Blog

Një flotilje e re ndihmash me destinacion Gazën është ndaluar nga ushtria izraelite, vetëm disa ditë pasi ndalimi i aktivistëve në anijet që po shkonin drejt territorit të shkatërruar nga lufta shkaktoi zemërim ndërkombëtar dhe protesta të gjera.

Sipas Koalicionit të Flotiljes së Lirisë, ushtria izraelite po bllokonte sinjalet me të paktën dy anije që po hipnin në bord.

“Ushtria izraelite nuk ka juridiksion ligjor mbi ujërat ndërkombëtare,” thuhej në një postim të koalicionit në Instagram. “Flotilja jonë nuk përbën asnjë dëm.”

Organizatorët njoftuan se “tre anije – Gaza Sunbirds, Alaa Al-Najjar dhe Anas Al-Sharif – janë sulmuar dhe janë ndaluar në mënyrë të paligjshme nga ushtria izraelite” herët në mëngjes, 220 kilometra larg bregdetit të Gazës. Ata shtuan se një anije tjetër, Conscience, ishte gjithashtu “nën sulm”.

Ministria e Jashtme izraelite konfirmoi se kishte ndaluar anijet që po përpiqeshin të arrinin në Gaza dhe se personat në bord do të transferoheshin në një port izraelit ku do të deportoheshin.

“Një tjetër përpjekje e kotë për të shkelur bllokadën ligjore detare dhe për të hyrë në një zonë luftimi përfundoi pa asgjë,” tha ministria në një postim online.

Një sulm me parashutë gjatë një festivali dhe proteste në Mianmar ka vrarë të paktën 24 persona dhe ka plagosur 47 të tjerë. Lajmi është bërë i ditur për BBC nga një zëdhënës i Qeverisë së Unitetit Kombëtar në mërgim.

Rreth 100 persona ishin mbledhur në qytezën Chaung U të hënën në mbrëmje për festivalin Thadingyut, një festë kombëtare me rrënjë budiste, kur një parashutë me motor hodhi dy bomba mbi turmën, tha një zyrtar lokal nën Forcën e Mbrojtjes Popullore anti-junta.

Mianmari ka qenë në luftë civile që prej vitit 2021, kur ushtria mori pushtetin në një grusht shteti. Sipas vlerësimeve të OKB-së, konflikti ka vrarë më shumë se 5 mijë civilë.

Zyrtari i Forcës së Mbrojtjes Popullore i tha BBC-së se gjatë tubimit të së hënës, ata kishin marrë informacion për një sulm të mundshëm ajror dhe u përpoqën ta përfundonin shpejt protestën, por parashutistët mbërritën më herët se sa pritej.

“Ata mbërritën dhe e hodhën bombën brenda vetëm shtatë minutash. Kur ra bomba e parë, unë rashë në tokë, por më goditi pjesën e poshtme të gjurit. Kishte njerëz të vrarë pranë meje.”, tha ai.

Sipas dëshmive vendase, shkatërrimi i shkaktuar nga bombat e bëri të vështirë identifikimin e trupave të pajetë.

“Fëmijët u bënë copë-copë,” tha për AFP një grua që kishte ndihmuar në organizimin e eventit.

Abedin Rexha ishte luftëtar i radhëve të para të Ushtrisë Çlirimtare të Kosovës, guximtar e sypatrembur deri në vdekje, për çka dhe bashkëluftëtarët e tij e quajtën “Sandokan”.

Ai u lindi më 8 korrik 1969 në Vajnik, komuna e Skenderajt.

Në fillim të gushtit 1998, Shtabi i Përgjithshëm i UÇK-së, Abedin Rexhën e kishte caktuar Komandant të Brigadës 112 “Arben Haliti” në Zonën Operative të Drenicës.

Gjatë muajve gusht-shtator 1998, komandant “Sandokani” luftoi pa iu trembur syri në shumë fushëbeteja. Dhe pikërisht në kulmin e ofensivave me përmasa të gjera shfarosëse nga forcat serbe, në të gjitha zonat Operative të UÇK-së, e veçanërisht në ZO të Drenicës më 8 tetor 1998, komandanti Abedin Rexha – “Sandokani”, vritet në pyjet e fshatit Kllodernicë të Skëndarajt.

Abedin Rexha pas vetes ka lënë bashkëshorten me dy fëmijë: Sokolin dhe Selveten. Heroizmi i tij është përjetësuar në shumë shkrime në shtypin tonë, në këngë e poezi, ndërsa shkolla e Turiçecit mban me krenari emrin e tij.

I dërguari special i SHBA-së, Steve Witkoff, dhe dhëndri i Presidentit të SHBA-së, Donald Trump, Jared Kushner, do të marrin pjesë në bisedimet për planin e paqes në Gaza midis negociatorëve izraelitë dhe Hamasit në Egjipt këtë të mërkurë.

Kjo vjen ndërsa dita e dytë e bisedimeve indirekte të martën përfundoi pa rezultate të prekshme, tha për BBC-në një zyrtar i lartë palestinez i njohur me negociatat.

Trump mbajti një ton pozitiv të martën, ndërsa Izraeli shënoi përvjetorin e dytë të sulmeve të Hamasit më 7 tetor, duke thënë se “ekziston mundësia që të kemi paqe në Lindjen e Mesme”.

Kryeministri izraelit Benjamin Netanyahu nuk komentoi mbi statusin e bisedimeve, por u tha izraelitëve se ishin në “ditë vendimtare”.

Në një postim në X, Netanyahu shtoi se Izraeli do të vazhdojë të veprojë për të arritur qëllimet e tij të luftës: “Kthimi i të gjithë të rrëmbyerve, eliminimi i regjimit të Hamasit dhe premtimi se Gaza nuk do të përbëjë më kërcënim për Izraelin”.

Kryeministri i Katarit, Sheikh Mohammed bin Abdul Rahman Al Thani, i cili shihet si një ndërmjetës kryesor, do t’i bashkohet gjithashtu bisedimeve, tha një zyrtar për agjencinë e lajmeve Reuters.

Pjesëmarrja e Al Thanit kishte për qëllim “të shtynte përpara planin e armëpushimit në Gaza dhe marrëveshjen për lirimin e pengjeve”, tha zyrtari.

Ministri i Jashtëm i Katarit dhe kreu i inteligjencës turke pritet t’i bashkohen atij.

Sot parashikohet të mbajë mot kryesisht i vranët dhe herë pas here me reshje të pakta lokale shiu. Reshjet më të përqëndruara pritet të jenë kryesisht në zonën lindore.

Era do të fryjë nga drejtimi i veriut, e cila kohë pas kohe pritet të jetë mjaft e fuqishme lokalisht, me shpejtësi prej 20-62 km/h, njfoton MeteoKosova.

Temperaturat minimale do të lëvizin prej 7 deri në 9°C, ndërsa ato maksimale prej 9 deri në 13°C.

Pas ngjarjes së rëndë të vrasjes së një gjyqtari brenda ambienteve të gjykatës në Shqipëri, avokati Eugen Beci ka reaguar duke theksuar se kjo çështje nuk duhet trajtuar vetëm në aspektin teknik apo të ngushtë të sigurisë, por si pjesë e një problemi më të gjerë shoqëror dhe institucional.

“Është një çështje e cila duhet trajtuar jo në formën teknike, jo vetëm si çështje sigurie në mënyrën e ngushtë. Siguria është e rëndësishme, është kryesore, por kjo duhet parë në kuadrin më të gjerë të një sistemi që duhet të ofrojë besim te publiku,” tha avokati.

Ai theksoi se sistemi i drejtësisë duhet të funksionojë në mënyrë që të përjashtojë vetëgjyqësinë, duke shtuar se ngjarje të tilla tregojnë mungesën e besimit të qytetarëve tek institucionet.
Sipas tij, vetëgjyqësia është një krim i rëndë që lë pasoja serioze në sistemin e drejtësisë, dhe kërkon një analizë të thellë për shkaqet që e nxisin atë.

“Të arrish në vetëgjyqësi është një krim i rëndë, i cili patjetër që lë shenjë në atë që quhet sistemi i drejtësisë.Janë disa faktorë të rëndësishëm që duhet të analizohen a mos vallë pa dashje politika, a mos vallë pa dashje disa media që flasin për gjyqësorin kanë nxitur këtë vetëgjyqësi a mos vallë anatonomimi i gjyqtarëve, i prokurorëve dhe i tërë sistemit në përgjithësi po krijon mosbesim tek institucionet,”tha Beci.

Për më shumë detaje, ndiqni videon më poshtë.