ATV

Blog

  • Liderët e Ballkanit Perëndimor mblidhen në Londër për Procesin e Berlinit

    Liderët e Ballkanit Perëndimor mblidhen në Londër për Procesin e Berlinit

    Udhëheqësit e Ballkanit Perëndimor do të mblidhen sot në Londër për të marrë pjesë në Procesin e Berlinit, së bashku edhe me udhëheqës të disa vendeve të Bashkimit Evropian, për të biseduar për forcimin e bashkëpunimit politik, ekonomik dhe infrastrukturor, si dhe përshpejtimin e integrimit evropian të vendeve të Ballkanit.

    Procesi i Berlinit është nismë diplomatike e themeluar në vitin 2014 nga kancelarja e atëhershme e Gjermanisë, Angela Merkel, e cila synon afrimin e vendeve të rajonit me Bashkimin Evropian.

    Kryeministri i Mbretërisë së Bashkuar, Keir Starmer, do t’i mirëpresë udhëheqësit nga Kosova, Shqipëria, Serbia, Mali i Zi, Bosnje e Hercegovina, dhe Maqedonia e Veriut, si dhe përfaqësues nga Gjermania, Franca dhe anëtarë të tjerë të BE-së.

    osovën e përfaqëson kryeministri në detyrë, Albin Kurti, Shqipërinë kryeministri Edi Rama, Serbinë, kryeministri Gjuro Macut, Malin e Zi kryeministri Millojko Spajiq, Maqedoninë e Veriut kryeministri Hristijan Mickoski, ndërsa Bosnjën kryetarja e Këshillit të Ministrave të Bosnjë e Hercegovinës, Borjana Krishto.

    Në këtë samit do të marrë pjesë edhe kancelari i Gjermanisë, Friedrich Merz.

    Një ditë para samitit, të martën, Mbreti britanik Charles III e organizoi një pritje për pjesëmarrësit.

    Ministria e Jashtme e Britanisë tha në një komunikatë se udhëheqësit do të bisedojnë për stabilitetin, sigurinë dhe bashkëpunimin ekonomik në rajon, ku lufta kundër migracionit të paligjshëm, veçanërisht në rrugët kryesore të kontrabandës, do të theksohet si temë kyç.

    Britania pret që samiti ta forcojë bashkëpunimin e saj me partnerët evropianë për të zbatuar strategjinë e Qeverisë për t’i forcuar kufijtë, për t’i goditur bandat dhe për t’i kthyer ata që nuk kanë të drejtë të qëndrojnë në vendet e tyre të origjinës.

    Gjithashtu, ajo theksoi se Mbretëria e Bashkuar po kërkon të rindërtojë marrëdhënien e saj me BE-në.

    Deri më tani, udhëheqësit e Ballkanit Perëndimor dhe BE-së janë takuar 11 herë: katër herë në Berlin dhe nga një herë në Londër, Vjenë, Paris, Trieste, Poznan, Sofje dhe Tiranë.

  • Google sjell veçori të reja për përdoruesit e Google Fi

    Google sjell veçori të reja për përdoruesit e Google Fi

    Google ka njoftuar përmirësime dhe veçori të reja për Google Fi Wireless.

    Një nga ndryshimet kryesore është përditësimi i thirrjeve dhe mesazheve në web, me një ndërfaqe të re që mbështet plotësisht mesazhet RCS. Kjo mundëson që përdoruesit të dërgojnë foto dhe video me cilësi të lartë në biseda, edhe kur telefoni i tyre nuk është pranë. Funksioni pritet të jetë i disponueshëm në fillim të dhjetorit, pa kosto shtesë.

    Nga mesi i nëntorit, Google Fi do të përdorë inteligjencën artificiale për të filtruar automatikisht zhurmat e padëshiruara dhe për të përmirësuar qartësinë e zërave në të dyja anët e thirrjes, madje edhe kur një pjesëmarrës përdor një telefon fikse ose të vjetër. Filtrimi aplikohet automatikisht, por mund të çaktivizohet plotësisht.

    Gjithashtu, Google Fi po zgjeron veçorinë Wi-Fi Auto Connect Plus, e cila lidh automatikisht telefonin me rrjete Wi-Fi të sigurta dhe me cilësi të lartë.

  • Të shtëna, zjarr dhe arrestime para Kuvendit të Serbisë në Beograd

    Të shtëna, zjarr dhe arrestime para Kuvendit të Serbisë në Beograd

    Pak pas orës 10:00 të mëngjesit, në të ashtuquajturin “Çacilend”, përpara Kuvendit të Serbisë, shpërtheu zjarr që përfshiu disa tenda. Në pamjet që u publikuan në rrjete sociale dëgjoheshin edhe të shtëna me armë. Një person mbeti i plagosur dhe një tjetër u arrestua.

    Presidenti Aleksandar Vuçiq më vonë bëri publik emrin e sulmuesit, duke thënë se bëhet fjalë për një pensionist 70-vjeçar, ish-punonjës i Shërbimit të Sigurisë (DB). Gjatë konferencës së tij u transmetuan edhe pamje nga marrja në pyetje e të arrestuarit nga policia.

    Zjarrfikësit ndërhynë shpejt dhe zjarri u vu nën kontroll. Ministri i Shëndetësisë, Zlatibor Lonçar, deklaroi se personi i plagosur – banor i “Çacilendit” – është në gjendje kritike për jetën dhe pritet t’i nënshtrohet një operacioni urgjent.

    Një numër i madh forcash policore ndodhen ende përreth kampit të tendave dhe ndërtesës së Kuvendit të Serbisë. Ndërkohë, seanca e Kuvendit është zhvilluar pa ndërprerje dhe ka përfunduar rreth orës 12:00.

  • Helmohen disa nxënës në Vitomiricë të Pejës, Policia dhe Prokuroria nisin hetimet

    Helmohen disa nxënës në Vitomiricë të Pejës, Policia dhe Prokuroria nisin hetimet

    Disa nxënës të shkollës së mesme “7 shtatori” në fshatin Vitomiricë në Pejë dyshohet se janë helmuar.

    Zëdhënësi i policisë për rajonin e Pejës, Fadil Gashi ka thënë se rasti dyshohet të ketë ndodhur pasditen e së martës.

    “Policia e ka marrë dje informatën. Disa nxënës dje masdite kanë kërkuar ndihmë në QMF në Vitomiricë, pasi dyshohet se kanë ngrënë në afërsi të një furre pranë shkollës. Nxënësit kanë pasur dhimbje barku. Kemi kontaktuar me Drejtorin dhe ai ka lajmëruar DKA-në. Është lajmëruar edhe Prokurori dhe ka caktuar hetuesit që ta hetojnë rastin”, tha Gashi.
    Ekipi i ATV-së është në terren dhe do të sjellë informata të përditësuara në edicionet e lajmeve.

  • Zyrtare: Hansi Flick i pezulluar për El Clasicon – apeli i Barcelonës refuzohet

    Zyrtare: Hansi Flick i pezulluar për El Clasicon – apeli i Barcelonës refuzohet

    Trajneri i Barcelonës, Hansi Flick, do të mungojë në El Clasicon e shumëpritur kundër Real Madridit, që zhvillohet këtë të diel, më 26 tetor, pasi Federata Spanjolle e Futbollit (RFEF) ka refuzuar ankesën e klubit katalanas për anulimin e kartonit të kuq të marrë ndaj Girona-s.

    Trajneri gjerman u përjashtua nga loja pas dy kartonëve të verdhë të marrë gjatë një ndeshjeje të tensionuar dhe emocionuese që përfundoi me fitoren e ngushtë 2-1 për Barcelonën. Gjyqtari Gil Manzano, i cili e drejtoi takimin, e ndëshkoi Flick për protesta të vazhdueshme ndaj vendimeve arbitrale në pjesën e dytë të ndeshjes.

    Pavarësisht përpjekjeve të klubit për të anuluar ndëshkimin, RFEF e hodhi poshtë kërkesën, duke konfirmuar se Hansi Flick do të vuajë një pezullim një ndeshjeje, duke e lënë kështu jashtë bankinës në sfidën më të madhe të sezonit.

    Në deklaratën zyrtare të federatës thuhej:

    “Është e përshtatshme të rrëzohet kërkesa për anulimin e ndëshkimit të dyfishtë që është objekt i kësaj ankese. Rrjedhimisht, vendoset të mbështeten pasojat disiplinore që rrjedhin nga përjashtimi i z. Hans-Dieter Flick, duke vazhduar me vendosjen e një pezullimi prej një ndeshjeje siç parashikohet në nenin 120 të Kodit Disiplinor të RFEF, së bashku me gjobat shtesë përkatëse në përputhje me nenin 52.”

    Kjo është një goditje për Katalunasit, të cilët do të përballen me rivalin historik Real Madridin në një përballje kyçe për luftën në kreun e La Ligës. Mungesa e trajnerit Flick në bankinë pritet të ndikojë në aspektin taktik dhe motivues të skuadrës në një ndeshje që gjithmonë sjell tension dhe spektakël të madh.

    Ndihmësit e tij do të udhëheqin ekipin nga zona teknike, ndërsa Flick do të detyrohet ta ndjekë takimin nga tribuna. /ATVLIVE.TV

  • 2 Korriku përballet me Hibernian në UEFA Youth League

    2 Korriku përballet me Hibernian në UEFA Youth League

    Skuadra e të rinjve e klubit 2 Korriku nga Prishtina do të zbresë sonte në fushë kundër ekipit skocez Hibernian, në kuadër të raundit të parë të UEFA Youth League, garës më prestigjioze evropiane për grupmoshat e reja.

    Ky përfaqësim ka një rëndësi të veçantë, pasi është hera e dytë në histori që një klub nga Kosova, në kategorinë e të rinjve, merr pjesë në këtë kompeticion të organizuar nga UEFA. Kurorëzimi i

    2 Korrikut si përfaqësues i vendit në këtë ligë vjen si rezultat i paraqitjeve të shkëlqyera dhe punës së palodhur me talentët e rinj në futbollin kosovar.

    2 Korriku, një emër i njohur në futbollin vendor për zhvillimin e lojtarëve të rinj, do të kërkojë një rezultat pozitiv në përballjen e parë jashtë vendit, e cila do të zhvillohet në stadiumin
    “Easter Road” në Edinburg të Skocisë. Përballja me Hibernian, një klub me traditë në zhvillimin e futbollistëve të rinj, paraqet një sfidë të madhe, por edhe një mundësi të artë për të treguar potencialin që ekziston në futbollin e të rinjve në Kosovë.

    Takimi do të fillojë në orën 20:45, dhe pritet me interes të madh nga opinioni sportiv në Kosovë, i cili mbështet fuqishëm suksesin e ekipeve vendore në arenën ndërkombëtare. /ATVLIVE.TV

  • Sot ndeshja e parë, derbi të shtunën në hendboll

    Sot ndeshja e parë, derbi të shtunën në hendboll

    Me ndeshjen Vëllaznimi – Prishtina hapet xhiroja e gjashtë e Superligës së Kosovës në hendboll në konkurrencë të meshkujve.

    Kjo ndeshje zhvillohet sot (e mërkurë) nga ora 19:00 në palestrën “Shani Nushi” në Gjakovë. Të dy skuadrat e shohin mundësinë për të fituar pikë dhe rrjedhimisht pritet ndeshje e fortë dhe interesante.

    Të enjten janë dy ndeshjet tjera: Llapi – Besa Famgas dhe Trepça – Vushtrria.

    Ndeshja në Podujevë zhvillohet nga ora 19:30, ndërsa në termin të njëjtë është edhe takimi në Mitrovicë.

    Ndërkohë derbi i xhiros është caktuar të luhet të shtunën nga ora 19:00 në palestrën “Bill Clinton” në Ferizaj. Takohen fitues i Kupës, Kastrioti, dhe kampioni, Rahoveci.

    Ndeshja pritet të arsyetojë epitetin e derbit. Të dy skuadrat tashmë janë të fokusuara plotësisht në garën për titull të kampionit, kurse synojnë që në derbi të dëshmojnë cilësinë që kanë. /ATVLIVE.TV

  • Kanella e mirë për humorin dhe kujtesën

    Kanella e mirë për humorin dhe kujtesën

    Shumë shpesh ndjejmë se harrojmë gjëra ose nuk i përmbushim detyrimet ashtu siç do të dëshironim. Përveç ushtrimeve të rregullta dhe ujit të bollshëm, të cilat ndihmojnë në përmirësimin e kujtesës, hulumtimet tregojnë se edhe disa erëza anti-inflamatore mund të kenë një efekt të dobishëm mbi trurin dhe humorin tonë.

    Sipas Joanna Wen, konsulente shëndetësore, një nga këto përbërës është kanella, e njohur për vetitë e saj anti-inflamatore dhe përfitimet e shumta për organizmin.

    Përveçse është e shijshme, kanella mund të ndihmojë në forcimin e metabolizmit, por më e rëndësishmja: ajo stimulon trurin, përmirëson kujtesën dhe ndikon pozitivisht në humorin tonë. Një mënyrë e lehtë për ta përfshirë në rutinën tuaj është të shtoni kanellën në pijet tuaja të përditshme, duke e kombinuar me mjaltë, për të përfituar shijen dhe të gjitha efektet e saj të dobishme.

  • Bëri bujë me historinë e dashurisë me Gjestin, Egli Tako në një romancë të re? Kush është djali misterioz që është shfaqur pranë këngëtares

    Bëri bujë me historinë e dashurisë me Gjestin, Egli Tako në një romancë të re? Kush është djali misterioz që është shfaqur pranë këngëtares

    Vëmendja ndaj Egli Takos ka qenë gjithmonë e madhe, veçanërisht për jetën e saj private, e cila ka qenë shpesh kryefjala e mediave për shkak të raportit që ajo kishte me Gjestin. Sidoqoftë, pak kohë më parë, këngëtarja pranoi publikisht se marrëdhënia mes tyre kishte përfunduar.

    Së fundmi, në rrjetet sociale kanë nisur thashetheme për një mashkull të ri që shoqëron Egli në disa raste. Në disa postime, ajo shfaqet pranë një personi enigmatik, por ende nuk dihet nëse bëhet fjalë për një lidhje të re, apo për një mik apo të afërm të saj. Egli ka zgjedhur të mos zbulojë asnjë detaj nga jeta private, duke preferuar të përqendrohet tek karriera e saj në muzikë dhe televizion.

    Vetëm pak ditë më parë, ajo ka ndarë në rrjet disa buqeta me lule që ka marrë në ambientet e punës, të cilat ishin surprizë nga fansat. Megjithatë, disa ndjekës kanë spekuluar se ndonjë prej tyre mund të ketë qenë nga një partner i mundshëm. Për shkak të natyrës hermetike të Eglit, veçanërisht për jetën private muajt e fundit, është e vështirë që ajo të zbulojë diçka.

    Në një intervistë për emisionin “The Dalina Show”, Egli foli për raportin e saj me Gjestin, duke sqaruar se marrëdhënia e tyre nuk kishte asnjë komponent romantik, por ishte një lidhje shoqërore që e ndihmonte të kalonte kohën më lehtë brenda katër mureve të shtëpisë.

    “Brenda shtëpisë ndjeva afeksion për disa persona dhe këtë e shpreha gjithmonë. Me kalimin e javëve, njerëzit bëhen më egoistë dhe mendojnë vetëm për lojën e tyre, por unë kurrë nuk kam qenë e tillë. Për Gjestin, kam thënë disa herë: ‘të dua shumë si njeri’. Dhe kjo është më e rëndësishme se gjithçka tjetër,” tregoi ajo.

    Aktorja shtoi se ndjenjat dhe lidhjet brenda shtëpisë shpesh dukeshin më intensive se sa ishin në realitet. “Je aty 24 orë në ditë, gjithçka bëhet më intensive, por nuk ka të bëjë me ndjenja të thella romantike. Ishte më shumë lojë, një person i duhur në momentin e duhur. Unë isha personazhi i gabuar në vendin e duhur.”

    Egli pranoi se edhe ajo vetë kishte përjetuar një kohë të tillë ‘deluzive’. “Ndoshta edhe unë e kam përjetuar këtë, por sot e shoh ndryshe. Ai nuk më frymëzonte në kuptimin e madh, thjesht kalonim mirë dhe qeshnim. Dua ta kujtoj si një mik të asaj kohe.”

    Duke folur për të ardhmen, këngëtarja ishte e qartë: “Jam beqare dhe kam vendosur të mbyll këtë kapitull. Më vjen keq nëse zhgënjej disa njerëz që i dua shumë, por nuk dua të jetoj më në deluzion. Dua ta kujtoj këtë eksperiencë si diçka të bukur dhe të mbaj mend vetëm gjërat e mira.”

    Pas kësaj interviste, ende nuk dihet nëse Egli ka një lidhje të re, dhe ndjekësit e saj vazhdojnë të spekulojnë.

  • Gjykata e dënoi për shpifje, reagon aktorja Egla Ceno: Do e apeloj vendimin

    Gjykata e dënoi për shpifje, reagon aktorja Egla Ceno: Do e apeloj vendimin

    Gjykata e Tiranës ka vendosur se Egla Ceno është fajtore për shpifje ndaj Saimir Kodrës. Në një intervistë për emisionin “Goca dhe Gra”, Ceno deklaroi se nuk do të komentojë vendimin deri në zbardhjen e tij zyrtare dhe se ka ndërmend ta apelojë çështjen, duke e ndjekur deri në fund në të gjitha hapat ligjorë.

    Aktorja u shpreh se qëndron pas deklaratës së saj të mëparshme, në të cilën pretendonte se ishte ngacmuar seksualisht në vendin e punës nga Kodra.

    “Nuk marr përsipër të flas për vendimin e gjykatës, ende nuk është zbardhur. Avokati më ka informuar se jam dënuar si fajtore dhe detyrohem të publikoj një përgënjeshtrim në media. Por arsyetimi i vendimit ende nuk është i qartë,” tha Ceno.

    Ajo shtoi se videoja e saj në Instagram, ku shpreh fjalën e fundit në seancë, është përshtypja e saktë e asaj që ka thënë, pa asnjë ndryshim. “Unë nuk do tërhiqem. Me mjete ligjore do ta vazhdoj këtë betejë, dhe do ta bëja këtë edhe dy herë, nëse do të duhej,” theksoi ajo.

    Egla Ceno vuri në dukje rëndësinë e diskutimit publik të çështjes: “Më gëzon që kjo kauzë po diskutohet hapur. Është e rëndësishme që njerëzit të jenë të kujdesshëm në interpretimin e fjalëve të mia, sepse kjo është një çështje që kërkon durim, dhe unë kam gjithë durimin për ta ndjekur deri në fund.”

    Aktorja shpjegoi se rrëfimi i saj ishte personal dhe i lidhur me një kauzë me rëndësi sociale, dhe jo rezultat i emocioneve të momentit. “Do ta ankimoj vendimin dhe do të shkoj deri në fund. Nuk ka pasur mundësi të flisja më herët, por tani kushtet janë të përshtatshme,” tha Ceno.

    Ajo theksoi gjithashtu se nuk ka pasur asnjë kontakt apo marrëdhënie me Kodrën pas deklaratës dhe se çdo gjë që ka për të thënë do të zhvillohet brenda institucioneve përkatëse.