ATV

Blog

  • Mike Maignan indentifikohet si pasardhës i Manuel Neuer tek Bayern Munich

    Mike Maignan indentifikohet si pasardhës i Manuel Neuer tek Bayern Munich

    Gjiganti gjerman Bayern Munich,duket se e ka gjetur pasardhësin e Manuel Neuer në portën bavareze.

    Sipas mediumit Team TALK portieri i Milanit Mike Maignan është objektivi i Bayernit në sezonin e ardhshëm,dhe kontrata e tij me rossonerët skadon në fund të sezonit aktual.

    Përndryshe Manuel Neuer vitin tjetër pritet të mbushë 40 vjeç,dhe se nuk dihet se nëse mund të vazhdojë të jetë në portë përtej kontratës që i skadon në qershor të vitit 2026.

    Mbetet të shihet se nëse Maignan do të transferohet tek Bayern,apo do ta shohim sërish Neuer-in edhe në sezonin 2026/27.

    Kujtojmë që Mike Maignan ka bërë 6 paraqitje për Milanin në të gjitha garat,ku 506 minuta të zhvilluara nuk ka pësuar gol

  • Arsenal në ndjekje të yllit turk Kenan Yildiz

    Arsenal në ndjekje të yllit turk Kenan Yildiz

    Gjiganti londinez Arsenal,po synon që të transferojë yllin e Juventus-it Kenan Yildiz.

    Gazeta italiane Tuttosport bën të ditur se skautë nga Arsenal do të jenë present në ndeshjen Juventus-Milan,për të përcjellë nga afër turkun e më pas për të vendosur lidhur me një transferim të anësorit 19 vjeçar në Emirates.

    Përndryshe londinezët nuk do ta kenë të lehtë për të siguruar shërbimet e Yildiz,pasi “Zonja e Vjetër’synon të ia zgjasë kontratën me reprezentuesin e Turqisë, duke përfshirë shtesat si dhe plus një mundësi për ta zgjatur kontratën deri në vitin 2031.

    Kujtojmë që Kenan Yildiz ka dy gola dhe katër asiste në shtatë paraqitje në të gjitha garat këtë sezon,teksa kontrata e tij aktuale me Juven skadon deri në vitin 2029.

  • Arne Slot:Salah është njeri nuk është makinë

    Arne Slot:Salah është njeri nuk është makinë

    Trajneri i Liverpool-it Arne Slot ka dal në mbrojtje të yllit egjiptian Mohamed Salah,i cili u kritikua për paraqitjen kundër Chelsea-it në humbjen 2:1 të kampionëve të Premierligës.

    Slot ka deklaruar se Salah është njeri në rend të parë,dhe se nuk është makinë që të funksionoj pa problem,duke nënkuptuar se egjiptiani në disa ndeshje nuk e ka ditën e vet.

    “Duhet ta kuptojmë që është njeri, jo makinë. Jo çdo mundësi përfundon në gol, edhe pse ndonjëherë na duket kështu për shkak të asaj që ka bërë sezonin e kaluar. Ka ndeshje kur shënon gjithçka dhe ka ndeshje kur nuk ndodh”

    Përndryshe Slot përkundër humbjes ndaj “Bluve të Londrës”beson se në ndeshjet e rradhës Liverpool do të nxjerrë më të mirën,dhe se kjo krizë e rezultateve është tejkaluese.

    Kujtojmë që Liverpool pësoi humbjen e tretë në të gjitha garat,dhe atë në tre ndeshjet e fundit kundër Crystal Palace,Galatasaray dhe së fundmi Chelsea-it.

  • Sylvinho: Besoj te fitorja ndaj Serbisë, por sfida nuk do të jetë e lehtë

    Sylvinho: Besoj te fitorja ndaj Serbisë, por sfida nuk do të jetë e lehtë

    Trajneri i Kombëtares shqiptare, Sylvinho, është shprehur optimist përballë sfidës ndaj Serbisë, duke theksuar se skuadra është e përgatitur dhe ka besim në potencialin e saj, edhe pse ndeshja pritet të jetë shumë e vështirë.

    Në një intervistë për “TV Klan”, tekniku brazilian u ndal te rëndësia e përballjes që do të zhvillohet më 11 tetor në Leskovc, duke e cilësuar atë si një moment kyç në rrugëtimin drejt play-offit të Kupës së Botës.

    “Kualifikueset për Botërorin nuk janë kurrë të lehta. Edhe ndeshja ndaj Letonisë kërkoi shumë energji. Serbia është një kundërshtar i fortë, por ne kemi lojtarë cilësorë që japin maksimumin. Pres një sfidë të fortë dhe emocionuese në aspektin sportiv,” – u shpreh Sylvinho.

    Trajneri theksoi rëndësinë e përgatitjes dhe analizës për këtë takim, duke shtuar se skuadra ka kohën e nevojshme për të qenë gati.

    “Nuk është thjesht një ndeshje – është një duel me peshë të madhe për kualifikimin. Do të përgatitemi mirë, kemi pesë deri në gjashtë ditë për të punuar me grupin. Kam besim te këta lojtarë, e ndiej që janë të përkushtuar dhe të bashkuar.”

    Në fund, Sylvinho ndau edhe një dëshirë personale:

    “Ëndërroj të kualifikohem me Shqipërinë në Kupën e Botës dhe një ditë të fitoj Ligën e Kampionëve me një klub.”

    Kujtojmë, se përballja mes Serbisë dhe Shqipërisë zhvillohet më 11 tetor. /ATVLIVE.TV

  • Samiti Brdo-Brijuni mbledh udhëheqësit e Ballkanit Perëndimor në Durrës, Kosova përfaqësohet nga Osmani

    Samiti Brdo-Brijuni mbledh udhëheqësit e Ballkanit Perëndimor në Durrës, Kosova përfaqësohet nga Osmani

    Durrësi do të jetë nesër nikoqir i Samitit të Brdo-Brijunit, ku në qendër të këtij samiti do të jetë perspektiva evropiane e Ballkanit Perëndimor.

    Fokus të veçantë në samitin e nesërm do të ketë Plani i Rritjes për rajonin, e cili do të udhëhiqet nga presidenti i Shqipërisë, Bajram Begaj.

    Në Samitin e Brdo-Brijunit do të marrin pjesë presidentja e Kosovës, Vjosa Osmani, presidenti i Sllovenisë, Natash Mirc Musa, ai i Kroacisë, Zoran Millanoviq, ai malazez, Jakov Millatoviq, presidentja maqedonase Gordana Siljanovska-Davkova dhe presidenti serb Vuçiq.

    Takimi i këtij viti do të mbahet nën moton “Interesa të përbashkëta, angazhim i përbashkët për një të ardhme të përbashkët: së bashku drejt BE-së”. Përveç çështjes së perspektivës evropiane të vendeve të Ballkanit Perëndimor, do të përqendrohet edhe në forcimin e bashkëpunimit rajonal, njoftuan organizatorët.

    Kosova pritet të marrë një total prej 880 milionë eurosh nga Plani i Rritjes deri në fund të vitit 2027, Maqedonia e Veriut mbi 750 milionë euro, Shqipëria mbi 920 milionë euro, Serbia mbi 1.5 miliard euro, Mali i Zi 380 milionë euro dhe Bosnja dhe Hercegovina rreth 900 milionë euro, pasi Komisioni uli fondet e tyre me dhjetë për qind për shkak të vonesave në plan./ATVLIVE/

  • Deri në vitin 2030, 45% e femrave do jenë beqare dhe pa fëmijë

    Deri në vitin 2030, 45% e femrave do jenë beqare dhe pa fëmijë

    Një studim i publikuar nga Morgan Stanley parashikon se deri në vitin 2030, 45% e grave nga mosha 25 deri në 44 vjeç do të jenë beqare dhe pa fëmijë.

    Ky është një ndryshim befasues që pasqyron ndryshimin e prioriteteve tek gratë në moshë pune. Gjithnjë e më shpesh, ato zgjedhin të përqendrohen në karrierë dhe zhvillim personal, në vend të arritjeve tradicionale si martesa dhe amësia.

    Kjo prirje përfaqëson një shkëputje të thellë nga brezat e mëparshëm, ku stabiliteti dhe familja në të njëzetat konsideroheshin normë. Gratë e sotme jo vetëm që janë më të pavarura financiarisht, por edhe më të prira të qëndrojnë beqare nga zgjedhja, të shtyjnë shtatzëninë, ose madje ta heqin dorë krejtësisht nga prindërimi.

    Ky evolucion shoqëror pritet të ketë ndikime të gjera ekonomike dhe kulturore. Me më shumë gra që bëhen mbajtëse kryesore të të ardhurave dhe që përfaqësojnë një bazë të fuqishme konsumatorësh, kërkesa për politika më të drejta në vendin e punës, si orar fleksibël dhe barazi në pagë, mund të rritet ndjeshëm.

    Rritja e numrit të grave beqare dhe pa fëmijë sfidon gjithashtu narrativat tradicionale mbi suksesin dhe vetë-realizimin, duke riformuar diskutimet mbi rolet gjinore dhe strukturat familjare. Me zgjerimin e kësaj demografie, rritet edhe ndikimi i saj në gjithçka — nga strategjitë e kompanive deri tek politikat publike.

  • Aktori Florian Binaj shpall kandidaturën për bashkinë e Tiranës

    Aktori Florian Binaj shpall kandidaturën për bashkinë e Tiranës

    Aktori dhe moderatori i njohur Florian Binaj i është shtuar listës së kandidatëve të opozitës për zgjedhjet në Bashkinë e Tiranës.

    Në një deklaratë publike, Binaj tha se pas më shumë se dy dekadash angazhim në çështje me interes kombëtar, ka vendosur të kandidojë për kryetar bashkie si një “qytetar i lirë, pa parti”, me synimin për t’i dhënë kryeqytetit një drejtues që përfaqëson qytetarët dhe jo interesat politike.

    Postimi i plotë:

    Të dashur mikesha dhe miq, qytetarë të ndershëm punëshumë e fjalëpakë të kryeqytetit të Shqipërisë. Si një artist i përfshirë në çështje publike me interes Kombëtar prej 22 vitesh, si një kryefamiljar, i rritur në një kryeqytet i cili ka shkatërruar shumëçka në emër të zhvillimit dhe që shumë pak gjëra kanë mbetur ende pa u bërë ish, nisur nga nevoja e menjëhershme për të pasur në drejtim të kryeqytetit një figurë e cila nuk është gjymtyrë e asnjë partie pasi e kemi parë në 34 vite që kjo mënyrë jo e drejtpërdrejtë nuk ka qënë frytëdhënëse në përmirësimin e cilësisë së jetës tonë.

    Na duhet një drejtues qytetar i zgjedhur nga qytetarët për qytetarët sepse asnjë nga ne nuk mund të presë më edhe 34 vite të tjera. Prandaj kam vendosur, të shpall kandidaturën time për Kryetar Bashkie të Tiranës duke dhënë gjithë veten time për të përfaqsuar sa më denjësisht çdo qytetare dhe qytetar, me apo pa parti, elektoratin gri por pa i ndarë njerëzit në krahë, por si të barabartë, sepse asnjë qytet dhe aq më tepër kryeqyteti, nuk mund ti shërbejë vetëm palës politike që e drejton. Unë besoj se kontributi im do i shërbejë edhe pse gjysëm mandati, shpresës dhe bashkimit, përmirësimit të jetës të të gjithë kryeqytetasve.

    Uroj dhe shpresoj që të gjitha partitë politike qe duan vërtet ndryshimin pavarësisht ngjyrave të bashkohen me këtë nismë dhe të kenë besim tek qytetarët ashtu siç qytetarët kanë pasur besim tek ta.
    Qëllimi im është, që së bashku, ta nxjerrim bashkinë nga gjëndja në të cilën ndodhet për shkak të politikës dhe t’jua rikthejmë atë qytetarëve si një shtëpi për të gjithë ne. Të rikthejmë besimin tek institucioni i bashkisë në shërbim të komunitetit!

    Ftoj të gjithë qytetarët, intelektualët të majtë dhe të djathtë të na bashkohen.
    Faleminderit.

  • KQZ: Procesi i votimit më 12 tetor do të mundësohet në 948 qendra të votimit

    KQZ: Procesi i votimit më 12 tetor do të mundësohet në 948 qendra të votimit

    Të dielën e ardhshme qytetarët e Kosovës u drejtohen qendrave të votimit për të zgjedhur kryetarët e komunave dhe asamblistët e kuvendeve komunale.

    Në vazhdën e përgatitjes për zgjedhjet lokale, të cilat do të mbahen fundjavën e ardhshme, Komisioni Qendror i Zgjedhjeve ka filluar me trajnimin e anëtarëve të Këshillave të vendvotimeve që do të angazhohen në ditën e zgjedhjeve, më 12 tetor.

    Programi trajnues do të zhvillohet në 38 komunat e vendit dhe ka për qëllim të përgatisë më shumë se 15 mijë anëtarë me njohuri për detyrat dhe përgjegjësitë e tyre gjatë procesit zgjedhor.

    Procedurat e votimit dhe numërimit në vendvotim; procedurat e Votimit të Personave me Nevoja të Veçanta dhe procedurat e votimit me kusht, janë çështjet thelbësore në të cilat do të përqendrohet programi trajnues, ka njoftuar KQZ-ja.

    Në mbledhjen e fundit KQZ mori vendim për emërimin e anëtarëve të Këshillave të Vendvotimeve të rregullta, atyre me kusht dhe anëtarëve rezervë për Zgjedhjet Lokale, të cilët do të angazhohen në ditën e zgjedhjeve, më 12 tetor 2025. Sipas vendimit të këtij komisioni, emërohen 14,305, anëtarë të 2,571 vendvotimeve të rregullta dhe 54 vendvotimeve me kusht, ndërkaq 1,200 anëtarë të tjerë do të jenë rezervë.

    KQZ këtë javë akreditoi edhe 521 vëzhguesve, për vëzhgimin e Zgjedhjeve Lokale. Vëzhguesit e akredituar përfaqësojnë 26 organizata vëzhguese, si: organizata ndërkombëtare, organizatave joqeveritare dhe përfaqësi diplomatike në Republikën e Kosovës.

    Zgjedhjet në Kosovë do të zhvillohen në 948 Qendra të Votimit, me gjithsej 2,625 vendvotime, prej të cilave 910 qendra me 2,571 vendvotime për votimin e rregullt dhe 38 qendra, nga një për çdo komunë, me 54 vendvotime, për të mundësuar votimin me kusht.

  • Start i ri për Ferizajn, test i rëndësishëm për Dukagjinin

    Start i ri për Ferizajn, test i rëndësishëm për Dukagjinin

    Sot (e diel) në kuadër të Superligës së Kosovës në futboll zhvillohen dy ndeshje interesante.

    Përballja kryesore e ditës është ajo ndërmjet Ferizajt dhe Drenicës. Skuadra vendase ka emëruar trajner të ri dhe synon ta nisë me sukses këtë kapitull të ri, ndërkohë që Drenica, nën drejtimin e Bylbyl Sokolit, kërkon fitoren për të qëndruar në pjesën e sipërme të tabelës.

    Ndeshja tjetër e ditës zhvillohet në Klinë, ku Dukagjini – surpriza e këtij sezoni – pret Prishtinën e Re. Pas humbjes ndaj Dritës, skuadra e drejtuar nga Ismet Munishi synon të rikthehet te fitorja për të ngjitur në vendin e dytë në renditje. Nga ana tjetër, Prishtina e Re kërkon pikë të rëndësishme për t’i shpëtuar zonës së rrezikut.

    Të dyja ndeshjet nisin në orën 15:00.

  • Mira Murati zbulon “Tinker”, produktin e parë të startup-it të saj të AI

    Mira Murati zbulon “Tinker”, produktin e parë të startup-it të saj të AI

    Mira Murati, ish-CTO e OpenAI, ka prezantuar sot produktin e parë të kompanisë së saj “Thinking Machines Lab”, një API që quhet Tinker dhe lejon përdoruesit të përshtatin (fine-tune) modele të gjuhës artificiale në mënyrë më të thjeshtë. Sipas eWeek, produkti tashmë është në versionin beta privat dhe do të ofrohet fillimisht pa pagesë, ndërsa më vonë pritet të ketë tarifim sipas përdorimit.

    Tinker synon të heqë kompleksitetin teknik që lidhet me trajnimin e modeleve të mëdha gjuhësore, duke ofruar një ndërfaqe intuitive për hulumtues, zhvillues dhe studiues që duan të eksperimentojnë me modele të avancuara pa pasur nevojë për ekspertizë infrastrukturore të thellë. Forma e punësimit përfshinë përdorimin e LoRa (low-rank adaptation) për të lehtësuar procesin dhe për të reduktuar kostot.

    Për startup-in e saj, ky hap është themelor. Thinking Machines Lab ka grumbulluar një ekip me emra të njohur nga OpenAI dhe kompani të tjera, dhe para lansimit të produktit po thuhet se ka ngritur rreth 2 miliardë dollarë investime në rreth e parë me një vlerësim prej 12 miliardë dollarësh.

    Murati ka deklaruar se qëllimi i Tinker është të mundësojë që më shumë njerëz të kenë qasje në aftësitë më përparuese të AI-së dhe të inkurajojë inovacionin në shareshë të reja teknologjike. Ajo beson se produkti është një pikë kthese drejt demokratisimit të zhvillimit të modeleve të mëdha, shkruan eWeek.