ATV

Blog

  • ZYRTARE: UEFA publikon “Ekipin e Javës” për Champions League xhiroja e tretë

    ZYRTARE: UEFA publikon “Ekipin e Javës” për Champions League xhiroja e tretë

    UEFA ka publikuar formacionin zyrtar të “Team of the Week” për xhiron e tretë të fazës së grupeve në Champions League, duke përzgjedhur futbollistët që spikatin me paraqitje të jashtëzakonshme në ndeshjet e fundit të garës më prestigjioze evropiane.

    Në këtë javë të mbushur me gola, kthesa dramatike dhe surpriza të mëdha, UEFA ka vlerësuar 11 yje që shkëlqyen në fushë me ndikimin e tyre vendimtar për skuadrat respektive.

    Formacioni i javës sipas UEFA-s përfshin:
    Portier: Vicario (Tottenham).
    Mbrojtës: Dumfries (Inter), Van Dijk (Liverpool), Gabriel (Arsenal), Mendes (PSG).
    Mesfushorë: Karl (Salzburg), Nmecha (Borussia Dortmund), Fermin Lopez (Barcelona).
    Sulmues: Man (Porto), Guruzeta (Athletic Bilbao), Gordon (Newcastle).

    Këta futbollistë dhanë spektakël në mbrëmjet e Championsit — me gola, asistime dhe paraqitje që bënë diferencën.
    • Fermin Lopez vazhdon të mahnitë te Barcelona me një tjetër ndeshje të shkëlqyer, duke treguar se është një nga talentet më premtues të klubit katalanas.
    • Gordon i Neëcastle ishte i pandalshëm në krah, duke shkaktuar probleme të mëdha për mbrojtjet kundërshtare.
    • Guruzeta nga Athletic Bilbao i dha ekipit të tij ritmin e duhur me efikasitetin para portës, ndërsa Man konfirmoi formën e tij të lartë te Porto.
    • Në mesfushë, Nmecha dhe Karl kontrolluan lojën me inteligjencë dhe saktësi, ndërsa Van Dijk dhe Gabriel u dalluan për dominim dhe siguri në prapavijë.

    UEFA ka publikuar këtë formacion në faqet zyrtare, duke ndezur debat mes tifozëve nëse zgjedhjet ishin të drejta apo nëse disa emra të mëdhenj janë lënë jashtë.

  • Tetë të lënduar në aksidentin në Sojevë të Ferizajt

    Tetë të lënduar në aksidentin në Sojevë të Ferizajt

    Tetë persona kanë pësuar lëndime trupore si pasojë e një aksidenti mes dy veturave në rrugën Gjilan-Ferizaj, saktësisht në fshatin Sojevë.

    Kështu konfirmoi, Kanun Veseli- zëdhënës i Policisë për rajonin e Ferizajt.

    “Sot, më datë 23.10.2025, rreth orës 15:00, në rrugën rajonale Gjilan-Ferizaj në fshatin Sojevë ka ndodhur një aksident trafiku me të lënduar, ku janë përfshirë dy automjete me targa vendore. Si pasojë e aksidentit, përveç dëmeve materiale në automjete, lëndime trupore kanë pësuar tetë persona”, tha Veseli.

    Ai shtoi se në vendin e ngjarjes kanë dalë njësitë policore të trafikut, ekipet e zjarrfikësve dhe dy autoambulanca, të cilat janë angazhuar në ofrimin e ndihmës së nevojshme për të lënduari.

    Sipas Veselit, hetimet lidhur me shkaqet dhe rrethanat e aksidentit janë duke vazhduar.

  • Sorensen e Ulutas diskutojnë për situatën e sigurisë në Kosovë

    Sorensen e Ulutas diskutojnë për situatën e sigurisë në Kosovë

    I dërguari i Bashkimit Evropian për dialogun, Peter Sorensen, gjatë qëndrimit në Kosovë, të mërkurën, ka takuar edhe komandantin e Misionit të NATO-s në Kosovë, KFOR-it, Ozkan Ulutas.

    “Takimi u përqendrua në situatën e sigurisë në Kosovë, stabilitetin rajonal dhe mbështetjen e vazhdueshme të KFOR-it për dialogun e lehtësuar nga Bashkimi Evropian ndërmjet Beogradit dhe Prishtinës”, u tha në njoftimin e KFOR-it, të enjten.

    Gjatë takimit Ulutas, ka nënvizuar përkushtimin e gjatë dhe të palëkundur të NATO-s dhe BE-së për të punuar në harmoni me qëllim të konsolidimit të një mjedisi të qëndrueshëm dhe të sigurt për të gjitha komunitetet që jetojnë në Kosovë dhe për stabilitetin rajonal.

    Sorensen, të mërkurën, gjatë qëndrimit në Kosovë takoi edhe zëvendëskryeministrin në detyrë të Kosovës, Besnik Bislimin, ku ky i fundit i kërkoi diplomatit danez nisjen urgjente të punës së Komisionit të Përbashkët për Personat e Zhdukur

    “Bislimi theksoi gjithashtu se duhet të trajtohet me urgjencë dhe vëmendjen e merituar çështja e personave të zhdukur me dhunë, në mënyrë që të fillohet edhe me punën e Komisionit të Përbashkët, gjersa e kemi një marrëveshje të dakorduar nga dhjetori i vitit të kaluar”, thuhet në njoftimin për shtyp të Zyrës së Kryeministrit.

    Sorenseni nuk është deklaruar ende për takimin me Bislimi.

    Ndryshe, vizita e Sorensenit vjen pas identifikimit dhe zhvarrimit të mbetjeve mortore të katër personave në varrezat e lagjes Hajvali në Prishtinë, të cilat dyshohen se i përkasin personave të zhdukur gjatë luftës në Kosovë në vitit 1998-1999./ATVLIVE/

  • Neymar mund të kalojë në MLS tek Inter Miami

    Neymar mund të kalojë në MLS tek Inter Miami

    Ylli brazilian Neymar,mund të largohet nga gjiganti i mirënjohur Santos.

    Sipas raportimeve të mediave Neymar mund të kalojë në MLS tek Inter Miami,që do të thotë se mund të ribashkohet me yje si Lionel Messi dhe Luis Suarez.

    Përndryshe Neymar kishte shprehur dëshirën që një ditë të rikthehet në Evropë,edhe pse deri më tani nuk ka pasur interesim nga klubet e ndryshme evropiane.

    Ndërkohë në anën tjetër Kupa e Botës vetëm po afrohet,dhe Neymar dëshiron të tregojë se e meriton një vend në Kombëtaren e Brazilit,teksa mbetet të shihet se nëse do të rikthehtet në elitën e futbollit evropian apo do të kalojë në MLS.

    Kujtojmë që Neymar ka kontratë deri më 31 dhjetor të këtij viti,teksa skuadra e tij Santos aktualisht po lufton për mbijetesë në kampionatin brazilian.

  • Messi rinovon kontratën me Inter Miamin deri në vitin 2028

    Messi rinovon kontratën me Inter Miamin deri në vitin 2028

    Sulmuesi argjentinas Lionel Messi ka vazhduar kontratën me Inter Miamin edhe për tre vite të tjera.

    Pavarësisht spekulimeve të shumta për një rikthim të mundshëm në Argjentinë, Messi i ka hedhur poshtë ato zëra duke firmosur marrëveshjen e re me klubin amerikan.

    Sipas gazetarit të njohur Fabrizio Romano, marrëveshja ishte arritur që javën e kaluar, ndërsa tani është zyrtarizuar pas aprovimit nga MLS.

    “Lionel Messi nënshkruan kontratën e re me Inter Miamin e vlefshme deri në dhjetorin e vitit 2028”. “Messi qëndron edhe për tre vite tjera te Inter Miami”, thuhet ndër të tjera në komunikatë.

    Me këtë rinovim, Messi siguron qëndrimin e tij në futbollin amerikan deri pas Kupës së Botës 2026 — çka nënkupton se ai pritet të përfaqësojë edhe një herë Argjentinën në turneun më të madh botëror. /ATVLIVE.TV

  • Kombëtarja U20 mbajti grumbullim njëditor, gati për sfidat me Katarin

    Kombëtarja U20 mbajti grumbullim njëditor, gati për sfidat me Katarin

    Kombëtarja U20 e Kosovës ka zhvilluar sot një grumbullim njëditor seleksionues me futbollistë nga kampionati vendor, në kuadër të përgatitjeve për dy ndeshjet miqësore që do t’i zhvillojë në fillim të muajit nëntor kundër Kombëtares U20 të Katarit, më 2 e 5 nëntor.

    Përzgjedhësi i kësaj grupmoshe, Bekim Isufi, së bashku me ndihmësit Sunaj Keçi dhe Erdin Hashani, kanë vëzhguar futbollistët në një ndeshje testuese, me qëllim të evidentimit të formës dhe potencialit të secilit prej tyre.

    Grumbullimi i radhës i Kombëtares U20 është planifikuar për 30 tetor, ku krahas futbollistëve nga kampionati vendor do të ftohen edhe lojtarët që luajnë në kampionate evropiane, për të krijuar një pasqyrë më të plotë të kësaj gjenerate dhe për t’u përgatitur për dy sfidat ndaj Katarit.

    Pas përfundimit të grumbullimit, përzgjedhësi Bekim Isufi deklaroi: “Kemi një gjeneratë që premton, me futbollistë të lindur në vitet 2006, 2007 dhe 2008. Vërehet dallimi tek ata që kanë pasur paraqitje të rregullta, sidomos në Ligën e Parë. Shpresojmë që me ardhjen e lojtarëve nga kampionatet evropiane të krijojmë një ekip konkurrues. Ky ishte vetëm një grumbullim njëditor, prandaj nuk mund të japim vlerësim të plotë për këta djem, pasi ende nuk e njohin mirë lojën e njëri-tjetrit. Megjithatë, do të vazhdojmë me grumbullime të tjera, në mënyrë që të kemi një pasqyrë më reale për secilin prej tyre”. /ATVLIVE.TV

  • Poeti Lulzim Tafa nderohet me çmimin mbarëkombëtar për poezi “At Gjergj Fishta”

    Poeti Lulzim Tafa nderohet me çmimin mbarëkombëtar për poezi “At Gjergj Fishta”

    Në Pallatin e Kulturës “Ded Ndue Lazri” në Lezhë, data 23 tetor u shënua me një ceremoni të veçantë kushtuar letërsisë shqipe. Në këtë ditë të shenjtë, u kujtua lindja e Gjergj Fishtës, një prej figurave më të mëdha të letërsisë kombëtare.

    Në një ambient të ngrohtë kulturor, Shqipëria hapi dyert për të nderuar edhe zërat poetikë, trashëgimtarë të flakës së Fishtës.

    Në mesin e tetëdhjetë poetëve të pranishëm, poeti i njohur kosovar Lulzim Tafa u nderua me çmimin mbarëkombëtar për poezi “At Gjergj Fishta”.

    “Kur një poet vlerësohet me një çmim është gjë e bukur sepse do të thotë se fjala e tij e ka prekur dikë. Unë poezinë kurrë nuk e kam konsideruar arritje, poezinë gjithmonë e kam konsideruar ecje. Ndoshta duke qenë edhe shkollë e Ali Podrimjes, sepse i takoj gjeneratës së poetëve të viteve të 90-ta në Kosovë. Podrimja kishte një varg ku thoshte “poezia më e bukur nuk është shkruar ende” – dhe një gjysmë-vargu tjetër që thoshte “as nuk është shkruar kurrë””, tha Tafa pasi e pranoi çmimin.

    Poeti Tafa theksoi se pavarësisht shumë çmimeve ndërkombëtare që ka marrë, ky i fundit ka një rëndësi të veçantë, të cilin do ta ruajë si një thesar i çmuar në sirtarin e tij.

    “Ky çmim më bën nder për disa arsye. E para, sepse ndahet nga një juri profesionale dhe shumë kompetente. Pastaj, sepse më jepet në një qytet historik. Kur një poet merr një çmim që mban emrin e një poeti, një shkrimtari që ka lënë gjurmë në ndërgjegjen dhe ndjeshmëritë e kombit, atëherë ai nder bëhet edhe përgjegjësi”, shtoi Tafa.

    Në këtë organizim u ndanë edhe dy çmime tjera mbarëkombëtare. Çmimi për roman iu dha Ermal Hasimjës, kurse asi për përkthim, Milena Selimit.

    Ceremonia, herë pas here shoqërohej me pika muzikore të gërshetuara nga veprat e Fishtës.

    Juria, e përbërë nga emra të njohur të letërsisë, me kryetar Rudolf Markun, si dhe anëtarët tjerë Bajram Kosumin e Renestina Halilin, vlerësoi me kujdes të madh përzgjedhjen e fituesve, duke theksuar nivelin e lartë të krijimtarisë së tyre.

    Kryetari i Bashkisë së Lezhës, Pjerrin Ndreu, u shpreh krenar që kjo ceremoni u mbajt siç tha, në tokën e begatë të letërsisë.

    “Duke qenë se Lezha quhet qyteti i muzës, ku në fakt letërsia këtu ka një shenjë shumë të madhe, ka autorë të jashtëzakonshëm”, u shpreh Ndreu.

    Për të pestin vit me radhë, Lezha vazhdon traditën e organizimit të kësaj ceremonie përkujtimore në nder të Gjergj Fishtës dhe për të mbështetur poetët që vazhdojnë të kontribuojnë në letërsinë shqipe.

    Letërsia, siç u theksua, mbetet një pasuri e përhershme e një dritë që ndriçon kombin.

  • Aksident trafiku në fshatin Sojevë të Ferizajt – tetë persona të lënduar

    Aksident trafiku në fshatin Sojevë të Ferizajt – tetë persona të lënduar

    Në rrugën rajonale Gjilan–Ferizaj, në fshatin Sojevë, sot rreth orës 15:00, ka ndodhur një aksident trafiku me të lënduar, ku janë përfshirë dy automjete me targa vendore.

    Sipas informatave nga Policia e Kosovës, si pasojë e aksidentit tetë persona kanë pësuar lëndime trupore, ndërsa automjetet janë dëmtuar materialisht.

    Në vendin e ngjarjes kanë dalë njësitë policore të trafikut, ekipet e zjarrfikësve dhe dy autoambulanca, të cilat kanë ofruar ndihmën e nevojshme për të lënduarit.

    Zëdhënësi i Policisë për rajonin e Ferizajt, Kanun Veseli, ka bërë të ditur se hetimet lidhur me shkaqet dhe rrethanat e aksidentit po vazhdojnë.

  • Dronët rusë vrasin dy gazetarë në lindje të Ukrainës

    Dronët rusë vrasin dy gazetarë në lindje të Ukrainës

    Kjo media, që publikon lajme në gjuhën ruse, tha se gazetarët e vrarë ishin Olena Gramova, 43-vjeçare nga rajoni i Donjeckut dhe Yevgen Karmazin, 33 vjeç nga Kramatorsku. Ndërkaq, gazetari Alexander Kolychev është dërguar në spital për trajtim.

    “Këto nuk janë aksidente apo gabime, por një strategji e qëllimshme ruse për të heshtur të gjitha zërat e pavarur që raportojnë për krimet e luftës së Rusisë në Ukrainë”, shkroi Zelensky në rrjetet sociale.

    Sulmi i së enjtes ndodhi pasi një korrespondent i një media shtetërore ruse u vra në një sulm me dron ukrainas në pjesën e rajonit të Zaporizhjës, të pushtuar nga Moska.

    Më herët këtë muaj, fotoreporteri francez Antoni Lallican u vra gjatë raportimit afër vijës së frontit në rajonin e Donjeckut.

    Që kur ka nisur pushtimi rus i Ukrainës më 2022, disa gazetarë janë vrarë teksa kanë qenë duke mbuluar luftën, megjithëse numri i saktë i viktimave ndryshon në varësi të organizatave monitorues.

    Reporterët pa Kufij thanë se Lallican ishte gazetari i 14-të i vrarë nga ushtria ruse, ndërsa UNESCO njoftoi se ai ishte të paktën punonjësi i 23-të i mediave që ishte vrarë gjatë zbulimit të luftës në dy anët e frontit./REL/

  • Ardon Jashari gati për rikthim – mund të jetë i gatshëm kundër Kosovës

    Ardon Jashari gati për rikthim – mund të jetë i gatshëm kundër Kosovës

    Futbollisti i Kombëtares së Zvicrës, Ardon Jashari, është rikthyer në disa seanca të lehta stërvitore dhe po përgatitet për t’u kthyer në fushën e gjelbër.

    Mesfushori, i cili gjatë afatit kalimtar të verës u transferua te Milani, pritet të jetë në stolin e “kuqezinjve” për ndeshjen kundër Parmës më 8 nëntor.

    Megjithatë, gjithçka varet nga trajneri Murat Yakin – nëse ai e fton, atëherë Jashari pritet të jetë i gatshëm edhe për sfidën ndaj Kosovës në stadiumin “Fadil Vokrri”.

    Kujtojmë se Jashari pësoi një lëndim në fillim të sezonit, që e mbajti jashtë fushave për më shumë se gjashtë javë. /ATVLIVE.TV