFA ka ngjallur edhe debate në mesin e tifozëve, të cilët diskutojnë nëse disa lojtarë të tjerë meritonin të ishin pjesë e ekipit. Megjithatë, zgjedhjet e kësaj jave tregojnë balancën dhe nivelin e lartë të konkurrencës në garën më prestigjioze evropiane për klube.

Mbrojtësi Dani Carvajal pritet të rikthehet në fushat e gjelbërta për Real Madridin,dhe atë në El Classico kundër Barcelonës.

Tek “Los Blancos”janë tejet optimist për një rikthim të mbrojtësit për takimin kundër blaugranasve,dhe Carvajal aktualisht është duke u rikuperuar nga një lëndim në muskuj të cilën e pësoi në derbi ndaj Atletico Madridin.

Përndryshe Real Madrid është duke u përballur me lëndime të shumta të futbolistëve,ku Trent Alexander Arnold poashtu është i lënduar por shpresat janë të mëdha që të dy futbollistët të jënë gati për ndeshjen e vitit në Spanjë.

Kujtojmë që Dani Carvajal ka bërë vetëm 6 paraqitje në të gjitha garat.

Presidenti i Federatës së Futbollit të Kosovës, Agim Ademi, i ftuar në ‘Podcast FFK’, me gazetarin dhe menaxherin e Kombëtares së Kosovës, Bajram Shala, ka folur rreth stadiumit nacional të Kosovës:

“Stadiumi Nacional nuk bëhet fjalë të fillojë dhe as që do të nisë. Fillimisht është kryer në qeveritë e mëparshme fizibiliteti, është caktu vendi, njëherë ka qenë Bërnicë, pastaj në Drenas. Në Drenas është shpronësu toka dhe janë kryer parapërgaditjet, por është ndalur.”

“Shteti mund të bëjë çdo gjë dhe nëse ata duan mund ta bëjnë për një vitë e gjysmë – dy. Deri tani nuk kemi asnjë njoftim. “ – ka thënë ndër të tjera i pari i FFK-së. /ATVLIVE.TV

Presidenti i Federatës së Futbollit të Kosovës, Agim Ademi, i ftuar në ‘Podcast FFK’, me gazetarin dhe menaxherin e Kombëtares së Kosovës, Bajram Shala, ka folur për projektin e Kampit Nacional në Hajvali, ku për herë të parë janë publikuar edhe pamje se si do të duket pas përfundimit të punimeve.

”Kampi Nacional në Hajvali është një perlë. Është projekti më i madh, i nivelit të lartë organizativ në kohën kur bëhen projektet e reja. I ka të gjitha çka i duhen një kampi, që mund të them lirisht këtu, pa modesti, prandaj janë dhënë edhe dy plaketa, ku për herë të parë hetrik komiteti i ndan dy plaketa për një federatë.”, ka deklaruar Ademi.

I pari i FFK-së ka treguar edhe investimet që do të bëhen deri në përfundim të projektit, duke publikuar edhe pamje.

“Është SPA Center dhe qendra e rigjenerimit, që është njëshi mund të them, është komplet tribuna e përendimit, duke përfshirë edhe hotelin, i cili ka edhe pjesën e vet të SPA, bashkërisht që lidhet me gjithë pjesën tjetër. Hotel me pesë yje.”

“Stadiumi qëndror që do të bëhet me 16 mijë e 800 vende, pastaj i ki dy fusha dhe projekti përfundon me një holl të sporteve, ose me një stadium që do t’i shërbejë Futsallit, për ti bërë ndeshjet e tyre dhe sigurisht mbrenda hallit do të jetë edhe një stadium stërvitor i mbuluar, për ekipet nacionale, kur është koha e ftohtë.” ka deklaruar ndër të tjera Agim Ademi.