ATV

Blog

  • Dy persona ndalohen në Prishtinë për falsifikim të parasë – Sekuestrohen 40 mijë euro të falsifikuara

    Dy persona ndalohen në Prishtinë për falsifikim të parasë – Sekuestrohen 40 mijë euro të falsifikuara

    Me urdhër të Prokurorisë Speciale të Kosovës, janë ndaluar dy persona të dyshuar për veprën penale “Falsifikim i parasë”.

    Aksioni policor u zhvillua në orët e mbrëmjes të së hënës në Prishtinë, si rezultat i hetimeve disa mujore nga Drejtoria për Hetimin e Krimeve Ekonomike dhe Korrupsionit.

    Sipas njoftimit zyrtar, në kuadër të këtij operacioni dhe në bashkëpunim me Njësinë e Reagimit të Shpejtë, është ndaluar një veturë në të cilën ndodheshin dy të dyshuarit, me inicialet S.T dhe A.Th. Gjatë kontrollit të veturës, janë zbuluar dhe sekuestruar 40,000 euro të falsifikuara, të cilat pas testimit fillestar rezultuan jo origjinale.

    Hetuesit kanë kryer gjithashtu kontrolle në dy lokacione të tjera, përkatësisht në shtëpitë dhe objektet përcjellëse të të dyshuarve.

    Prokuroria Speciale, në koordinim me Policinë e Kosovës, po vazhdon me ndërmarrjen e të gjitha veprimeve të nevojshme hetimore, në përputhje me dispozitat e Kodit të Procedurës Penale.

    Rasti mbetet në hetim.

  • Real Madridi synon transferimin e yllit të madh të PSG-së

    Real Madridi synon transferimin e yllit të madh të PSG-së

    Real Madridi po përshpejton planin e tij për të forcuar sulmin me një emër në zhvillim: Desire Doue, një sulmues i krahut të djathtë i Paris Saint-Germain që konsiderohet tashmë si një nga më të mirët në botë.

    Në moshën 20-vjeçare, Doue ka cilësitë që ngjallin entuziazëm në ‘Santiago Bernabeu’.

    Doue nënshkroi me PSG-në nga Rennes për një tarifë të konsiderueshme dhe një kontratë deri në vitin 2029. Që në sezonin e tij të parë të madh, ai ishte vendimtar në finalen e Ligës së Kampionëve, ku shënoi dy gola dhe asistoi në fitoren shkatërruese ndaj Interit, duke e konsoliduar veten si një figurë në zhvillim në Evropë.

    Real Madridi ka treguar interes konkret. Flitet për një përpjekje intensive buxhetore dhe një strategji në të cilën lojtarë si Brahim Diaz dhe Rodrygo Goes mund të largohen për të financuar marrëveshjen. Klubi beson se Doue përshtatet në mënyrë të përkryer me Vinicius Junior dhe Kylian Mbappe për të formuar një treshe sulmuese që kombinon shpërthyeshmërinë dhe shkathtësinë.

    Profili i Doue është emocionues: ai mund të luajë në të dy krahët ose si një 9 i rremë, gjë që i jep Xabi Alonsos fleksibilitet taktik. Kjo shkathtësi gjithashtu lejon që lojtarë si Franco Mastantuono të përdoren si rezervë.

    Real Madridi e sheh Douen si shkëndijën ofensive për të plotësuar çekuilibrat që tashmë i ka krijuar Vinicius Jr. Për më tepër, mbërritja e Mbappes përforcon idenë e ndërtimit të një sulmi të thellë, një kërcënim i vazhdueshëm si brenda ashtu edhe jashtë zonës.

    PSG nuk po ia lehtëson largimin talentit të ri. Burime të besueshme pohojnë se klubi parisien po refuzon kategorikisht ta shesë atë në këtë kohë, duke pasur parasysh vlerën strategjike të Doue për projektin e tyre sportiv.

  • Policia kërkon ndihmën e qytetarëve për identifikimin e një të dyshuare për shpërdorim të pasurisë së huaj

    Policia kërkon ndihmën e qytetarëve për identifikimin e një të dyshuare për shpërdorim të pasurisë së huaj

    Policia e Kosovës, Njësiti i Hetimeve të Kryeqytetit, me autorizim nga prokuroria kompetente kërkon ndihmë nga qytetarët në ofrimin e informatave, të cilat do të ndihmonin në identifikimin e personit që shihet në fotografi.

    Në njoftimin e Policisë bëhet e ditur se e dyshuara kërkohet për përfshirje në veprën “Shpërdorim i pasurisë së huaj”.

    “Të nderuar, për çdo informatë që mund të çojë në identifikimin e saj, ju lusim të kontaktoni policinë në numrin e telefonit: 192 ose përmes emailit: [email protected]”, thuhet në njoftim.

  • Një grua raporton se është dhunuar në Podujevë – Rasti nën hetim nga policia

    Një grua raporton se është dhunuar në Podujevë – Rasti nën hetim nga policia

    Një grua në Podujevë ka raportuar në polici se është viktimë e një rasti dhunimi.

    Ngjarja dyshohet të ketë ndodhur më 6 tetor 2025, ndërsa për rastin tashmë është informuar edhe prokurori kompetent.

    Sipas raportit 24-orësh të Policisë së Kosovës, viktima – një femër kosovare – ka deklaruar se është dhunuar nga një mashkull kosovar, i identifikuar si i dyshuar në këtë rast.

    Autoritetet nuk kanë dhënë detaje të mëtejshme, ndërsa në raport thuhet se hetimet janë duke vazhduar.

  • Policia heton zhdukjen e një burri në Malishevë

    Policia heton zhdukjen e një burri në Malishevë

    Një burrë është raportuar si i zhdukur në fshatin Janqisht të Komunës së Malishevës, pasi ka dalë nga shtëpia në orët e paradites së së dielës dhe nuk është kthyer më.

    Lajmi është konfirmuar nga Policia e Kosovës përmes raportit 24-orësh, ku thuhet se rasti është raportuar nga bashkëshortja e tij.

    “Sipas ankueses, viktima – një mashkull kosovar – është larguar nga banesa dhe që nga ajo kohë nuk dihet asgjë për vendndodhjen e tij”, thuhet në njoftimin e policisë.

    Autoritetet janë duke hetuar rastin dhe kanë nisur kërkimet për gjetjen e personit të zhdukur. Deri më tani nuk janë dhënë detaje të tjera rreth identitetit të tij apo rrethanave të mundshme të zhdukjes.

    Policia u bën thirrje qytetarëve që nëse kanë ndonjë informacion, të lajmërojnë organet kompetente sa më shpejt.

  • Marrëveshja për burgje – Osmani do takohet sot me dy ministre të qeverisë belge

    Marrëveshja për burgje – Osmani do takohet sot me dy ministre të qeverisë belge

    Presidentja e Republikës së Kosovës, Vjosa Osmani pret sot në takim Ministren e Drejtësisë së Belgjikës, Annelies Verlinden si dhe Ministren e Azilit dhe Migracionit, si dhe e Integrimit Social, Anneleen Van Bossuyt.

    Ndryshe Ministrja belge e Drejtësisë, Annelies Verlinden, dhe ministrja për Azil dhe Migracion, Anneleen Van Bossuyt, nisën një vizitë tre-ditore diplomatike në Kosovë e Shqipëri. Vizita ka për qëllim diskutimin e trajtimit të mbipopullimit të burgjeve dhe luftën kundër krimit të organizuar.

    Për të lehtësuar mbipopullimin kronik të burgjeve belge, qeveria po shqyrton mundësinë e marrjes me qira ose ndërtimit të një burgu jashtë vendit për personat e dënuar që nuk janë rezidentë në Belgjikë. Gjatë vizitës në Shqipëri dhe Kosovë, ministrat do të zhvillojnë bisedime eksploruese për këtë ide, raporton Belga News Agency.

    Vizita përfshin edhe diskutime mbi një letër qëllimi për ndarjen e aseteve, e cila do të lejonte që një pjesë e të ardhurave kriminale të konfiskuara në Shqipëri ose Kosovë si rezultat i hetimeve të udhëhequra nga Belgjika, të kthehen në thesarin belg.

    Në Kosovë, delegacioni do të diskutojë gjithashtu një traktat dypalësh për ndihmë të ndërsjellë ligjore, me synim forcimin e bashkëpunimit afatgjatë gjyqësor.

  • Gjendet i vdekur një burrë në Lipjan

    Gjendet i vdekur një burrë në Lipjan

    Një burrë është gjetur pa shenja jete në shtëpinë e tij të hënën në Lipjan.

    Në raportin 24-orësh të Policisë, thuhet se në vendin e ngjarjes kanë dalë njësitë policore dhe ekipi mjekësor të cilët e kanë konstatuar vdekjen.

    Me vendim të prokurorit trupi i pajetë është dërguar në IML për obduksion.

  • Punonjësi i emergjencës sulmohet fizikisht pas një fjalosjeje me pacientin në Mitrovicë

    Punonjësi i emergjencës sulmohet fizikisht pas një fjalosjeje me pacientin në Mitrovicë

    Një punonjës në emergjencën në qytetin e Mitrovicës ka raportuar në Polici se është sulmuar fizikisht nga një person, pas një fjalosje rreth një tretmani mjekësor

    Sipas raportit 24 orësh të Policisë së Kosovës bëhet e ditur se rasti ka ndodhur të hënën rreth orës 19:30 në rrugën “Bislim Bajgora”, në këtë qytet.

    Tutje bëhet e ditur se viktima ka marrë tretman mjekësor, ndërsa i dyshuari pas intervistimit me vendim të prokurorit është liruar në procedurë të rregullt.

    “Ankuesi mashkull kosovar, ka raportuar se deri sa ishte në vendin e punës në emergjencën e qytetit, një i dyshuar mashkull kosovar, pasi kishin një fjalosje rreth një tretmani mjekësor, ka sulmuar fizikisht viktimën. Viktima ka marrë tretman mjekësor, ndërsa i dyshuari pas intervistimit me vendim të prokurorit është liruar në procedurë të rregullt”, thuhet në raport.

  • Norvegjia ndalon me ligj përdorimin e photoshop, shkak krijimi i pasigurisë sociale

    Norvegjia ndalon me ligj përdorimin e photoshop, shkak krijimi i pasigurisë sociale

    Norvegjia ka njoftuar rregullore të reja sa i përket përdorimit të fotoshopit nga influencuesit. Ligji i ri kërkon nga inflencuesit dhe reklamuesit të qartësojnë nëse imazhet janë fotoshopuar ose kanë filtra.

    Ligji i ri vjen pas shumë kohësh që grupet e të rinjve dhe Ministria Norvegjeze e Fëmijëve dhe Çështjeve të Familjes kanë kërkuar masa më të rrepta sa u përket shqetësimeve në rritje rreth imazhit të trupit dhe shëndetit mendor. Në vlerësimin e situatës aktuale, departamenti shprehu
    shqetësime në lidhje me një kulturë që po krijonte “pasiguri sociale” duke kontribuar në vetëvlerësim të ulët.

    Ligji që do të prezantohet së shpejti do të kërkojë që reklamat dhe postimet e sponsorizuara ku “forma, madhësia ose lëkura e një trupi është ndryshuar nga fotoshopi ose manipulime të tjera” të deklarohen në mënyrë të qartë se janë redaktuar. Mosrespektimi do të gjobitet.

    Hulumtimi paraprak i paraqitur nga Ministria e Fëmijëve dhe Çështjeve të Familjes pretendoi se më shumë se gjysma e vajzave të klasës së 10-të në Shkollën e Oslos po luftonin me shëndetin mendor dhe se anoreksia ishte shkaku i tretë më i zakonshëm i vdekjes te vajzat e reja.

    “Të rinjtë janë të ekspozuar ndaj një presioni masiv për t’u dukur mirë, përveç të tjerash, përmes reklamave dhe mediave sociale, edhe modelet që shfaqen shpesh retushohen dixhitalisht. Kjo i ekspozon të rinjtë ndaj një ideali bukurie që është e pamundur të arrihet”, tha departamenti në propozimin e tij.

  • U vra pasi dha vendimin kundër familjes Shkambi, kjo është prona që “i mori” jetën gjyqtarit Astrit Kalaja

    U vra pasi dha vendimin kundër familjes Shkambi, kjo është prona që “i mori” jetën gjyqtarit Astrit Kalaja

    Një ngjarje e rëndë ka ndodhur dje pasdite në Gjykatën e Apelit, ku gjyqtari Astrit Kalaja u ekzekutua me armë zjarri brenda sallës së gjyqit.

    Autori i vrasjes së gjyqtarit të Apelit të Tiranës, është Elvis Shkambi, i cili u fut në ambientet e sallës së gjyqit me armën me vete, e cila nuk u pikas as nga detektori metalik, dhe as nga kontrolli fizik.

    30-vjeçari më pas është kthyer nga kundërshtarët e tij në proces Ervis dhe Rakip Kurtaj duke hapur zjarr edhe në drejtim të tyre. Të dy mbetën të plagosur dhe u përcollën me urgjencë drejt spitalit ku ndodhen në gjendje të stabilizuar.

    Para bluve 30-vjeçari ka qëndruar i qetë dhe i pa penduar duke pranuar autorësinë e krimit të rëndë me pretendimin se reagoi ndaj padrejtësisë së kryer. Sipas tij familja e kishte trashëguar atë pronë e cila në komunizëm u shtetëzua dhe bashkia ua ka kaluar dhjetëra familjeve. Prona për të cilën bëhet fjalë, është godina që shihni në video, ku stresohen 31 familje në nevojë, me vendim të bashkisë, si pronë shtetërore.