ATV

Blog

  • Kuriozitet i Trurit – Pse truri “ngrin” kur frikësohemi

    Kuriozitet i Trurit – Pse truri “ngrin” kur frikësohemi

    A e keni vënë re ndonjëherë se kur ndodh diçka papritur, si një zhurmë e fortë apo një lëvizje e papritur, trupi juaj duket sikur “ngrin” për një sekondë? Edhe pse nuk ka asgjë rrezikshme, ndiheni sikur koha ndalet.

    Ky reagim i çuditshëm vjen nga një nga mekanizmat më të vjetër të trurit: reaksioni “ngrihu ose ik”.

    Si funksionon truri në momentet e frikës

    Kur truri percepton një kërcënim, edhe të vogël, amigdala – pjesa e trurit përgjegjëse për emocionet ndizet menjëherë. Ajo dërgon sinjale në të gjithë trupin:

    • Adrenalina shpërthen;

    • Muskujt tensionohen;

    • Fryma ndalet për një moment;

    • Truri vendos: duhet të luftoj, të ik, apo të ngrihem në vend.

    Kjo është arsyeja pse ndonjëherë ndjeheni sikur jeni “ngrirë” pa asnjë arsye të dukshme.

    Kur mund të ndodhë kjo “ngrirje”

    Ky fenomen nuk ndodh vetëm në situata kërcënuese fizike. Ai mund të ndodhë edhe kur:

    • Jeni në debat në punë dhe dikush ju sfidon papritur;

    • Keni një konflikt me dikë që e doni dhe papritur ndjeni tension;

    • Dëgjoni një lajm të papritur që ju trondit emocionalisht.

    Në secilin rast, trupi reagon në mënyrë të ngjashme: zemra rreh më shpejt, muskujt tensionohen, fryma ndryshon edhe pse nuk ka rrezik real për jetën tuaj.

    Pse është e rëndësishme ky reagim

    Ky mekanizëm është jetik për mbijetesën tonë. Ai ju ndihmon të:

    • Jeni vigjilent;

    • Mendoni shpejt;

    • Mbani kontrollin në situata të paparashikuara.

    Truri po planifikon në heshtje se si të veproni, duke ju mbrojtur në çdo moment. Ky fenomen quhet reaksioni i frikës instinktive, dhe është një nga mënyrat më të fuqishme se si truri ruan jetën tonë çdo ditë, shpesh pa e kuptuar ne.

    Mos u shqetësoni

    Herën tjetër që ndiheni sikur “ngrini” për një sekondë nga një tingull, një debat apo një situatë emocionale, mos u shqetësoni. Truri juaj nuk po ju tradhton… po ju mbron dhe ju ndihmon të reagoni.

  • Selvije Jao konfirmon ndarjen nga Shpat Kasapi: “Jemi ndarë prej më shumë se 6 muajsh”

    Selvije Jao konfirmon ndarjen nga Shpat Kasapi: “Jemi ndarë prej më shumë se 6 muajsh”

    Këngëtarja e njohur Selvije Jao ka thyer më në fund heshtjen, duke konfirmuar për publikun se është ndarë nga partneri i saj, Shpat Kasapi. Lajmin e bëri të ditur përmes një postimi në rrjetet sociale, ku theksoi se ndarja ka ndodhur prej disa muajsh dhe se tashmë do të ndjekë rrugë ligjore ndaj atyre që po cenojnë privatësinë e saj.

    Prej javësh, në rrjetet sociale qarkullonin thashetheme për një krizë në çift, por as Selvije e as Shpati nuk kishin reaguar. Këngëtarja shpjegoi se ka zgjedhur të heshtë për shkak të ndjeshmërisë së situatës, por tashmë ndjeu nevojën të sqarojë publikisht:

    “Nuk kam folur asnjëherë publikisht për ndarjen me Shpatin, por e shoh që njerëzit kanë kaluar çdo kufi që unë mund të toleroj.”

    Në postimin e saj, Selvije konfirmoi përfundimisht ndarjen:
    “Unë dhe Shpati jemi të ndarë prej më shumë se 6 muajsh. Çdo gjë që bëjmë është vetëm për Roelin, me mirëqenien e një engjëlli që në këtë mes nuk ka asnjë faj. Nuk e kemi më në plan të jemi çift, sado e dhimbshme të tingëllojë, ndoshta për ne ky është vendimi i duhur.”

    Ajo shtoi se mes tyre mbetet respekti dhe mirënjohja për vitet e kaluara bashkë:
    “Ai do të mbetet njeriu më i afërt për mua, me të cilin kemi ndarë një copë bukë dhe kemi një fëmijë bashkë.”

    Në fund, këngëtarja i është drejtuar ndjekësve me një apel për respekt dhe maturi:
    “Ajo që më pengon janë njerëzit që kanë kaluar çdo limit me mesazhe, komente dhe shtirjen sikur jam unë. Çdo cenim i privatësisë do të ndiqet ligjërisht, gjithçka është lënë në duart e organeve kompetente.”

    Me këto fjalë, Selvije kërkoi që publiku të respektojë vendimin e saj dhe të Shpatit, duke kujtuar se përtej çdo lajmi, qëndron një familje dhe një fëmijë që meriton qetësi.

  • “Perfect Days”, skena e heshtur që preku botën: Kōji Yakusho shpërthen në lot të vërtetë gjatë xhirimeve

    “Perfect Days”, skena e heshtur që preku botën: Kōji Yakusho shpërthen në lot të vërtetë gjatë xhirimeve

    Një nga momentet më të paharrueshme të filmit “Perfect Days” (2023) të regjisorit të njohur Wim Wenders nuk vjen nga një skenë dramatike apo dialog i fuqishëm, por nga një çast i heshtur që përçon më shumë ndjenjë se çdo fjalë.

    Filmi rrëfen historinë e Hirayama-s (luajtur nga Kōji Yakusho), një pastrues tualetesh në Tokio, që gjen bukurinë e jetës përmes rutinës dhe gjesteve të vogla të përditshme.

    Në një prej skenave më të komentuara, Hirayama ulet vetëm në furgonin e tij pas pune dhe dëgjon këngën “Perfect Day” të Lou Reed. Kamera qëndron gjatë mbi fytyrën e tij pa dialog, pa lëvizje, vetëm reflektim dhe qetësi.

    Gjatë xhirimeve, Wenders i dha aktorit një udhëzim të vetëm:
    “Mos luaj. Kujto dikë që e ke dashur dhe e ke humbur.”

    Teksa muzika filloi, Yakusho mbylli sytë dhe u përfshi nga emocioni. Lotët i rrëshqitën ngadalë në faqe, edhe pse skenari nuk e parashikonte një moment të tillë. Kur regjisori tha “ndal”, askush në set nuk foli. Të gjithë e kuptuan se kishin parë diçka të vërtetë.

    Më vonë, Wenders tha:
    “Ajo nuk ishte aktrim. Ishte e vërtetë. Në atë heshtje, Kōji mbajti kuptimin e tërë filmit.”

    Yakusho, i njohur për thjeshtësinë dhe përulësinë e tij, tregoi se gjatë asaj skene kishte menduar për babain e ndjerë për mungesën e një lamtumire që e kishte ndjerë thellë.
    “Emocioni që shihni në ekran,” tha ai, “është i imi, jo i personazhit.”

    Kjo skenë, e qetë dhe e ndjerë, u bë zemra e “Perfect Days” një film që gjen madhështinë në të zakonshmen dhe ndjenjën e shenjtë në një lot të sinqertë njerëzor.

  • Luis Suarez arrin shifrën e 600 golave në karrierë

    Luis Suarez arrin shifrën e 600 golave në karrierë

    Sulmuesi uruguajan Luis Suarez,po vazhdon me formë të mirë me klubin nga MLS Inter Miami.

    Suarez shënoi kundër Atlanta United në fitoren 4:0,duke arritur shifrën e 600 golave në karrierë.

    Përndryshe Suarez në një postim në rrjetet sociale është shprehur mjaft i lumtur për këtë rekord,duke thënë se nuk e ka besuar as vetë se mund ta arrijë këtë rekord.

    “Nëse ju them se i kam ëndërruar, ju gënjej. Kurrë nuk kam mundur të besoja se do të arrija aq shumë në karrierë. U jam falënderues krejt klubeve ku kam luajtur, pastaj Seleccion, bashkëlojtarëve, trajnerëve, zyrtarëve, punëtorëve të ndryshëm në klube, familjes sime dhe tifozëve. Të gjitha bëjnë pjesë në këtë objektiv të arritur. Gjithmonë ekziston një faqe më shumë…”

    Kujtojmë që Luis Suarez ka shënuar 10 e bëri 10 asistime në MLS për Inter Miamin në 27 ndeshje.

  • Al Hilal me ofertë 400 Milionë euro për Lamine Yamal

    Al Hilal me ofertë 400 Milionë euro për Lamine Yamal

    Klubi saudit Al Hilal,po synon të bëjë një goditje të madhe në tregun e transferimeve në futbollin botëror.

    Al Hilal po synon të ofrojë rreth 400 milionë euro për Lamine Yamal,dhe që do të tejkalonte vlerën e 18 vjeçarit në tregun e transferimeve.

    Përndryshe në këtë ofertë është përfshirë një kontratë shtatëvjeçare e Yamal me klubin saudit,por Barcelona e ka refuzuar këtë ofertë pasi 18 vjeçari po konsiderohet si lojtar kyç tek katalunasit për vitet e ardhshme.

    Megjithatë në muajt në vijim drejtuesit e Barcelonës mund të ndryshojnë mendimin,ngase pranimi i kësaj ofertë mund të përmirësonte gjendjen e vështirë financiare të Barcelonës.

    Kujtojmë që Lamine Yamal ka kontratë me Barcelonën deri në vitin 2031,dhe vlera e tij në tregun e transferimeve arrin deri në 200 milionë euro.

  • Mohamed Salah në radarin e gjigantit turk Galatasaray

    Mohamed Salah në radarin e gjigantit turk Galatasaray

    Gjiganti turk Galatasaray,po synon që të bëj një godtije në afatin kalimtar të janarit.

    Sipas gazetës turke Nefes ylli egjiptian Mohamed Salah po mendon një kalim tek kampioni aktual i Turqisë,dhe kjo për arsye se Salah ishte impresionuar nga atmosfera në Rams Park gjatë ndeshjes kundër Liverpoolit në Ligën e Kampionëve.

    Përndryshe një marrëveshje në mes Galatasaray-it dhe Liverpool-it pritet të ndodhë gjatë dimrit,por ajo mund të shtyhet më vonë në rast se negociatat nuk përfundojnë me kohë.

    Padyshim se transferimi i Salah tek Galatasaray do të bënte bujë të madhe,dhe që do t’ia rriste edhe më shumë prestigjin Superligës së Turqisë.

    Kujtojmë që Mohamed Salah ka kontratë me Liverpoolin deri në vitin 2027,kurse vlera e egjiptianit në tregun e transferimeve shkon deri në 50 milionë euro.

  • Sonte Kosova kërkon fitoren kundër Suedisë

    Sonte Kosova kërkon fitoren kundër Suedisë

    Kombëtarja e Kosovës sonte pritet të zhvillojë ndeshjen e rradhës kualifikuese për botërorin e vitit 2026,ku në kuadër të grupit B do të takohet kundër Suedisë.

    Dardanët pas barazimit në “Fadil Vokrri”pa gola kundër Sllovenisë synojnë fitore në udhëtim ndaj nordikëve,të cilët aktualisht janë pa fitore në këtë grup duke përfshirë këtu edhe humbjen në ndeshjen e parë në Fadil Vokrri me rezultat 2:0.

    Përndryshe Kombëtarja e Kosovës pas tre ndeshjeve kualifikuese të grupit B gjendet në vendin e dytë me 4 pikë,duke përfshirë këtu fitoren ndaj Suedisë 2:0 si dhe poashtu kanë 1 humbje ndaj liderit aktual Zvicrës dhe së fundmi barazoj ndaj Sllovenisë.

    Padyshim që një fitore ndaj Suedisë në udhëtim do t’i shtonte edhe më shumë gjasat për për një kualifikim në botërorin që do të mbahet vitin e ardhshëm në SHBA,Kanada,Meksikë.

    Kujtojmë që ndeshja Suedi-Kosovë pritet të zhvillohet në stadiumin Ullevi në Goteborg me fillim nga ora 20:45.

  • Kostoja e jetesës po i detyron qytetarët të kursejnë në çdo mënyrë

    Kostoja e jetesës po i detyron qytetarët të kursejnë në çdo mënyrë

    Në Kosovë, 68% e konsumatorëve blejnë në dyqane më të lira, ndërsa gjysma e rajonit po anulon abonime dhe shpenzime të panevojshme, tregon studimi “New Normal Study”.

    Inflacioni, pasiguria politike dhe rritja e kostos së jetesës po e shtyjnë gjithnjë e më shumë qytetarin e rajonit të Adriatikut drejt kursimeve të detyruara dhe zakoneve të reja të konsumit.
    Këto janë gjetjet e studimit “New Normal Study” të kompanisë hulumtuese Valicon, i zhvilluar nga 18 deri më 21 gusht 2025 në Slloveni, Kroaci, Bosnje e Hercegovinë, Serbi, Mal të Zi, Kosovë dhe Maqedoni të Veriut.

    Inflacioni dhe pasiguria, shqetësimet kryesore në çdo vend

    Inflacioni mbetet problemi më i madh për qytetarët e rajonit.
    Në Kosovë dhe Maqedoninë e Veriut, 70% e të anketuarve shprehen të shqetësuar për rritjen e kostos së jetesës – shifra më e lartë në gjithë rajonin.
    Pas tyre vijnë Bosnja e Hercegovina (69%) dhe Kroacia (68%), ndërsa shqetësimet janë rritur me rreth 8% krahasuar me tremujorin e dytë të këtij viti.

    Në Serbi, pasiguria politike është po aq e madhe sa inflacioni: 58% e qytetarëve ndihen të shqetësuar për situatën politike, kundrejt 60% për çmimet.
    Në Kosovë (54%) dhe Bosnje e Hercegovinë (40%), zhvillimet politike janë gjithashtu në listën e frikave kryesore të qytetarëve.

    Ofertat dhe dyqanet e lira, shpëtimi i përditshëm

    Konsumatorët po tregohen më të kujdesshëm se kurrë më parë.
    Në Kroaci, 70% blejnë gjatë promocioneve dhe 65% në dyqane më të lira.
    Në Slloveni, përqindjet janë 65% dhe 62%, ndërsa në Kosovë, 68% e qytetarëve preferojnë tregjet me çmime më të ulëta.

    Një tjetër prirje e përhapur është anulimi i shpenzimeve të panevojshme.
    Në Slloveni, 57% e të anketuarve kanë anuluar abonime, ndërsa shifra të ngjashme raportohen në Kroaci (56%) dhe Bosnje e Hercegovinë (58%).
    Në Kosovë, 56% e qytetarëve kërkojnë çmime më të volitshme për shërbime bazë si energjia, interneti apo telefonia.

    Ndërkohë, blerja me shumicë si mënyrë për kursim është më pak e përdorur – vetëm 19% e qytetarëve në Serbi e praktikojnë, krahasuar me 32% në Slloveni dhe Kosovë.

    Më pak kursime, më pak shpresë

    Studimi tregon se aftësia për të kursyer para ka rënë ndjeshëm në gjithë rajonin.
    Vetëm 40% e sllovenëve thonë se kursejnë sa më parë, ndërsa në Maqedoninë e Veriut kjo shifër bie në vetëm 15%.
    Në Kosovë, vetëm një në pesë qytetarë arrin të kursejë të njëjtën shumë si më parë, ndërsa në Mal të Zi përqindja është edhe më e ulët – 18%.

    Kur pyeten për cilësinë e jetës pas vitit 2020, shumica e të anketuarve në rajon ndihen më keq se më parë.
    Ndjenja më e fortë e përkeqësimit vërehet në Serbi (53%), Maqedoni të Veriut (52%) dhe Kroaci (51%).
    Megjithatë, Kosova dhe Mali i Zi janë më optimistë: 34% e qytetarëve atje besojnë se jeta e tyre është “më e mirë” sot, edhe pse rreth 40% e konsiderojnë “më të keqe”.

    Si u realizua studimi

    Anketa është zhvilluar online, me një mostër përfaqësuese të popullsisë nga 18 deri në 75 vjeç në secilin vend.
    Në total janë anketuar:

    Slloveni (n=512)
    Kroaci (n=511)
    Bosnje e Hercegovinë (n=516)
    Serbi (n=511)
    Maqedoni e Veriut (n=509)
    Kosovë (n=425)
    Mal i Zi (n=317)

     

  • Procesi i numërimit të votave për kandidatët të kuvendeve komunale fillon në orën 16:00

    Procesi i numërimit të votave për kandidatët të kuvendeve komunale fillon në orën 16:00

    KQZ do të fillojë sot numërimin e votave për asambleistë të kuvendeve komunale.

    Valmir Elezi nga KQZ tha se numërimi do të fillojë sot në qendrat komunale të numërimit.

    “Votat e kandidatëve për anëtarët e kuvendeve komunale numërohen në qendrat komunale të numërimit”, tha Elezi.
    Tutje Elezi tha se ky proces nis nga ora 16:00.

    Kosova dje përmbylli procesin e zgjedhjeve lokale. Nga 2 milionë e 25 mijë e 105 qytetarë me të drejtë vote, 811 mijë e 984 prej tyre votuan duke përfaqësuar 40.10% pjesëmarrjen në votime në zgjedhjet lokale në nivel vendi.

  • Kurti kërkon hetim nga Policia e Prokuroria: Exit Pollet në Mitrovicë nuk ishin huqje, por cenim i zgjedhjeve të lira

    Kurti kërkon hetim nga Policia e Prokuroria: Exit Pollet në Mitrovicë nuk ishin huqje, por cenim i zgjedhjeve të lira

    Kryeministri në detyrë, Albin Kurti, njëherësh kryetar i Lëvizjes Vetëvendosje, ka thënë se raportimet e djeshme për komunën e Mitrovicës së Jugut, lidhur me rezultatet në zgjedhje, do të hetohen.
    Sipas tij, në exitpollet e prezantuara dhe në raportimet për fitues para mbylljes së vendvotimeve, nuk bëhet fjalë për huqje por për ndërhyrje flagrante në procesin zgjedhor.

    Në konferencën për media të mbajtur të hënën, Kurti ka ftuar organet e sigurisë dhe të drejtësisë të merren me këtë çështje, raporton Koha.

    “Ajo çka ndodhi më 12 tetor rreth raportimeve për Mitrovicën duhet hetuar e hulumtuar. Nuk bëhet fjalë vetëm për huqje, por një inxhiniering të paramenduar, për ndërhyrje flagrante në procesin zgjedhor. Exitpollet e prezantuara gabimisht me 16 pikë të përqindjes dallim e më tepër se aq nga më shumë se një organizatë dhe për të njëjtën komunë, dhe postimi i lajmeve të rreme se kush ishte fituesi ende pa u mbyllur vendvotimet, nuk janë thjeshtë huqje por cenim i demokracisë, i zgjedhjeve të lira dhe i integritetit e i sigurisë së shtetit tonë. I ftoj organet e sigurisë dhe drejtësisë të merren me këtë çështje”, ka deklaruar Kurti.

    Kurti ka thënë se për këtë komunë është propaganduar që nga orët e para të mëngjesit.

    “Sa i përket Mitrovicës, prej orës 10:00 është propaganduar maksimalisht se si në komunën jugore të Mitrovicës po fiton kandidati i PDK-së pa balotazh dhe madje me fitore të thellë. Minimalisht për 16 pikë të përqindjes ka pasur huqje. Por, këto huqje kanë qenë të njëjta nga disa burime dhe në të njëjtën kohë. Kjo do të thotë se ka diçka unike sipër tyre, por i përket organeve të drejtësisë dhe sigurisë që ta hetojnë dhe hulumtojnë këtë cenim të integritetit të shtetit, të sigurisë së shtetit përveçse votës së lirë të qytetarëve dhe të zgjedhjeve demokratike”, ka thënë ai.

    I pyetur për mundësitë e bashkëpunimit me partitë e tjera në balotazh, Kurti ka thënë se do të bëjnë analizë të hollësishme për rezultatin zgjedhor, e më pas të bëjnë plane.

    “Do të bëjmë një analizë të hollësishme për rezultatin zgjedhor, Vetëm pas kësaj analize do t’i bëjmë planet dhe përgatitjet e duhura për rrugën përpara”, ka thënë ai.

    Ai tutje ka folur edhe për rezultatet preliminare, për çka tha se me votat nga diaspora presin që edhe Gjilani të fitohet pa balotazh nga kjo parti.

    “Me votat nga diaspora mund të dalë që e kemi fituar edhe Gjilanin pa balotazh. Jemi në balotazh në 12 nga 17 komuna sa kanë shkuar në balotazh. Rezultatet tregojnë qartë se Lëvizja jonë jo vetëm që ka ruajtur rritjen nga cikli në ciklin tjetër zgjedhor, por është ngritur si forca kryesore politike në republikën e Kosovës edhe në nivelin lokal. Kjo është dhurata më e çmueshme”, ka theksuar ai.