Blog

Gjiganti italian Juventus nuk e ka ndërmend ta vë në shitje sulmuesin francez Khephren Thuram.

Tre gjigantët e Premierligës anglez Arsenal, Chelsea ashtu edhe Liverpool kanë shprehur interesim për Thuram,por tek “Zonja e Vjetër”kanë vendosur që mos ta lënë të lirë francezin 24-vjeçar.

Përndryshe Thuram konsiderohet si pjesë e projektit të bianconerëve në të ardhmen,njëjtë sikurse edhe ylli turk Kenan Yildiz dhe të dy futbollistët konsiderohen si të paprekshëm.

Ndërkohë mbetet të shihet sesi do të rrjedhin gjërat në vazhdim,se nëse Thuram do të jetë pjesë e Juventusit apo jo,ose francezi ndoshta një ditë mund të luaj në Premierligë.

Kujtojmë që Khephren Thuram ka bërë 6 paraqitje këtë sezon,duke arritur të shënoj vetëm 1 gol e bëri 1 asistim.

Ish-portieri legjendar, Iker Casillas, ka ndarë një përvojë personale dhe prekëse nga viti 2019, kur përjetoi një ataku në zemër dhe u dërgua menjëherë në spital.

“Ditën tjetër mora një telefonatë nga një numër i panjohur. Kur mora, ishte Messi në linjë,” rrëfeu Casillas.

Ylli argjentinas i tha: “‘Hej Iker, nuk kisha numrin tënd, por e mora nga Piqué. Shpresoj të rikuperohesh sa më shpejt. Të kam dërguar një buqetë me lule, shpresoj të të pëlqejë.’”

Casillas pranoi se ishte i mahnitur nga përulësia e Messit, duke shtuar se nuk ishin miq para kësaj ngjarjeje, dhe megjithatë Messi gjeti kohë të tregojë kujdes dhe mbështetje.

Ky moment nuk tregon vetëm talentin e jashtëzakonshëm të Messit në fushë, por edhe zemrën e madhe dhe personalitetin e veçantë të një prej futbollistëve më të mëdhenj të brezit të tij.

Ish-lojtari më i mirë i NBA-së, Russell Westbrook, është zyrtarisht pjesë e skuadrës Sacramento Kings. Lajmin e ka konfirmuar agjenti i tij, Jeff Schwartz, për median prestigjioze ESPN.

36-vjeçari po hyn në sezonin e tij të 18-të në NBA, duke sjellë me vete një përvojë të jashtëzakonshme dhe statistika mbresëlënëse. Westbrook mban rekordin për më shumë “triple-double” në historinë e ligës, është i 20-ti në pikët e shënuara dhe i teti në asiste, duke u konsideruar si një nga “all-around” lojtarët më të mëdhenj që ka parë ndonjëherë NBA.

Karrierën e nisi me Oklahoma City Thunder, ku u bë MVP i sezonit pasi Kevin Durant u largua drejt Golden State Warriors. Që nga ajo kohë, ai ka luajtur për disa skuadra të njohura, duke përfshirë Houston Rockets, Washington Wizards, Los Angeles Lakers dhe së fundmi Denver Nuggets, ku sezonin e kaluar mesatarisht regjistroi 13.3 pikë, 4.9 kërcime dhe 6.1 asiste për ndeshje.

Transferimi te Kings shihet si një mundësi e re për veteranin e famshëm të rikthejë energjinë dhe udhëheqjen e tij në një ekip që synon të kthehet në garë për playoff.

Thomas Tuchel ka shkruar historinë me Kombëtaren e Anglisë, duke u bërë trajneri i parë ndonjëherë që fiton gjashtë ndeshjet e para zyrtare pa pësuar asnjë gol.

Që nga momenti që mori drejtimin e “Tre Luanëve”, Tuchel ka sjellë një ndryshim të madh në stilin e lojës, duke vendosur disiplinë taktike dhe stabilitet mbrojtës që po japin rezultate të jashtëzakonshme.

Skuadra angleze nën drejtimin e gjermanit duket më e ekuilibruar dhe më e fortë se kurrë, ndërsa mediat britanike e kanë cilësuar këtë fillim si “perfekt” dhe “premtues për një periudhë të re suksesi”.

Tuchel tashmë e ka futur emrin e tij në librat e historisë së futbollit anglez — dhe duket se ky është vetëm fillimi i një kapitulli të artë për Anglinë.

Zymer Bytyqi po përballet me një nga periudhat më të vështira të karrierës së tij. Pas largimit nga CSKA Sofia, sulmuesi anësor shqiptar aktualisht është pa skuadër, ndërsa e ardhmja e tij mbetet e paqartë.

Në Turqi, mediat kanë rikujtuar periudhën e artë të 29-vjeçarit te Konyaspor, ku ai ishte një nga lojtarët më të dashur nga tifozët dhe një element kyç në sulmin e skuadrës. Në atë kohë, Bytyqi arriti formën më të mirë, duke fituar respektin e futbollit turk me shpërthimet e tij në krah dhe lojën e shpejtë.

Sipas “Transfermarkt”, vlera aktuale e lojtarit vlerësohet në 2.5 milionë euro, megjithatë performanca e tij ka pësuar rënie gjatë dy viteve të fundit. Pikërisht pas periudhës te Antalyaspor dhe më pas te CSKA Sofia, karriera e tij nisi të marrë tatëpjetën.

Bytyqi ka zhvilluar 24 ndeshje me përfaqësuesen e Kosovës, ku ka shënuar një gol, ndërsa mbetet ende një lojtar me potencial për t’u rikthyer në nivele të larta.

Disa klube europiane dhe nga Lindja e Mesme po e ndjekin situatën e tij, ndërsa në Turqi po shtohen zërat për një rikthim të mundshëm në Superligën turke, ku ai gëzon ende reputacion pozitiv.

Tani, mbetet për t’u parë nëse sulmuesi i talentuar do të gjejë një destinacion të ri që do ta rikthejë në formën e dikurshme dhe në qendër të vëmendjes.

Ylli turk Arda Güler është duke përjetuar momente të mira tek klubi mbretëror spanjoll.

Guler i cili dy sezone më parë ka pasur mjaft vështirësi,por gjërat këtë sezon kanë ndryshuar për turkun dhe tani në çdo ndeshje po tregon klasin e tij.

Përndryshe drejtuesit e Real Madridit po mendojnë që të ofrojnë një kontratë të re 20 vjeçar,dhe për më tepër Guler do të kishte një rrogë më të madhe nga ajo aktuale.

Kjo kontratë e re padyshim vije pas paraqitjeve pozitive me Real Madridin,dhe në anën tjetër kjo do të thotë se Guler është pjesë e objektivave të “Los Blancos”në të ardhmen.

Kujtojmë që Arda Guler ka bërë 16 paraqitje për Real Madridin në të gjitha garat,duke arritur të shënuar 4 gola e dhuroi 6 asistime.