Blog

Janë zhvilluar dy ndeshje të ditës së diel të cilat i takuan xhiros së 10-të në Albi Mall Superligë,ku pati ndeshje tejet interesante dhe që u shënuan shumë gola.

Kampioni Drita ka mposhtur në shtëpi me rezultat 3;1 Ferizajn,duke arritur një fitore tejet të rëndësishme.

Ardit Iljazi në minutën e 17-të shënoi autogol për epërsi Dritën në 1:0,teksa Egzon Bejtullai poashtu shënoi autogol për ta barazuar rezultatin në 1:1 kur po zhvillohej minuta e 41-të.

Në pjesën e dytë Drita shënoi edhe dy herë të tjera,ku së pari  Bejtullai realizoi në portën e duhur për 2:1 e më pas Mike Arthur shënoi për 3:1 8 minuta para fundit.

Drita tani ka 17 pikë në pozitën e tretë,teksa Ferizaj ka 10 pikë në pozitën e parafundit.

Ndërkohë ndeshja në të cilën u shënuan plotë 7 gola ishte ajo ndërmjet Llapit dhe Drenicës,ku në fund triumfoi skuadra e Tahir Batatinës.

Blakqori,Gnapi,Sadriu dhe Hyseni shënuan për Llapin,teksa Kreshnik Uka me dy gola dhe Jeton Krasniqi realizuan për ekipin nga Skënderaj.

Llapi pas xhiros së 10-të ngritet në pozitën e 5-të me 13 pikë,kurse Drenica mbetet në pozitën e 7-të me 11 pikë.

Gjiganti katalunas Barcelona,po synon që të bëjë përforcime në repartin e sulmit në sezonin tjetër.
Blaugranasit janë duke synuar transferimin e yllit anglez Mason Greenwood,dhe për të siguruar shërbimet e ti Barca duhet të paguaj rreth 40 milionë euro.
Përndryshe Greenwood po kalon formë fantastike me Olympique Marseille,që prej se anglezi i është bashkuar klubit të mirënjohur francez.
Ndërkohë mbetet të shihet se nëse Greenwood do të jetë pjesë e Barcelonës sezonin e ardhshëm,apo anglezi do të luaj në ndonjë skuadër tjetër në Evropë.
Kujtojmë që Mason Greenwood në 12 ndeshje për Olimpique Marseille ka arritur të shënoj 8 gola,si dhe bëri 4 asistime në të gjitha garat.

Sot, në orën 20:45, Lazio dhe Juventus do të përballen në ‘Stadio Olimpico’ të Romës, në kuadër të javës së 8-të të Serie A. Kjo ndeshje pritet të jetë një përballje e ngjeshur mes dy skuadrave që po kalojnë periudha të vështira.

Lazio ka fituar vetëm dy nga 15 ndeshjet e fundit në shtëpi kundër Juventusit, duke regjistruar 9 barazime dhe 4 humbje.

Juventus ka kaluar një periudhë të vështirë, duke mos fituar në shtatë ndeshjet e fundit në të gjitha kompeticionet.

Në listën e lojtarëve që kanë udhëtuar për në Romë është edhe ylli kosovar, Edon Zhegrova, i cili pret që sonte të merr minutat e tij, pasiqë ndeshja e sotme kërkon kreativitet dhe ritëm në sulm, dhe 26 vjecari pritet të jetë lojtari që mund të bëjë diferencën për ‘Zonjën e vjetër’ në përpjekje për të marrë tri pikët ndaj Lazios.

Andaj, kjo ndeshje pritet të jetë e ngjeshur dhe e tensionuar, me të dyja skuadrat që kërkojnë të kthehen në rrugën e fitores.

Për momentin, Juventusi renditet në vendin e 7-të në tabelë, me 12 pikë. Ndërsa Lazio mban vendin e 12-të, me vetëm 8 pikë. /ATVLIVE.TV

Alex Marquez me Ducati Gresini është shpallur fitues i garës së Çmimit të Madh të Malajzisë në MotoGP. Piloti spanjoll zhvilloi një garë të fortë, duke qëndruar i shkëputur nga rivalët dhe duke konsoliduar vendin e dytë në renditjen e pilotëve.

Në podium u ngjitën edhe spanjollët Pedro Acosta (i dyti me KTM) dhe Joan Mir (i treti me Honda), duke konfirmuar dominimin e pilotëve iberikë në këtë garë.

Garë e vështirë ishte për italianin Francesco Bagnaia me Ducati, i cili u detyrua të tërhiqej pas dëmtimit të gomës. Ndërkohë, kampioni i botës Marc Marquez mungoi për shkak të operacionit, duke mbyllur sezonin përpara kohe.

Me kampionët për pilotë dhe konstruktorë tashmë të përcaktuar, garat e mbetura shërbejnë për të mbyllur sezonin me emocion dhe rivalitet për pozitat finale. /ATVLIVE.TV

Janë zhvilluar ndeshje mjaft interesante në ligën më të fortë të basketbollit në botë NBA.

Kampioni në fuqi Oklahoma City Thunder ka arritur edhe fitoren e rradhës në NBA,duke mposhtur Atlanta Hawks me rezultat 117:100.

Më i miri në parket ishte Chet Holgreen me 31 pikë e 12 kërciume,teksa Shai Gilgeous-Alexander, shkëlqeu sërish me 30 pikë.

Ndërkohë tek Hawks më i miri ishte Nickeil Alexander-Walker,i cili arriti të realizoi 17 pikë.

Befasia e mbrëmjes ishte Chicago Bulls,ku arriti të fitoj në udhëtim ndaj Orlando Magic me rezultat 110:98.

Australiani Josh Giddey ishte më i miri në fitoren e demave ku realizoi 21 pikë,kurse për Orlando Magic basketbollisti më i mirë ishte Paolo Banchero me 24 pikë dhe 10 kërcime por të pamjaftueshme për ta shmangur humbjen.

Sot nga ora 16:15, sytë e botës së futbollit do të jenë të fokusuar në ‘Santiago Bernabeu’, ku Real Madrid përballet me Barcelonën në El Clasico, një përballje që tejkalon çdo ndeshje tjetër në Evropë.

Reali shkon në këtë duel me një grup të plotë lojtarësh dhe atmosferë më të qetë, ndërsa Barcelona vjen me mungesa të rëndësishme si Lewandowski, Gavi, Dani Olmo dhe portierët Ter Stegen dhe Joan Garcia, për shkak të lëndimeve dhe përjashtimeve.

Kjo, El Clasico, vjen pas humbjeve të mëdha të të dy skuadrave këtë sezon: Reali u mund 5:2 nga Atletico, ndërsa Barcelona humbi 4:1 ndaj Sevillas.

Madrilenët kërkojnë hakmarrje pas sezonit të kaluar, kur katalanasit regjistruan katër fitore ndaj tyre, përfshirë 0:4 në Bernabeu dhe 5:0 në finalen e Kupës së Mbretit.

Historikisht, Reali ka një avantazh minimal me 105 fitore kundrejt 104 të Barcelonës dhe sfida e sotme mund ta rrisë ose barazojë këtë diferencë. /ATVLIVE.TV

Liverpooli po përballet me një periudhë të vështirë këtë sezon në Premierligë, duke regjistruar humbje të njëpasnjëshme ndaj Crystal Palace, Chelsea, Manchester United dhe së fundmi ndaj Brentfordit. Këto rezultate kanë shkaktuar frustrim te tifozët për shkak të taktikes së trajnerit Arne Slot.

Holandezi vetë e ka cilësuar humbjen ndaj Brentfordit si momentin më të keq të tij që nga marrja e drejtimit të Liverpoolit:

“Po, mendoj se është në nivelin më të lartë, po. Gjatë kohës sime këtu. Për sa i përket humbjes së një ndeshjeje… Normalisht kur jemi 1-0 ose 2-0 poshtë, meqë ra fjala, pasi ishim 1-0 poshtë, ai ishte i vetmi moment që më pëlqeu vërtet.”

Aktualisht, The Reds renditen në vendin e 6-të në Premierligë me 15 pikë, 4 pikë larg vendit të parë të cilin e mban Arsenali me një ndeshje më pak./ATVLIVE.TV