Një ngjarje e rëndë ka ndodhur këtë të martë në qytetin Herdecke të Gjermanisë, ku është plagosur rëndë kryebashkiakja e sapozgjedhur, Iris Stalzer, 57 vjeçe, anëtare e Partisë Socialdemokrate (SPD).
Sipas raportimeve të BILD, Stalzer është gjetur e plagosur rëndë në banesën e saj në zonën Herdecke-Herrentisch, me disa plagë të shkaktuara nga thika. Ngjarja ka ndodhur para shtëpisë së saj, ndërsa rrethanat e sulmit mbeten ende të paqarta.
Në momentin e incidentit, në banesë ndodheshin edhe dy fëmijët e saj – djali i adoptuar, 15 vjeç, dhe vajza 17 vjeçe – të cilët njoftuan menjëherë shërbimet e emergjencës. Djali ka dëshmuar se nëna e tij është sulmuar nga disa persona në rrugë, por policia po heton për të sqaruar versionet dhe për të përjashtuar mundësinë e një konflikti familjar.
Mjekët po përpiqen ta mbajnë në jetë politikanen, ndërsa policia ka ngritur një grup të posaçëm hetimor dhe ka shpallur alarmin për kapjen e autorëve.
Në ditën e njëzetë e pestë të fushatës zgjedhore, subjektet politike kanë zhvilluar aktivitetet e tyre politike.
Në vazhdim ju sjellim një përmbledhje të aktiviteteve kryesore.
Përveç Bosnjës, Kosova mbetet vendi i vetëm në Ballkan që nuk ka nisur të përfitojë milionat e parë nga vlera e 882 milionë eurove të Bashkimit Evropian, pjesë e planit të rritjes prej 6 miliardë eurosh deri në vitin 2027.
Vendi ynë nuk ka Kuvend të konstituuar për të ratifikuar marrëveshjen e nevojshme për përfitimin e këtyre fondeve.
Ministri në dorëheqje i Financave, Hekuran Murati, të martën nuk tregoi nëse shteti po rrezikon që të mbetet pa këto miliona, kur dihet se Komisioni Evropian ka tërhequr vërejtjen se mekanizmi është i përkohshëm.
Ai fajësoi partitë e ish-opozitës që nuk po kontribuojnë në gjetjen e një zgjidhjeje për daljen nga ngërçi.
“Ne si qeveri kemi bërë një punë të jashtëzakonshme me gjithë ekipet me stafin e administratës për ta përgatitur një paketë reformash që është vlerësuar lartë nga BE jemi të parët që e kemi dorëzu tash situate është tille që nuk ka kuvend nuk mund të marrë vendime” tha Murati
Nga Bashkimi Evropian kanë deklaruar vazhdimisht se Kosova duhet të formojë sa më shpejt institucionet sepse mekanizëm për lëshimin e tyre është i përkohshëm.
Besar Gergi nga GLPS tha se Kosova tashme është edhe nën masat e Bashkimit Evropian dhe me marrjen e këtyre fondeve do ishte një rikuperim i dëmit.
“Dëmi financiar është shumë i qartë tash për tash mbetet me qindra miliona euro ndërsa po ashtu kjo përbën edhe një dëm politik për vendin sepse BE po mere një sinjal që Kosova nuk është një partner serioz nuk është në gjendje ta ratifikojë një marrëveshje të thjeshtë” deklaroi për ATV-në Gergi
Plani i rritjes ishte temë qendrore e samitit Bërdo-Brioni, që të hënën u mbajt në Durrës. Veçse, mos ratifikimi i marrëveshjes nga ana e shtetit të Kosovës nuk u përmend askund në deklarimet e Presidentes Osmani, që përfaqësoi Kosovën në ketë samit.
“Nuk ka pasur asnjë leverdi nga republika e Kosovës aty, kapaciteti financiar që u kanë i dedikum për republikën e Kosovës që e rrok përmbi një miliardë që i rrokë të gjitha proceset fondet “IPA” të gjitha mjetet përcjellëse janë të pezulluar në raport me Kosovën” tha Albinot Maloku
Maqedonia e Veriut, Shqipëria Malit i Zi Serbia dhe Serbia pranuan mjetet e para nga BE-ja, në vlerë prej 51.66 milionë eurosh, qysh në muajin qershor të këtij viti.
Ky plan mbulon periudhën nga viti 2024 deri në vitin 2027.
Shaqir Lutvija, i akuzuar për krime lufte ne burgun e Prizrenit, u soll të hënën në Gjykatën Themelore të Prishtinës.
Në gjykimin që po shkon drejt fundit, radha i erdhi vlerësimit të provave nga gjykata.Peshë në vendimmarrje, prokurori Ilir Morina, tha se ka një raport informues i bashkangjitur me një CD, ku i akuzuari dëgjohet duke folur me dikë rreth rastit.
Trupi gjykues mori vendim që raporti të administrohet si provë, por pa u dëgjuar CD-ja.Ndërsa avokatja e të akuzuarit, Jovana Filipovic, si prova tha se duhet të administrohen tri aktvendime të Ministrisë së Punëve të Brendshme të Serbisë, që mbajnë të dhëna të Lutvijas.
Meqë dokumentet ishin të fotokopjuara dhe pa burime të detajuara, prokurori kishte dyshime se a janë origjinale. Në mëdyshje ishte edhe trupi gjykues, andaj vendosi të mos merren parasysh.
Kërkesë tjetër e saj ishte të konsiderohet provë një postim në rrjete sociale, që dikush e kishte hedhur në kohën kur u arrestua i akuzuari.Avokatja pretendon se fytyra e klientit të saj, u postua për identifikim. As kjo provë, nuk u konsiderua e vlefshme nga gjykata.Në seancën e radhës, Shaqir Lutfija ka në dispozicion kohën të deklarohet për veprën me të cilën akuzohet.
Lutfija, nga zona e Dragashit, akuzohet nga Prokuroria Speciale se gjatë periudhës 1998-1999 në cilësinë e inspektorit dhe policit në Stacionin Policor në Prizren, individualisht dhe në bashkëkryerje, kishte aplikuar masa represive të vrasjes, arrestimit, rrahjes, maltretimit dhe trajtimit çnjerëzor ndaj shqiptarëve.
Serbët njëherë e rrahën para nxënësve, e pastaj e nxorën nga shkolla.
Arsimtari Habib Mustafa thotë se këtë formë keqtrajtimi e pati gjatë luftës, nga forcat paramilitare serbe, nën urdhrin e të akuzuarit për krime lufte në Vushtrri, Zoran Kostiq.
Mustafa, i cili të hënën dëshmoi para trupit gjykues, tha se urdhrat që jepte Kostiq për çdo mizori në fshatrat e kësaj ane, i kuptoi kur u bë pjesë e Ushtrisë Çlirimtare të Kosovës.
Atë e kishte parë gjatë vëzhgimit me dylbi dhe përmes televizionit.
Mustafa thotë se i harroi grushtet që i mori, në momentit kur kuptoi se një 12 vjeçar u vra mizorisht rrugës për në shkollë, nën urdhrat e të akuzuarit.
Përmes dylbive, Kostiqin e kishte identifikuar edhe dëshmitari tjetër, Rrahim Tahiri.
Kostiqin, thotë se e pa duke i prirë banorëve të fshatrave të Vushtrrisë, pas plaçkitjes e djegies së shtëpive të tyre.
I akuzuari tjetër, Dragan Miloviq, nuk u përmend asnjëherë gjatë deklarimeve të dëshmitarëve.
Në seancën e së martës ishte paraparë të dëgjohet edhe dëshmia e Naim Halitit, por mungoi.
Prokuroria Speciale, Dragan Miloviq dhe Zoran Kostiq, pjesëtarë të forcave policore serbe i bën përgjegjës për krime lufte në Vushtrri gjatë periudhës prill- maj të vitit 1999.
Kjo është gjendja në të cilën ndodhet kjo shtyllë elektrike në rrugën “Qeta e Llapit” në lagjen Kodra e Trimave në Prishtinë.
Shtylla është rrëzuar që nga e premtja, më 3 tetor dhe si pasojë e kësaj, disa familje të kësaj zone kanë mbetur pa energji elektrike për më shumë se 3 ditë.
“Po e shihni banderin ku është. Kjo shtëpi është pa rrymë, kjo është pa rrymë, atje është pa rrymë. S’po dimë as çka me bërë në njëfarë mënyre, na kanë kthyer në shekullin 19. S’po dimë as çka me bo, as nuk ke kujt me iu ankua. KEK-u e din shumë mirë që banderi është i rrëzuar.”
Me që për disa ditë nuk u rregullua problemi, Hoxha thotë se ka qenë i detyruar të sigurojë rrymë për vete nëpërmjet një lidhjeje nga rruga tjetër, për cka thotë se e ka njoftuar KEDS-in.
“Unë jam detyruar dje, kam qasje edhe prej anës tjetër të rrugës, me u kyç prej asaj ane, edhe në rrymë, edhe në kabllovik, me u hek prej kësaj pjese. Por familjet e tjera s’kanë qasje.”
Megjithatë në këtë lagje vetëm një shtëpi ka rrymë.
“Ka ra natën, ka ushtu. Jom çu prej gjumit edhe e pashë që kish ra në këtë pjesë. Rrymë këna, po vetëm televizorin s’e këna.”
Nga KEDS-i i thanë ATV-së se ekipi do të dalë në vendin e ngjarjes dhe varësisht nga nevoja, do të veprojnë.
“Në lidhje me rastin në fjalë, ju informojmë se një ekip i KEDS-it do të dalë në vend për të verifikuar gjendjen dhe, varësisht nga nevoja, edhe do të veprojë”.
Ndërsa si pasojë e reshjeve atmosferike nga KEDS thanë se janë shkaktuar dëme në rrjetin elektrik shpërndarës.
Kandidati për kryetar të Prishtinës, nga radhët e Lëvizjes Vetëvendosje, Hajrulla Çeku, në programin e tij qeverisës synon përmirësim të kushteve infrastrukturore dhe themelim të një njësie të veçantë komunale për të adresuar dhe zgjidhur problemet e qytetarëve me nevoja të veçanta.
Para vizitës në HANDIKOS, Çeku pati takim me prindër, duke premtuar mësim dual dhe tërëditor në shkolla, siç tha, për një arsim që lidh dijen me tregun e punës dhe u jep të rinjve mundësi reale zhvillimi.
Gjatë të martës, takime pati edhe me disa organizata të arsimit, të cilave u premtoi që çdo shkollë të ketë kushte të dinjitetshme, nga mensat e deri te psikologët dhe logopedët.
Infrastrukturës bazë, si trotuare e sistem të menaxhimit të ujërave të zeza, premtoi Faton Peci nga Suhodolli i Mitrovicës.
Transformime premtoi nga Shtimja edhe Qemajl Aliu.
Si projekte transformuese, e përmendi Ballkonin Panoramë, përmes së cilit synon që Kodra e Rinisë do bëhet me hapësira gjelbëruese rekreative.
Se Subvencionet do të ndahen me meritokraci dhe transparencë, nën mbikëqyrjen e komunës, e thotw kandidati pwr kryetar tw Gjakovws, Ardian Gola.
Gjatë ditës, kompani të shërbimeve digjitale vizitoi kandidati për kryetar të Ferizajt, Enver Haliti.
Nga aty, Haliti tha se në programin qeverisës ka paraparë Tech Parkun dhe Qendrën Studimore “The HUB” një objekt modern, i dedikuar për studentë, hulumtues dhe inkubatore të ICT-së.
Paraprakisht, Haliti vizitoi fabrika të produkteve ushqimore nga ku premtoi kushte më të mira për investim.
Nëse më 12 tetor zgjidhet kryetar i Vitisë, Arsim Ademi ka premtuar ndërtim të banesave te përballueshëm sociale, subvencionim të lindjeve, mbështetje të familjeve në nevoje e pensionistëve si dhe krijimin e hapësira të veçanta për qëndrim ditor.
Biseda te frytshme për ndryshime pozitive në fushën e shëndetësisë ka realizuar edhe Valon Hoti gjatë takimit me një doktoreshë të Malishevës.
Chelsea ka marrë frymë lehtësimi pasi kapiteni i ekipit, Reece James, ka shmangur një dëmtim të rëndë dhe pritet të rikthehet pas pushimit ndërkombëtar. Ai u tërhoq nga grumbullimi i Anglisë për ndeshjet miqësore ndaj Uellsit dhe kualifikuesen ndaj Letonisë pas një shqetësimi të vogël që ndodhi gjatë fitores 2-1 ndaj Liverpoolit. 
Raportet nga klubi dhe mediat e besueshme e përshkruajnë këtë si një masë paraprake për të menaxhuar ngarkesën e lojtarit, veçanërisht pas një periudhe të gjatë rikuperimi nga një operacion i hamstrings në vitin 2023. 
Chelsea do të ndeshet me Nottingham Forest pas pushimit ndërkombëtar, dhe James pritet të jetë në dispozicion të trajnerit Enzo Maresca për këtë takim. 
Në këtë periudhë, Chelsea po përballet me një krizë të madhe dëmtimesh, përfshirë mungesat e lojtarëve të rëndësishëm si Levi Colwill, Benoît Badiashile dhe Josh Acheampong.  Megjithatë, me rikthimin e James, klubi shpreson të stabilizojë mbrojtjen dhe të forcojë konkurrencën për titujt e ardhshëm.
Kandidati për kryetar të Prishtinës, nga Partia Demokratike e Kosovës, Uran Ismaili në takim me artistin Sokol Beqiri, tregoi se për kryeqytetin do të punojë pa dallim.
Sipas tij asnjë lagje nuk do të harrohet.
Në takim me studentët, Kandidati për kryetar të Mitrovicës Arian Tahiri, mes disa premtimeve tha se do të rrisë numrin e bursave për studentët.
Tahiri gjatë të martës po ashtu ndau pikat e programit që lidhen me punësimin e mirëqenien e qytetarëve.
Përmirësim të jetës së qytetarëve po premton edhe kandidati për Drenasin, Petrit Hajdari.
Kandidati për kryetar të Gjilanit, Riad Rashiti fokusin gjatë të martës e kishte tek afaristët. Ai u premtoi mbështetje atyre që krijojnë vende të reja të punës.
Përfaqësim të denjë të grave si dhe mbështetje u ka premtuar kandidati për Istogun, Ali Nimanaj.
Edon Cana kandidat për kryetar të Rahovecit ka kritikuar qeverisjen aktuale për sic ka thënë ai shpërndarjen e tenderëve jashtë komunës. Ai thotë se e kundërta do të ndodh me të në qeverisje.
Përkushtimin për cdo zonë të Prizrenit thotë se do ta vazhdojë, kryetari aktual njëherit kandidat edhe për një mandat tjetër Shaqir Totaj. Këtë e tha derisa ndau lajmin se filluan punimet për renovimin e rrugës që lidh fshatrat Reçan, Lubinje e Epërme dhe Lubinje e Poshtme.
Ndërkaq pretendenti për një mandat tjetër për Komunën e Vushtrrisë, Ferit Idrizi vizitoi shkollën e futbollit FC VICIANA, derisa tha se komuna do t’i përkrahë klubet sportive.
Edhe Agim Aliu që garon për katër vjet tjera thotë se në cdo takim po merr përkrahje e thotë se premtimet e tij do të jenë punë.
Zgjidhje për transportin e nxënësve në kryeqytet aty ku nuk mbulohet nga trafiku urban premtoi kandidatja për Prishtinë Besa Shahini nga Partia SocialDemokrate.
Të martën me organizatat joqeveritare që veprojnë në fushën e arsimit dhe rinisë: TOKA, ETEA, LAPS dhe ORCA, kandidatja Besa Shahini zhvilloi një diskutim për politikat arsimore të komunës.
Shahini deklaroi se organizatat që kanë në qendër arsimin janë dhe do të mbetën aleatet kyçe në transformimin e sistemit arsimor të Prishtinës nga infrastruktura e shkollave, te cilësia e mësimdhënies dhe përfshirja e çdo nxënësi.
Natyra Kuçi kandidatja e vetme grua për Deçanin, nga Partia SocialDemokrate së bashku me disa të rinjë vizituat hapësirat e një biznesi të specializuar në prodhimin e dyerve dhe dritareve.
Ne e kuptojmë rolin e biznesit në rëndësinë që ka dhe si i tillë duhet mbështetur e forcuar. Andaj dialogu me biznesin do të jetë i vazhdueshëm nën dritën e zhvillimit të Deçanit tha kandidatja e PSD-së.
Me gratë e komunitetit në komunën e Kamencisë u takua kandidiati i PSD-së për Kamenicën Qëndron Kastrati i cili synon të rikthej qeverisjen në këtë komunë.
Kastrati u zotua për mbështetje, vlerësim dhe mirënjohje për gratë. Ai shtoi se barazia nuk është premtim është praktikë.
