ATV

Blog

  • Rrëzohet kërkesa për shkarkimin e kryetarit të Kuvendit Niko Peleshi

    Rrëzohet kërkesa për shkarkimin e kryetarit të Kuvendit Niko Peleshi

    Partia Socialiste ka rrëzuar me 79 vota kërkesën e Partisë Demokratike për shkarkimin e kryetarit të Kuvendit, Niko Peleshi.

    Në seancën e mbajtur këtë të enjte, Peleshi ka marrë vetëm 10 vota për shkarkimin e tij, ndërkohë që deputetët e opozitës që ndodheshin në Kuvend, duket se kanë zgjedhur që të mos votojnë duke kundërshtuar kalimin në votim për shkarkimin e tij, dhe duke kërkuar që të hidheshin në votim dy raportet.

    “Pas raporteve votohej mosbesimi ndaj kryetarit, ajo bëri një votim kot fare sipas qejfit”, tha Berisha jashtë Kuvendit pas mbyllës së pjesë së parë të seancës.

  • Largoni aromën e keqe në frigorifer duke spërkatur këtë përbërës të ëmbëlsirave

    Largoni aromën e keqe në frigorifer duke spërkatur këtë përbërës të ëmbëlsirave

    Aromat e këqija mund të jenë shumë të pakëndshme, sidomos kur vijnë nga frigoriferi, sepse mund të ndikojnë edhe në shijen e ushqimit.

    Shpesh pajisjet si frigoriferi harrohen gjatë pastrimit, por higjiena është shumë e rëndësishme për ta mbajtur ushqimin të freskët.

    Një pastruese profesionale nga Zapatas Cleaning Services, Kellsie, ka ndarë disa mënyra të thjeshta për të larguar aromat e këqija nga shtëpia — dhe njëra prej tyre përdor një përbërës që gjendet në çdo kuzhinë.

    Ajo tha: “Si pastruese profesioniste, këto janë katër truket që i përdor gjithmonë për aromat e këqija në shtëpi. Janë shumë më efektive se qirinjtë apo spërkatësit dhe mund t’i provoni menjëherë”.

    Hapat për të pastruar frigoriferin

    Frigoriferi mund të ndotet lehtësisht nga mbetjet e ushqimit apo derdhjet. Nëse nuk pastrohet mirë, mbeten aroma të këqija.

    Nëse heqja e ushqimeve të prishura nuk e zgjidh problemin, duhet bërë një pastrim i thellë:

    -Nxirrni të gjitha raftet dhe sirtarët,

    -Lajini dhe fshijini mirë.

    Sekreti i Kellsie për të hequr aromën e keqe është ekstrakti i vaniljes.

    Përgatitni një përzierje me:

    -2 lugë gjelle vanilje;

    -Gjysmë gotë ujë;

    -Dhe vendoseni në një shishe spërkatëse.

    Spërkatni sipërfaqet e frigoriferit dhe fshijini me letër kuzhine ose leckë mikrofibre – mos e shpëlani.

    Kellsie shpjegon: “Vanilja vazhdon të neutralizojë aromat edhe pas pastrimit, duke e lënë frigoriferin me erë të freskët”.

    Prodhuesit e vaniljes Nielsen-Massey këshillojnë ta përdorni me kujdes, sepse ekstraktet janë menduar për gatim. Për aromë më të fortë, mund të hidhni disa pika direkt në sfungjer.

    Alternativa natyrale për pastrimin e frigoriferit

    Nëse nuk dëshironi të përdorni produkte kimike, ekspertët e Delish sugjerojnë limon, sodë buke dhe kripë.

    Ata shpjegojnë:

    “Hapni një kuti sode buke dhe vendoseni në frigorifer. Nëse nuk thith aromat, prisni një limon, spërkateni me sodë buke dhe kripë, dhe vendoseni në një pjatë brenda frigoriferit. Kjo zakonisht funksionon”.

    Pse funksionon kjo metodë

    Soda e bukës neutralizon aromat e këqija sepse është bazike (alkaline) dhe reagon me aromat acide, duke i zhdukur ato.

    Limoni ndihmon në heqjen e baktereve dhe yndyrës, falë acidit citrik. Ai është natyral, antibakterial dhe ndihmon edhe për zbardhje e pastrim.

    Këto përbërës janë mënyra të thjeshta, ekonomike dhe miqësore me mjedisin për ta mbajtur frigoriferin të pastër dhe me erë të freskët.

  • Man.City ofron 120 Milionë euro për Joao Neves

    Man.City ofron 120 Milionë euro për Joao Neves

    Klubi anglez Manchester City po synon të përforcojë mesfushën për sezonin e ri.

    Drejtuesit e “Citizens”po synojnë të transferojnë yllin e PSG-së Joao Neves,dhe janë të gatshëm që të ofrojnë rreth 120 milionë euro për portugezin.

    Përndryshe trajneri Pep Guardiola e konsideron si njeri i cili mund të jetë zëvendësues i Rodrit,dhe spanjolli kohëve të fundit po përjeton rënie të formës në ndeshjet e fundit.

    Megjithatë PSG nuk e ka ndërmend që ta lë të lirë Neves,dhe do të tentoj që ta blindoj 21 vjeçarin edhe në sezonet e ardhshme.

    Kujtojmë që Joao Neves në 5 ndeshje ka shënuar 3 gola për PSG-në,ndërkohë që sezonin e kaluar ishte ndër lojtarët kryesorë në sezonin historik të gjigantit francez.

  • Rama: Kosova është një shtet në të drejtën e vet, por jo për Serbinë, ky është problem

    Rama: Kosova është një shtet në të drejtën e vet, por jo për Serbinë, ky është problem

    Kryeministri i Shqipërisë, Edi Rama, u shpreh qartë në Forumin e Paqes në Paris se Kosova është një shtet në të drejtën e vet, duke theksuar rëndësinë e bashkëpunimit rajonal në Ballkanin Perëndimor.

    Rama nënvizoi se është thelbësore që të gjithë të punojnë për të siguruar lirinë e lëvizjes për qytetarët.

    “Ne besojmë fuqishëm se paqja është më e vlefshme se gjithçka tjetër. Sa më i lumtur të jetë komshiu, aq më i lumtur është edhe shtëpia jonë. Pra, nuk duhet të mendojmë vetëm për veten, por edhe për fqinjin. Duhet të gëzojmë jetën tonë, por edhe të sigurohemi që fqinji të mos vdesë urie”, tha Rama.

    Ai gjithashtu foli për marrëdhëniet me Serbinë: “Me Serbinë kemi një problem të madh që është Kosova. Për ne, Kosova është një shtet, po ashtu për shumicën e vendeve të BE-së, por jo për Serbinë. Ky është një problem i madh, dhe mund të zgjidhej ose me tensione që do të dëmtonin ekonominë dhe të ardhmen tonë, ose duke punuar që qytetarët tanë të kenë lirinë e lëvizjes, kjo është rruga që ne zgjedhim”, shtoi ai.

    Rama vuri në pah se bashkëpunimi rajonal mbetet rruga e vetme për vendet që synojnë anëtarësimin në BE. Ai paralajmëroi për sfidat që sjell “ballkanizimi i Europës”, por theksoi se vendet e rajonit duhet të komunikojnë dhe bashkëpunojnë, duke përmbyllur me një mesazh shpresëdhënës.

    “Në fund të fundit, kur bota të shpërthejë, Shqipëria nuk do të ketë faj. Kur të shkojmë tek Shën Pjetri, do të na jepet vendi ynë në parajsë”, përfundoi Rama.

  • Luani ‘me kaçurrela’ pushton rrjetet sociale

    Luani ‘me kaçurrela’ pushton rrjetet sociale

    Pamje të mrekullueshme të jetës së egër shpesh arrijnë në publik falë fotografëve të jetës së egër, të cilët kapin momente të rralla dhe të bukura.

    Një imazh i tillë i kohëve të fundit ka pushtuar internetin, një pamje mahnitëse nga afër e një luani “me kaçurrela”, një pamje që shihet rrallë në natyrë.

    Fotografia është bërë nga Kambiz Cameo Pourghanad, pilot dhe fotograf i jetës së egër.

    Mbishkrimi vlerëson bukurinë dalluese të luanit: “Mbajini mend fjalët e mia, Nzuri aktualisht është dhe do të jetë një nga luanët më të bukur.” /Telegrafi/

  • SHBA i hoqi sanksionet e vendosura, Dodik falënderon presidentin Trump

    SHBA i hoqi sanksionet e vendosura, Dodik falënderon presidentin Trump

    Milorad Dodik ka reaguar pas vendimit të SHBA-së për heqjen e sanksioneve ndaj tij, familjes dhe bashkëpunëtorëve të tij.

    Ai shprehu mirënjohjen e tij ndaj ish-presidentit Donald Trump, duke e cilësuar vendimin si një “korrigjim të padrejtësisë” që, sipas tij, administratat e mëparshme amerikane kishin bërë ndaj Republikës Srpska dhe përfaqësuesve të saj.

    “Jam mirënjohës ndaj Presidentit Trump dhe bashkëpunëtorëve të tij për korrigjimin e padrejtësisë së madhe që iu bë Republikës Srpska, përfaqësuesve të saj dhe familjeve të tyre, një padrejtësi e krijuar nga administratat e Obamës dhe Biden. Ky vendim nuk është vetëm një rehabilitim ligjor, por edhe moral për Republikën Srpska dhe të gjithë ata që i shërbejnë me nder asaj. Është treguar se gjithçka që u tha kundër nesh ishte gënjeshtër dhe propagandë, mbi të cilën u ndërtua rrëmuja e madhe e krijuar nga Christian Schmidt, një rrëmujë që tani ai duhet ta pastrojë”, shkroi Dodik në platformën X.

    Ky reagim i tij vjen në një moment kyç, duke theksuar tensionet politike dhe ndikimin e vendimeve ndërkombëtare mbi figurat e larta politike në rajon.

  • Këto janë përfitimet shëndetësore të gështenjave

    Këto janë përfitimet shëndetësore të gështenjave

    Gështenjat janë ushqim ideal gjatë kësaj periudhe dhe përveç se janë shumë të shijshme ato janë edhe shumë të shëndetshme.

    Ato janë të pasura me vitaminë C — gjysmë filxhani gështenja të freskëta sigurojnë rreth 35–45% të nevojës ditore për këtë vitaminë.

    Kur i zieni ose i piqni, ato humbasin pak vitaminë C, por prapë mbeten të dobishme. Për të ruajtur më shumë vitaminë C, është më mirë t’i piqni në temperatura të ulëta.

    Edhe pas gatimit, gështenjat kanë shumë antioksidantë (si acidi galik dhe acidi elagjik), të cilët madje rriten gjatë pjekjes.

    -Të mirat e gështenjave

    Mbrojnë shëndetin e zemrës

    Antioksidantët dhe mineralet si magnezi dhe kaliumi ndihmojnë në uljen e rrezikut për sëmundje të zemrës ose goditje në tru. Gështenjat janë një burim i mirë i këtyre lëndëve ushqyese dhe mund të ndihmojnë në përmirësimin e shëndetit të zemrës.

    Përmirësojnë tretjen

    Gështenjat ndihmojnë edhe në tretje. Ato kanë shumë fibër, e cila ndihmon që zorra të funksionojë mirë dhe ndihmon në rritjen e baktereve të dobishme në zorrë.

    Përveç kësaj, gështenjat nuk përmbajnë gluten, prandaj janë një zgjedhje e shëndetshme për njerëzit që kanë sëmundjen celiake.

    Ndihmojnë në kontrollin e sheqerit në gjak

    Fibra që ndodhet te gështenjat ndihmon në mbajtjen e niveleve të sheqerit në gjak në ekuilibër. Ushqimet me shumë fibër bëjnë që trupi ta përthithë niseshtenë ngadalë, duke shmangur rritjet e menjëhershme të sheqerit, gjë që është e rrezikshme për njerëzit me diabet.

    Gështenjat kanë gjithashtu një indeks glicemik të ulët, rreth 54, që do të thotë se nuk shkaktojnë ndryshime të mëdha në nivelin e sheqerit kur hahen.

  • Kino Armata rikthen në kujtesë kryeveprën e Saimir Kumbaros ‘Vdekja e Kalit’”

    Kino Armata rikthen në kujtesë kryeveprën e Saimir Kumbaros ‘Vdekja e Kalit’”

    Në kuadër të ciklit kulturor “Netët e Filmit Shqiptar”, dje nga ora 20:00 në Kino Armata në Prishtinë u shfaq filmi i njohur “Vdekja e Kalit” me regji nga Saimir Kumbaro. Ky film i vitit 1992 konsiderohet si një nga momentet kulmore të kinemasë shqiptare, që përshkruan me guxim dhe realitet shoqërinë gjatë përmbysjes së diktaturës.

    Cikli “Netët e Filmit Shqiptar”, i organizuar nga Ambasada e Republikës së Shqipërisë në Kosovë, në bashkëpunim me Arkivi Qendror Shtetëror i Filmit dhe Kino Armata, ka për qëllim të rikthejë në fokus vepra të autorëve të mëdhenj të kinematografisë shqiptare për publikun e ri në Kosovë. Shfaqjet do të vazhdojnë deri në nëntor 2025.

    Nëse ju munguat dje, mbani mend se jo çdo ditë keni rastin të shikoni përkrahje historike të skenës së filmit shqiptar në ekranin e një kinemaje në Prishtinë.

  • “Shamia nuk është uniformë”, Maliqi kundër MAShTI-t pas vendimit të Gjykatës Supreme

    “Shamia nuk është uniformë”, Maliqi kundër MAShTI-t pas vendimit të Gjykatës Supreme

    Pas vendimit të Gjykatës Supreme të Kosovës, e cila konfirmoi kompetencën e Ministrisë së Arsimit, Shkencës, Teknologjisë dhe Inovacionit (MAShTI) për të përcaktuar rregullat mbi uniformën shkollore, ka reaguar Imami i Prishtinës, Labinot Maliqi.

    Maliqi ka vënë në pah se, edhe pse vendimi është formalisht i vlefshëm, ai ngre shqetësime të mëdha në lidhje me të drejtat themelore të njeriut dhe parimin e barazisë.

    “Ministria e Arsimit ka autoritet ligjor për të vendosur uniformën, por nuk ka të drejtë të kufizojë bindjet fetare të nxënësve. Shamia me fytyrë të dukshme nuk është pjesë e uniformës shkollore, dhe as nuk e zëvendëson atë, por përbën një shprehje të lirë të besimit individual,” ka theksuar Maliqi.

    Ai ka shtuar se nxënëset që mbajnë shami gjithmonë kanë respektuar uniformën dhe rregullat e shkollës, dhe se ndalimi i saj është shndërruar në një mjet përjashtimi dhe diskriminimi ndaj vajzave besimtare.

    Sipas Maliqit, Udhëzimi Administrativ Nr. 06/2014 ka krijuar konfuzion dhe hapur rrugë për interpretime arbitrare, pasi nuk e përkufizon qartë termin “uniformë fetare”.

    “Brenda fesë islame, shamia nuk është uniformë apo simbol, por normë fetare. Zbatimi selektiv i këtij udhëzimi ka prodhuar diskriminim, stigmatizim dhe përjashtim të vajzave me mbulesë,” ka shkruar Maliqi.

  • Lajm i papritur, Ledina Çelo largohet nga “Albanian’s Got Talent”

    Lajm i papritur, Ledina Çelo largohet nga “Albanian’s Got Talent”

    Një lajm i papritur ka befasuar publikun dhe fansat e këngëtares së njohur Ledina Çelo. Artistja ka njoftuar përmes rrjeteve sociale se është tërhequr nga juria e spektaklit “Albanian’s Got Talent”, ku kishte spikatur me prezencën dhe elegancën e saj.

    Në postimin e saj, Ledina shkruan: Me keqardhje, për arsye personale jam tërhequr nga juria e ‘Albanian’s Got Talent’. Ruaj kujtimet më të bukura me publikun, stafin dhe kolegët e mi.

    Ky vendim ka shkaktuar reagime të shumta në rrjet, ku ndjekësit kanë shprehur keqardhje për largimin e saj, duke e cilësuar si një nga figurat më profesionale të jurisë.
    Ndërkohë, produksioni i “Albanian’s Got Talent” ka konfirmuar se spektakli do të vazhdojë transmetimin normalisht, por ende nuk është zbuluar emri i personit që do ta zëvendësojë Çelon në panelin e jurisë.

    Publiku mbetet kurioz për të parë se kush do të marrë vendin e artistes së dashur në këtë format të ndjekur televiziv.

     

    View this post on Instagram

     

    A post shared by LEDINA CELO (@ledinacelo)